كل دمعه نهايتها ابتسامه

بما ان هذه هي تجربتي الاولى في كتابة الروايات فقررت ان أبدأ بروايه قصيره ثم ابتدئ
للكاتبه:نوااااااااااري
................................................
الجزء الاول

استيقظت في الصباح الباكر لتذهب الى الجامعه بعد ارهاق سهر ليلة البارحه مع رفيقاتها توجهت الى الحمام لتأخذ حمامها الصباحي ثم توجهت الى خزانتها ولبست من ملابسها الراقيه,,ثم توجهت الى تسريحتها لتضع قليل من الميك اب ثم اخذت عبائتها وكتبها ونزلت,,
وجدت والدتها
ريم:صباح الخير يمه (ريم عمرها 22 تدرس بجامعه الأمير سلطان شبيهة المذيعه (ريهام بسيوني)يعني تخبببببببل شعرها ناعم لونه بندقي)
ام سعود: هلا يمه صباح النور غريبه وش عندك اليوم صاحيه بدري؟؟
ريم:والله شبعت نوم تعرفيني لو انام ساعتين تكفي اقوم اراكض..
ام سعود: يالله افطري بسرعه السواق ينتظرك..
ريم:خليه وش حاجته ماعنده شغل خليه ينتظر,,
ام سعود:اقول قومي ترا والله اكلمه واخليه يمشي يقضي اشغالي..
ريم:لالالا تكفين عاااد الجامعه معطيني انذااار لو غبت فصل..
ام سعود: ايه ريم ماقتلك اليوم مشاري ولد خالك بيرجع من بريطانيا ومرت خالك مسويه له حفله وعازمتنا وش رايك تروحين؟؟
ريم: هااه,,مادري,,يمكن,,ليش لا
لبست عبايتها وركبت السياره..
ريم:يالله زمان امشي
زمان:وين روح مداااام؟؟
ريم:يعني وين روح!!ملاهي كل يوم انا وين روح الصبااااااااح
زمان:روح جامعه
ريم:خلاص لايكثر رح للجامعه ياكثرك
وهي في الطريق تفكر بولد خالها اللي له خمس سنوات ماشافته,,معقوله ياريم خمس سنوات ماشفتي مشاري..
زمان:يالله مدام خلاص انزل
زمان:مداااااااام ريم يالله ينزل
ريم:خلاص خلاص فهمت الله ياخذك قطعت شريط افكاري

,,,,,,,,,,,,,,,,,,,,,,,,,,,,,,,,,,,,,,,,,,,,,

وفي بيت ام مشاري الساعه 6:22المغرب
الكل متجهز لمشاري باقي ساعه على وصوله
يدخل ابو سعود وسعود من باب الرجال وام سعود وريم من الباب الثاني
ابو سعود: ياولد,,(هذي كلمه تقال عند السعوديين اذا جو يدخلون مكان فيه حريم)
ابومشاري:ادخل حيااااك الله هذي الساعه المباركه تو ماينور البيت
ابو سعود: البيت منور باهله يابو مشاري
ابو مشاري: وش اخبارك ياسعوود؟؟ (سعود اخو ريم عمره 26 اكبر من ريم باربع سنوات متخرج ويشتغل في بنك الرياض
اسمر وطويييييييييييييل جذااااااااااااب يحب بنت خاله نوف يموت على الارض اللي تمشي عليها)
سعود: بخيييييييييييير دامك بخير ياخالي
وتدخل ام سعود وريم مجلس الحريم و تقابلهم نوف(عمره 22 ملكة جماااااااااااااال تخبل تدرس بجامعه الملك سعود يعني مو مع ريم بالجامعه لان ريم بجامعه سلطان.نوف تحب ولد خالتها الجوهره خالد عمره30 عاااااااااادي جدا)
وتضم نوف ريم ضمه تكسرت ضلوعها لانهم ماشافو بعض من اسبوعين,,
نوف:ياهلا وتسلم على ام سعود ياهلا والله بعمتي الغاليه
ام سعود:لو اني غاليه كان سلمتي علي قبل ريم ياللي ماتستحين
نوف:معلللللللللليش خالتي والله مو قصدي وهذي حبة راس عشان ماتزعلين
ام سعود:ايه اشوى لحقتي عمرك قبل لاازعل
نوف وريم:هههههههههههههههههههه
وتدخل ام مشاري ولمياء(عمره 18 تدرس بثالث ثانوي مملووووووووووووحه ومهبوله يعني خفيفة دم)
ام مشاري:ياهلا ياهلا ياحي الله من جانا
ام سعود:هلابك والله
وتسلم لمياء على عمتها ام سعود
لمياء:وش اخبارك عمه؟
ام سعود: والله بخييييييييير
وتلف على ريم
لمياء:هلا والله بالقبيحه,,
ريم: انا قبيحه احلفي يامرح جبر
لمياء:انا احلا من مرح جبر ههههههههه مافيه امل
ريم:قلتيها من نفسك مافيييييييييييييه امل
ويقاطعهم رنين جوال ام سعود
ام سعود:هلا ابوسعود
ابو سعود: هلابك,,حنا بنروح نجيب مشاري من المطار تبون شي؟؟
ام سعود: سلامة عمرك
ابوسعود:يالله فمان الكريم
راحو البنات يجهزون القهوه والشاي للرجال
نوف:من قدك ياريم حبيب قلبك جاي بالطريق..
ريم تغير لونها وماردت
لمياء:حراااااااام عليك يانوف البنت طلعت خضراء
ريم:ههههههههه مردوده يانوف
جهزوا القهوه وراحت نوف توديها فتحت نوف باب المجلس وحطت الصينيه وهي تغني:خذني معك بالجو الحلو خليني معك بسرح ياحلو...
وهي راجعه بتطلع لقت سعود جالس وحاط رجل على رجل وجالس يناظرها ويضحك
نوف جلست تصاااااااااااااااااارخ انت وش جابك؟؟
سعود:مكتوب اني اجلس ماروح معهم عشان اشوفك,,سبحان الله
نوف طلعت تركض للمطبخ بتقول لريم وش صار لها
وسعود يقول يالله يانوف كل يوم عن يوم تزيدين جمااااال ويزيد حبك بقلبي..
نوف:الله ياخذ بليس اخوك خرعني
ريم:احسن,,مسكييين اخوي مو نايم الليله
لمياء:ليييش ماينام كله عشان نوف وش عاد لو يشوفني..
نوف منصدمه من رد ريم وتقول في قلبها معقول يكون سعود يحبني لا لا مااتوقع وشلون ليش مالمحت ريم من قبل..المشكله ان ريم ماتدري اني احب خالد
ريم ولمياء:ياهوووووووووووه وين رحتي يابنت
ريم:اللي ماخذ عقلك يتهنابه,,
نوف:معكم
ريم ولمياء:وااااااااااضح
دخل ابو مشاري الصاله
ابومشاري:ترا مشاري بيدخل يسلم عليكم
ام مشاري:خله يدخل مافيه الا ريم بس
ابومشاري:تغطي ياريم والا خلك ورا نوف
ريم:ان شاء الله خالي
نوف:بلا غطا بلا خرابيط وقفي وراي اصلا بعيييد
دخل مشاري وريم كانت منزله راسها وجالسه ورا نوف رفعت راسها وشافت واحد تحبه من يوم كانت صغيره وماشافته من خمس سنوات شافت ملاك واقف ماشاء الله (مشاري طويييييييل وعرييييييض له عضلات وجميييييييييييييييييييييل جماله يخوف وجهه مربع فيه العظمتين وحاط (طلع ماطلع)يعني دقن خفيف وشعره كثييييير ومقصص يعني اذا لبس بدله يدوووووووخ وفيه غميزااااات تشوفهم وهو مابعد ضحك وفيه اللحيه اللي من علامات الجمال مو لحيه لحيه) يالله ودي اركض واضمك يامشاري مشتاقتلك حييييييل..أحبك قالتها بقلبها
ام مشاري:ضمته وماتت من الصياح..يالله يامشاري كبرت وانت بعيد عني
جلس عشر دقايق ضام امه وعيونه تدمع..
بعدين راح وسلم على عمته ام سعود وضمته وصاحت,,
وهذا اللي ماحسبت احسابه ريم..ركضت نوف لخوها وضمته مشاري ماكان منتبه من اللي كان ورا نوف الا لما بعدت نوف..ايه شافها شاف حبيبة قلبه اللي مافارقته ولا دقيقه يوم كان برا اربع وعشرين ساعه يفكر فيها آه ياريم أحبك أحبك
مشاري:هلا والله بنوف ياني مشتاق لك
نوف وهي تصيح:وانا اكثر فقدتك يااخوي والله
التفت مشاري بكحل عيونه بريم بس مالقاها قامت
مشاري:الا وين لمياء
لمياء وهي تركض وتضم مشاري
مشاري:وينك ماجيتي اول مادخلت؟؟
لمياء:صراحه مالي خلق افلام هنديه وصياح ونياح اخاف يضيق صدري
مشاري:انتي يضيق صدرك مالك امل
ام مشاري:يمه مشاري وش اخبارك؟وش اخبار الغربه؟خمس سنين يامشاري..وتصيييييييييح
لمياء:لاحول ولاقوة الا بالله هذا وانا نازله متأخره
ام سعود ونوف:هههههههههههههههههه
وتطلع ريم وهي لابسه عبايتها للصاله
ريم:هلا مشاري وش أخبارك؟
مشاري من سمع هالصوت جته ام الركب
مشاري:والله بخير انتي وش اخبارك؟وش اخبار الجامعه؟؟
ريم:تمااااااااااااام ربي يسلمك
طلع مشاري رايح لمجلس الرجال
وقامو البنات مع الخدامات يجهزون العشا
نوف ولمياء بغرفة الاكل يرتبون الطاوله وام سعود وام مشاري بالصاله يتقهوون
وريم بالمطبخ تحط اللمسات الاخيره على الحلا اللي سوته عشان مشاري سمعت صوت من عند الباب اللي على الحوش
التفتت ريم وشافت مشاري
مشاري:ريم لاتصارخين تكفين بتكلم معك
ريم:وهي ترتجف,,وش بغيت تكفى لاتطول اخاف احد يجي ويشوفنا بلحالنا ويسوون مشكله
مشاري:ريم انا أحبك اموووووووووووت فيك
ريم طاحت منها صينيه الحلا وركضت رايحه للصاله
نوف جت تركض:وش فيك وجع خرعتيني
ريم:ولاشي بس قطوه دخلت المطبخ خرعتني
حطو العشا ودخلو الرجال يتعشون والحريم يتعشون بالصاله
ام مشاري:وش فيك ياريم ماتاكلين صحنك ماتحرك,,فيك شي؟؟
ريم:لا مافيني شي بس اني ماتغديت الا متأخر..
لمياء وهي تقرب من اذن ريم:ماخبرت شوفت الحبايب تسد الشهيه؟
ريم وهي تضرب لمياء ضربه محترمه
راحو للبيت على طول ريم راحت غرفتها وقفلت الباب وجلست تتذكر موقفها مع مشاري
مشاري:ريم انا احبك امووووووووووووت فيك
وريم تقول في قلبها وانا اعشق الارض اللي تمشي عليها

....................................
دخل مشاري على نوف في غرفتها بيدردش معها
نووووووف ينادي محد يرد فتح باب الغرفه مالقى احد
مشاري:غريبه وين راااحت؟؟
لمح مشاري جوال نوف فوق السرير راح واخذ الجوال وفتحه جلس يدور رقم ريم بين الاسماء لقى ريم1 وريم2
مشاري:ياربيييييييه اي واحد رقم ريم؟؟يالله خلني اخذهم كلهم وسجلهم بورقه وطلع من الغرفه
قفل باب غرفته وتردد يدق والا لا؟؟
اخذ الثابت حق غرفته
توكل على الله ودق على الرقم ريم1
طوووووووط طووووووط

:هلا والله بحبيبة قلبي نوف
:الو..الو نوووووف وش فيك
:نووووووف انتي معي
مشاري انصدم لان الصوت يعرفه كان يتصل عليه ببريطانيا ايه هذا صوت خالد ولد خالتي الجوهره,,خالد مايدري ان مشاري رجع من برا ورد وهو ضامن انها نوف لان نوف كانت تدق عليه من ثابت غرفة مشاري,,
تشوفين يانوف..هذي اخرتها تكلمين من ورانا ولا ومين بعد؟خالد,,ولا ومخزنه رقمه ريم1 وتكلمينه من غرفتي,,
طلع من غرفته سيييييييييييده على غرفتة نوف
مشاري:نوووووووووووووووووووووف
نوف:وهي طالعه من الحمام,,خيييييييير وش فيك مشاري؟؟
مشاري وهو يصارخ: ليييييييييييييش تكلمين خالد ليييييييييش يانوف
نوف وهي حاطه يدها ع خصرها:واذا كلمته وش فيها
مشاري:وتردين بكل وقاحه..لا بعد وش فيها اذا كلمته..ويرفع يده ويعطيها كف,,
نوف حاطه يدها على خدها من قوة الكف وتناظر مشاري,,
نوف ماتدري وش تقول حست انها غلطانه وش بتقول لمشاري بتقوله انا أحب خالد ويمكن اتزوجه وهو للحين ماخطب رسمي..
نوف جلست على السرير وتصييييييييح
مشاري طلع من الغرفه وتقابله امه..


..........................................
ام مشاري:وش فيييييك مشااااري قلي
مشاري وهو معصب:اسألي بنتك
اما مشاري:وش سووووووووووووت تكلم؟
مشاري:تكلم خالد ولد خالتي الجوهره يرضيك؟؟
ام مشاري:بسسسس عشانها تكلم واحد بيكون زوجها بعد سنه,,
مشاري:وشوووووووووو يعني عادي عندك تكلمه؟؟
ام مشاري:مصيرها بتكلمه بعد الملكه..
مشاري:بعد الملكه غييييييييييير يايمه عن الحين غييييييييييييييييييييير
ام مشاري:وليييييش غير بعدين هو ولد خالتها مو غريب
مشاري:هاذي المصيبه يايمه..
دخلت ام مشاري على نوف
ام مشاري:نوف وشلون درا انك تكلمين خالد؟
نوف:مادري يمه..تكفيييييييييييين خليني بروحي
ام مشاري:ماراح أخليك الا لما تقولين وشلوووون عرف؟؟
نوف وهي تصيييييييييييييح:ماادري,,ماادري
طلعت ام مشاري من الغرفه لانها حست ان نوف تعبااااانه
وام مشاري كانت تعرف ان نوف تكلم خالد,,



ا


.................................................. ..

الجزء الثاني

دخل مشاري غرفته وجلس على السرير يفكر باللي سواه مع نوف صح اللي سواه والا لا؟؟
جلس ساعتين يفكر:خلااااااااااااااص تعبت هذا وهو اول يوم لي بديرتي وش صارلي!!
فكر مشاري ويقول في نفسه ليش انا سويت كذا وش فيها اذا كلمت واحد بيكون زوجها بعد سنه ايه لازم تكلمه وتعرفه قبل لا تتملك عليه
مشاري:يالله ياكريم تعيني..
قرر مشاري انه يروح يتأسف من نوف وراح لغرفة امه
مشاري:يمه,,يمه
ام مشاري وهي تقوله ادخل ابوك مارجع راح مع رجل عمتك ابو سعود ومارجع
ام مشاري:يمه مشاري وش فيك؟
مشاري:يمه انا ندمت اني ضربت نوف!!يعني وش فيها اذا كلمت خالد اول شي ولد خالتها وبيصير زوجها ان شاء الله..
ام مشاري:الحمدلله انك عرفت انك غلطان!!يالله روح تأسف من نوف..
مشاري:أتأسف!!احس انها قويه يمه أنا مشاري أتأسف من بنت لا وبعد أصغر مني لا لا قووووووووويه..
ام مشاري:لييييييييييييش مو انت اللي غلطان,,لا قويه ولاشي هذي اختك يامشاري..
وراح لغرفة نوف"يطق الباب عالخفيف ويسمع نوف تصيح,,مشاري:يالله لها الدرجه البنات مايتحملون شي يابعد قلبي يالبنات والله انكم ملح الحياة..
مشاري:نوووووووف ممكن ادخل
ماردت وسوت نفسها نايمه
مشاري:نووووف انا ادري انك صاحيه نوف اسمعيني زين انا آسف يانوف على اللي سويته..اي ولد بيكون بمكاني اكيد بيسوي مثلي واكثر..المفروض انك تفرحين
انو فيه احد يغار عليك ويخاف عليك والا ماتبين احد يخاف عليك..
نوف:يخاااف علي بس مايضربني,,,
مشاري:انا عارف اني غلطت وانا آسف,,
نوف:..............
مشاري:ترا كبريائي مايسمحلي أتأسف مره ثانيه,,انتي الخسرانه!!
نوف:وهاذي وين اصرفها(آسف)؟؟
مشاري:باقرب بنك بس يرضى علينا الحلو؟؟
نوف:ههههههههههه
مشاري:ياعسى هالضحكه دووووووووووم
وراح لغرفته,,


...............................................

الساعه 9:00 صباحا في بيت ابوسعود
يصحى سعود ويشوف الساعه:اووووووووووف تسع وانا مارحت للدوام..
يدق على صديق عمره ناصر
سعود:السلام عليكم
ناصر:وعليكم..وينننننننننك يارجال ماجيت للبنك؟؟المدير سأل عنك
سعود:ياخي راحت علي نومه..اسمع قول للمدير اني تعبان مررررررررره
ناصر:ان شاء الله..اصلا المدير ماراح يقول شي لأنك ماعمرك استأذنت من توظفت
سعود:يالله يابو الشباب بروح اكمل نووووومي
ناصر:والله قهر انا ماتشوفني من كثر المراجعين وراااااسي بينفجر وانت بتنااااااام قههههههههر
سعود:مع السلامه
ورجع سعود بينام بس ماجاه نوم من عيون ناصر قام وراح اخذله دش سريع ولبس ثوب ماركة جيفنشي مع الشماغ الأحمر اللي يجي كأنه قديم و مايقدر يتحرك من النشا
وتعطر من عطره المفضل من ديور (فهرنهايت)ودق على على ولد خاله مشاري:
سعود:مرحباااااااااااااااا ياصباااااح الخير
مشاري:هلا والله صباااااح الأنواااار
سعود:انت ف البيت؟
مشاري:ايه..
سعود:يالله بسرعه اكشخ وانا عازمك على الفطور بسرررررررررعه
مشاري: ليييش انت ماداومت؟؟
سعود:لا..
مشاري:وين عازمني؟ان شاء الله بالبوفيه اللي بالعاير..ههههههههه
سعود: مالقيت الا انا اعزمك فبوفيه..يالله اخلص بس..عازمك بالفيصليه
مشاري:دقايق وانا جااااهز..
وركب سعود سيارته (الرينج روفر)الأسود ومر مشاري وراحو للفيصليه
وبنفس الوقت كأنت ريم وصديقاتها بالفيصليه لأنه كان عندهم اوف

مشاري:يالله ياني مشتااااااااااق للفيصليه من زمااااااااااااااااااان عنها
سعود:يحقلك انت ماااال من الهارودز ومشتاق للفيصليه وانا الفيصليه طالعه مع اذاني ومادخلت الهارودز الا مره وحده..
مشاري:هههههههههههههههههههههه
سعود:يالله خلنا نأخذ فره بالمجمع ونروح نفطر.
مشاري:يالله
وهم يفترون البنات كلهم كانو يطالعون مشاري لانه كان شكله خياااااااال لابس ثوب اسود وغتره بيج ولابس ساعته (شوبارد)اللي تبرق من اول المجمع
وسعوووود مع انه كاااااااااشخ كان شكله حلو بس يوم مشى مع مشاري صار عادي جدا
ومرو من عندهم شلة بنات كانو كلهم متلثمين اشكالهم روووووعه وكانت معهم ريم كل صديقات ريم يوم شافو مشاري انهبلو كلهم يطالعون مشاري ولا وحده نزلت عينها عنه بس مشاري ناظرهم نظره كل الشله داخوووووووووا,,ريم ماقالت لاحد انه هذول اخوها وولد خالها ريم اخذت جوالها ودقت على سعود وكانت مقصره صوتها
ريم:سعوووووووووود وش عندكم تفترون بالمجمع
سعود:بسم الله الرحمن الرحيم وش دراااااااااك يالجنيه؟؟
ريم:شفني وراكم مع صديقاتي..
سعود:انتي مع الشله اللي حومو كبد مشاري بالمناظر قوليلهم يستحوووون عيييييب
ريم:يحقلهم يناظرون شكله جنااااااااان
سعود:بعد انتي..عيييييب
ريم:لا اكذب اقصدك انت
سعود:واااااااااااضح وسكر بوجهه السماعه
ريم رجعت لصديقاتها وهم يتكلمون عن مشاااري وكان وحده منهم منهبله على سعووود(الناس اذوااااق)
ريم:للحين تطالعونه؟؟
الهنوف:وااااااااي يجنن تكفون بروح اخليه يوقعلي
البنات:ههههههههههههههه
عواطف:ليش توم كروز
البنات:هههههههههههههههههههه
الهنوف:يالله شكله مغروووووور ياحلاته ياحلو الغرور ع الحلو
هيفاء:واااي بنات شوفو اللي معه يجنن احلا منه ولا تو يكلم ياليتني انا اللي قاعد اكلمه
ريم:ههههههههههههههههه واذا قلتلك اني انا اللي قاعده اكلمه تو!!
البنات:وشووووووووووووووووووووووو
ريم:ايه الحلو ولد خالي واللي معه اخوي
الهنوف:عندك هالملاك وماتزوجتيه؟؟مالت عليك
ريم حست انه مالي داعي تقول انو هذا اللي تحبه
سعود دق على ريم وهي تفطر ناظرت الجوال ورفعت عينها على هيفاء
ريم:هلا بأخوي هلا
سعود:هلابك..يالله ريم ترا بترجعين معي؟؟
ريم ارتبكت:ليييييييييش برجع مع صديقاتي..وبعدين انت معك مشاري استحي اركب معكم..
سعود:ياحليلها توه يجي الحيا بعدين هو بياكلك؟؟قال هالكلمه وهو يناظر مشاري ومشاري مبتسم الابتسامه اللي ع جنب وطالعه غميزه وحده بس..
ريم:لا ماراح ياكلني بس مابي
سعود:تبي تروحين يعني تبي تروحين..وترانا ننتظرك برا..والشله اللي معك انا مارتحت لهم ياليت تبعدين عنهم شوي
ريم:هذول صديقات عمري مااقدر ابعد عنهم والله لايفرقنا,,دقايق وانا طالعتلك
كان سعود موقف سيارته قدام المجمع ومشاري راكب ونزل سعود يجيب ريم من المجمع
كان مشاري يطالع ريم من بعيد ويتمنى انه هو اللي ماسكها مكان سعود
ركبت ريم السياره:السلام عليكم
مشاري:وعليكم السلام..كيفك ريم؟
ريم:الحمد لله..قالتها وهي تتمنى انه مايسأل سؤال ثاني تخاف انهم يسمعون دقات قلبها
وصلوا البيت نزلت ريم ووصل مشاري بيتهم
مشاري:مشكووور ع العزيمه اكرمك الله
سعود:حياك الله..آخر مره اعزمك؟
مشاري:ليييييييييييييش؟؟
سعود:ماشفت كل البنات اللي بالمجمع ورانا..اول مره احس اني مشهوووور..ههههههههههههههه
مشاري:هههههههههههههه يالله تامر ع شي
سعود:سلامتك


,,,,,,,,,,,,,,,,,,,,,,,,,,,,,,,,,,,,,,,,,,,

يوم الاحد في بيت ابوسعود الساعه 3:00 العصر
ريم جالسه بالغرفه طفشاااااااااااانه دقت ع نوف
ريم:سلاااااااااااااااااااام ياحلو
نوف:هلا والله وييييييييييييييييينك؟؟
ريم:انتي اللي وينك من وصل اخوك مشاري وانا ماشفتك لها الدرجه تكبرتي علينا
نوف:وش دعوى ماعاش اللي يتكبر عليك
ريم:نوف وش رايك نطلع اليوم؟؟
نوف:ياليييييييت والله طفشانه بس وين
ريم:يعني وين؟؟فيه غير الاسواق عندنا بالرياض
نوف:خلاص طيب اي سوق؟؟
ريم:حياة مول
نوف:اوكيييييييه بس ترا انتي بتمريني مع سواقكم سواقنا ماخذ اجازه..
ريم:خلاص خلك جاهزه انتي ولمياء الساعه 6 المغرب,,
وطلعوا البنات لحياة مول,,
اتمشوا بعدين اتعشوا,,
دقت ريم ع السواق عشان يجي ياخذهم بس جوال السواق مقفل واضطرت انها تدق ع سعود
ريم:هلا سعود
سعود:هلابك
ريم:انت وين فيه؟؟
سعود:انا بالتحليه وش بغيتي؟؟
ريم:انا بالمجمع واتصلت ع السواق جواله مقفل وابغا احد يجي ياخذني(ريم ماحبت انها تقول لسعود ان معها نوف عشان تصير مفاجئه حللللللللوه)
سعود:يالله انا جاي بس بأي مجمع؟؟
ريم:حياة مول
سعود:دقايق وانا عندك..
سكرت من سعود وراحت للبنات كانوا داخلين محل
ريم:يالله بناااااااااااات دقايق وسعود بيجي ياخذنا..
نوف ولمياء:سعوووووووووووووووووووود
ريم:وش فيكم ايه سعود..السواق دقيت عليه جواله مقفل شكله ناااااااااااام..
نوف:لا أستحي فشيله سعود يودينا,,
لمياء:لا فشيله ولاشي,,لا وش رايك اناااام بالمجمع احسن
نوف:لا عاد انتي شي ثاني فاسخه الحيا مره وحده..
ريم:يالله امشوا عاااااااااادي وش فيها اذا ركبتوا مع سعود..
وقف سعود عند البوابه الاولى للمجمع كان متوقع ان اللي بتركب معه وحده وشلون صاروا ثلاث ماأدري؟؟
سعود:غريبه من اللي مع ريم؟؟شكله بنات تعرفت عليهم بالمجمع وحلفت توديهم تسويها ريم
ركبت ريم قدام ونوف ركبت بالمقعد اللي خلف سعود ولمياء بالمقعد الثاني
كانت نوف حاطه لثمه ولابسه عدسات كان شكلها خيااااااااااااااال
نوف:السلام عليكم
سعود ابتسم:وعليكم السلام..كيفك نوف؟؟
نوف:الحمدلله
سعود:وش اخبارك لمياء؟؟
لمياء:الحمدلله بخييييييييييييييييير
سعود:وش هالمفاجئه الحلوه ياريم
ريم:وش رايك أعجبك
سعود:ههههههههه
سعود كان حاط المرايه اللي بالوسط على نوف كان طول الطريق يناظر نوف ونوف منزله راسها,,
طلع سعود كاسيت ماجد المهندس وشغل اغنية (بين ايديا),,
وجلس يناظر نوف من المرايه ويبتسم وكأنه يقول لها هالاغنيه اهداء لك..
وصلوا بيت ابومشاري ونزلت نوف ولمياء,,


وصل سعود وريم للبيت
سعود:ريم ابغى اكلمك بموضوع ضروري..
ريم:وش بغيييييت
سعود:انا ابي أخطب نوف بنت خالي ابومشاري وش رأيك؟؟
ريم:ونععععععععععععم
سعود:يعني اروح افاتح ابوي بالموضوع
ريم:اييييييييييه رووووح الحين
سعود:الحييييييييين!!تستهبلين ابوي الحين نايم
ريم:هههههههههههههه
ومن بكره راح سعود وكلم ابوه عن الخطبه ووافق
سعود:طيب متى بتخطب لي؟؟
ابوسعود:اصبرررر الحين البنت مو طايره بعد اسبوع
سعود:اسبوع,,يالله اسبوع اسبوع..





...............................................

الجزء الثالث

يوم الاربعاء الساعه 2:00 الظهر
في بيت ابو مشاري دخلت نوف توها جايه من الجامعه
نوف:السلام هلا يمه وباست راسها
ام مشاري:هلا والله يالله شكلك جوعانه احطلك الغداء
نوف:ميته من الجووووووووووووووع
وراحو للمطبخ ونوف جالسه تتغدى
ام مشاري:نوف ترا اليوم خالتك الجوهره عازمتنا عندهم عماتهم
نوف:عماتهم!!غريبه اول مره تعزمنا وفيه عماتهم!خلاص نروح ليش لا
ودخلت لمياء توها جايه من المدرسه:هااااااااااااي ماااام
ام مشاري:هاااااااااااايات..
نوف:ههههههههه يمه صراحه لايق عليك اللغه
لمياء:بسررررررررعه وين بنروح اليوم؟؟
نوف:بنروح بيت خالتي الجوهره
لمياء:واقول ورا البنت متشققه عشان كذا,,اول مره اشوف نوف الظهر مستانسه
نوف:يالله بس لايكثر روحي غيري وزرة الهندي اللي عليك انا ماادري متى بيغيرون زي المدارس
لمياء:بهذي صدقتي..كل يوم اقول للمديره خلينا نجي بتنوره مكسره قصيره كروهات أحمر وجاكيت رسمي واروح للمدرسه بسيكل ياسلاااااااااام
نوف:الله يخلف,,من عافا بنعمه..



.............................................

وراحو لبيت خالتهم الجوهره طبعا نوف كانت كااااااشخه مرررره ولمياء لابسه بنطلون جينز وبلوزه رسميه وبوت حاطته فوق البنطلون
الجوهره:وش أخبارك ياوخيتي وش أخبار ابو مشاري ومشاري؟؟
ام مشاري:والله بخير يسلمون عليكم
الجوهره:وش أخبارك يانوف؟
نوف:والله بخير
لمياء:خالتي متى بيجون عماتكم مليت متطققه بالبوت تعبت..
الكل:ههههههههههههههه
الجوهره:الحين..ام مشاري بغيتك بكلمة راس
لمياء:حلوه كلمة راس يعني تقربون روسكم من بعض وروسكم تتكلم..ههههههههههههههه (بايخه صح؟!ياثقل دمي)
ام مشاري:ياليت تكرمينا بسكوتك
لمياء:يمه تقل فشلتيني؟؟
وراحت ام مشاري والجوهره للمطبخ
ام مشاري:وش عندك وانا اختك؟
الجوهره:انت تعرفين اننا من ثلاث شهور تقريبا خاطبين نوف لخالد والولد كبر عمره الحين 30 ودنا نفرح بهم
ام مشاري ابتسمت ابتسامه عريضه:وانت تعرفين انكم للحين ماخطبتو رسمي يالجوهره
الجوهره:مابينا رسمياااات يام مشاري,خلاص مدامنا خطبنا البنت يعني خلاص خطبنا رسمي,,
ام مشاري:الله يكتب اللي فيه الخير,,طيب متى تملكونهم,,
الجوهره:نملكهم بعد اسبوع والزواج بعد شهرين
ام مشاري:انتم كلمو ابو مشاري وهو يقولكم؟؟ونسأل البنت بعد
الجوهره:خلاص..انا بسأله الحين
نووووووووووف نوووووف
نوف:هلا خالتي بغيتيني؟
الجوهره:ايه اجلسي بكلمك..
نوف:تفضلي
الجوهره:انت تعرفين انك مخطوبه لخالد؟ وخالد وده يتزوج بأقرب وقت
نوف:بس انا الحين ادرس ياخالتي
الجوهره:ادري..حنا بنملكم الاسبوع الجاي والزواج بعد شهرين وش قلتي؟؟ترا الولد ملزم
نوف:اللي تشوفونه ياخالتي
الجوهره:كللللللللللللللللللللللللللوييييييييييييش
لمياء:وش فيكم؟ لايكون زوجتو اختي؟؟خييير نبي عرس وطقطقه بأرتز وبطق لوحه وراي وباكتب علي الدور..
الكل:هههههههههههههههههههههه
يوم رجعو للبيت كلمت ام مشاري ابو مشاري ووافق
ريم اول ماعرفت ان نوف بتتملك رفضت انها تقول لسعود خافت انه ينصدم قالت الخبر ياصله من احد ثاني لكن مني لا!!(ريم ماكانت تعرف بخطبة خالد ونوف)
وبدت نوف تجهز للملكه من مشغل لمشغل ومن محل تنظيم حفلات لمحل ورود و..ألخ
وكان المرافق لنوف ريم (ريم ونوف)بالمشغل شرت نوف فستان لايق للملكه بتشجيع من ريم
نوف وهي لابسه الفستان:وش رأيك ريم حلو أحس انه هااادي مره
ريم:رووووووووووعه مناسب للملكه...كنت اتمناك يانوف لخووي سعود بس النصيب مكتوووووووب
نوف:المقدر بالجبين بتشوفه العين
ريم:بس هو يحبك
نوف:جت متأخره ياريم...
حجزت الفستان وطلعوا من المشغل والملكه بعد اربع ايام





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,و

بدا ابو مشاري يعزم الرجاجيل ع الملكه ومشاري راح يدق ع سعود طبعا بيكون ابو سعود وسعود اول المعزومين,,
مشاري:مرحبااااااااااا هلا والله
سعود:هلا بك ويننننننك من عزمتك ذاك اليوم ماشفتك؟؟تخاااف تعزمني؟؟
مشاري:لا تخاااف انا داق اعزمك فبيتنا ع ملكة اختي نوف على ولد خالتي الجوهره خالد يوم الخميس الجاي وقلت اول واحد يعزم هو سعود
سعود:خااااااااااااااااااااااااااااااااااااالد
مشاري:ايه,,ليش
سعود:.............
مشاري:سعود وين رحت؟؟وش فيك؟؟
سعود:لا بس انا مستغرب ان لا امي ولا ريم قالولي..
مشاري:تلقاهم مشغولين
سعود:يمكن..
مشاري:لاتخلينا يابو الشباب
سعود:ان شاء الله مع السلامه
جلس يفكر سعود (يالله ليش نوف ليييييش حظي كذا يوم جيت أخطبها يعني وخاااااالد بعد) (خالد كان صديق سعود مررره بس صار موقف بينهم وكان خالد فاهم سعود غلط حاول سعود انه يبين له انه غلطان بس خالد ملزم ينتقم من سعود وخالد مالقى احسن من انه يتزوج وحده يموت فيها سعود _أحسن انتقام)
سعود كان مستبعد انه يكون هاذا انتقام من خالد يقول نصيييييييييييييب
راح سعود لابوه وجلس يكلمه
سعود:ليييييييييييييييش يبه ماخطبتلي نوف ليييييييييش تأجل الخطبه هاذاهي انخطبت يايبه,,ودمعت عينه..
ابوسعود:تعوذ من ابليس ياسعود والبنت بدالها بنت وهذا نصييييييب ياولدي
سعود:نوف مالها بديل يايبه,,مالها بديييييييييييييييييييييييييييل
ابوسعود:لاحول ولاقوة الا بالله العظيم,,اللي خلق نوف خلق غيرها ياسعود..
سعود:........................
وطلع سعود يفتر بشوارع الرياض مايدري وين يروح,,مشغل اغنية راشد الماجد (ودي ابكي)وعيونه تدمع,,

ودي ابكي لين مايبقى دموع ودي اشكي لين مايبقى كلام
من جروح صارت بقلبي تنوح ومن هموم احرمت عيني المنام


اتصل سعود ع مشاري عشان يعتذر منه لأنه مو جاي للملكه
سعود:هلا مشاري,,وش أخبارك؟؟
مشاري:هلابك,,تمااااااااااام,,سعود وش فيه صوتك كذا؟؟انت تعبان؟؟
سعود:لا,,لاتعبان ولاشي بس حبيت اقولك اني مااقدر اجي لملكة اختك نوف
مشاري:لييييييييييييييييييييش
سعود:عندي سفره مهمه لازم أسافر
مشاري:سفره!!مافييييييييييييييييه تجي يعني تجي والله اذا ماجيت انا ماراح أحضر,,
سعود: وشللللللللللللون هاذي ملكة اختك يامشاري ماتحضرها
مشاري:اختي والا اخوي المهم مافييييييه سفره
سعود:ابشررر
وسكر من مشاري وهو متضايق ماوده يحضر الملكه لأنه لو شاف خالد يمكن يمووووووت,,
وقرر انه يروح للملكه عشان مشاري,,

.................................................. ....
يوم الخمس العصر جاء مشاري ومعه دفتر الملاك
مشاري:نووووووووووووووف بسرعه تعالي
لمياء:خير نوف عندها الكوافيره
مشاري:بسرعه ناديها خل توقع وترجع تزين كشتها
جت نوووف ووقعت وهي ترتجف
لمياء:هههههههههه الحمد لله والشكر هاتي اوقع بدالك بس انا اللي بتزوج بس مو خالد الله لايطيح حظي,,
نوف:هههههههههههههه ياليتك مكاني ياليتني انا الصغيره
مشاري:ايقالك ماودك ههههههههههههههههه,,حلوه ياليتني الصغيره هههههههه,,خلاص مافات شي تبين اقول لخالد خلاص هونت ماتبيك؟؟
نوف:هااااااااااااااااه,,بجد ماني راااااااايقه لكم
لمياء:ههههههههههههههههههه

,,,,,,,,,,,,,,,,,,,,,,,,,,,,,,,,,,,,,,,,,,,,,و

الجزء الرابع

يوم الخميس في بيت ابو مشاري الساعه 8:00
الكل متجهز للملكة..نوف لبست الفستان وسوت شعره تكسير الى نص ظهره لون شعره كستنائي
وريم لبست فستان احمر سواريه طالع جنااااااااااااان عليها ومسويه بوف مره كبير وستريت (موقفه شعره من تحت)
مشاري:يمه..يمه..يماااااااااااااااااه
لمياء:خير وش فيك تصارخ ماحد يسمعك من الأغاني..
مشاري:بسرعه مجلس الحريم جاهز..خالد بيدخل يشوف نوف..
لمياء:طيب بروح اشوف خله يدخل مع الباب الثاني
مشاري:خلاص بسرعه روحي
كانت ريم عند نوف تهديها
ريم:ابتسمي نوف ليش مكشره؟؟
ابتسمت نوف ودخلت خالتها الجوهره:ياعسى هالضحكه ع طووووول
الجوهره:ترا خالد بيدخل يلا ريم خلينا نطلع
طلعوا وراحت الجوهره تجيب ولدها ويوم جت ريم بتسكر الباب عشان يدخلون من الباب الثاني صااااحت نوف ورجعت ريم تهديها الا دخل مشاري
وما قال ياولد ولا تنحنح وكانت الجوهره برا بالحوش تقرا ع ولدها وقف مشاري يطالع ريم ويقول في قلبه(متى تكونين لي..)..ريم مانتبهت لانه كانت ضامه نوف ورفعت راسها وشافت مشاري ركضت وطلعت من الغرفه ومشاري متابعها ويوم وصلت للباب توه الأخ ينتبه وقال:يااااااولد
نوف:صبااااح الخير توك تقول ياولد يوم قزيت البنت
مشاري:اقول اسكتي مصيرها بتكون زوجتي خل اروح ادخل قيس سحبت علييييييه يوم شفت الملاك اقصد ريم مو انتي هههههههههههههه
دخل خالد ونوف تراقب مشيته لانها كانت منزله راسها
جلس خالد وقرب من نوف وهو مقصر صوته:مبررررررررروك يانوف يالغاليه
نوف:الله يبارك فيك..
خالد:طالعه قمر
نوف:تسلم
نوف تغير لونها طلعت كأنها اشاره مره احمر مره اخضر مره اصفر
وجلس نص ساعه قطع الكيكه اللي حاطين صورة نوف عليها وصور مع نوف
ورجع عند الرجال عشان العشى
دخلو ع العشى العشى كان بالحديقه جلس خالد ومشاري وسعود بطاوله وحده
سعود كان طول الوقت يطالع خالد وده يقوم ويرتكب فيه جريمه
مشاري:سعود وش فيك ماتاكل؟؟
سعود:شبعت,,قالها وهو ماله خلق وقام واستأذن من خاله ومشاري ورجع للبيت
مشاري استغل هالفرصه عشان يفاتح عمه بموضوع الخطبه
وراح عند عمه لقاه يغسل وبلحاله
ابو سعود:وش عندك يامشاري؟؟
مشاري: عمي ودي اطلب منك طلب وابيك تقول تم؟؟وذا ماقلت تم بطب في المسبح اللي عندك!!
ابو سعود:اف اف اف وش الشي اللي بخليك تطب بالمسبح اذا ماقلت لك تم؟؟
مشاري:ابي بنتك ريم لي ع سنة الله ورسوله وش قلت؟؟
ابو سعود:هذي الساعه المباركه اللي تتطلب مني بنتي بس لازم أبوك اللي يخطب
مشاري:وش دعوه مامليت عينك
ابو سعود:لا مالي عيني,,بس هذا زواج مو لعبه انت اللي تخطب وين حنا فيه قناة زواج
مشاري:اخس والله تعرف قناة زوااج اخاف انك انت اللي تطلب زواج مسيار
ابو سعود:اسكت حسبي الله عليك لاتطلع اشاعااااات غربلك الله
مشاري:يعني ملزم ان ابوي اللي يخطب,,ياخي ابوي مايعرف يتكلم اخاف يخطب الام وان مابيها..ههههههههههه
ابو سعود:ههههههههههههههههههه
مشاري ملزم انه يخطب ريم اليوم وراح عند ابوه ابو مشاري كان يكلم القرسون
مشاري:يبه,,يبه ابيك بكلمة راس
ابو مشاري:سم وش بغيت
مشاري:سم الله عدوك,,يبه ابيك الحين تروح لعمي ابو سعود وتخطب لي ريم
ابو مشاري:الحين!!ليييش ماتصبر
مشاري:لا الحين ملزم..ولو يحصل كان الملكه والزواج الليله
ابو مشاري:اف اف خلاص وينه عمك ابو سعود؟؟
مشاري:شفه جالس يكلم الحارس والله ماتفرق بينهم هههههههههه انا مدري ريم طالعه على مين؟؟الابو فلبيني مقعد..
ابو مشاري:عيييييب عليك ياولد هذا بيصير خالك اذا اخذت بنته..
وراح ابو مشاري وكلم ابو سعود
ابو سعود:هذي الساعه المباركه اللي مشاري ياخذ بنتي ونعععم,,بس بنأخذ شور البنت؟؟
مشاري:موافقه,,قصدي ان شاء الله توافق..
الكل:هههههههه









...........................................

مشاري اول ماطلعو المعازيم سييييييييييده لامه
مشاري:يماااااااااااااااااااااااااه..ماما..مااااااا م
ام مشاري:خييييييييييييير وش عندك خرعتني!!
مشاري وهو يطق اصبعه:بتزوج,,بتزوج
ام مشاري:الحمد لله والشكر الولد كبر واستخف انت انهبلت,,ومنهي سعيدة الحظ؟؟
مشاري:ريييييييييييييم,,رييييييييييييييم
ام مشاري:والسبعة انعاااااام بنت متربيه وعاقله
مشاري:الله ينعم بحالك
ام مشاري:وانت وش دخلك انا اقصد ريم مو انت
مشاري:زوجتي,,انا وريم وااااحد
ام مشاري:لا ولدي استخف,,,تراهم مابعد ردو علينا
مشاري:ان شاء الله تواااااااااااافق
ام مشاري:ان شاء الله
وطلع




.............................................


في بيت ابو سعود جالس ابو سعود وام سعود يتقهوون
ابو سعود:ام سعود امس ابو مشاري خطب مني ريم
ام سعود:وانت وش قلت؟؟
ابو سعود:فيه احد يرفض مشاري,,رجال وعاقل ومتعلم
ام سعود:الله يكتب اللي فيه الخير,,
ام سعود:الحين انت وافقت وماشاورت البنت!!
ابو سعود:انا متأكد ان ريم موافقه والحين بأكدلك,,رييييييييييييييييييييييييم
ريم:سم يبه
ابو سعود:اجلسي ياريم بكلمك بموضوع مهم
ريم:خير ان شاء الله,,وشو هالموضوع
ابو سعود:امس ابو مشاري خطبك لولده مشاري وش رأيك موافقه؟؟
ريم:مشاااااااااااااري,,
ابو سعود:ايه مشاري وش فيك؟؟ الراي رايك ماراح نغصبك ع شي ماتبينه فكري زين ..
ريم ساااااااكته
ام سعود:ومشاري ماينرد ولد ماشاء الله..
ريم قامت وراحت غرفته باين على وجهه انه متشققه اجل فيه بنت بكامل قواها العقليه ترد مشاري جمال وغناة ودارس برا..



.................................................. ...


نوف جالسه بغرفتها تكلم خاااااااااالد
خالد:نوف لييييش مارديتي علي عشر مرااات أدق وساحبه علي
نوف:مابعد انخلق اللي يسحب عليك ياقلبي والله كان ع الصامت وماسمعته
خالد:ليييييييييييش تحطينه ع الصامت اساسا
نوف:خلاص خلووووووووودي لاتزعل مافيه انسان معصوم من الغلط
وجلست تغنيله(ولا تزعل ولاتتعب شعورك ولاتاخذ ع خاطرك مني ابتأسف الين ارضي غرورك وبقول اني مقصر غصب عني)
خالد: لا خلاص رضيت فيه احد يغنيله هالصوت وما يرضى
نوف:هههههههههه
خالد:فديت هالضحكه دووووووووووووم ان شاء الله,,يالله اخليك الحين لاني بروح أصلي,,مع السلامه ياعمري
نوف:بحفظ الرحمن,,


.................................................

دق ابو مشاري ع ابو سعود بيشوف وش رد البنت
ابو مشاري:السلام عليكم..
ابو سعود:وعليكم السلام والرحمه..هلا والله
ابو مشاري:هلا بك,,هاااه بشر عسى ريم وافقت؟؟
ابو سعود:لا ابشرك وافقت
ابو مشاري:الله يبشرك بالخير ياخوي,,مبررروك الله يوفقهم ان شاء الله مقدما..عاد نبي الملكه قريييييبه,,وش قلت
ابو سعود:خلاص بعد اسبوعين..وش قلت؟؟
ابو مشاري:الله اسبوعين,,يالله مدام انت اللي حددت خلاص توكلنا ع الله خل اروح ابشر الولد..مع السلامه
ابو سعود:مع السلامه
وراح ابو مشاري يبشر مشاري اللي يوم عرف عن موعد الملكه طااااااااااااااار من الفرحه
مشاري:احلا بشاره سمعته بحياتي
وقام وبااااس راس ابوه




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وبدت ريم تجهز ليوم الملكه مع نوف وراحت لنفس المشغل اللي اشترت نوف منهم فستانها
وشرت فستااان خياااااااااااااااال وطلعت لمحل تنسيق الحفلات وحجزت طاولات وورود وحجزت الديجيه
ورجعو لبيت ريم
ومرت الايام مثل البرق,,,,

في يوم الخميس الساعه 7:00 المغرب
بيت ام سعود كلهم متجهزين لملكة ريم ومشاري
كان شكل ريم مره حلو كانت ع طبيعتها حاطه مكياج دخاني هاااااااادي
ولابسه فستان ليلكي,,
ونزلت ريم من فوق كانو حاطين لها زفه مبروك لحسين الجسمي
وسط تصفيق البنات وصيااااح ام سعود
نزلت ريم كأنها الملاك كل العيون عليها الكل يطالعها وجلست في كوشتها اللي كانت هدية الملكه من نوف
وبعد ماقامو الحريم يسلمون عليها ويباركون لها
سعود يكلم ع امه ويقول ان مشاري بيدخل
دخل مشاري بالصاله وسلم ع ريم وجلس يمينها
مشاري:ألف ألف ألف مبرررروك يالغلا
ريم:اللي يبارك فيك
وبها الوقت كانت المسؤله عن الديجيه حاطه اغنية (سو كنك مادريت وبوسني)
وريم كانت ساهيه وتناظر البنات وهم متغطين شبه غطا,,قرب مشاري من خدها وباااااسها
البنات:ياهووووووووووووووووووووووه ثانيه ثانيه
التفت مشاري عليهم وناظرهم نظره يعني اسكتووووووا
ريم صار لونها احمررررررررررررر
مشاري:يازين اللي يستحوووون
قامت لمياء لمسؤله عن الديجيه وطلبت منها اغنية (بحبك ياحمار)رفضت المسؤله اول شي قالت مو موجوده,ويوم انشبت لها لمياء قالت بحطها بعد هالاغنيه
راحت لمياء للكوشه وقالت لمشاري الاغنيه اللي بتحطها الحين اهداء من ريم لك
مشاري تشقق:والله التفت على ريم اللي كانت منصدمه من لمياء قالها:صدق ياريم الاغنيه اللي بتشغله لمياء الحين اهداء منك
ريم ماقدرت تفشل مشاري وقالت اكيد الاغنيه حلوه:ايه صدق
وشغلت لمياء الاغنيه
بحبك ياحماااااااار ولعلمك ياحماااااار انا بزعل اوي لما حدي يؤلك ياحماااار ياعم الحمير كلهم
مشاري التفت على ريم:هذا اللي قدرك الله عليه,,تهديلي هالاغنيه!!
ريم:لالالالالالا والله مشاري هذا مقلب من لمياء ماكنت ادري انها حاطه هالاغنيه صدقني
مشاري:صدقتك ولمياء هذي بتشوف شغلها والله لردلها هالحركه
والتفت على لمياء واشر لها وهي ميته ضحك
مشاري:تعالي ليش تحطين هالاغنيه؟؟
لمياء:ملييييييت من أغانيكم الرومانسيه
مشاري:الحين تروحين وتحطين اغنية (ياناس أحبه) وقولي هذي اهداء من ريم لي..والتفت على ريم اللي منزله راسها مفتشله
وحطتها ياناس أحبه وأحب اسمع سواليفه صوته يشفي هموم عايشن فيها
يامر وينهي وانا دايم على كيفه أرجي ورود الهوى تنبت براضيها
وهو ينااااااااااااظر ريم ويبتسم ابتسامه ويطلع غميزاته ويناظر ريم بعين مصدق ان ريم اللي مهدتها له

خلصت الملكه ع خييييييير وكلن راح لبيته,,,




اول ماوصل مشاري للبيت مسك جواله وارسل لريم مسج:

تسأليني من هو انتي في حياتي مادريتي انتي فرحة عمري اللي مت أنا أدور عليها,,
انتي اللي من بديتي في حياتي ماأنتهيتي نعمة جتني من الله ياعسى الله يمد فيها,,
من عرفتك وانتي اهلي وانتي ناسي وانتي بيتي وانتي احساسي وصوتي ورغبتي وحاجه ابيها,,
وانتي احلا من سكن هالقلب واول من وفيتي,,
ينطفون الناس بعيوني الى منك ضويتي,,

قرت ريم المسج وكانت تعباااااانه مرررره وابتسمت ابتسامه عريضه
وردت ع مشاري بمسج:


غلاك بداخل عروقي ولا يوصل غلاك انسان يمر الوقت ويثبتلك غلاك من الله أحياني
بضحي بعمري لعيونك تنام انت وانا سهران وانادي جروحك لقلبي وتجي واحد ورى الثاني






,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,

الجزء الخامس


بدت ريم ونوف يجهزون مع بعض من مجمع ل مجمع
ريم ونوف بمجمع(المملكه)يفترون ويشترون
دخلت ريم ناين وست وتكلم اللي يبيع
ريم:have you this the shose size 38 pleas
البائع:yes certain

واشترت وطلعت وراحت لمحل(لويس فيتون)تشتري شنطه..وطلعت من المجمع
ورجعوا كل وحده لبيتها,,



ريم تكلم مشاري
مشاري:يالله مليييييييييت,.,ريم كم باقي على زواجنا؟؟
ريم :وهي تغني (باقي من الوقت لعندك ربع ساعه)
مشاري:ياليييييييييييييييييييييييييت اتمنى
ريم:نعم نعم تخيل باقي ربع ساعه وانا فستان زواجي للحين ماطلع
مشاري:عاااادي ابغاااااااك لو عليك ملابس (هديه بنت بزه),,اصلا كلك ع بعضك عاجبتني..
ريم:شكرا حبيبي
مشاري:ريم وش رايك ياقلبي اعزمك برا؟؟
ريم:لا خلها بعد الزواج احسن اخاف تمل مني..
مشاري:امل منك..احد يمل من القمر
ريم:قمر مره وحده,,
مشاري:انتي القمر والبدر انتي تقولين للقمر ابعد واقعد مكانك,,
ريم:وااااو مااقدر على هالكلام انت بتذبحني..
مشاري:بسم الله عللللليك
ريم:ميشو انت ف البيت الحين؟؟
مشاري:لا انا في السياره,,ريم بسرعه حطي الfm بتصل عليهم الحين
ريم:والله..هذاني شغلتها..
اتصل مشاري على ال fm
مشاري:مساء الخيييييييير
المذيع:مساء النوووووور أخوي..ممكن تعرفنا بالاسم؟؟
مشاري:معك مشاري تركي
المذيع:اخوي مشاري تحب تهدي
مشاري:ابغى اطلب اغنية وابغاك تلبيها ضروري
المذيع:ان شاء الله تسمعها بأقرب وقت..شنهي الاغنيه؟؟
مشاري:اغنية عسى ربي لعبد المجيد عبدالله واهديها لزوجتي ريم..وشكرا
دقايق وحطوا الاغنيه وريم تسمعها
عسى ربي يهنيني بغرامك ولا يحرمني من رقة كلامك
ياأغلى انسان انا عندي ياحزني وفرحتي وسعدي
أخاف الناس عنك يبعدوني حبيبي صرت أغلا من عيوني
واول ماخلصت الاغنيه ع طول ريم دقت ع مشاري تشكره ع الاهداء..





.................................................. ...



وفي بيت العنود صديقة لمياء انواااااااااااع الهبااااال لمياء وجنى وخلود وريما وفجر

شغلت العنود ال دي في دي
قامت ريما ترقص رقص ميريام فارس على اغنية ناديني
رقصها روووووووووووووعه وبدت ريما تهز نفس ميريام
البنات:واااااااااااااااااااااااو
لمياء:خيااااااااااال ريما
ورجعوا جلسوا البنات تعبو من الرقص
خلود:بناااااااااات وش رايكم نطلع؟؟
جنى:يالله بنااااااات صدق خلونا نطلع
فجر:سوررررري بنات مااقدر اطلع معاكم عشان البرذر يقطعني انصااااااف
لمياء:حتى انا مااقدر ماقلت لامي
العنود:دقي عليها وقوليلها
دقت لمياء على امها وقالتلها ان العنود عازمتهم في مطعم,,
ام مشاري:لا تكفين لمياء لاتدخليني مشااااكل مع ابوووك
لمياء:يمه تكفين كلهم بيروحون مافيه الا انا والله عييييييييب ارد عزيمة البنت!!بلللللللللليز ترى بلللليز تهز الحريم
ام مشاري:خلاص بس لاتطولون تسع ونص عندي فاااااااهمه
لمياء:فاهمه ثااااانكس ماااااااااااااام
وتجهزو البنات وركبوا جمس (كاديلك اسكلد)اسوووود لمياء والعنود وجنى بالمرتبه اللي قدام وخلود وريما بأخر شي
راحوا للعليا طبعا كان يوم خميس انواااااع الزحمه والهبااااال
طلعت جنى من شنطتها كاسيت راشد الماجد وعطته العنود تعطيه السواق..
البنات كانو مترددين يدخلون شارع التحليه والا لا؟ لانه كان فايز الهلال يعني هباااااال
ريما:أقول خلونا ندخل حنا اصلا متى نطلع مع بعض
لمياء:خااااايفه لا بنات مو لازم ندخل
اشرت العنود للسواق انه يدخل شارع التحليه ودخل
مع صوت المسجل اللي كان طالع من السياره (ياسلامي عليكم يالسعوديه)وتصفيييييق وتشجييييييع البنات
كان مافيه سيارة عوايل الا سيارتهم كل الشبااااااااب ورا سيارة السواق والشبااب يأشرون للبنات بأنهم يأخذون ارقامهم
جنى:بنااااااااات خلونا نأخذ ارقامهم عشان يروحون وبدو البنات كل ماجاهم بلوتوث استقبلوا
وطلعو من التحليه بسلااااااااااااااااااااااام,,عشتهم العنود بمطعم دارين
وكل وحده رجعت لبيتها وهم يتذكرون مواقفهم بهالطلعه اللي ماتحصل الا بالعمر مره(وعند بعض البنات ماتحصل ولا فيه امل وحراااااااام تفكرين انك تطلعين مع صديقاتك)







.................................................. .

ومرت الايام بسررررعه وباقي على زواج ريم ونوف يومين
ريم ونوف جالسين بالغرفه يسولفون
ريم:يالله نوف من يصدق باقي على زواجي يومين يمه خااااااايفه
ودخل مشاري بدون مايطق الباب
مشاري:وليييييييش خايفه انا باكلك؟؟
نوف:خييييييييييييير ان شاء الله هي وكاله من غير بوااااب يالله اطلع المفروض ماتشوف ريم ماباقي على زواجك الا يومين يالمشفوح..
مشاري:انتي اللي خير ماتلاحظين انك من تملكتي وانت تنافخين عيييييييب نافخي بس مو قداااام حرمتي فشلتيني الله ياخذك
ريم:ههههههههههههههههه
نوف:انا اسفه بس ممكن تطلع برا يااستاذ مشاري
مشاري:مردوده يانوف بتشوووووفين
ووسكر الباب بقووووووه اشك ان الباب الحين بمكانه




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الجزء السادس

في افخم قاعات الرياض,,,,في قاعة المقصوره,,في زواج فريد من نوعه,,
يوم الخميس الساعه 10:00
بدت القاعه تمتلئ بالمهنئين,,
في قاعه الرجال الكل يبارك لمشاري وخالد,,
دخل سعود للقاعه وراح يسلم ع مشاري وطبعا اللي جنب مشاري خالد يعني لازم سعود يسلم عليه,,
سلم سعود ع مشاري وباركله,,
وسلم ع خالد,,
سعود:مبروووك منك المال ومنها العيال
خالد وهو يبتسم ابتسامه خبيثه ويناظر سعود نظرات شفقه ورحمه:الله يبارك فيك وعقبالك ان شاء الله
سعود ندم انه سلم ع خالد,,


في غرفة العروس ريم(لابسه فستان سواريه بيج بذهبي وطرحه دانتيل مشكوكه بذهبي)ونوف(لابسه فستان ابيض فيه الوان)دخلت عليهم لمياء(لابسه فستان اسود مسكر من قدام والظهر مفتوح وفيه طباعه من تحت)وبعدها دخلوا صديقات ريم(الهنوف وعواطف وهيفاء)سلمو عليها وعلى نوف وجلسوا عند ريم,.,
ونوف جالسه تصيييييح..
لمياء:نووووووووف لا تصيحين حسافه المكياج يروح,,الكوافيره رااااحت من يعدل مكياجك
نوف:وانتي مايهمك الا المكياج
لمياء:ايه المكياج أغلى منك..لا أكذب عليك لاتصدقين انتي الغاليه
ريم: لمياء ترا غرررررررت وانا تراي مرت اخوك
لمياء:غلاتك من غلاة نوف,,
البنات:ياهووووووووه
دخلت الخاله الجوهره يلا ريم تجهزي ماباقي على زفتك شي
ريم:هيييييييييييييه يمه وضمت لمياء خايفه
لمياء:ياويلك ان مديتي بوزك كأنك مزوجه غصب,,ابتسمي خلي ظرس العقل يطلع
نوف:هههههههه الله الله أخاف يقولون وش المجنونه هاذي
سلموا صديقات ريم عليها وطلعوا خلاص وداعيه الهنوف ضمت ريم بقوووووه وجلست تصيح..
هيفاء:الهنوف لاتصيحين بعدين تضيقين صدر ريم,,يالله قومي معنا مشاري بيدخل عشان الزفه
الهنوف:يالله وطلعت من الغرفه,,
دخل مشاري
وقامت لمياء تساعد ريم ومشاري عشان الزفه,,
كل انوااار القاعه مطفيه والنور على القمر ريم والملاك مشاري
الشاعر يشعر بريم ومشاري,,وبعدين تقدم مشاري ومسك يد ريم وبدا ينزلها مع بداية الزفه
خذها أمانه ياحفيظ الامانات أغلى الغوالي في يمينك امانه
تصونها صون الكرام العفيفات ولها بقلبك قبل بيتك مكاااانه
والاغنيه بصوووووووت راشد الماجد غيييييييييير
وصلت ريم للكوشه وجلست وجت ام مشاري وام سعود يسلمون ع ريم ضمت امها وصااااحت
مع بداية اغنية (يابوي ياأمي)دخل ابو سعود وسعود ومتجهين للكوشه ومعهم ام سعود
يابوي ياأمي يابعد كل هالناس ياقلبي ينبض بالمحبه والاحساس
يامن غلاكم في حياتي حياتي يسري بصدري مثل ترديد الانفاس
لو قلتلك يابوي عمري هديه واقدمه لجلك براحة يديه
ماضني بوفي ربع فضلك عليه لانك عطيت الحب من غير مقياس
ياامي حنانج في عروقي ودمي وان شفتج انسى كل ضيقي وهمي
وان قلت انا أمي وأمي وأمي تتبسم ايامي ولا حس بالياس
علمتني يابوي معنى السعاده واهديتلي من طيب قلبك قلاده
فيك الوفا يلقى وطنه وبلاده وانت الوطن اللي عشتله رافع الراس
يأمي ياوجه النور والضي والخير بيدج سنيني ياسنيني غدت غير
مهما كبرت ابقى وسط عينج صغير وابقى بقلبج غير عن كل هالناس
لحرمني الله من غلاكم ومنكم والله يبعد ضيق الايام عنكم
بدعي عسى الرحمان دوم يحفظكم يابهجة الدنيا وياكل الاحساس

ريم من سمعت الاغنية صااااااااااااحت وضمت ابوها وامها مع بعض
وخلصت الزفه وطلع مشاري وريم من القاعه للفندق


الحين زفة نوف,,اللي ترتجف من الخوف وخالد يهديها بدت زفة نوف وخالد
وخالد ماسك يدها ومتقدم عنها: ويبدأ راشد:
مرحبا يأجمل عروس في الوجود
مرحبا بالزين كله والجمال
نال قلبي ورده من أحلى الورود
والا أعذبهن واكثرهن دلال
وتبدأ أحلام :
مرحبا بك ياوفا القلب الحنون
ياسنين المجد يامجد الرضا
وجلست ع الكوشه وجت ام مشاري والجوهره يسلمون عليهم
ام مشاري وهي تصييييييييييح وضامه نوف:تو فقدت مشاري والحين بأفقدك يانوووووووف
نوف خلاص ماتقدر امها قدامها وتصيييييح وتقول كلام يعور القلب
صاااااااااااااااحت نوف وجت عندها لمياء وكانت لابسه عباية كتف
لمياء:نوووووف خلاص لاتصيحين قلبتو الزواج نياااااحه,,ودمعت عين لمياء بس ماتبغى تبين لنوف انها تصيييح عشان مايضيق صدرها
وطلعت نوف من القاعه مع خالد





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,

في فندق الفورسيزون بالرياض
الجمعه الساعه 9:00صباحا
صحت ريم قبل مشاري وراحت اخذت لها دش وطلعت
لبست جلابيه فخمه من شالكي واستشورت شعرها وحطت ميك اب خفيف
حصلت مشاري صاحي
ريم:صبااااااااااااح الخير ميشو
مشاري:صبااااح الانواااار ياوجه الخير
قام مشاري وتكشخ عالاخر ونادى ريم عشان تفطر
جلس مشاري يأكلها وهي تأكله(أدري انقهرتوا والله انا منقهره قبلكم بس لاتخافون بخليهم يتهاوشون الحين عشانكم ههههههه )
وبعدين لبسها (الصباحه)_هذي الهديه اللي يقدمها المعرس لعروسته صبحية الزواج_
وبعدين طلعوا من الفندق رايحين لبيتهم اللي شراه ابو مشاري لولده هدية الزواج بيت صغير على قدهم ريم ماكانت تدري انه عنده بيت على انها بتسكن مع اهله
مشاري كان قايل لريم اننا بنروح نسلم على اهلي وبنرجع للفندق,,,
ريم:مشاري حبيبي انت وين موديني بيت خالي مو من هنا!!
مشاري:الحين تشوفين
وصلو ونزلت ريم وهي تقول: بيت مين هذا؟؟
مشاري مسك يدها ووصلها لباب البيت وعطاها المفتاح
مشاري:ريم حبيبتي خوذي المفتاح وافتحي بيتك الجديد قصدي (بيتنا)
ريم:بيتي!!مشاري انت صادق والا هاذا مقلب من مقالبك
مشاري:والله صادق مانتي مصدقه دقي على ابوي واسأليه؟
فتحت ريم الباب ودخلت البيت وهي للحين مو مصدقه
التفتت على مشاري وكان هو بأول الصاله وهي بأخرها وركضت وضمته وهو يضحك
ريم:مشكوووووور ياقلبي على المفاجئه الحلوه..مشاري أحبك,,أحبك
مشاري:واخيراااا قلتيها يارييييييييم وقال بيت شعر
حبك رسم كل الوفا في معانيه مليون أحبك وألف مليون ثاني
ريم: وردت عليه فبيت شعر
اخاف اغمض عيوني وان رمشت افقدك واخاف افتح وتصبح حلم ولا التقيك
مشاري:ريم وش كثر تحبيني؟؟
ريم: مابيك تسألني عن الشوق ياشوق من نظرت عيوني تعرف الاجابه
وصعدت ريم فوق وشافت غرفتها اللي كانت من ذوق نوف خيااااااااااال
وطلعوا من البيت وراحو لبيت ابو مشاري




.................................................. .........


وصلوا لبيت الخال ابو مشاري
دخلوا الصاله وكان فيها ابو مشاري وام مشاري ونوف ولمياء
مشاري وريم:السلام عليكم
الكل:وعليكم السلام
نوف:هلا والله بالمعاريس
مشاري:اللي يسمعك يقول انتي متزوجه لك خمس سنين
الكل:ههههههههههههههه
لمياء:ريم هااااه وش رايك بالزواج؟؟تنصحيني فيه؟؟
ريم:اذا مع واحد مثل مشاري انصحك تزوجي,,
مشاري ابتسم لريم ابتسامه عريضه,,
ابو مشاري:هااااه وش رايك ياريم بالبيت؟؟ان شاء الله عجبك,,
ريم:الله يسلمك ياخالي البيت خياااااااااااااال الله يخليك لنا ذخر..
الكل:اميييييييييييييييين
ام مشاري:مشاري يمه متى سفرتكم؟؟
مشاري:بكره الساعه 5:00 العصر
ام مشاري:الله يساعدكم,,وانتي يانوف متى بتسافرين؟؟
نوف:يوم الثلاثاء..
لمياء:أدري يمه تعبتي من كثر ماتسألين انا سفرتي بعد اسبوع,,هههههههههههههههههههه
الكل:هههههههههههههههههههههه
مشاري:الله يرزقك باللي يسافر فيك..
لمياء:امييييييييييييييييييييييييييين
ريم:الله يرزقك واحد مثل سعود الدوسري,,
لمياء:وشووووووووو,,حرام عليك تبي تذبحيني أخاف كل ماشفت وجهه يغمى علي من حلاته..
نوف:يالله,,مصدقين انتم تكلمون مع البزر هاذي بهالمواضيع..
لمياء:لا عااااااد,,احلفي,,تراك مالك الا يوم صايره(حرم)
مشاري:يالله اجل تامرونا ع شي حنا بنرجع للبيت نرتب اغراضنا عشان السفره,,
ام مشاري:سلامتك يمه بحفظ الرحمن,,
مشاري وريم:مع السلامه
طلعو مشاري وريم وراحو بيتهم
ونوف طلعت مع خالد..
وفي السياره ريم ومشاري:
ريم:مشاري ابغى امر اهلي بسلم ع امي وابوي توقعتهم بيجون عند خالي..
مشاري:من عيوني,,اوديك لهم
ريم:تسلم




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,


في بيت ابو سعود الساعه 1:30 الظهر
كانت جالسه ام سعود وابو سعود بالصاله
ودخل عليهم ريم ومشاري
مشاري وريم:السلام عليكم
وقامت ام سعود ركض لريم وضمتها وسلمت ع ابوها وباست راسه
ابو سعود:وش أخبارك يامشاري؟؟
مشاري:والله بخير ونعمه,,
ام سعود:تراكم بتغدون عندنا اليوم!!
ريم:ايه قوليله يمه اقوله خلنا نتغدا عند اهلي ويقول وشوله تكلفين ع امك نتغدا برا احسن..
ابو سعود:مافيه طلعه من هالبيت الا متغدي
مشاري:أبشر,,
ودخلت ريم مع امها يتساعدون بالمطبخ وابو سعود ومشاري بالصاله
ام سعود:يمه ريم رحتي لخالك ابو مشاري؟؟
ريم:ايه,,تونا جايين منهم,,يسلمون عليك
ام سعود:الله يسلمك ويسلمهم..
وجهزوا الغداء وحطوه ع الطاوله وجلسوا يتغدون جميع
دخل سعود
سعود:أهلاااااااااااااا وسهلاااااااااااااااا
مشاري:هلا والله..قالها وهو قايم يسلم على سعود
وقف سعود وهو ماسك كرسي الطاوله ويناظر وش طابخه امه للنسيب,,سعود:ولا لكم خوي ولا شي ماتقولون ننتظر سعود يتغدى معنا,,
ام سعود:وش عرفني شفتك طلعت بدري اليوم وقلت عندي شغل وماراح ارجع الا متأخر..
سعود:يالله عادي مسامحه هالمره,,ريم يالدبا وش أخبارك؟؟وش أخبار العرس؟؟
ريم:الحمد لله كويسه,,وبالنسبه للعرس اصبر تراني امس متزوجه...
سعود:يالله بسرعه متى سفرتكم؟؟عشان بروح معكم
مشاري:بتروح معنا(انا لله وانا اليه راجعون) اسمع هونا ماراح نسافر!!
سعود:وش دعوه,,هاذا وانا كنت بسويها سبرايز لكم الحمد لله ماسويتها وجيتكم هناك اخاف تطردني
مشاري:هاذي سبرايز هاذا والله خبر نعي,,
سعود:اف اف اف خلاص هونا روحوا لحالكم..
ريم:ههههههههههههههههه
ام سعود:ان شاء الله نزوجك وتسافر مع زوجتك,,
سعود من سمع كلمة زوجتك تغير وجهه(لانه اللي يحبها وناوي يتزوجها تزوجت)
مشاري:ياهووووووووووووه..ياورع وين رحت؟؟
سعود:اسمعكم,,وش فيكم؟؟
ريم:لا سلامتك مافينا شي
وخلصو متغدين ورجع مشاري وريم لبيتهم





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,


يوم السبت الساعه 3:30 العصر
في بيت مشاري
مشاري:ريم يالله خلصي باقي ع الطياره ساعه ونص متى بنوصل؟؟
ريم:هذاني جيت..وهي تسكر عبايتها وتلف الطرحه وتقطها ع وجهها
وصلو المطار,,وركبو الطياره,,


وفي الطياره,,في الدرجه الاولى,,في الرحله المتوجهه الى مطار (هيثرو)في لندن
الطياره كانت هدوووووووووء ريم جالسه تقرا كتاب ومشاري يقرا جريده..
وبعد خمس ساعات وصلت الطياره الى مطار هيثرو وطلب من الركاب ربط الأحزمه استعدادا للهبوط
نزل مشاري وهو ماسك ريم......
ريم كانت تطالع المطار والناس عرب واجانب,,لانها كانت اول سفره لها لاوروبا ماراحت الا لبنان ومصر والمغرب
وكان اللي مستقبل مشاري وريم صديقه فيصل
طلعوا برا المطار وحصلوه واقف
مشاري:هلاااااااااا والله
فيصل:هلااااااااااااااااااااااااا وغلااااااااااااااا ألف مبروووووووووووووك الزواج
مشاري:الله يبارك فيك,,عقبالك
فيصل:ان شاء الله..يالله ماودكم تركبون؟؟
ريم كانت كاشفه بس ماحطت عينها بعين فيصل
وصلو الفندق اللي حجز فيه مشاري,,,,
وصلو تعبانين من السفره ونامو..




..............................................

الجزء السابع


في أفخم فنادق لندن,,في فندق (الدورشستر),,,الساعه 9:00 صباحا
ريم صحت مشاري عشان يتفطرون
ريم:مشاري حبيبي يالله قوم عشان تتفطر,,
نادت مشاري وصاحو الخلق لبيه من زينها كل الخلايق مشاري
وراحت تفتح ستائر الغرفه,,صحى مشاري وجلسو يتفطرون
مشاري:ريم وين تبغين تروحين اليوم؟؟
ريم:ماادري اي مكان,,مايهمني اهم شي معك..
مشاري:خلاص بوديك شارع اكسفورد ومجمع الهارودز؟!ok
ريم: ok
وراحت ريم تغير ملابسها ولبست(بنطلون جيز ولبست فوقه بوت مخمل اسود ولبست قميص ابيض مكسر وفوقه جاكيت رسمي اسود مخمل وفكت شعرها وكان ع طبيعته لونه بندقي ولبست نظارات ماركة فرزاتشي)
ومشاري كان لابس بنطلون جيز وجاكيت جلد بني ماركة كريستين ديور,,وحاط بشعره جل ولابس نظارات فضل شاكر الدوائر واااااااااو شكله خيال
وطلعو وعند مجمع الهارودز عند بوابة العطور وقف مشاري لانه شاف واحد من اصدقاه ايام الجامعه وقال لريم تقدمي ادخلي وانا لاحقك
راح مشاري يسلم عليه وريم دخلت
ريم وهي قاعده تتمشى في المحل وهي تتكلم بصوت واطي:يالله وين راح مشاري خلاني بلحالي
كان وراها واحد وسمع وش قالت..وجلس يقول:من هاذا اللي مخلي هالوجه بلحاله؟؟انا لو عندي هالوجه قابلته اربع وعشرين ساعه..
ريم ماردت عليه خلته ليمن زهق وراح
دق مشاري ع ريم ويسألها عن مكانها
ريم:انا واقفه عند المحل اللي عند البوابه
مشاري:وينك؟؟ماشوف احد؟؟ااااه لقيتك يالله جايك وسكر
ريم وهي تناظره وهو يمشي جاي لها,,تناظر,,مشيته,,ضحكته اللي من اقبل لها وهو يضحك بوجهها,,
ريم:مشاري وين رحت خليتني بلحالي؟؟تخرعت
مشاري:بسم الله عليك من الخرعه..رحت اسلم ع واحد من اصدقاي ومابغيته يشوفك وانتي كاشفه لانه بيقعد فوق راسي ويقول ليش تخليها تكشف وليش,,وليش؟؟
ريم:اهاااا فهمت...مشاري بدخل هالمحل ترا بتدخل معي والا ماراح ادخل؟؟
مشاري:خلاص بدخل يالله
واخذو فره بالمجمع وطلعو,,راحو وقعدوا بمقهى,,
بعدين راحو يتغدون بالمطعم الأيطالي spegati house.....



يوم الثلاثاء الساعه 4:00 العصر
خالد ونوف في الطياره المتجهه الى ايطاليا
قضوا اسبوعين مابين روما وميلانو وفينيسيا وكانت أحلا ايام ع نوف بس..
سفرة خالد ونوف لم تخلوا من النقاشات الحاده..





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,


في بيت الجوهره كانت جالسه بلحالها اللي كان مونسها راح
كانت جالسه ودموعها على خدها وتقول في قلبها (انا الحين ليش اصيح ولدي وتزوج والله يوفقه وأخذ البنت اللي يحبها وتحبه والله يهنيهم ويرجعهم بالسلامه)
قامت دقت على اختها ام مشاري
الجوهره:السلام عليكم
ام مشاري:وعليكم السلام,,هلا والله بأختي الغاليه وش أخبارك؟؟
الجوهره:الحمد لله انا بخير انتم وش اخباركم وش اخبار ابو مشاري ولمياء؟؟
ام مشاري:والله الحمد لله بخير ونعمه,,
الجوهره:وش اخبار مشاري وريم؟؟
ام مشاري:والله الحمدلله يسلمون عليكم سلام كثييييير
الجوهره:ام مشاري ابيك تجين عندي انتي ولمياء اليوم
ام مشاري:خلاص ابشاور ابو مشاري وارد لك
الجوهره:خلاص اجل اللي يحييكم يالله مع السلامه
ام مشاري:مع السلامه



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


ومر اسبوعين......في لندن......في الدور شستر.....
مشاري:ريم يالغلا ماودك تخلصين عشان نتغدى ونروح المطار
ريم:يالله بس البس واجي
مشاري:والله حلوه حلووووووووووه لاتحطين شي
ريم: بعيونك ميشووو
طلع مشاري وريم من الفندق بعد ماتغدوا,,,
ركبوا السياره واتجهو للمطار,,



,,,,,,,,,,,,,,,,,,,,,,,,,,,,,,,,,,,,,,,,,,,,,,



في بيت ابو مشاري
كانو مسوين حفله لريم ومشاري
وصل مشاري وريم وماكانو عارفين بالحفله
مشاري:السلام عليكم
الكل:هلااااااااااااااااااا
سلم على ابوه وامه وخواته
ام مشاري:الحمدلله ع سلامتكم
ريم:الله يسلمك ياخالتي
ابومشاري:مشاري عندي لك مفاجئه
مشاري:مفاجئه!! هااااه بشر
ابو مشاري: مكتبك جاهز وتقدر تداوم من بكره بشركة ابوك..نائب المدير العام:..مشاري بن تركي..لاييييق
مشاري وهو مو مصدق: والله..نائب مدير!!الله يخليك لي يايبه ويطول بعمرك
ريم:مبرووووووك مشاري
مشاري:الله يبارك فيك انتي ياوجه الخير
ولمياء:الف مبروووووووووووووك مش مش
مشاري:خييييييير مش مش خلك مثل ريمو تقولي ميشووو
الكل:ههههههههه
خلصت الحفله ورجع مشاري وريم بيتهم..



,,,,,,,,,,,,,,,,,,,,,,,,,,,,,,,,,,,,,,,,,,,,,,,,

يوم السبت الساعه 5:00 العصر
نوف وخالد في مطار الملك خالد الدولي..
نوف ماخبرت احد ان رجعتها اليوم مسويتها سبرايز,,
توجهوا للصاله..
وبهالحظه كان سعود يودع واحد من اصدقائه اللي كان مسافر في بعثه,,
تفاجأ بوجود خالد قريب منه ومعه نوف,,خالد ماكان منتبه لسعود لانه كان فيه حاجز بينهم,,
وقف سعود يناظر حبه اللي ضاع منه (نوف)ويتابع مشيتها اللي كانت سريعه,,


شفتك معه وصديت عنك واقفيت أخاف اموت من القهر في مكاني


,,,,,,,,,,,,,,,,,,,,,,,,,,,,,,,,,,,,,,,,,,,,,,



وبعد مرور سنه كامله.....









ريم حااااااااامل وبالشهر الرابع.....








ريم كانت فبيت ابوها
ريم:يمه اللي يعين خااااايفه من مراحل الحمل والولاده
ام سعود:ولييييش تخاااافين يايمه الحمل مايخوف ان شاء الله تمر هالشهور ع خير وتولدين وتجيبين ولد بأذن الله
ريم:ان شاء الله
ودخل سعود وجلس يسولف مع ريم,,,




,,,,,,,,,,,,,,,,,,,,,,,,,,,,,,,,,,,,,,,,,,,,,,و


يوم الأثنين فبيت نوف الساعه 2:00 ليلا
نوف تنتظر خالد يرجع قالها بروح مشوار ساعه بالكثير وبرجع,,,
جلست نوف الى الساعه 4 الفجر وغلبها النوم ونامت ع الكنبه
دخل خالد ويمشي شوي..شوي..صحت نوف لانها سمعت صوت الباب
نوف:خاااااااااااااالد وييييييييينك اول مره تتأخر برا البيت فيك شي
خالد:لا مافيني شي ليش لازم أخذ منك موافقه عشان اطلع يامدااااااام نوف
نوف:طيب وش فيك تكلمني بهالطريقه انا زعلتك بشي
خالد:اوووووووووووف تراني مااحب هالاسئله ودفها ع الكنبه
نوف:خالد ليش تكلمني كذا انا أحبك
خالد:وانا ماأحبك كلمتك بعدين تزوجتك عنااد في سعود لأنه يحبك ومالقيت أحسن من هالأنتقام فهمتي؟!
نوف وهي تصيح:حراااااااااام عليك بس انا مو لعبه بيدك ليش تتزوجني وانت ماتحبني
خالد:يالله تصدقين كسرتي خاطري,,لالا تكفين لا تخليني اصيح تراااااني رايق
نوف تصييييييييييييييييييييح
واستمر خالد على هالحال يسهر برا البيت لوقت متأخر وبعض الاحيان مايرجع للبيت
نوف كانت رافضه انها تقول لاحد لأنهم ماراح يصدقونها لأنه اذا جا عندهم ينقلب ميه وثمانين درجه ويرجع خالد الاول



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

الجزء الثامن

يوم الأربعاء الساعه 5:30 الفجر
ريم في البيت بدأ فيها الالام الولاده صحت مشاري وهي تصييييييح
مشاري:ريم وش فيك تصيحين؟؟
ريم:مشاري الحقني خلاااااااص بولد ودني للمستشفى
مشاري:يالله قومي بسررررررررررعه
مشاري شال ريم وركبها السياره وسييييييييييده ع المستشفى
بعد خمس ساعات ومشاري في غرفة الانتظار والى الحين ماخبر احد ان ريم بالمستشفى
طلعت النيرس وراحت لمشاري وقالتله:انت زوج مدام ريم؟؟
مشاري:اييييييه بشري ريم ولدت
النيرس:مبررررررررررروك ولد
مشاري من الفرحه بعد النيرس بقوه وطاحت على الكرسي وركض عند ريم
دخل على ريم ولقاها نايمه وباس جبهتها ويدها
مشاري:مبروك يالغاليه يارب ياعلني مانحرم منك ياريم
جلس يكلمها وماردت لانها نايمه
طلع مشاري وراح اشترى بوكيييييه وررررد كبييييييير وحطه عندها وكتب ع البطاقه
الف الف الف مبرروك يام تركي
اتصل مشاري على ابوه
مشاري:هلااااااااا يبه عندي لك بشاره
ابومشاري:خيررررررررر ان شاء الله
مشاري:جاني ولد وسميته تركي عليك
ابو مشاري عجز يمسك نفسه وجلس يصييييييييييح
ابو مشاري:مبررررررروك يامشاري الله يجعله من الذريه الصالحه
مشاري:امييييييين
وكلم امه وخواته وبشرهم وباركو له
وكلم خاله ابوسعود وام سعود وبشرهم,,,,




................................................



يوم الاربعاء الساعه 5:00 العصر
كلهم مجتمعين عند ريم (ابومشاري وام مشاري ونوف ولمياء وام سعود وابوسعود وسعود ومشاري)
نوف ولمياء كانو متغطين..
لمياء:ريم ولدك ووووووووووع قبيح ليش ماطلع على عمته
ريم:مقبوله يالمياء ولدي قبيح هااااه,,وش رايك يانوف؟
نوف وصوتها مبحوح:لا والله وش حلاته..(محد حس بنوف الا امها ناظرتها ونوف نزلت راسها عشان ماتنتبه لعيونها)
كانت نوف طول الوقت تناظر سعود وتتذكر كلام خالد,,
سعود كان يحاول ينسى نوف بس مايقدر لأنه يشوفها كثيييير,,
جلسو عندها ساعه وطلعو كلهم..
جلس عندها مشاري وكان معاه تركي الصغير..
مشاري نادى النيرس
ريم:وش تبي فيها
مشاري:الحين تشوفين
وعطاها جواله وفتح الكاميرا وجلس مشاري جنب ريم وبحضنه تركي وقال يالله صوري
كانت الصوره خياااااااال,,,



وفي بيت ام مشاري
ام مشاري:نوف يمه وش فيك انتي تعبانه؟؟
نوف:لا يمه مافيني شي بس امس تعبت ورحت للمستشفى
ام مشاري:الحمدلله ع سلامتك
نوف:الله يسلمك يارب ياعل اللي جاني مايجيك يمه
ام مشاري:امييييين
ودق خالد ع نوف وقالها تطلع رفضت نوف تروح معه
خالد:شوفي انا الحين عند الباب اذا ماطلعتي انا بدخل واخذك واركبك غصب تفهمين
نوف حست انها ضعيفه عنده ولبست عبايتها وطلعت..



.................................................. ..


وصلت نوف لبيتها مع خالد دخلت ودموعها ع خدها,,
جلست بالصاله لحالها لأنه خالد صعد غرفته ومانزل,,
جلست تناظر بيتها وتناظر ألوان الصاله كانت تضيق الصدر زيتي وبني,,
انتظرت خالد ينزل مانزل قالت خل اصعد له فوق,,
وهي متجهه لغرفة الضيوف اللي كان خالد ينام فيها قربت من الغرفه لأنها تسمع خالد يتكلم مع نفسه,,
وصلت لعند الباب وجلست تتسمع كلامه,,
فهمت انه قاعد يكلم بالجوال بس مين ماتدري؟؟

خالد:خلاص لاتزعليييييييييين ياقلبي
خالد:تبغين اراضيك
خالد:اطلبي عيوني لك
خالد:يالله ياعمري الحين لي ساعه وانا أكلمك وللحين ماشبعت من كلامك اللي ينقط عسل بس خلاااااااااااص فيني نوم
خالد:أنا ادري اني انقطعت سنه عنك بسبب زواجي وهذاني الحين رجعت لك والله لايفرقنا..

,,أكبر قهر شوفة وليفك مع الغير يضحك ويعطي مثل ماكان يعطيك,,

نوف انصدمت معقوله خالد يكلم بنت ليييييييييييييييييش ياخالد
فتحت الباب عليه وكان بيناااام ركضت عنده وجلست تصيييييييح
نوف: ماتوقعتها منك ياخالد طعنتني بخيانتك,,
خالد:انتي باي حق تجسسين علي مالك شغل اكلم ماأكلم مايخصك فاهمه؟؟
نوف:هذي اللي خربت حياتنا هذي اللي تغيرت علي عشانها هالواااااااطيه,,اللي تكلمك وتكلم غيرك,,
خالد:...................
نوف:حسافه ياخالد طوول هالفتره اللي راحت وانا على امل انك تتغير لكن للأسف بعد ماأكتشفت خيانتك بهاللحظه حبك اللي هنا(تأشر ع قلبها)انتهى وماااااااااااااااااااات...

مات حبك والبقيه في حياتك في حنايا خافقي لاقى مصيره
خذ مع الجثمان باقي ذكرياتك تجربة حبي معك كانت مريره

وطلعت من الغرفه وخذت شنطتها واتصلت ع مشاري وجاء ياخذها سألها مشاري بالتلفون لييييش تبي تروح ماردت عليه,,
وفي السياره نوف من الصدمه ماتتكلم,,جلس مشاري يسألها
مشاري:وش فيك يانوف خالد فيه شي,,
نوف تصييييييييح: يأخوي لاتسأل عن اللي حطم أحلامي عن الدمعه عن النظره الحزينه والعنا والآه
عن البسمه او الاحساس او الشقا اللي فأيامي ترى في دمعتي قصه وانا في قصتي مأساه
اشوف الظلم بعيوني يعذب قلبي الظامي اشوف الكره معميهم وكلن ملتهي بدنياه
اشوف الكل هاجرني ويقرب لحظه اعدامي انا والله لي قلبن حنانه هو سبب بلواه
قالت نوف لمشاري كل شي وقالت ابي اتطلق منه,,
هداها مشاري ووصلها لبيتهم,,


....................................

يوم السبت:::

طلعت ريم من المستشفى لبيت اهلها
اول مادخلت ريم كان اللي مستقبلها سعود
سعود:اهلاااااا اهلاااااااا بام العيال
ريم:حراااااام عليك ام العيال مره وحده انا توني صغيره ع الكلمه
سعود ومشاري:ههههههههههههههههه
مشاري:يالله سعود ماوصيك على ريمووو حطها بعيونك
سعود:بعيوني!!لا حبيبي امي مجهزه لها سرير وشوله احطها بعيوني
مشاري:ههههههههههههههههه
طلع مشاري وراح بيته..
مشاري يوم دخل البيت حس بكآبه مو طبيعيه البيت من دون ريم كئييييب




وبدأو الناس بزيارة ريم,,اسبوعين وبيت ام سعود ملياااااان





جا مشاري لريم يزورها ويشوف تركي
مشاري:سلااااااااااااااام ياحلو
ريم:هلااااااااااااا والله
مشاري:وش أخبارك الحين؟؟
ريم:الحمدلله تماااام
مشاري:مامليتي من بيت اهلك مااشتقتي لبيتك؟؟
ريم:الا والله اشتقت للبيت وراعي البيت
مشاري:يالله اجل امشي بلا نفاس بلا خرط فااااااضي
ريم:ويييييييين تخيل رايحه باقيلي اسبوع ونص
مشاري:الله الله الله اسبوع وش بيصبرني عنكم انتي وتركي اسبوع
ريم:لا واحسب اسبوع عشان بتضبط
مشاري:مدام باقي اسبوعين,,انا بسافر لدبي عندي شغل لبوي بخلصه
ريم:كم بتقعد؟؟بالطياره؟؟
مشاري:اسبوع وبالسياره
ريم:ليش بالسياره طريق الامارات طوييييييييييل
مشاري:دورت حجز بكره مالقيت قلت اروح بالسياره
ريم:تروح وترجع بالسلامه حبيبي
مشاري:الله يسلمك






............................................


سافر مشاري لدبي......مشى متأخر.....ومشاري عنده ضعف بالنظر.....







مشاري كان مشغول يصب له شاي مانتبه للتريلا اللي كانت قدامه لانه مافيها انوار.....





اصطدم مشاري بالتريلا ولم تتبقى من سيارته الا قطع من الحديد المتناثر....






بعد مرور ثلاث ساعات من الحادث جائت الأسعاف الى موقع الحادث واخرجو مشاري من السياره
ووضعوه على الارض
اقترب رجل من رجال الاسعاف امسك بيد مشاري...واستمع لنبضات قلبه....ولكن دون جدوى....لاقلب ينبض ولا عرق يتحرك...


مااااااااااااااااااااااااااااااااااااات مشاري

(كل نفس ذائقة الموت)


بحث رجل من رجال الشرطه على اثبات لمشاري وارقام هواتف اهله واتصل على ابومشاري.......




,,,,,,,,,,,,,,,,,,,,,,,,,,,,,,,,,,,,,,,,,,,,,,,وو

الجزء التاسع

يوم الاربعاء الساعه 1:00 ليلا
طووووووط طوووووووووووط طوووووووووووووط

تنبه ابو مشاري على صوت الجوال
ابومشاري:....نعم
:ممكن اكلم الأخ تركي بن محمد
ابو مشاري:انا تركي من معي
:معك الملازم احمد
ابومشاري:حيااااك الله,,خييير يالاخو فيه شي
الملازم احمد: ولدك مشاري صار عليه حادث بخط الامارات
ابومشاري من سمع هالخبر تجمدت رجليه ووقف منبهر
الملازم احمد كان خايف انه يقول ان مشاري مااات بس مضطر يقول هذي وظيفته
الملازم احمد:ابومشاري انا ادري انك مؤمن بربك وبقضاء الله وقدره ومكتوب ان مشاري يصير له حادث ويم......
ابومشاري:بس لاتكمل لاتتفاول على ولدي,,مشاري ما ماااااااااات مشاري صار الحين ابو عنده ولد وسماه تركي بعد
احمد: اناآسف اخوي بس مضطر اسكر واقولك ان مشاري ولدك مااااااااااااات
سكر ابومشاري وجلس يصييييييييييييييييييييييييييييييييييييييييييح
جت ام مشاري تركض سمعته
ام مشاري: تركي وش فيك تعوذ من ابليس وش اللي جاك من اللي كلمك؟؟واحد من اصدقاك جاه شي؟؟(كانت مستبعده انه مشاري صار له شي)
ابو مشاري :مشاري يامهره مشاري يطلبك الحل مشاري ولدي ماااااااااات
ام مشاري:....................
ام مشاري بدت تصيح وتصارخ حتى ان الجيران جو طقو الباب بيشوفون وش فيهم..
دخلت نوف ولمياء ع ام مشاري وخبرتهم نوف اغمى عليها ولمياء جلست تصيح..





.......................................


الخبر وشلون بياصل لريم؟؟؟
كل اقاربهم كانو متخوفين يقولون لريم يخافون يصيرلها شي...

يوم الخميس الساعه 2:00 الظهر

ام سعود توكلت على الله وقررت انها تقول لريم
طقت باب الغرفه ولقت ريم تلعب تركي
ريم: بابا...بابا....
ام سعود ماتحملت ونزلت دموعها ع خدها
ام سعود:ريييييم
ريم:سمي يمه بغيتيني
ام سعود جت وجلست على سرير ريم
ام سعود:ريم انا عارفه انك مؤمنه بربك ومؤمنه بشي اسمه قضاء وقدر,,
ريم:خيييييير يمه خوفتيني وش هالمقدمه
ام سعود:ريم انتي لازم تصبرين وتحتسبين الاجر من ربك
ريم:.................
ام سعود:ريم....مشاري صارله حادث بالطريق
ريم:
ام سعود:مشاري يطلب منك الدعاء له
ريم:يمه يعني مشاري مااااااااااااات
ام سعود:..............
ريم:الله يرحمه ويدخله جناته ان شاء الله وكلنا بنموت...
ام سعود انصدمت من رد ريم توقعت ان ريم مو بكامل قواها العقليه
ريم جلست تصييييييييييييييح
قالت ام سعود لا ريم مافيها شي وهذاها تصيييييح
بعدين تجلس ريم تضحححححححك
وجلست ام سعود تصيح على حال بنتها اللي يقطع القلب
وطلعت وخلتها بلحالها وقالت لحد يدخل عندها
دخلت نوف عندها لكن مافيه فايده البنت ساااااااااااكته والا تناظر تركي وتمتم بكلمات مو مفهومه؟!




,,,,,,,,,,,,,,,,,,,,,,,,,,,,,,,,,,,,,,,,,



يوم الجمعه الساعه 12:15 الظهر في جامع الراجحي بالرياض
صلوا ع مشاري بعدين اخذوه للمقبره وكان اللي شايلين مشاري (سعود وخالد وابومشاري وابو سعود )وبعض الرجال اللي كانوا جايين يصلون ع مشاري
كان ابومشاري واقف وهم يحفرون قبر مشاري وكـأنه مو مصدق وأصر ابومشاري انه هو اللي يدخل مشاري لقبره ويوجهه للقبله,,
وقف ابومشاري قريب من قبر ولده ويصيييييح ويدعي له..
من يلوم العين لو هلت دموع ومن يلوم القلب لو صفق وصاح
لي حبيب راح ماطرى الرجوع ليتني ودعت زوله يوم راح
آه من قلب كفخ بين الضلوع مثل كفخ الطير مكسور الجناح
ليتني وسط الخلا وأعطش وأجوع ولاسمعت اللي نعى هاك الصباح

وصل ابومشاري للبيت معه ابوسعود وسعود وخالد,,وبدأ بيت ابومشاري يمتلئ بالمعزين,,
وفي مجلس الحريم ام مشاري وام سعود ونوف ولمياء وخالتهم الجوهره (ريم كانت رافضه انها تطلع لاحد)
ام مشاري وهي تصيح:رحت يامشااااااااري وولدك توه صغيييير مالحق يتهنا فيك,,
ام سعود:تعوذي من الشيطان يام مشاري وصياحك ع مشاري مايرجعه وادعيله يام مشاري هو محتاج لدعائك الحين..
ام مشاري:مسكينه ياريم صارت أرمله وهي ماكملت اربع وعشرين..وترجع تصيييييييييييح
ام سعود:انا لله وانا اليه راجعون ترحمي عليه يامهره,,


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


ومر اربع شهور على حال ريم للحين مو مصدقه ان مشاري ماااااااااات




يوم الاحد في بيت ابو سعود جالسين كلهم بالصاله يتغدون
طلعت ريم واستغربو طلعتها من غرفتها
سلمت ريم عليهم
ريم:لييييييييييييش تاكلون توه مشاري اتصل علي يقول بجي اتغدا معكم!!كيفكم مدامكم تغديتوا انا بتغدأ انا وياه,,
ابو سعود:ريم يابنيتي اذكري ربك
ريم:لا اله الا الله,,ورجعت تصييييييييييح
ام سعود مامسكت نفسها جلست تصييييييييييح واخذت ريم ودخلتها الغرفه,,,,




,,,,,,,,,,,,,,,,,,,,,,,,,,,,,,,,,,,,,,,,,,وو


وكل مامرت فتره اهل ريم ظنوا انها الحمد لله نست مشاري وتطلع تذكره بشي ثاني
في بيت ام سعود كان عندهم ام مشاري ونوف ولمياء
الحريم جالسين بالصاله ام مشاري تلعب تركي
ونوف تسولف مع ريم عن تركي
فجأه...قطعت ريم كلام نوف
ريم:نوف تكفين عندك رساله حلوه؟؟ مشاري يرسلي وماأرد عليه أخاف يزعل!!
نوف:............................
لمياء:............................
ام سعود:...........................
ام مشاري انفجرت تصييييييييييييييح وضمت ريم وتركي,,,



,,,,,,,,,,,,,,,,,,,,,,,,,,,,,,,,,,,,,,,,,

دخلت ريم غرفتها ويوم شافت تركي تذكرت حبيبها مشاري ودمعت عينها
شوي ومسحت دموعها واخذت ورقه وقلم وجلست تكتب ها القصيده:
مرحوم يامن عن عيوني تواريت أودعتك اللي مايخون الوداعه
ليتك مع الحيين ياغالي ضليت وأشوف زولك كل وقت وساعه
كنك امامي حي توك تعديت عليك زادت لوعتي والتياعه
على فؤادك غالي الدمع هليت كلما أتذكر ضحكتك كل ساعه
قبرك عساه به ينبت الورد تنبيت وردآ من الفردوس زاهي رباعه
دعيت لك بالخمس لين قمت صليت بالجنه العليا بعيد اتساعه

سكرت ريم الدفتر وهي ميته من الصيااااااااااااح


استمرت ريم على هالوضع سنه كامله.....بعدين بفضل من الله رجعت ريم الاوليه والحمدلله....






,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,


يوم الخميس الساعه 5:00العصر
نوف كانت عند اهله لها اكثر من ثلاث شهور..
يدخل ابوها ومعه ورقة طلاق نوف...
نوف اغمى عليها من الصدمه لانها للحين تحب خالد(هذي نتيجة اللي يتزوج عن حب من طرف واحد)

صدك عن اللي ملتفت لك ردى حظ وركضك ورى اللي ماهو يمك مذله؟!




نهاية قصتي::::
سعود للحين ماتزوج لانه للحين يحب نوف..خطب نوف لكن رفضت قالت حرام واحد مثل سعود يتزوج وحده مثلي (مطلقه)؟؟
سعود خطب نوف مرتين بعد الاولى وبعد محاولات من ريم ولمياء وام سعود وافقت وتزوجت سعود وعاشت احلا ايام عمرها وجابت منه ولدين وبنت(طلال ومشاري ويارا)....
لمياء تزوجت صديق اخوها مشاري (فيصل)وجابت (دانه)....
ريم ربت تركي وقسمت انها ماتتزوج بعد مشاري..




اتمنى ان تحوز روايتي القصيره على رضاكم

تحياتي:
(نوأاأاأاأاأاأاأاري)

الشعراء الذين وردت مقتطفات أشعارهم في روايتي وهم:
سعود بن بندر
البندري بنت عبدالعزيز
فيصل اليامي
وباقي المقتطفات من الانترنت