ياالله ياكاسي عرى القاع بالريف= عـقب الدهر تصبح رياض ٍ مريفه
ياوالي ٍ ِبِيده جميع التصاريف = واِيِده تَحَتها يدين غيره ضعيفه
ومن بعدها يااهل الركاب المواجيف= جرد الرقاب ملافحات السفيفه
هجن ٍ على قطع الخرايم مشاعيف =عاداتها قطع الدروب الكليفه
لازرفلن مع جو ..دوٍ .. مزاليف= تهرف كما تهرف سباع ٍ مخيفه
مافوقها الآكل باخص وعرّيف = مفرّدين والمـــزاهب خفيفه
خلو ركايبكم تنحر هل الكيف= أهل السلوم الكايدات الشريفه
واليا زمت قصور (ياس) المشاريف= اللي على كل الشوامخ منيفه
انصوا (الفلاسي )ماعليكم تكاليف=ضد الضديد وسعد ضيفٍ يضيفه
تلقون ضيفانه طروش ومناكيف = يبغون شيخ ما يوصف وصيفه
(حمدان ) لاعدوا كبار المواقيف=يمـــد يمناً ماعلـــيها نكـــيفه
ودان وسمي ٍ نصوبه مراديف = ربيـع من فاته ربيعه وصيفه
نوه ركد مافيه عجه ولازيف = يشوّق فـــواد االسنــاوي رفيفه
ذراه يذري عن هبوب العواصيف=وجوده ينسينا السنين العـــجيفه
ظهر نبا طيبه من السيف للسيف= والطيب (حمــدان)الفلاسي حليفه
كل الفعول الطيبه والمعاريف = هو في نصيفه والعرب في نصيفه
واسلم عدد ما لجلجن بالغطاريف = ورق الحمام وكـــل بيضاً عفيفه
وختامها يامكرم الجار والضيف = اقبل سلام اهل القلـــوب النظيفه