قصائد سمو الشيخ حمدان بن محمد - فزاع - - الصفحة 30

ميسون محـمود · 06-27-2009, 01:04 AM

قصيده ثلاث مرات

ثلاث مرات وانت تدور فراقي

وثلاث مرات وانا اقول لا ترحل

الظاهر ان الغلا ما عاد له باقي

بينى وبينك اشوف الوضع مستفحل

عشرة زمن تجبر المشتاق يشتاقي

سحرتها بالهجر والوصل ما يسحر

عليك صابر وهذي قيمة اخلاقي
لان ارض الوفا دون الوفا تضحل

لانك الغالي اللي حرك اشواقي
بمكحلات العيون اللي بلا مكحل

بالرقه انت الارق وذوقك الراقي
وبين الخصور النواحل خصرك الانحل

وقلوب عشاقك اللي كثر عشاقي
عيونهم نحل لان شفاتك المنحل

اصعب سؤال بحياتي يا العاشق الشاقي
اللي طرحته عليك وما لقيت الحل

وشلون ترحل وحبك وسط الاعماقي
وانا نويت الرحيل وما قدرت ارح

.

ميسون محـمود · 07-22-2009, 07:32 PM

كحل الظلام

جيت أسأل الليل لما طول غيابك ............ وهلت دموع السحاب وبلت احداقي
وأخذت كحل الظلام وجيت لأهدابك ............ أشوف من حنة أغصانك على أوراقي
مليت وانا انتظر طاريك وعتابك ............ حتى غلا شارع الاشواق بأعماقي
يقول .. كل الجفا هذا من أسبابك ............ ما يدري أني ابري من طعم خفاقي
ما يدري انك قفلت من الزعل بابك ............ ورقصت نار الغلا نوتة احراقي
وعزمت حزن القصيد ونام بكتابك ............ وأخذت للبرد مني بشت مشراقي
والخيمة اللي بنت لي من على هضابك ............ عرضتها للهبوب .. ومزع أوراقي
وعقدت لي حجابك وكشرت لي نابك ............ وجردتني من غلاك وضاقت أخلاقي
جيت أتشفع بمعسولك وعتابك ............ وبغصنك اللي تكرت القلب له ساقي
يكفي ترى ما تحمل طولة غيابك ............ يكفي زعل كان لك في خافقي باقي

.

ميسون محـمود · 07-29-2009, 12:32 AM

عند ولادة الشيخة شما ,,

شمــــــــــــا

الله الله على شما
مكبـــــــر فرحتى
لـــمّـــا لفانى خبرها
شمــا سليله عزّ وهيبه

وأبو سلطان اللى سمّا

لو صورة تكفينى
تطفى الشوق اللى فينى
حرام إنى انا بغربه
ودارى احتفلت بشما

.

سارا بنت يوسف · 08-16-2009, 03:54 PM

قصيدة فزاع في ( أوزان )

ياقريحت شاعري هيا اكتبي= منذ آنن مافهمت ماذا اقول
بكرتك يا صاحبي راحت دبي =اشتراها واحدن ماله حلول
ياخذ الأشواط من يومه صبي= كل يوم وكل عام وكل حول
الظبي عند الظبا ما هي ظبي= وقتنا متغير بأربع فصول
فصل كأس وفصل سيفن اذهبي= وسيف ثاني وكأس ثاني بالأصول
واستمر الشوط على مطلبي= قامت من الشوط في لنجات فوول
ان نسيت اوزان صدق انك غبي= وكيف تنساها وهي اسبق ذلول
وصفها كل ما مدحته قال ابي= وكل ماتكبر والغارب يطول
كن لون اطرافها شمع الدبي= كل ما طال المدى زادت صمول
دمها من الهجن مخلوط بظبي= وشوي زادت دمها دم الخيول
فرخ شيهانن على الموكر ربي= ماهو مثل الوحش لي عينه تجول
صاحبي يا صاحبي ياصاحبي =جيتني وانته عجولن ياعجول
استهد بالله لين تعرف مطلبي= يا لين يصبح خاطرك ماله ميول

سارا بنت يوسف · 09-03-2009, 11:09 PM

شعب الامارات

مداخيل الشعر وايد وأنا شاعر ولي مدخال** ولكن المخارج ماهي تشابه مداخلها
أنا بين المخارج والمداخل يوم طاب الفال **جبرت أخر البيوت المفرقات ينافس أولها
سبحت من الشعر بحر وملكت من البيوت جزال**وهي ما هي بمهنه لكن أفكاري تداولها
من أغلى الأمنيات إلي من القلب وتمر البال **صنعت أغلى البيوت إلي تبيض وجه قايلها
أغذيها بأحاسيسين لها بخافقي مذهال** لها كفي مطيعة يوم تكتبها اناملها
لو ان أفكار شعري خيل ما تلقالها خيال**سو فكري تحلق في الفضاء يوم أتخيلها
على الدولة وريسها خليفة قايد الأبطال**حمايل السحاب إلي غصون الأرض بللها
أبارك له في شهر نزل القران فيه إنزال** يضم من الليالي ليلة القدر وفضايلها
ارددها على الأطلال وتردد معي الأطلال**يلين ما اسمع صداها والمخاليق تناقلها
لو أن دلت هال الأمجاد ما معها سو فنيال **ترى الفنيال في راحة يمينه يا مهيلها
في كل البلاد له كلمة ولا من قال قال وطال**يطول جبال الأرض وكف أبو سلطان أطولها
مع شعب العروبة موقفه تفخر به الأجيال**ولا من مالت أحوال العرب وقف وعدلها
لـ بو راشد من المجد تليق العز والإجلال**ومن الألقاب اشرف ما حوت الألقاب وأنبلها
صلاح الدين فخرٍ للعروبة يا أهل الأمثال**وبو راشد صلاح الدين لأهل الأرض بأكملها
وبو خالد صنع دولة بهمته وتحته رجال**إلا قالت تبرهن قولها صادق فعايلها
سلايلها المكارم والفخر لا من ذكره اغتال**وعريـبـيـن الاسلايل تفتخر فيها سلايلها
لو إن للطيب رجل يمثله بو خالد الريال**يمثله وشيوخ الدار لو وقف يمثلها
وجبال الأرض لونقدر نسوي منها تمثال**لـ بو خالد نحتناها من أخرها لأولها
على الهامات على حد السحب تغتال**وصعيبات المشاكل كل ما جاته يدللها
وعسى شعب الإمارات العزيزة دوم بأحسن حال**عسى دعواتهم بشهر الخير يقبلها

عبدالوهاب · 02-24-2010, 10:37 AM

"ديوان العرب"

الشعر ديوان ماضي عربنا والأداه

ألتي كانت توضح لنا عاداتها

دايمٍ من يكتبه إيتمنّى من قراه

التبحّر في القصيدة عبر كلماتها

بس انا ما قلته اطمع لشهره من وراه

قلته أداوي جروح البشر واهاتها

كيف يطمح فيه واحد ذِكِر جَدّه واباه

إصنعت مكانته من عظم وقفاتها

ليس مثلي من قصيدة ترفع مستواه

لو من اللولو والمرجان صغت أبياتها

كم صغير(ن) في العمر وصل للعالم نباه

وصادم بهامته ناس لها هاماتها

بالمكارم تسمع اسمه من أفواه الرواه

وغيره اسمه حسب دخل عقاراتها

لو عمينا العين و اشلون نكتم كل فاه

والعرب أكثر ما فيها عدد رواتها

والصديق اللي يتضايق من صديقه شو بلاه

غرته دنياه يوم كثرت لذاتها

الصديق من الصديق يتحمله خطاه

والأصدقاء مع بعضها حسب نياتها

وابن آدم كل واحد حسب ما الله عطاه

سيئآت الناس ماهي مثل حسناتها

والدول مع بعضها لو يصير اشتباه

بتقدم مصلحتها على أزماتها

كم نصحته والنصيحة من المسلم لأخآه

وقلت له يا خلها معك وإلا هاتها

وأنت بعت الود والود ومن باعه شرآه

وأعرف مشاعر الناس من نظراتها

السؤال اللي يراودني على كل اتجاه

عند مثلك سلعة الطيب كم دفعاتها

لا تحسب ان كل جافي بكت عيني جفاه

لي مقاماتي وللناس مقاماتها

شخص لا من غاب بعده يشتت الإنتباه

وشخص لا من غاب بنفسك تحس بذاتها

ناس نبكيها لو أنها على قيد الحياة

وناس ما يأثر علينا خبر وفاتها

أدوات الموضوع
مشاهدة صفحة طباعة الموضوع أرسل هذا الموضوع إلى صديق