الحب ذل الوصل عار لا صار تاليها هوان = ياللي تقول أخبارك أخباري بدون مجاملة

زعلان منك اي نعم زعلان من شهر رمضان = ما تشوف جرحي لي ثمان شهور وانا حامله

رغم قساوة جرحك بقلبي لكن قلبي ما خان = يصحى الى منه صحى وان نام جرك نام له

فتنتني لين اكتشفت ان اكثر الحب افتتان = واتعبت من مسك القلم كف تجيد انامله

صياغة التعبير في جملة يخلدها الزمان = تصويرها يثبت بان الناس ماهي بكامله

خلاص بطلنا غلا احسن لنا نبقى اخوان = ويعاملك قلبي طبيعي مثل ما انت تعامله

صديت منك مثل ما صد الشجاع من الجبان = واحرمت من وصلك أحاسيس الخفوق الشامله

لا صرت دون احساس ما تقدر تقدم لي حنان = لان القلوب بحسها وبعطفها متكاملة

انت على طيارة الهجران حاجز لك مكان = وانا ف مطار مواصلك ناطرك ساعه كامله