حصريا تغطية لجميع الغاز الشيخ محمد بن راشد ال مكتوم - الصفحة 2

كوثر بنت احمد · 06-28-2009, 02:16 PM

شرح قصة الاسئلة

واروي لك القصه رتيبي عن خال في خدِ إليه اجتذابي
رمانيه به م القدر ما يذيبي قلبي ولا وقف القدر عند بابي
في يوم م الأيام مرّن عصيبي في ليلةِ مرّت بدهرِ مضي بي
وهاضت شجوني بالبديع الغريبي وبحور شعرِ زاخره كالعبابي
واحلمت أني نلت غاية نصيبي وأني تهنيت بلذيذالرضابي
وان كان ما يوفي حقوقي طليبي باخذ حقوقي منه يوم المآبي
وقرب لذيذ النوم طيف عزيبي والنوم سلطان مطاعٍ مجابي
ونادى غراب البين صايح نعيبي ينذر بفرقا من جماله غدا بي
ما همّني العاذل سعى يا الحبيبي لوكان من ناسِ كرام وصحابي
وكان العجب انّه أصيل ويعيبي كيف الأصيل وساعي بالخرابي
يا ليت يدري كمّ دمِ سكيبي يجري رخيص لجل سود الهدابي
والدم يحقن جامد بالحريبي والنّار تطفي النّار ذا غير غابي
والخوف يا كّمّ رَدّ شي سليبي ويا كم منع من غارةِ واغتصابي
سجّيت بافكاري وطرفي نديبي أحصي نجوم اللّيل واشكي عذابي
وارعى السمّا في خلقها لي عجيبي ونوّخت ما بين الكواكب ركابي
من حَبّه لقبّه هوىَ يلتوي بي وهذي هي القصّه سؤال وجوابي

شرح حلّ اللغز

اللغز عن دارِأبد ما تغيبي حسن تبارك مثل حسن الكعابي
أعني السّما وحطّيت نجم رقيبي دليل والثاني لها قدر نابي
فيها الكواكب نورها واللهيبي تسفر دجاها وكم رمت بالشهابي
والنيل معنايه بلون الخضيبي أزرق وماها من هتون السحابي
بالهول منها والمخيف المريبي الاهوال من عاصفْ وقاصفْ مهابي
مبنايةِ بايدي السميع المجيبي لي عزّ ملكه ظاهرِ غير غابي
سبع شدادْ وفيهن العلم غيبي محجوب في علمه وهن م الحجابي
ويا الشعر مبعوث شكري نديبي إلكم على مجهود ردّ الجوابي

كوثر بنت احمد · 06-28-2009, 02:24 PM

اللغز الرابع

اللغز+الحل في الرابط
http://www.elloghz.ae/uploads/programs/Large_5117.pdf

فرقي شمل اشتياقي يافتاتي وبالوصال وطيفك الغالي اجمعيني
وامسحي المكتوب بسطور ادمعاتي وبمداد الكحل في العين اكتبيني
يا حياتي لي بها تحلا حياتي يا أمل أرجوه في تالي سنيني
من يلم الريح في حضني و ياتي بالليالي البيض تشرد من يديني
ضيعت حلم السنين الماضياتي ظبية كانت بلا موعد تجيني
واستبد الشوق بي والشوق عاتي حابسني م الشمال وم اليميني
والأمر في الحب كله معضلاتي ما يفيد الراي فيه ولا يعيني
كيف من هجرك أسوي يا غناتي وأنت بوصلك تراك اتعذبيني
غارق وانت بيدك حبل النجاتي من لجوج الشوق ليتك تخرجيني
وش يفيد الحزن كان الشي فاتي ما يرد اللي مضى الدمع السخيني
يا سيوف الحسن في عيون المهاتي مثل ما خذتي من احسانك عطيني
وانقضي وجد العيون الساهراتي وقسمي كثر الوله بينه وبيني
وارحمي حال الغصون الذابلاتي لا يموت الحب بين العاشقيني
واخزني زود الغلا الذكرياتي في عيونه لجل لعيوني يبيني
نحت من حبه بروس النايفاتي والصدى رده على صوتي حزيني
من كثر شوقي تخالي به شفاتي أذكره وانسى وجود الحاضريني
يا ترى بيعود لي في المقبلاتي الصفا عقب الجفا للراحتيني
ونتي حسره وحسراتي فواتي وكلمتي عبره بصدر المستهيني
استبدت بي الجروح الداميات يامها من عوق جرحك عالجيني
لا تخليني بناري واحسراتي الحسن والعطف لك والحب فيني
سهمك أقوى من سهم رمح الزناتي لا تشيع ولا لمن صابه معيني
الهوى والشوق فيه المعجزاتي من ظبي جافل بكى ليث العريني!
هو يحاسبني كأني م الجناتي وهوه لي جاني وجاني يبتليني!
صاح بي من صايح الدهر المواتي هاتف لي يسمعه يمسي حزيني
قال لي : لا تامن الأيام تاتي لك بأهوال تشيب المرضعيني
والليالي بالعجايب حاملاتي كم رمت باهوالها فيالغافليني
يا صديق خل بي في النايباتي وكان ظني به على دهري معيني
ليت أني ما عرفتك في حياتي أو تفارقنا قبل غدرك يبيني
خذ من علومي تجاريب وعظاتي لانني ذقت الدهر عسر وليني
وكم جرى صرف الدهر بالطيباتي واختلف مجراه في ساعه وحيني
واختبرت الناس خلان وعداتي ودلني ع المعرفة عقل ذهيني
والعرب مثل المعادن في الصفاتي شي مغشوش وشي معدن ثميني
وصغت لك معنى أمور امبيناتي صبح نوره واضح للفاهميني

كوثر بنت احمد · 06-28-2009, 02:29 PM

الأسئلة الاختيارية ويمكن الإجابة عن أربعة منها أو أكثر

شفت ذيب راعي بعض أغنماتي أمّنوهن عنده وكان الأميني
وشفت لي وجهين لها وما تحاتي و ما ينقّص قدرها القول المشيني
وكان لي خل ودود من عداتي كيف يتميز وما بين الثنيني
وعن دموع دون عين جارياتي م التي تبكي ولكن دون عيني
وشفت ميزان ولا عنده ثباتي والعرب به تستدل وتستعيني
وشفت لي ساجد ولاهو في الصلاتي جاري دمعه ولا أظنّه حزيني
وحرت في واحد كم له من صفاتي هو يعين وهو يشين و هو يزيني
وشفت سفن دون بحر جارياتي في الفضا وايشلّن أحمال السفيني

أسئلة الأخوة وكلها إلزامية

عن أخو يحضن أخوه إذا يباتي أخوة طول العمر متوالفيني
ولو سعى ما بينهم ساعي بشتاتي رغم سعي بينهم متلازميني
وعن أخو إن حس إن أخوه ياتي يشردْ منْه وبينهم حبْل متيني
وعن أخو له واحد بنفس السماتي في الملامح كلهم متشابهيني
ما يشوف بعين وحده في ثباتي وله يد لكن مب مثل اليديني
وعن اختين بيوتهن متجاوراتي ولا تزاور بينهن طول السنيني

اللغز

عدت للمبدا وغصت بلا حصاتي وم هيرات الغزر كم أملا دييني
ودار ذكرك لي ويا طول احسراتي ودمعتي تنبيك عن شوق دفيني
صادني باللحظ ريم في الفلاتي وصاد ألف بنظرته من بعد عيني
يادواً يشفي شبيه بالبناتي كالبشر مخلوق من ماي وطيني
لك قدر عندي وقول العاذلاتي اسمعه في عذلها مثل الطنيني
يا اشعرانا الفاهمة واهل الثقاتي حلوا الغازي بنظم العارفيني

كوثر بنت احمد · 06-28-2009, 02:33 PM

قصيدة الردّ

مرحبا حي البيوت المطرباتي من هل الأشعار والعلم الفطيني
كرّمونا بالردود الوارداتي مثلما ورد النّفل والياسميني
وافيات كافيات واصلاتي منتهى المطلوب في معنى رصيني
ذكرنّي بلفظ معسول الشّفاتي لى رمتني من سهام النّاظريني
فاتنه تأسرك من كل الجهاتي إن نظرت من الشمال وم اليميني
مالكه روحي و قول العاذلاتي زادها عندي غلا يا عاذليني
داوي بوصلك جروح وأمنياتي واوعديني لو على وهم اوعديني
واحفظي عنّي عهود صادقاتي ماأبدّلهن على على شده وليني
عهد من قلب برته النايباتي حادثات الدهر والخل الضنيني
مارعى ودّي وماضي ذكرياتي باعني يوم حسبته يشتريني
وخيّب ظنوني وشمت بي عداتي وافرح الحسّاد بي واللاّيميني
واختلف عنّي بلا زلّه وفاتي وقته .. وزلّت سنين العاشقيني
مثل أحلام المنام الكاذباتي أو سوالف من زمان الأوّليني
وهم عشته احضن طيوفه واباتي في رجا شوفه على دمعي وأنيني
والصبا غي وخطوط ملوّناتي لوحته تبهر عيون الناظريني
كلها فتنه وحلم وامنياتي ضمت أحلى عمر في ماضي سنيني
كانت أفراح القلوب المرهفاتي في ابتساماته إذا هو يلتقيني
كل ربات الجمال مقلداتي له مثل لبسه تراهم لابسيني
ومشيته أو ضحكمته أو الالتفاتي هو إمام وله هل الفتنة تديني
يا وجوه كالبدور مصوراتي اتبعن في الحسن وضاح الجبيني
العيون اللي تشوفه متيماتي والعذارى له جميع ساجديني
والقلوب اللي تودّه معذباتي في هواه وما لها حد معيني
آه من سحر الرموش الذابلاتي حطمن قلبٍ من الفرقا حزيني
وش حياتي بعد ما سارت حياتي ياغناتي ش السبب لو تخبريني
غرك خضوعي ووجدي وعبراتي من عنا فرقاك ليتك ترحميني
دار بيني وبينك حسود ووشاتي واخلفوا ظنّك لمن لأجلك رهيني
ظالمي لي له عيون مكحلاتي كان حبي له على ظلمة عويني
ومن يجازي بظلم لا لا بد ياتي يوم به يندم كذاك الظالميني
يا هل التدبير قولوا يا رواتي من يكون الداخل امبين الثنيني
وهل سمعتوا في السنين الماضياتي شو يقولون العرب عين بعيني

إجابة الأسئلة

واشرح لكم في المعاني الوارداتي شرح وافي مقنع للفاهميني
فالذي أعني بذيب وغنماتي وكان لهن من خيار الحافظيني
حكمة ماخوذة م المحكماتي نور آيات الكتاب المستبينتي
وكان لي أعنيه يا أهل النايفاتي قصة لأهل العقول الراجحيني
في كتاب فيه آيات وعظاتي نورها يهدي قلوب الصالحيني
يوم داوود النبي في المنزلاتي كان في المحراب م المتعبديني
وزاره الخصمين غفلة والتفاتي وخاف كيف أنّه دخول الراعييني
وكيف لي له تسعه وتسعين شاتي طامع ف وحده لاخوه ومستعيني
والمعاني واضحات مبنياتي شوف سورة (صاد)تكفيك وتعيني
ما عنيت الراعي اللي في الفلاتي وكان أسمه ذيب في المتسمّييني
وعن لتي وجهين لها وما تحاتي هذي العملة وشوفوا الجانبيني
كم تذم المال الناس وتباتي تجمعه وما شانه القول المشيني
واقصد بخل ودود من عداتي ليس خلاّن ولا هم مخلصيني
واحد كالخل طعمه والصفاتي وثاني كالدود له ضر مبيني
والدموع بدون عين جارياتي هذي الشمعه لها دمع سخيني
وأعني الميزان برج في العلاتي كم على هديه تسير المدلجيني
والذي ساجد ولا هو في الصلاتي القلم ساجد بأيدي الكاتبيني
والسفن من غير بحر جارياتي الركايب في الصّحاري كالسفيني
والذي واحد وكم له من صفاتي هو يعين وهو يشين وهو يزيني
العقل واحد وربك له هباتي وكم يعز العقل ناس وكم يهين

كوثر بنت احمد · 06-28-2009, 02:40 PM

أجوبة أسئلة والأخوة الإلزامية

والأخو إن حس أن أخوه ياتي يشرد نه ولا على أمره يعيني
النهار الليل أخوه موضحاتي اخوة لكنهم متنافريني
والذي يحضن أخوه إذا يباتي أخوة طول العمر متوالفيني
الجفون اللي بليل ناعساني اخوة طوال العمر متصافييني
والأخو لي صاحبه بنفس السماتي في الملامح كلهم متشابهيني
ما يشوف بعين وحده في ثباتي وله يد لكن مب مثل اليديني
حط حرف العين واحد ثم هاتي له ب (ياء ) و(دال)والمعنى يبيني
ذلك العيد وحروفه ظاهراتي أعني العيدين عند المسلميني
والاختين بيوتهن متجاوراتي اقصد العينين عين واخت عيني

إجابة اللغز

وفي مجال اللغز كانت واضحاتي المعاني بيّنه للمدركيني
صادني باللحظ ريم في الفلاتي وصاد ألف بنظرته من عقب عيني
صاد يعني حرف ( صاد ) مفسراتي (عين ) (صاد) و (ألف) تركيب يقيني
والعصا قصدي وهذي من نباتي عودها مخلوق من ماي وطيني
هي دوا الأهل الغواية والعصاتي قيل عنها من جنان الخالديني

قصة الأسئلة واللغز

وباروي القصة وقولوا يارواتي ياهل التمكين والعقل الرزيني
كم رجال لهم أسامي مرضياتي اسمهم يخدعك والمسلك يشيني
وكان لي صاحب أموره ناصحاتي وكنت أمّنته على سري ضنيني
ومن عطى سره لغير أهل الثقاتي يكتوي بنار الندم في النادميني
والذي يحكم ما بين أهل الشتاتي يبتدي بنفسه كذاك العادليني
كم تذم المال ناس ما تحاتي وتنشرى بالمال في حزه وحيني
وأمر خلي لي بدا في محاوراتي صاحب لي بان أمره من سنيني
وبت ساهر والشموع موقّداتي أرقب الميزان وارضّف ونيني
وللذي أهوى كتبت من الدواتي بالقلم لي خاضع كالساجديني
وكان صبري كالجمال محملاتي صابر ومحّد على صبري معيني
وبالعقل نلت الذي لي من شراتي يحكم بعقله حكيم الحاكميني
وأمر الإخوه كان ضمن محاوراتي أخوة لكنهم متخالفيني
بعضهم نفوسهم متنافراتي ليل ويضدّه نهار مستبيني
وحد كالروحين لي متلازماتي ماتفرّقهم سعاة الساعيني
وحد كالعيدين في المناسباتي مرة في العام هم متلاقينني
وحد كالعينين لي متجاوراتي جيرة يا غير هب متزاوريني
وكان لغزي في العصا لناس عصاتي لأنها في الحزم للّي عاصييني

قصة الصاحب

وكل ما قدمت يامدرك وصاتي هيه في واحد حسبته لي خديني
ظن يخدعني وبانت بيناتي يوم أّمنته على سر مكيني
وكان ذمّه للدراهم والفتاتي وانشرى بالمال فيس ساعه وحيني
واحسبه خل إلى حين المماتي وكان طعمه الخل والدود المبيني
وبت ساهر والشموع منوّراتي أرقب الميزان في ليل دجيني
وعادني شعري وقربت الدواتي والقلم لي ينحني كالعابديني
وخذت من صبر الجمال الصابراتي وماينال النصر غير الصابريني
وردني عقلي أخاف من الفواتي والعقل خوف الخطا نعم المعيني
والأخوه كم لها من مشبهاتي ما بندركها بلا عقل فطيني
حد مثل الليل طرقه مظلماتي وحد مثل الصبح نوره مستبيني
وحد ما يخلف عهوده وافياتي لك ملازم صادق بودّّه أميني
وحد تشوفه عقب بعد وشتاتي مثل شوف العيد حين بعد حيني
وحد كالعينين لي متجاوراتي جار لكنه شبيه الأبعديني
والعصا رمز الجزا في السالفاتي والعقاب يكون للي مفسديني
هذي القصه وكانت أمنياتي أن ينال الحل ناس مدركيني
والأسئلة واللغز ما هي خافياتي في محاوز تنجمع للفايزيني
لي يجاوبها جميع وفي ثباتي بعد حل اللغز هو م الواصليني
ولي يجاوب الأربعة لي ملزماتي وأربع واللغز من المكرّميني
والرّدود اللي وصلتنا كافياتي لو بلا حل نحن له شاكريني
قصدنا في الاوله والأخراتي أن نحرك بالشعر فن دفيني
في زمان للمشاعر ما يحاتي وضاع فيه الناس بين الخافقيني
والشكر لكم على المشاركاتي والصلاة ثم السلام على الأميني

كوثر بنت احمد · 06-28-2009, 02:48 PM

اللغز الخامس

اللغز+الحل في الرابط
http://www.elloghz.ae/uploads/programs/Large_5118.pdf

يا خاليين البال حالي ترى حال بي ليعة مكتومة في فوادي
وعندي من اشواقي تباريح وامال منها جواري عبرتي في ازدياد
في ليلتي وجه القمر بات باقبال كنه يذكرني بغاية مرادي
حلوه عليها سال م العين ما سال ذكرى لها دايم شرابي وزادي
عنها أنا ما اسمع مقالات عذّال طالب رضاها صادق في ودادي
ولا نفعني في الهوى قول من قال منه النصيحه مثل نفخ الرماد
ولو أنني باصبر ولو كنت باحتال ما تنفع الحيله ولا الصبر فاد
ما لي دوا من علة الشوق قتال أبات ليلي ما أذوق الرقاد
كنه في قلبي من ضنا الحب زلزال متجدد الحسره طويل السهاد
باشكي غرامي والهيام الذي طال وليعات وجدي دايمه ما تزاد
لولا العناد وعزة النفس بانال عطشان واهجر موردي من عنادي
والحب جنه كلها خوف واهوال وما تقهر الحب القلوب الشداد
ولا جنود وكم دهى الحب الابطال عايا بفرسان تذل المعادي
يا ناظمين الشعر طارت بي أحوال صوب الذي حل وسكن في الفواد
شفت بغرامه لى يقرب بالآجال وابليت في حبه ثياب جداد
واللي يواسيني يجاوب وفي الحال جواب شافي قاطع بالوكاد

ألغاز الطيور

سألت عن طير وله اسم رجال وبلا جناح يطير رايح وغادي
واذا يغني م الفرح جر موال حتى ولو هو في القفص ذاك عادي
وعن طير دوم يطير في لونه أشكال ما ينقبض أو ينشبك أو يصاد
وعن طير عاينته مربَّط بالحبال محبوب دوم وينحمل بالأيادي
وعن طير لى مضروب للناس بامثال في آية مذكورة للعباد
وعن طير زاهي لون في الناس يختال وصف المهاد وناعمين المهاد
وعن طير ما به ريش موصوف لا زال مثبت جناحه لحاضر وبادي
وعن طير اسود لى مع الوقت رحال بينه وبين البين لون السواد
وعن الجبال الطايره وشبه الجبال ف بحر وسما تنفع عباد وبلاد
وعن الحمامه إن دهى خوف واوجال طارت وهي مع خوفها في جلاد

اللغز

حكَّم زماني والدهر دوم عيّال والزم عليّه بالوفا والسداد
ودبَّر مودِّي عقب ما زاد الاحمال على الفواد اللى لطيفه ينادي
كني من أحكام الليالي بمدهال أسد درب السيل والسيل بادي
يظنني الغافل مريحٍ بمنزال ما فيه غير الإنس رايح وغادي
ما يدري أني أحمل هموم ثقال واجالد الدنيا طويل الجلاد
بين الفراق وبين ساعات الوصال نفس حداها من عنا البعد حادي
خليتها في اللغز مخرج ومدخال واركضت في الحلبه خيار الجياد
ولغزي لمن فاهم وللغز حلال بيني وبينه دوم عِسم الايادي
له م السما إن غيَّم الجو منزال شبه الحيا بالف إذا الحظ زاد
إن كان قدامك تلاقيه بآمال واذا وراك اصبر ليوم المعاد
يا كم ظهر م الغيم والغيم همال عليه تتولّه قلوب العباد
لمع البروق ومشبه البرق شعّال واذا نزل رب البريّات هادي
بين السهم والقوس ما كل نبال يصيب لو أنك تظنه مجادي
لغز تفرع مثلما الغصن ميّال والأصل واحد للفروع البعاد
يا اهل الشعر هذي جديدات الاقوال والله يوفقكم لدرب الرشاد

أدوات الموضوع
مشاهدة صفحة طباعة الموضوع أرسل هذا الموضوع إلى صديق