الف مبروك البطوله ياحمدان= فرسانك اليوم جابواالبطولات
والفرح والسعد تو مابان = فزاع له بالفخروالطيب جولات
وجه السعد وجهك ياااكحيلان=نخايل محيّاك فى كل طولات
والتعب والكدر تو ماهان = لأجلك تصيرالمصاعب سهالات
والدرع لحظة رفعته زان= وجمهور الاهلى تغنّى بشيلات
والله وصادق من قال فرسان= فى كل موقع لهم كلمه وصولات
والراس مرفوع لو كان ماكان= من قدك اليوم يابو الجمالات
زرعت جهدك والفوزقد حان= وحققت مجدك بكل المجالات
واكبر معاند لقوتك دان = يشوف فعلك وتعجزه الدلالات
وغلطان والله من تحداك غلطان = مجهز لخصمك احسن سلالات
جبلك هادى ون تفجرت بركان= اجبرت شعرى على قول الجزيلات
اول سفيرلنا ياخيرعنوان= الأوله تكفى من دون احتفالات
مع صفوة العالم من كل الاوطان= وترفع شعارك لامستحيلات
تمثل الدوله بتخطيط فنان = جواب شافى لكل السؤالات