القصيد يبتهج في هذا الأمير النبيل وأسرته المباركه الكريمه ..
ولأنني أحب المديح فيمن يستحقون المديح وألتمس طيبهم ..
ليست أولى قصائدي به ولكنها حديثه ونظمتها مؤخراً ومكانة المحتفى به أكبر من ذلك ..
وأشكر أخي العزيز / سلطان الشتيلي على دعوتي هنا في هذا القسم الجميل ..
.
.
.
أترككم مع مع هذه القصيده في سمو الشيخ النبيل/ حمدان بن محمد بن راشد آل مكتوم سلمه الله
وهي بعنوان (( إبتسامة أميـــــــر ))
.
.
.
يسعد صباحك كل مـا الصبـح نـاداك
ـــــــــــــــــــــــــــــــــــــــ واغراه نورك وانت الأشـراق يغريـك
وشلوون اببدأ وانت الافضـال تبـداك
ـــــــــــــــــــــــــــــــــــــــــــ ونفس الشموخ اللـي يجيبـك يوديـك!
انت المطر والا المطر يرتشـف مـاك
ــــــــــــــــــــــــــــــــــــــــ انت النفل؟ والا النفـل مـن اراضيـك
انت الكرم؟ والا الكرم مـن عطايـاك
ــــــــــــــــــــــــــــــــــــــــــــ انت الظفر؟ والا الظفر مـن مواريـك
القيـض يـبـرد لاهـبـه لاتفـيّـاك
ـــــــــــــــــــــــــــــــــــــــــــ والبـرد يدفـى بـك شهامـه ويدفيـك
والضحكـه اللـي ماتفـارق محيّـاك
ــــــــــــــــــــــــــــــــــــــــ ياكثـر ماتشـري سعدهـا وتشريـك
والفزعـه اللـي حالـفـه ماتـعـداك
ــــــــــــــــــــــــــــــــــــــــــــ مالومهـا .. ياشيخنا ماتخلـيـك !!
ون جـات للمسـرى تميّـز بمسـراك
ــــــــــــــــــــــــــــــــــــــــــ تطووف نجم .. وكوكب الارض يسريك
ان جيـت يفرحبـك طريـقً تمنـاك
ـــــــــــــــــــــــــــــــــــــــ وان رحت .. محمود المراح بمساعيك
ون غبت .. غابت كل الافراح ويـاك
ــــــــــــــــــــــــــــــــــــــــــ والارض توحشها .. وتشفق خطاويـك
ياشيخنا تعبـت اعــدد مـزايـاك
ــــــــــــــــــــــــــــــــــــــــــــــــ وانت المزايـا .. كلهـا تلتقـي فيـك
(تدري وش اللي نعشقه من هدايـاك ؟
ـــــــــــــــــــــــــــــــــــــــــــــ شوفتك سالـم ياعسـى الله يخليـك )
وهذي هديـه علهـا تكسـب رضـاك
ــــــــــــــــــــــــــــــــــــــــــــ من شاعـر سعـودي يحبـك ويغليـك
والعذر كـل العـذر لاجـات طريـاك
ــــــــــــــــــــــــــــــــــــــــــــــــــ ـ تقصر بيوتي عـن مـداك وحراويـك
والا انت .. ماتقصر عن الطيب يمناك
ـــــــــــــــــــــــــــــــــــ والطيب ياخذ مـن سمـوك ويعطيـك
05-21-2009, 06:39 PM
إبتسامة أميـــــر .. وقصيدة نجمهــــا فــــــزاع !! 
