*0 بنوته دفشه0*

حمد:احمد الله وأشكر فضله ,أخيرا صرت آكل مثل الناس ..
محمد:والله صادق تعبنا من أكل المطاعم وأكل حمادووه ال... الحلو طبعا..
الكل ضحكوا سوا وراحت حنان عالمطبخ وقررت تسويلهم مكرونه بالتونه..
كانو عالساعه ثمان ونص يتعشون لما رن تيلفون محمد:هذي حلوة اللبن .
صلاح :عطني بقص عليها ..
اخذ صلاح التيلفون وغير صوته أشوي :آآآآآآآآآلوووووووو من يتكلم منو أم محمد الوالده أنتي غلطانه مب تيلفون محمد..
أم محمد بعصبيه :صلاح والله مو فايقه لك عطني أخوك بسرعه..
أخذ محمد التليفون بسرعه من صلاح وهو متفاجأ من أمه مش عوايدها تكون عصبيه ...
محمد:السلام عليكم هلا الوالده..
أم محمد خبرت محمد بكل اللي سمعته وحلفته بالله يصدق معاها.. قام من العشى ودخل غرفته وقعد يكلم أمه وهو متفاجئ وحلف ان الكلام اللي طلع جذب بس أمه قالتله أنا ما أرضى على بناتي الغلط ولا زم يصلح الغلط قبل ما يكبر وتروح سمعت بنت شريفه..
محمد طبعا أنصدم من تفكير أمه الرجعي والامر الواقع اللي انحط فيه ..قالتله أبوك يقولك أتزوجها نهاية الشهر هذا والا بيتبرى منك ..
الكل برى متفاجئ من اللي صار لمحمد وليش خلا العشى ودخل داخل ..فدخل حمد وصلاح عسب يعرفون الموضوع فقالهم الصدق فالكل أتفاجأ ومو عارفين يفكرون ....
.............
شو موقف حمد من رفيجه الروح بالروح وأخته الغاليه؟
شو موقف حنان من اللي صار؟
محمد بيرضخ لهم ؟
أم خلف شو بتستفيد من كل هذا ؟


الجزء السادس
في الفجيره
بو محمد طلع على بيت بو حمد وياه أم محمد راحوا يخطبون حنان قبل ما تنتشر السالفه أكثر وتنفضح البنت أكثر ..
طبعا بو حمد اتفاجأ بس طلب مهله يسأل البنت وأخوانها ويرد عليهم بس هو مقدما موافق..
حمد يكلم أبوه وما متفاجأ من الشيء اللي سواه أهل محمد لأنه كان متأكد من الشيء من واقع معرفته بيهم وتربيته في بيتهم مع أولادهم..
محمد مصدوم وقاعد يفكر ليش صار جيه من له مصلحه في الموضوع..على طول يات في باله ام خلف ..
اتصل على مريم اللي كانت قاعده تفكر بالموضوع وتقلبها في راسها..
محمد:السلام عليكم..
مريم :اهلين .
محمد:قبل كل الكلام والله مابيني ,وبين المستوره أي شي والله شاهد على كلامي ويستر عليها ..
مريم :والله أدري وقلت للوالد بس تعرف محبته لهم ومستحيل يرضى عليهم بأي كلام يمس شرفهم ,أنت ريال ما تنعاب بس البنت شرف.
محمد:والله العظيم أن مابيني وبينها أكثر من اللي تعرفينه,بس والله إني شاك بعجوز النار أم خلف .
مريم :أتصدق حتى أنا شاكه في الموضوع.
محمد:تذكرين لما كانت تقولي كلام عنها ,شو خلاها اتكبرها ودخلني في الموضوع؟ لأني رديت عليها آخر مره؟..
مريم:حبيبي لا تعب نفسك في التفكير والزواج بيتم وفي أسرع وقت الوالد خطبها خلاص ونتريا الرد..
سكت محمد وما عرف شيرد على أخته فسكر عنها وهو سارح لبعيد بتفكيره..
حنان قامت وقت الصلاه وبعد ماخلصت صلاه جهزت الفطور ودخلت تجهز لدوامها ..
اتفاجأت بحمد يدق الباب ويدش وشكله مونايم أبد:السلام عليكم .
حنان وحوريه:وعليكم السلام.
حمد:حنان يايلج معرس والوالد يقولج فكري عدل واستخيري ربج وبعدها ردي علينا.
حنان :منو المعرس اللي داعيه عليه امه..
حمد:محمد .
كان اطالع ردة فعلها وجاف كل البراءه في نظرتها معقوله يفكر في أخته هالتفكير الوسخ لا هو يعرف رفيج عمره ويعرف تربية أخته.
حنان :حمد والله محمد مثلك وحمدان عندي ..
محمد:فكري الوالد تراه وافق وعطاهم كلمه ويتريا قرارج (قالها جيه عسب يأثر عليها لأنها مستحيل تعصي أمر لأبوها.(
حنان: أفكر ورد عليك.
حوريه:استخيري رب العالمين أفضلج.
حمد نسى أخته المريضه:حوريه سامحيني أزعجتج.
حوريه :والله الغالي ما زعجتني لاني ناشه من الصبح للصلاه.
محمد:حنان فكري محمد رفيج عمري ورابي ويانا وما أظن انج ماتعرفينه عدل؟
حنان :يصير خير انشاءالله,برد عليكم باجر .
تقدم حمد وباس أخته على راسها وباس حوريه وطلع ...

في الفجيره
بو محمد ماراح الدوام يحس بتعب مش عضوي نفسي وما مصدق اللي صار دشت عليه أم محمد ..
أم محمد:يا ريال استعن بالله في المصائب, أنا متاكده من تربيتي ..عيالي ما يسونها بس اللي محيرني وطير النوم من عيوني ان في بالي وحده من فتره تتكلم عن البنت وكم مره كلمة محمد في الموضوع اتحذره من حنان.. (قاطعها بومحمد(
بو محمد:شو تقولين صار يعني الموضوع من زمان ؟ومين هي المره؟
أم محمد:أم خلف ,صارلها فتره تتكلم بين الناس ومرتين كلمة محمد عنها .
بومحمد:هالانسانه حقوده من يومها بس ليش تشوه سمعة بنت شريفه بين الناس ؟ ولدنا ريال ما راح يعيبه هالشي بس البنت حرام عليها عندها بنات ,والله ما بسكت عليها بس بتريا بو حمد يرد علي ..

حمدان قاعد مهموم ويفكر حتى الريوق ما لمسه وحنان مستغربه من الثلاثي المرح هي الصراحه كانت مستحيه من محمد بس قالت عايشين فبيت واحد لازم بحتك فيه..
حوريه :حمدان حبيبي اتريق .
حمدان بكل حنان لأنه عارف خواته ويحبهن وايد وخاف على ردت فعل حوريه:نعم عيون حمدان.
حوريه بخجل :تسلم عيونك الغالي ,تريق ما يصير اداوم بطن فاضي .
اهني حمد حب اغير الجو:طبعا الحب كله لحمدان وأنا ولد البطه السوده .
حنان :انته حبيبي أنا ,خلهم هذيلا .
حمد:تسلمين الغاليه.
حوريه :انت الاثنين عيوني المركبه ,أنته اليمين وأخوك اليسار
(قاطعتها حنان ):وبنت البطه السوده الحين ولا أسوى شي..
حوريه :أنت حياتي بس الأخوان دايما سندنا وعزوتنا ,مصيرج اتزوجين وبتروحين عنا (محمد انتبه للي انقال وانتبه ان حمد وحمدان يطالعونه ويطالعون حنان اللي انحرجة من كلام اختها واستحة وتمت اعيونها بالأرض) بس اهم حتى لو تزوجوا بيضلون السند لنا الله لا يحرمني منهم آمين ويطول لي في عمر والديّ انشاء الله .
الكل: آمين
ثم توجه الكل الى مصالحه وتمت حوريه كالعاده بروحها شو بيزورها والا بتم بروحها اليوم ؟سؤال دار في عقلها و ابتسمت ..

بو محمد في المستشفى لزيارة أخيه الذي نقل لغرفة خاصه بعد أن عدا مرحلة الخطر..
بوسعد:مبروك ياأخوي وخير ما أختار ولدك بنت ناس ومحترمين ونعم التربيه.
بو محمد:سامحني يا أخوي ولدي أختارها وما باليد حيله.
بو سعد :لا يا أخوي الولد ولدي ليش أزعل هذي حياته وانا خوك .
دخل عليهم سعد وسلم وقعد ياخذ أخبارهم فلما بلغه عمه بالخبر فز من مكانه معصب..
سعد:ليش اتوافق ياعمي ؟ وأختي اللي محيره له كل عمرها .
بو سعد:سعد لا تصرخ .أنا قلت آخر مره لك ولأخوك ان محمد حاله من حالكم هو رخصها وانا ما عارضت .
سعد:بس الوالد ما توقعت بهالسرعه يفكر يخطب.
بومحمد:الصراحه انا استعيلته وامه أختارتله وهو ما عارضنا ابد.
طلع عنهم وهو معصب وخاطره يقتل الكل ..

محمد وحمد في الدوام
محمد:سامحني ياخوي. بس والله مابيني وبينها أي شي أختك أختي والله الشاهد.
وحمد ساكت ويناظر الأرض.
محمد:لا تسكت عني رد علي لا تنزل راسك للأرض ارفعه أختك أشرف من الشرف نفسه,لا تفكر هالتفكير الرجعي ,محمد هذي ام خلف سبب المشاكل كلها انا متاكد (أهني رفع حمد راسه وحط عيونه بعيون أخوه ورفيجه) صدقني والله العظيم.
حمد يعرف طبع محمد ويعرفه عدل مستحيل يحلف بالله كاذب بس شو قصة ام خلف .
سأل حمد محمد عن سالفة أم خلف فقاله السالفه كلها ,طبعا ما انصدم حمد لأن طبعها ما يتغير بس ليش تكره أمه مالها ذنب أبوه اهو اللي أختارها ما جبرته .كل هذا يدور بعقل حمد ويقول خلاص الفاس وقع في الراس واللي كان كان ..

حنان في الدوام
قاعد وتفكر وقررت اتصلي استخاره والخيره فيما اختاره رب العالمين..

آخر الأسبوع والكل راجع البلاد.. طبعا محمد وحمد وخواته في سياره وحده راجعين .
وقفوا عند شيشة البترول يشترولهم شي قبل ما يتبعون الدرب. نزل حمد الأول يتكلم في التلفون وبعده محمد اللي قبل ما ينزل سأل البنات شو تحبون تاكلون .
حوريه ردت على طول جالكسي وسلاش توت.
تم فتره وفجأه صد وراه: وانتي ما تبين شي ؟
حنان وعيونها بالأرض:مثل أختي .
(محمد وهو يطالعها ياربي ارحمني صح أحبها بس يالله برحمتك ليش أزوجها بهاي الطريقه والله حرام ..الله المستعان.. ( اللي تامرون فيه ..
طبعا حوريه تراقب الوضع وساكته وتضحك في سرها
حوريه:بسج تغلي على الريال,الموافقه وافقتي ليش كل هذا..؟
حنان :والله اني مايوم فكرت بمحمد أكثر من انه أخوي اللي ربى بينا واحنا صغار والله صعبه أفكر فيه غير جذيه.
كان حمد وري السياره يتكلم بالتليفون وسمع كل كلامهم واتاكد انه ظلمهم بس شو يسوي الشرف مو لعبه ..بس اللي فيه الخير يقدمه رب العالمين..أختي الغاليه ومالي براه منها والله يوفقهافي زواجها من محمد اخوي الغالي ويستاهل كل خير..

سعد ما عارف كيف يوقف اللي صاير مستحيل أتي الغريبه وتاخذ كل شي (لأن أسهم بومحمد أكثر من أسهم بو سعد) سعد خايف عالثروه.
دش عليه ولده علي وهو سرحان ويفكر ويخطط لينهي كل شي لصالحه وصالح أخته,بس ما في طريقه..
علي : بابا طلعني انا ومهره ومها مابي البيت ابي اللعبان..
سعد بعصبيه :روح خل أمك اطلعك..
دشت أم علي :سعد حرام عليك موكفايه مايجوفك طول الاسبوع وتحرمه منك في الويك اند.
سعد: عايشه طفي الشر موناقص ضيق أخذي أولادج وظهريبهم أي مكان ,فجوا عني شوي ولا تخليني أصارخ ازياده عليج..
(زوجته طيبه وايد وتحاول ماتقصر على أولادها عسب ما يحسون بنقص وتحاول تعوض عليهم غياب ابوهم اللي التها بالمال وتجميعه ونسى اللى بحاجه له أكثر)

في مكان ثاني ..
أم محمد:ليش الشر اللي بقلبج حرام اعليج شرف البنت مو مهم ؟ولدي لأنه ريال المهم شرف هالفقيره وين بتروحين من عقاب رب العباد يالظالمه..
أم خلف :ليش نسيتي شو سوت فيني أهي وأمها ,نسيتي لما خذت مني بو حمد ,نسيتي اللي صار كله أنا مانسيت وبظل وراهم ..
أم محمد:حرام عليج البنت شوذنبها تاخذينها بذنب يدتها حرام والله حرام وين بتروحين من الله وين.حسبي الله ونعم الوكيل ..
ام خلف:لا تحتسبين علي ما سويت شي أنا الله طرشني لهم عسب أكشف المستور ..
أم محمد:الله ينتقم من الظالم واللي ما يخاف ربه..

في بيت بو حمد..
دش بو حمد على حنان غرفتها اللي بابها كان مفتوح شوي ..
بو حمد: السلام عليكم العروس (جان تستحي وتصد تحت) والله شحلوهم البنات ,(باسها على راسها ) ها يابنيتي موافقه على محمد والا لا لأني مابي أغصبج عليه..
حنان :مب غصب يبه بس كلمتك مثل السيف على أرقبتي والله ما ردلك كلمه عطيتها ريال .
بو حمد:كفو يابنيتي,بس حياتج وانتي حره بها ؟
حنان: موافقه الوالد وانا مقتنعه اللي أعرفه أحسن مليون مره من واحد ما أعرف عنه شي...

في بيت محمد..
محمد بصوت عالي :يمه السالفه ماينسكت عنها .
أم محمد:شو تبيني أسوي أبوك خلاص حلف وما أقدر أكسرله كلمه ..
مريم:صدقني محمد رب ضارة نافعه.ماتعرف ليش صار جيه وهذا في علم الغيب ,والله كتبها لك من يوم أنت في بطن أمي فلا تعترض مشيئة الله تعالى..

في بيت بو سعد ..
زهره لزينب :اللي سمعته صدق ,ولد عمج طلع داهيه وطلع منه سوالف ماتنقال ,الحمد لله أفتكيت منه ..
زينب :ما صّدق اللي قلتيه محمد ريال وماتطلع منه العيبه.
زهره :والله صدقتي والا لأ خلاص خطبوها وزواجهم بعد 5 شهور بعد تخرجها على طول,عساها ماتهنا بيه سراقة الريايل..
زينب:حرام عليج الله يهنيهم, بروح اتصل على مريم ابارك لهم..

بيت بو حمد:
حنان هايجه وتصرخ وتكسر اللي في غرفتها ومحد من أخوانها يدري شو فيها وحمد وحمدان يبون يفتحون الباب بس مو قادرين الباب وايد ثقيل ..
حوريه اتحاول ان أختها ترد عليها بس مافي فايده وأمها وأبوها قاعدين ويحاولون يفهمون ايش صاير ..
بعد محاولات قدر حمد يدش برضاها اهي فتحت له وطلبته ..الكل انسحب لأنها مدام دخلت حمد بيعرفون ايش صاير .
حضنت أخوها بكل قوتها واهو يحاول يحسسها بالأمان اكثر ..
حنان: والله العظيم مابيني وبين محمد شي,والله اني ما كنت بوافق بس لما قلت أن أبوي وافق وافقت على طول وبعد صليت استخاره والله ارتحت للشي
حمد وهو يبعدها شوي عنه عسب يتكلمون مع بعض عدل: مصدقج بس الحين خلاص لازم ما تحسسين الوالد والوالده بشي الخبر صعب عليهم ,خلينا انكمل اللي ابتديناه والله كريم شو رايج انتي حبوبه..
حنان وبنظره مافهمها أخوها قعدت أطالعه وهو متفا جأ من النظره .....
.......
شو بيكون قرار حنان ؟
محمد شو ردت فعله من اللي صاير؟
أم خلف شو مصيبتها اليايه؟
سعد لإيش يخطط؟


الجزء السابع..
كانت زينب مب امصدقه اللي سمعته من زهره فاتصلت لمريم عالموبايل اتأكد...
طبعا مريم ماخبرتها عن الموضوع وسوت نفسها متفاجأه منه ..
مريم :شو تقولين ؟شو هالكلام الفاضي ,سمعي مني الصدق (وهي فعلا صادقه) عمج الله يسلمج يبي يفرح بولده العود فلما كلم محمد ما راد يفشل أبوي ويعصي أمره فطلب من الوالده ادورله فاختارتله حنان طبعا وافق وراحوا خطبوها له وأمس رادين علينا والخطوبه الخميس الياي والعرس شهر يناير ان الله أحّيانا.
زينب: والله يابنت عمي أني قلت لزهره إن الكلام اللي سمعته غلط بس ما صدقتني وعالعموم مبروك عليكم خطبة محمد والله يهنيهم انشاء الله.
مريم :آمين ويبلغج بأعيالج انشاءالله.

محمد قاعد ويا صلاح في غرفته معصب من الدكتاتوريه على حسب ما قال..وصلاح شوي يهّون عنه وشوي يضحك عليه..
صلاح:قضاء الله, يعني تبي تكسر يمين الوالد مايصير ياخوي ,ارضى باللي كاتبه رب العباد.
محمد:حسوا فيني أنا ما ريد أتزوج .
صلاح :ليش ناقصك شي,ما عندك بيزات ,تبيني أعطيك ,حاضرين بس بشرط تكاليف عرسي عليك .
محمد:روح فاضي ,أنا بشوه وأنته بشوه.
صلاح:والله يا أخوي مايسوى زعلك وضيقك البنت زينه ومتربيه وماتنعاب ,وزياده على جيه جمال سبحان من خلقها ,يا بختك فيها.
محمد بعصبيه وبصوت عالي:والله أنته مو فاهمني صدقني البنت حشيم ومستوره بس مابي اتزوج ياخي حسوا فيني مابييييييييييييييييي.
فجأه دخل صد صلاح عليه فانتبه محمد فصد للجهه اللي صدعليها أخوه اتفاجأ بأبوه مقبل عليهم بكل هدوء: اللي أسمعه كلام يديد ,محمد انا بقولها لك لأنك بجري وسنين عمري ,وغلاك انت تعرفه عدل,واتأكد إني مابي أظلمك ولا أظلمها ,بس شرف البنت وسمعتها بين الناس ,ترضاها لأختك الوحيده ترضاها لبنت أختك,أنا ما رضاها ,إذا كنت تتحسب الدراسه والشهاده تعلي الانسان فالأخلاق تخلق الأنسان ,محمد إذا تبي تكسر يميني فأنا ماعندي مانع بس أنك تترك البنت وتخلي اللي يسوى وما يسوى يتكلم عنها فهذا الشي اللي مابسامحك عليه عمري كله.
محمد وهو يبوس راس أبوه : والله يابوي ما عاش من هانك ويكسر يمينك انشاءالله أعدم عمري كله ولا أجوفك منهان .بس أنا ما كان ودي أنغصب على شي بعدي ما مستعد له.
بومحمد: سامحني يابوك بس بغيت ألحق على البنت قبل ماتستوي علج في حلوج البشر.
محمد تقدم وحضن أبوه بأقوى ماعنده وأبوه بادله الشي :والله ماعاش من يكسر كلمتك ..

فبيت بو حمد
وفحجرت حمد بالتحديد..
حمدان وحوريه يتناقشون أمر حنان وأسباب ثورتها .دش عليهم حمد ..
حمدان :حمد شالسالفه؟
حوريه:أكيد الخطبه .
حمد وهوشبه سرحان:أختكم معاها حق بس شونسوي القدر .
حوريه: يعني صدق كلام حمدان؟حسبي الله ونعم الوكيل ,ليش كل الشر فالقلوب ؟
حمد:الله المستعان.
حمدان:ألحين شورايها؟
حمد:وافقت عسب ما تنزل روسنا بالأرض.
حمدان : كفوا عليها بنت أبوها أخت رياييل ؟ معّني ماتهون علي أختي تتزوج بهالطريقه.
حوريه : فوضوها لرب العالمين ,أنتوا حتى ماتعرفون شو ردت فعل محمد الله يعين الكل .
حمد: محمد يحب حنان من زمان من الطفوله بس كان معارض أنه يتزوج لأنه خايف من المستقبل ومتخوف من أنه يفقد اللي يحبه في غمضت عين.
حمدان: الظاهر متأثر وايد باللي صار لأخته .طيب زوجوني مريم وأنا بفكه من عقدته .
ضحك الجميع ..

بيت أم خلف..
ناويه عالشر وناويه تفضحهم في يوم الملجه وبتضحك الناس عليهم .
قاعده بروحها اتخطط لنتقامها .دشت عليها ام عادل وبعد ما سلمت وقعدت وخذوا اخبار بعض بدت ام خلف شرها اللي ما ينتهي .
ام خلف :سمعتي بعد ما انكشفت سالفتهم راحوا خطبوها.
أم عادل :لا إله إلا الله ,ودري سوالف الحش في الناس حرام عليج عندج بنات.
أم خلف بحقد:والله ربج يعاقبها على اللي سوته في حياتها ..
أم عادل ضاقت من سوالفها فقامت بتروح :يالله أختي الله يهديج.
أم خلف :وين رايحه قعدي بنسولف شوي.
أم عادل: يوم بتودرين سوالف الحش بيّيج وبيلس وياج .يالله مع السلامه..
أم خلف :الله يحفظج مع السلامه..

في مكان ثاني كان فيه واحد قاعد يخطط ايسيطر عالشركه وتصير له بروحه بس كيف ما يعرف يقلد توقيع عمه بس بعد عمه يوم ايبله الملفات يوقع بدون مايقراهم بس لقاها يحط اوراق التنازل لعمه ضمن أوراق المشروع اليديد وخلاص طبعا عمه بوقع بدون ما يجوف الأوراق (والله أنك ذكي يا سعد) وقرر بالسبت ينفذ الخطه..

يوم الخميس طلع بو سعد من المستشفى الصبح بعد ما تأكدوا أنه الحمد لله بخير..

بالليل الكل فرحان ومستانس الا قلبين محتارين الله أيكون في العون..
بعد ما تمت الخطبه طلب محمد من عمه أنه اجوف حنان .
طبعا الكل ما عارض وهذا حقه

في الصاله الكبيره كل الحريم قاعدات ومن ضمنهم أم حمد وأم محمد أمسعد والبنات ,وزهره اطالع حنان بحقد (أخذتي مني حب حياتي الله لا يهنيج بيه ,على شوه يحبج لا جمال ولشي بس شو أقول عمى أونه يحبها حبكم برص ..(بعدين انتبهت للي يستأذن بيدخل عليهم شو حلاته والله جماله جمال بنات والله انه أحلى من محمد ليش ما ياخذني وأقهر أخته هالمتكبره بس أبي اعرف على شوه ..
دش حمد يبلغهم برغبة محمد طبعا حنان اتفاجأت ورفضت أول الأمر بس بعدين وافقت بعد إلحاح أمها وأم محمد..

أخذها حمد لميلس الحريم الصغير القريب من الميلس وطلع ينادي محمد (طبعا حنان ماشاءالله عليها جمال رباني عسب جيه ما تعدلت وايد بس شوية آيشدوا وردي على لون فستانها البسيط لكن محلنه اللي لابسته, وكلوس وردي خفيف(
دش حمد وبعده محمد وبكل خجل وقفت حنان وراسها بالأرض وكل شي حواليها يدور من كثر الضيق اللي فيها بس ما حاولت اتبين شي عسب ماتضيع فرحة والديها وأخوانها بيها اليوم بعد ماسلم عليها قعدت..
(محمد متفاجأ من هالجمال اللي صار من نصيبه حتى انه نسى ليش طلب يجوفها وتوكل على الله وقال نصيبي (
طلع حمد بعد ماضايق محمد وطفره بسوالفه وغشمرته اللي اداري حزنه ..
محمد:مبروك حنان .
حنان بخجل :الله يبارك فيك..
محمد:صدقيني بحاول أسعدج قد ما أقدر ,أنت غاليه عندي وانشاءالله أقدر أسعدج ..
حنان بعد صمت طويل:بس ماتخاف انا ما أقدر أسعدك؟
محمد:متاكد منو باخذ وبعدين بّتعودين علي وبتعود عليج بس في البدايه صبري علي شوي ليما أتأقلم مع الوضع اليديد ..وبعدين عرسنا بعد ماتخلصين, يعني بعد الملجه انشاءالله بنعرف بعض عدل ونفهم بعض أكثر.
حنان:انشاء الله .
محمد:ممكن طلب واحد ؟
حنان :تفضل آمر.
محمد:ما يامر عليج عدو ولا ظالم بس ممكن تيلفونج على الاقل عسب أكلمج نعرف بعض أكثر..
حنان :شاور ابوي واخواني بعدين اخذه.
محمد:بس المهم الأول موافقتج الغاليه.
كلمته خلت مصارينها اللي من دخلت تعورها وحاسه بمغص وكلمته زادت ما فيها ..
دش حمدان ويلس بينهم: ها خلصتوا ؟يلا أهلك روحوا وانت بعدك قاعد..متى انشاء الله ناوي تروح والا بايت اليوم ؟
محمد وحنان ضحكوا على كلام حمدان اللي دش وغير الجو عليهم وبعده دش صلاح وحمد واكملت استأذنت حنان وراحت داخل..

في الليل ..
قاعد يعيد حساباته حتى النوم طار من عينه ,كيف يقدر يكون الزوج اللي يسعدها وهو نفسه مايريد يرتبط ومش مستعد كيف ياربي ساعدني ,والملجه بعد اسبوعين الله يعيني ويعينها ..

وفي نفس الوقت قاعده على كرسي في بلكونة حجرتها ونظرها لبعيد سارحه تفكر كيف صار كل شي بسرعه ,كيف بتعيش مع انسان عاشت عمرها كله اتجوفه أخوها .
بس فجأه قالت: كيف الحين؟ هو بياخذني عسب يسكت ألسنة الناس عني يعني لازم أحترمه وأقدره على المسؤوليه اللي أتحملها وهو ماله ذنب ,الله كريم ويعيني أسعده وردله جميله فيني وفي أهلي .

طبعا ما تغير شي في اليوم الثاني طلعوا كلهم في سيارة محمد (الدور عليه)
بس حنان كانت متوتره شوي وسرحانه وتفكر كيف بكون وياه في مكان واحد ويجوفني كل يوم وأجوفه خلاص باختار فستاني من هني وبخلص أموري وبحجز في البلاد عسب مايجوفني ويعرف شوسويت وشو استعداداتي للملجه..والله صعبه كيف بقدر أكون طبيعيه وانا وياه بمكان واحد ..الله يعيني ويساعدني ..
انتبه محمد لسرحان حنان لما يات عينه عليها واهي قاعده وراه على طول قال.. بلاها أكيد تفكر كيف بكون وياها في شقه وحده كأنا ما عشنا كل حياتنا سوى يارب ساعدني وقويني على الياي..

فبيت بو محمد..
صلاح قاعد ويامريم في غرفتها واهي تنّيم بنتها..
صلاح :شو بتكون ردت فعلهم هالأسبوع؟
مريم وهي تضحك :أكيد يضحّكون ,تعرف طبيعة حنان غشمرجيه بس من يوم الخطبه صايره غير وتتكلم بحساب شكله أخوك قايلها شي لما طلب ايشوفها هههههههههههه,
صلاح :والله دخلنا عليهم أنا وحمد وكانت مستحيه ويدوب استأذنت وطلعت..
مريم :أحس هالبنت إنظلمت لأن أخوك مو ويه زواج أخاف عليها منه..
صلاح: لاتحاتينها أهو يحبها من صغرها وصدقيني إهي اللي بتغيره وانا متأكد من كلامي.

فبيت بوسعد..
كان عوف قاعد يتكلم في التليفون لما دخلت عليه أمه فبند لما انتبه عليها وطبعا سكتت بكيفها لأنها تعرف سوالف ولدها ..
....................................
شوكانت أم سعد تبي عوف؟
شوبسوي سعد وهل بينجح؟
كيف بتكون حنان مع محمد بعد الملجه؟
حوريه هل بتشفى ولا بتعاني؟
حمد وصلاح ومريم شو دورهم بالضبط بين الثنائي أبطال قصتنا؟


الجزء الثامن
يوم السبت ..
حنان قاعده الساعه 5العصر في صالة الشقه وتقرا كتاب علم فلسفة النفس (هي تحب تقرا أي شي في الثقافه العامه(
دش عليها حمد ومحمد راجعين من الدوام متأخرين على غير عاده شو سالفتهم وشو صاير عليهم (أسأله ادور في عقل حنان (
حنان بعد ماسلمو ويلسوا وياها في الصاله: الحمد لله على سلامتكم عسى ما شر ليش اتخرتوا اليوم؟
حمد ضحك ضحكه قويه وقال: ابوي الغاليه استجوبي خطيبج مب أنا ,أنا إنسان حر ومحد يقدر إقولي وين رايح وين ياي..
إستحت وحطت نظرها في الأرض
على طول محمد قال: حماده يوز عن الكلام الفاضي..لا تتعمد تحرجها إهي معاها حق إتأخرنا اليوم وماتصلنا ولا خبرناهم يعني لازم بتخاف وبتحاتينا ..
دشت حوريه لما سمعت أصواتهم الصاله وسألت حمد: حمد ليش أتأخرتو عسى ما شر ليكون صار عليكم شي ,ليش ماتصلت وبلغتنا ,كنا بنموت من الخوف عليكم..
انفجر محمد وحنان من الضحك وحمد يطالعهم ومستحي منهم ورد على حوريه: إنتي الملقوفه ماترومين تترييني داخل لازم تيين وتشمتين الأعادي فيني..
زاد ضحكهم عليه وشاركهم وحوريه الضحك بعد مافهمت عليه ..أشر محمد لحمد بحركه متعارفين عليها ,
فأخذ حمد حوريه ودشو داخل ..

بعد فترة صمت نطق محمد: حنان صراحه بغيت آخذ رايج بموضوع مهم ؟
حنان:تفضل إذا أقدر أفيدك(الله أعلم بي شقد خايفه من الصراحه(
محمد:باجر بيكون آخر يوم في شغلي بالجويه ,كملت خمس سنوات وطبعا أخوج معاي .فحبيت أسألج لأن رايج يهمني ,ومثلج عارف هذي حياه اللي بنعيشها سوى ولازم نتفق على كل شي ونتناقش فيه.
حنان :طبعا بس موفاهمه قصدك هل تجدد ولا تستقيل؟
محمد:فهمتيني عدل ,الصراحه أفكر أشتغل في شركة أبوي ,أنا الكبير ولازم أكون وياه ,أبوي كبر ولازم أساعده وأشيل الحمل عنه شوي.لأن سعد شايل عن عمي كل شي وأبوي أغلى عندي من إني أخليه يتعب..
حنان :طبعا واجب عليك ,والأفضل تكون قريب لهم ,وانا من رايي أنك تتوكل على الله وانشاء الله خير..
محمد:يعني أنتي من رايي؟
حنان :طبعا لأنك إذا ماكان فيك خير لأهلك مابيكون فيك خير لي صح ,ومثل ما أحب الخير لأهلي لازم أفرح إنك تفكر فيهم ,وبعدين ليمتى بيتم عمي يشتغل ويتعب لازم تشيلون الحمل عنه شوي..
فرح محمد لكلام حنان واستأذن منها ودخل لأنه بعده بثياب الشغل..

في بيت بو سعد..
أم سعد:عوف خلاص يننتني ..متى ناوي تجوفلي السالفه ترى والله طولت.
عوف:الوالده بلاج ؟ليش مستعيله ؟الدنيا ما بطير ,بعدين سعد الجبير وأهو أدرى بمصلحته مني ومنج.
أم سعد:بس حال بنت خالك ماتسر لازم نتصرف وأبوك مو ناقص هموم ومصايب ,الله يوفجك ياولدي جوفلي السالفه .
عوف:إنشاءالله يأم سعد وفالج طيب (فجأه طبت عليهم زهره وتبي تعرف إشفيهم يتساسرون..(
زهره: عوف أميه شو سالفتكم ليكون بتزوجين عوف ؟ حرام أول زوجوني وبعدين عوف..
عوف:نعم ليش يعني أول إنتي وبعدين أنا؟
زهره:بدون فخر انا الكبيره ولا ناسي مين اللي سبق الثاني ..
عوف :عن اللقافه واعتدلي وصيري خوش بنت ,لأن بنت الأصول ما تقول زوجوني ..
قاطعته: نعم شو تقول ,عسب جيه خلاني ولد عمك وراح خذ وحده ولا حتى تصير لنا لا وخذاها يستر عليها بعد ما انكشفت سالفتهم ...
عوف :والله إني لو ما حشيمة أمي القاعده لكنت راويتج شغلج,اللي تتكلمين عنه ولد عمج يعني وليج من بعدنا ,وانا عارف إن اللي طلع كان إشاعات ناشرتهم أم خلف ,والسبب تعرفه أمي, وقبل ما تتهمين الناس بعراضهم دير بالج على نفسج ...
بعد مافجر القنبله طلع عنهم معصب...
زهره: شو قصده ولدج بالكلام اللي قاله ؟يعني انا مثل حنان؟ والله لبلغ عليه أبوي شوفله صرفه وياه..
أم سعد:اللي يدق الباب يجيه الجواب .والا أنتي مالج دخل تتكلمين عن ولد عمج وخطيبته .الناس نعرفهم ونعرف تربيتهم .والكلام اللي قاله أخوج صدق ,العداوه اللي بقلب أم خلف اهي سبب كل هاللي صار ,ولا تشمتين بالناس؟
زهره :شو اللي صاير فسريلي......

في بيت بو حمد...
أم حمد:الله يقدم اللي فيه الخير .
أم محمد: ترى جاهزين باللي تامرون فيه ,بس تبون في البيت والا في القاعه؟
أم حمد: والله القاعه صرف مامنه فايده واللي بندفع للقاعه بيفيدهم في العرس ومثلج عارف مصاريف العرس هب هينه,ولا تنسين العرس قريب يعني القاعه مب لازم ,بيتنا جبير ويوسع من الحبايب ألف.
دشت فجأه عليهم أم خلف ويه أم محمد تغير بس أم حمد رحبت فيها وقدمت لها القهوه (المسجينه ماتدري باللي سوته أم خلف(
أم محمد:يالله أختي من رخصتج.
أم خلف :خير شو إذا حضرت الملائكه...
أم محمد: الصراحه مشغوله بملجت ولدي العود الأسبوع الياي.عسب جيه بسير أسوي لي شغله عسب ما يضايقنا الوقت .
أم خلف:هي الله يهنيهم ويبارك لهم ويسعدهم ,ويطمنكم عليهم ويستر عليهم ..
أم حمد:آمين وعقبال بناتج..
أم خلف: في حياتج الغاليه.
بدت أم خلف تنفث سم من سمومها الله يكافينا شرها..
أم خلف:أقول الظاهر ما وصلج الخبر ,أنا الصراحه ضايقني وايد ,بس شقول يران واليار لليار,
أم حمد:شو السالفه؟خير إنشاءالله.
أم خلف :أعوذ بالله من الشيطان الرجيم ,أسكت أحسن لي أنتوا يران ومابي يصير شي ويفركش الخطبه؟
أم حمد:شوفي أم خلف ألاعيبج أنا فاهمتها وخابزتها بيدي. السالفه اللي طلعتيها على بنتي كنت أحاول أنساها وأقول يران وأخوات ومابي الشيطان يدخل بينا بس الظاهر أنتي مابتيوزين لاعني ولاعن عيالي ,بس أحذرج وتحذيري بالكلام هالمره والمره اليايه صدقيني بالفعل..
مالها ويه أم خلف تيلس بعد الكلام اللي سمعته وطلعت حتى من بدون ولا كلمه...

في الشركه ..
سعد يالس في مكتبه ويجهز أوراقه ويضحك في سره (عمي مدمغ وبيوقع على الأوراق وبتصير الشركه شركتي ولي بروحي (يلاه وبروح لعمي ..
أخذ أوراق المناقصه ودخل على عمه عسب يوقع الأوراق..
سعد:السلام عليكم عمي .
بو محمد(والإبتسامه شاقه ويهه):وعليكم السلام ورحمة الله وبركاته..
تقدم سعد وباس راس عمه وعطاه الأوراق يوقعها ..رن تيلفونه فاستأذن عمه يطلع عسب يرد على الموبايل ولا يزعجه..سمحله فطلع ..
أخذ بو محمد الأوراق..
بس...

في أبوظبي أول يوم في إجازة حمد ومحمد الوحيده اللي تريقة حنان وبعدين انضم لها حمدان..
حمدان في السياره وهو يوصل حنان الدوام:هالعروس شو استعداداتج للملجه؟
حنان بخجل: والله خايفه ,انسان طول عمري أفكر بأنه أخو إيصير زوج شوي صعبه ,بعدين لا تنسى الأسباب اللي وصلتنا لهذا الشي بس ما أقول غير حسبي الله ونعم الوكيل..
سكت حمدان وما علق بأي كلمه ..لأنه عارف إنه أخته معاها حق بس شو الفايده اللي صار صار وانتهى ..

في الشركه..
بو محمد قاعد ويفكر ومتنرفز ومعصب بالقو ..
بو محمد:شو السالفه ليش ولد أخوي يسوي بي جذه شسوية له بشو ضريته ,حتى إني أعامله شرات أولادي ولا بينهم فرق..حسبي الله ونعم الوكيل الطمع قل ما جمع..بس أنا ما ببلغ أخوي عن ولده بكتفي أني أكلم سعد..
طلب من السكرتيره تطلب سعد إيه مكتبه...
طلع سعد من مكتبه مستانس يفكر إن عمه وقع الأوراق
بس المفاجئه إن بو محمد بعد ماكان يوقع بدون مايجوف الأوراق طبعا ولد أخوه يفتح الملف ورقه ورقه ويقول لعمه وش فيهن بس ستر الله سبحانه إنه هالمره طلع بدون ما يقرا لعمه فالطر العم يفتح الملف ويكتشف السالفه كلها ..
طبعا لما واجهه عمه بالحقيقه ما قدر يتكلم وطلع عن عمه وماله ويه يرجع الشركه بعد اللي صار...

في الأسبوع الثاني ,,,
انضم محمد وحمد للشركه ..وبدوا مشوار التعلم من الراس الكبير بو محمد مباشره..

في يوم مريم وصلاح قاعدين ومعاهم حمدان عالخط..
مريم:والله ماأقدر أقول غير إني متفاجأه من الأخبار .
صلاح :أوكيه بس أنت ماحاولت اتير منها الكلام .
حمدان عالسبيكر: والله أحاول ومثل ماتفقنا أحاول أحببها فيه بس إهي مو رافضته إهي رافضه الشي اللي خلاهم ينجبرون على بعض.
مريم :خلاص مثل ماتفقنا انته حاول وياها إهناك وإحنا مع الحبيب إهني مع إنه والله نقراها في عينه الحب القديم .
ضحكوا سوا واتفقوا على شي بينفذونه قريب...

يوم الخميس ...
حنان ومريم في الصالون ..
مريم :حنان بلاج ليش البجي ؟ والله أخوي ما يخوف..بس إنتي دلوعه إشوي ..
حنان من بين أدموعها: والله إنه طيب وحنون وريال مايتعاب بس ما أدري موقادره أمنع أدموعي...
مريم:الحين أتصل عليه وبلغه باللي تسوينه..
حنان طبعا سكتت على بالها مريم مابتتصل عليه ...
مريم:أرجوك شوفلي صرفه مع خطيبتك,ماراضيه أتخلي الكوافيره أتخلص شغلها,إيه تبجي ,مادري ,كلمها بروحك مالي دخل بينكم.
وعطت التلفون حنان وحنان مستغربه ليش مريم تتغشمر جيه وماردت على التليفون..
مريم تضحك والكوافيره بعد وياها: يله ردي محمد على الخط ,والله خسرتيني ماعليه بطلعه من عيونكم.
شالت حنان وإهي تقول معقوله على الخط: ألو (فجأه ترفع عيونها بعيون مريم وبكل خجل) نعم ...بس الشي عادي تمر بيه كل بنت....والله بس أستعد بسوي كل شي ...مريوم مستعجله علي تو الناس....أوكيه كلمها أتفج عني شوي...مشكور أوكيه الحافظ الله..خذ مريوم..
مريم خذت التلفون وراحت شوي بعيد..
مريم:أيوا حبيبي شصار ؟
محمد:ماشي بس خفي عالبنت شوي ,خجوله ومتوتره خفي مريوم,أم ساره ..
مريم: أكيه لحقت تغيرك؟ مابي أزوج مب مستعيل ..ههههههههه الحب يسوي أكثر من جيه..
محمد:يالله باي عندي شغل ..
مريم:يلا روح رجل أعمال ومعرس دلوع ..

الساعه ثمان ونص بعد صلاة العشا..
محمد متوتر ومتنرفز وصلاح وحمدان وحمد مطفريبه زياده...
لا وياهم عوف وكملت..
محمد:الوالد ماتقدرون ....
بو محمد:هههههههههههه مستعيل وايد؟
بو حمد: والله العيال كبرو وكبرونا معاهم...

في مكان ثاني...
حوريه :خلاص شوي ووبيي أخوج بالدفتر قوي قلبج حرم محمد..
حنان وهي خايفه ومتوتره..(لو كان زواج كنت مت في ساعتي.(
شوي ودشت مريم وزينب :مبروك يا عروس.
حنان:الله يبارك فيكم ..أقول يصير أنأجل ؟
مريم وهي تضحك:هههه والله إنج نكته شلون أنأجل والملجه خلاص باقي توقيعج بس..
حنان:ياربي كيف أتصرف؟
زينب وهي تغمز لمريم:الظاهر ولد عمي مسولها رعب ..عسب جيه خايفه؟
حنان:والله الخوف من المسؤوليه,زوج ومسؤوليه وحياه الله يعيني على الياي.
شوي وسمعوا صوت حمد ينادي حوريه ..
طلعتله مريم وخذت منه الدفتر وعطته لحنان توقع..وقعت حنان وهي ترجف وتوقيعها تموا البنات يضحكون عليه وهي مستحيه.. أستأذن حمد ودش يسلم على أخته ويبارك لها..

حنان كانت لابسه فستان ليلكي مبين جمالها شوي عاري من الكتف..والمكياج هادي زي هدوء عروسنا ...

بعد ماراح حمد بدقايق سمعوا يباب تحت ..
شوي ودشوا أم حمد ومحمد يباركون للعروس وخذت أم حمد تبجي والكل يحاول يسكتها عسب ما تبجي حنان..

بعد جيه اتصل حمد عسب يطلعون حنان لأنه المعرس مستعيل..
نزلوها على أغنية أصيل أبوبكر...(آه من نودٍ(
ماشاء الله عليها حتى أم محمد قامت تقرا عليها من العين ..

دقايق واتصل حمد لأمه عسب يتسترن البنات محمد بدش..
دش المعرس مع أبوه وبوحمد وحمد وحمدان....
ماشاء الله الشباب حلوين ومسكتين والبنات ماشالو عينهم عن حمد اللي جماله سحرهن..
لما وصل محمد اللي ماكان شايف غير الجمال اللي صار من نصيبه..وكل إليّ حواليه إختفوا ماتم غيرهم بس تقدم منها وسوا شي محد توقعه خاشمها الحبيب بعد ماتفاجأة بيه يرفع ويهها لفوق (شو الجراءه واي عورني ويهي) بعدين باس يبهتها..
والبنات ماصدقوا اللي صار وقاموا يصفقون ويصفرون..وحنان في نص ثيابها وتقول في خاطرها ياليت أختفي ولا أكون في هالموقف..
سلم عليها أبوها وعمها بو محمد وأخوانها وطلعوا..
بعد طلوعهم ارتبشوا البنات ..
بعدين جا وقت التلبيس وهذي بروحها وهقه للثنين..محمد يبي مريم تساعده..
بدا يبي يلبسها الدبله وهي ترتجف وهو مومقصر الحاله حاله بين الأثنين تم يلبسها وهو في كل حركه يزيد ارتجافه وتحاول مريم تساعده..
باركلها وباسها على يبهتها هالمره وبعد ما قصوا الكيك وأكلوا بعض ..طلع من عند البنات على الميلس ..
وهذي الليله مابينساها الكل ..لأن الفرح خلى الكل يحفر في ذاكرته ذكرى حلوه ..
ونام العروسين وكل منهم خايف من المستقبل..

في اليوم الثاني ..
حوريه تنادي بكل قوتها :حنان حمد حمدان أميه ابويه وينكم ..
أول اللي أنتبه إهي حنان اللي مانامت أبد يت لأختها تجوف شو فيها ..
حنان:خير أختي بشو حاسه؟ فيج شي؟..
دش حمد وكل النوم في عينه:إيش صاير بلاج حوريه؟
حوريه:جوفوا ريولي بدت تتحرك شوي..
انتبهوا على كلامها وصدوا على ريولها اتفاجأوا وبعدين أنتبهوا للي صار..
وركضت حنان لأمها تصحيها وتفاجأها باللي صار لأختها وتاخذ البشاره..
وعلى طول يافي بالها محمد وبعد مانادت أمها ركضت على غرفتها ودقت عليه ..
وأهو الثاني مانام طول الليل ..
وأول ماجاف رقمها على طول شاله..
محمد:ألو حنان شصاير لج عسى ما شر؟
حنان:السلام عليكم (شوهالوهقه ليش دقيت عليه وفضيحه فيه صحيته من النوم) آسفه صحيتك بس بغيت أبشرك ..
محمد:بشريني شو السالفه؟
حنان:حوريه بدت ريولها تتحرك..
محمد:والله صدق تستاهلين البشاره على هالخبر الحلو..خلاص سويلي ريوق سنع وانابيي ويا بشارتج..
حنان بخجل:محمد أرجع نام والله ماقصدي أصحيك,بس ييت في بالي حبيت أبشرك باللي صار لأختي ..
محمد:لا تخافين أنا أصلاً صاحي ,وتصالج ما أزعجني ,وأحلى شي صوت جميل تبدا بيه يومك..ومشكوره أنج فكرتي فيني ..يله روحي أنا ياي...باي حبوبه..
حنان أستحت وبندت في ويهه اللي خلاه يضحك عليها من كل قلبه..
................
كيف بيصرفون على أنهم زوجين؟
شو بيكون تأثير شفا حوريه على صلاح؟
والياي أحلى وأحلى المفاجآت تتوالى..


الجزء التاسع
في الفجيره...
حمدان يالس في ميلس بيتهم يتريا صلاح لأنه وعده يمره بعد مايخلص كم شغله...
دش عليه حمد :السلام عليكم ...
حمدان سرحان وفي دنيا ثانيه...وبعد ما قرب حمد يضربه من كثر ما ناداه رد الأخ وهو يضحك حيل لحد ما دمعت عينه , ..
حمد: شو يضحكك ؟أكيد على هبلك؟
حمدان ومن بين ضحكاته الحلو: والله كنت ميود عمري عن أضحك لك والله شكلك يضحك وأنته تنادي وتهزني ههههههههههههه والله يضحك..
حمد:والله ما يضحك غير ويهك ياالهيس...
حمدان :بلاه ويهي ؟حلو وجميل ومطيح نص بنات البلاد..
حمد:ما عندهن سالفه..
دش صلاح بعد ما هود وسلم وشافهم في ذيج الحاله
صلاح:إشفيكم ؟عسى ما شر واحد يضحك وواحد معصب .شو السالفه؟
قام حمد وهو يكلم صلاح:شوف هالهيس شو سوى فيني خله يقولك..
وطلع حمد معصب من الميلس ...
وأول مادش البيت أنفجر على نفسه من الضحك ..
دش جاف حنان قاعده ودخن الصاله الكبيره وتوها بتروح الصاله الصغيره ..
ناداها حمد: حنان شو السالفه أحد بينا والا في عزيمه والاشو السالفه ولا بعد كاشخه الإخت ؟
حنان وبخجل واضح:حمد لا تحرجني .
حمد: شو محمد ياي اليوم والا شوه...
حنان: والله ما أدري بس أمي قالت دخني ياينا ضيوف وسنعي عدل..
حمد: والله اليوم يوم العجايب.
حنان:شو السالفه؟
حمد:ما أدري حمدان وصلاح مجتمعين وأنت دخنين وفيه ضيوف يايينا على العشى ومحمد عازمج اليوم على العشا وأنا طبعا معاكم احم احم ..
حنان: محمد عازمني على العشا كيف جيه؟من شوي كان معاي على التليفون وقالي بمركم اليوم وقلت له عن الناس اللي بيزورونا فغير رايه ..
حمد:قبل مادش البيت كنت معاه وقالي هذا الكلام .
حنان:دقيقه بس .
مسكت حنان تيلفونها واتصلت على محمد:السلام عليكم.
محمد:وعليكم السلام حبوبه ,شو اشتقتيلي ؟
حنان احمرن أخدودها حتى أخوها لاحظ بس ما علق (هو يتمنى محمد يتغير على ايد أخته ويبدا يحب من قلبه مو بس واجب عليه): محمد أنته بتي بيتنا اليوم ؟
محمد:لحق الملقوف يخبرج؟
حنان:حمد مو ملقوف (فج حمد عينه ومستغرب(
حمد:أنا الملقوف يالهيس والا أنت أوكيه اللي يخليكم تطلعون اليوم..(حطته سبيكر(
حنان بخجل:محمد لاتقول عن أخوي هذا الكلام ,مايهون عليّ ..
محمد:صدقيني حتى أنا هذا الغالي صديج عمري هذا بدونه والله العظيم ما أسوى شي.
تشقق حمد وخلاهم وطلع فوق وهو يمسح دمعه نزلت من عيونه وما حب يجوفه أحد..
حنان :والحين كيف يعني ؟
محمد: الصراحه كنت مسويها مفاجأه بس حمد الله يهديه قالج والحين لازم أغير مخططاتي..
حنان :شو تقول ؟
محمد:ما عليج أنتي ,بس الضيوف اللي يايين اليوم هم عايلتي ومعزومين على العشى في بيتكم وأنا قلت لحمد عسب تكشخين لي..
حنان بخجل :أوكيه بخليك الحين.
محمد:بس موتنسين أنا ياي اليوم.
حنان:حا فظنك الله.
محمد:حافظنج الرحمن .

في بيت بو محمد
صلاح مستانس وبطير من الفرح بجوف غناة روحه اليوم..
محمد في غرفته قاعد ويامريم ويتفقون على اللي قاله أبوه اليوم...
محمد:بس بيرضون أهلها أطلع وياها ؟
مريم :مو بروحكم أنا وياكم ,وبعدين لازم ,عسب تختارون أثاث جناحكم وديكوراته .
محمد:بس تعرفين لازم رايها بالأول قبل رايي, أهي بتكون في الجناح أكثر مني وبعدين الذوق كله للحرمه والرياييل مومهم.
مريم :تتذكر قبل زواجي بالمرحوم (محمد اتغير شكله وأضايق حتى مريم لاحظت وكانت قاصده) كنت كل يوم أطلع وياه عسب البيت وتجهيزاته بس كان يشاركني الراي وهذا أحلى شي..
محمد سرح لبعيد والحزن مالي تقاسيم ويهه...
مريم:محمد محمد محمد,, (أنتبه )وين وصلت حبيبي؟
محمد:وياج.
مريم :الحياه ياأخوي ماشيه ما توقف بموت أحد ولازم تنسى وتعيش اللحظه الحلوه ,أحلى الأيام أيام الخطوبه ,بعد الزواج والعيال شوي تكون صعبه حتى إنك بتحس بالغيره من أولادك.. محمد حنان طيبه وحبوبه وتستاهل كل خير لا تألمها وتعذبها بجفاك خل قلبك يمشيك .حنان حبك من الطفوله لا تضيعه في لحظة تهور...

الساعه تسع في بيت بو حمد..
حمدان قاعد يراضي حمد عسب الحركه اللي سواها فيه ,وحمد ماخذ ثقل ويتغلى على اخوه.. دش بو حمد وهو يضحك عليهم ..
بو حمد:بسكم حركات يهال أنتوا كبرتو ,خلوا الدلع للبنات والتغلي.
حمدان :جوف دلع ولدك مب أنا قاعد أراضيه من ساعه وهو يتغلى عليّ ّليكون زوجتي وأنا مادري؟..
حمد:حشى عليه زوجتك أنته ليش بايع عمري؟ والله أمي وأبوي يبوني.
بوحمد وهو يضحك عليهم :بس خلاص الحين بييون الضيوف ومابي هالحركات ..
حمدوحمدان:إنشاء الله الوالد..

في غرفة حنان..
حوريه :شو هالجمال ؟كل هذا لمحمد؟
حنان بكل حزن: لازم هو صار زوجي وحقه علي ..
حوريه:حنان أنتي مو مستانسه بارتباطج بمحمد؟
حنان:شو الفايده وأنا وهو أنغصبنا على بعض.
(حوريه تعرف كل شي عن حب محمد لحنان من الطفوله بس ماتقدر تقولها وتخون ثقت أخوانها فيها(
حورية: حنان لازم تحطين في بالج محمد مو من النوع اللي ينغصب على شي ولا عمي بيغصبه عليج ,بس الظروف اللي صارت وحددت مصيركم.
حنان:هو موذنبه عسب جيه أحاول أني ما أقصر بحقه.
حوريه:بس لازم تحبينه ,محمدإنسان طيب وحبوب ومستحيل أنج ما تحاولين أتحبينه ,أسمج ارتبط بإسمه .
حنان:الله كريم بحاول (غيرة الموضوع) يلا أنتي خلصتي يلا بنادي واحد من الثنين اللي تحت ينزلونج..

تسع ونص في بيت بو سعد..
سعد قاعد يفكر ويخطط طبعا بعد ما اشتغل محمد معاهم خلاص مافي مجال يسيطر على الشركه بس لازم يسوي شي عسب يفتح شركته الخاصه ويتخلص من سيطرت أبوه وعمه..
دشت عليه زوجته..
عايشه:السلام عليكم.
انتبه سعد لزوجته ورد:خير شتبين ؟
عايشه:أبد بس حبيت أيلس وزوجي وبو عيالي اللي ما جوفه أبد الا من الليل لليل اللي بعده.
سعد بكل هدوء وضيق بنفس الوقت: أنتي ماتعبين من اللي تسوينه, أنا ما أحبج أنا مغصوب عليج ,ارتحتي مابيج مابيج بس لو مو أولادي كنت طلقتج.
عايشه ودموعها غطت حتى على ويهه جدامها: والله إذا أنته ماتبيني مره أنا مابيك ألف مره وإذا ريال (ياها طراق حامي من سعد وطراق ما خلاها تسكت إلا زادها) طلقني مابيك طلقني ..
وخلته ودشت غرفتهم وقفلت الباب عليها وخلته يالس في الصاله موبس معصب إلا بينفجر من الغيظ..

بعد العشا 10,30
محمد إستأذن عمه إنه ياخذ حنان عسب تختار ديكورات الجناح اللي بيعيشون فيه,وافق العم بدون تردد .
بس محمد قاله إن أخته مريم بتكون معاهم رد عليه عمه: ماخفت على بنتي معاك في شقه في بوظبي بخاف عليها بعد ما صارت زوجتك لا ياولدي الثقه موجوده..

في بيت بو سعد.
بوسعد يكلم سعد: شو فيك ياولدي ليش قاعد اهني في الصاله تحت,إذا مافيك نومه اطلع أقعد مع زوجتك وأولادك في صالتك فوق.
سعد:الوالد ما أبي أقعد فوق خلني قاعد تحت شوي ..
نزلت أم سعد معصبه وتكلم سعد: جوف عايشه مب بنت شوارع اتعاملها جيه وتضربها ,خد البنت وارم,حرام عليك كم بتصبر البنت زود عن صبرها
قاطعها بو سعد: شو السالفه شو صاير ؟
أم سعد :أسأل ولدك اللي مد إيده بعد هالعمر بنت الناس مستحمله وصابره عليه ,وآخرتها يمد إيده عليها.
بوسعد:ليش ياسعد؟شوصار؟
سعد:لو قلت لكم مافي أحد بيفهمني منكم لأنكم صافين معاها ..

*0 بنوته دفشه0*

في حديقة بيت بو حمد..
محمد:حنان بلاج قولي شي ؟
حنان:المفروض أنته تبدأ.
محمد :صدق ؟بس أيقولون والنساء أولا.
ابتسمت حنان:بس إحنا شرقيين والرجال قوامون على النساء.
محمد:خلاص احنا تكلمنا ومافيها من يبدأ أول.
ضحكوا سوي ..
محمد:حنان إذا مضايقه مني أو من شي من تصرفاتي قولي عسب أتجنب أضايقج في المستقبل..
حنان:وأنته أرجوك مافي إنسان خالي من العيوب ,حتى أنا مليانه عيوب ولازم تتصحح.
..................
هل بيستمرون كناري الحب مع بعض؟
حمد شو اللي شاغل تفكيره من فتره؟
حوريه بترجع تمشي؟
سعد شو قصته اللي وصلته لهذي الشخصيه القاسيه؟


الجزء العاشر
في المستشفى..
حوريه وأمها عند العلاج الطبيعي,حوريه مستانسه وأمها الأرض موشايلتها من الوناسه..
حوريه:أميه الدكتور قال إني برجع أمشي مره ثانيه,لازم أبشر حمد وحمدان وحنان وأولهم أبويه الغالي..
أم حمد:الحمد لله رب العالمين على النعمه ,والله لذبح (عزكم الله) ثورين وخمس تيوس أول ماتبدين تمشين مثل أول..

في الشركه..
بو محمد عاقد إجتماع مع رؤساء الأقسام والإداريين في الشركه..
الحاضرين من ضمنهم محمد وحمد وسعد اللي ماله ويه يقابل عمه بس الظروف دايما تحكم..
بو محمد:طبعا الكل مو عارف ليش إجتمعنا ,كلكم أولادي في هذي الشركه اللي كبرة على إيدكم وبمساعدتكم ,واليوم يا وقت الحصاد..
الكل يطالع بعض موفاهمين قصد بو محمد..
بو محمد:قررت أفتح شركه ثانيه في منطقه ثانيه إنشاء الله واللي أبيه منكم دراسه وافيه عن المشروع وعن اللي بيتنازلون ويبدون من أول ويديد مع الرئيس اليديد في الشركه اليديده..
محمد: بعد إذنك الوالد,أنا من رايي ولد عمي سعد يكون رئيس الشركه اليديده لأنه الأحق بهذا الشي,
بومحمد: لا ياولدي ,ولد عمك بيتم إهني يتابع حلال أبوه وإخوانه ,الشركه الثانيه هذي حلالك أنته وهديه مني لك ولزوجتك ولأحفادي إنشاء الله..
سعد حاول يخفي ضيقه اللي الكل لاحظه وأخفاه بإبتسامه غصبها عسب يبارك لولد عمه..
محمد:الله يبارك فيك ياولد العم ..
حمد :مبروك يامحمد وإنشاء الله تثبت وجودك فيها وأنته قدها إنشاء الله..
بومحمد:ولدي وأنا أدريبه قدها وقدود.
وقف محمد على حيله وتقدم وباس أبوه على راسه وشكره على الهديه الغاليه...
محمد: بس أبويه أبي حمد وياي في شركتي اليديده...
ضحكوا كل الموجودين على طلب محمد... لأن الكل عارف هالشي وحاسبله حساب ..والكل يقول الله يحفظهم لبعض..
إلا سعد مضايق وموعارف شو يسوي ولا عارف يفكر.. حتى إنه حسد ولد عمه على صديج مثل حمد...

في المدرسه..
مريم كانت عندها حصه في ثالث إعدادي (بنات كبار فوق سنهم وتصرفاتهم فوق المعقول (
دشت مريم الصف وسلمت على البنات الموجودات..دقايق ودشن 6 بنات متأخرات على الحصه ويتمشن في الساحه على مهلهن ولا معبرات المّدرسه اللي في الحصه ..
ين ودشن على أماكنهم بدون إستإذان ..
مريم بعصبيه: لو سمحتوا تفضلوا برا وما دشن الحصه إلا بعذر عن مكان وجودكم..
ردت رئيسة الشله موزه:ما طالعين ..
مريم :أتفضلن مابيكم في حصتي ..
موزه :ليش المدرسه مال أبوج ؟
مريم بكل هدوىء تقدمت من موزه: مالج دخل ببوي فهمتي وتفضلي مادشين حصصي إلا بولي أمرج..
موزه :بنات شو الراي؟
البنات خايفات ومايبن يتمادن بس موزه الظاهر مصره...
ردة فاطمه:موزه خلينا نقصر الشر الصراحه هذي المره أبوي بيقصبني مابي أتبعج وأخسر..
موزه :يالجبانه مالقيتي غير هالأرمله تخافين تسوي فينا شي وتعلم أهلنا لا تخافين أنا بكلمه وحده بفنشها وبشتغل مكانها مدرسه..
(الصراحه عمري ماجفت بنات بقواة العين (
تقدمت مريم أكثر من موزه وواجهتها ويهه لويهه:آسفه بس ما سمعت إيش قلتي آخر شي؟
موزه بكل ثقه وطالع زميلاتها بغرور:أقدر أفنشج وأقعد مدرسه مكانج..
مريم إطالع موزه في عينها مباشره..لدرجة اتوترت موزه وما قدرت أتواجهه مريم..
طلعن من الصف من دون كلام...
وكملة مريم الحصه عادي ولا كأن شي صاير..

مريم عند المديره تشرحلها الوضع اللي صار..مديرتهم إنسانه متفهمه وايد وقررت تساعد هذي البنت لأن كل المدرسات يشتكون منها..طبعا هذا بعض اللي تعانيه مريم في المدرسه كل يوم. حبيت ابينه لكم عسب أقدر أقولكم ليش مريم دايم ساكته وتحاول ما تقصر على بنتها بشي..

مريم قاعده بعد الغدا وتفكر ..دش صلاح عليها وهي سرحانه (مستحيل أيكون صلاح وما يغلس على أحد(
دش بهدوىء لحد ما صار وراها تمام وفجأه يصرخ عليها ..
صلاح:مريوم لحقي لحقيي محمد ...
مريم قاطعته :بلاه محمد شفيه ؟؟
وركضت عنه نازله تحت بأسرع ماعندها (كانت قاعده في الصاله اللي فوق(
مريم:محمد ..محمد..(طلعتلها أمه من غرفتها (
أم محمد:بلاج تزاعجين بلاه محمد؟
مريم :مادري صلاح قال محمد..(محمد دش توه واصل من الدوام مستانس ويضحك(
محمد:السلام عليكم ورحمة الله وبركاته كيف حال الحلوين؟
تقدم وباس راس أمه وراس أخته اللي واقفه متفاجأه ..
ثواني وصرخت : صلااااااااااااااااح.
نزل صلاح من فوق يضحك وموقادر يمسك نفسه من الضحك عليها ..
مريم تركض وراه من الغصه اللي فيها وهو يضحك ..محمد حب يفهم السالفه لأن أمه تضحك مع صلاح .. ركض عكس صلاح مسكه وتمسكه مريم وتعضه من ضيقها منه ..
محمد:شو صاير فهموني ؟
صلاح وهو مو قادر يود نفسه من الضحك: حبيت أغلس على أختك..... كانت سرحانه ....قلت لها لحقي محمد.... بس وتقوم تركض بكل قوتها ..والباقي أنته لحقت عليه...
صد فجأه محمد على مريم اللي كان حاس أنها تبجي وحضنها وهو يهمس لها: الغاليه يانور عيني ادموعج غاليه وانا ما أستاهلها.
صلاح حس بخطأه من جاف أدموع مريم تقدم من محمد وخذها لحضنه: الغاليه والله ما عاش من بجاج والله ماقصدي كنت أبي أغير لج المود اللي أنتي فيه بس ..سامحيني ..
(أمهم واقفه تمش أدموعها وتحمد الله على تماسك عيالها وحسن تربيتهم(
مريم:أنتو ماتعرفون غلاكم عندي أنتو نور عيني سندي في الدنيا من لي غيركم بعد رب العالمين والوالد والوالده الله يحفظهم...بس صلاح أرجوك ارحمني مره ثانيه لا تسوي بي جيه..
صلاح :انشاء الله الغاليه..
محمد(حب يغير السالفه اللي قربت تبجيه ):أنا اليوم الصراحه مستانس الوالد قرر يهديني شركتي الخاصه صح إني بعدني وايد لما يدرسون الميزانيه وبكون ازوجت لكن الوالد ماقصر .
صلاح :مبروك بو جاسم وتستاهل كل خير..
محمد:قصدك بو حامد..
مريم :مبروك بو حامد والله صرنا نفكر انسمي عيالنا..
محمد:يعني بتزوج بعد شهرين ما فكر بالعيال؟
مريم:والله أتريا هذا اليوم بفارغ الصبر متى بس متى؟
محمد وصلاح مع بعض:يامعيريس عين الله تراك والقمروالنجوم تمشي وراك ههههههههههههه ..
ضحكوا سوى على خبالهم..

في الكليه..
اليوم حنان ضايجه وتبي الدكتور يخلص بسرعه ما تعرف سبب ضيجها بس ضايجه وبس (مو علينا هالكلام البنت خايفه ومتوتره محمد عازمها على العشى اليوم وهي متوتره وشكلها من الخوف بتكنسل(
خلصت وطلعة بعد ما ودعت زميلاتها ولقاءهم بيكون بعد اسبوع وش عليها البنت اتخرجت..

ركبت سيارتها وهي مشغوله في التفكير بمحمد طلب يجوفها ولأول مره برا البيت وبروحهم شو السالفه لا وبوها وافق بدون تردد ..

فجأه تطلع لها شاحنه كبيره لافه المنحنى المفروض توقف الشاحنه للسيارات الصغيره تعبر أول بس التهور والقدر ..حنان سرحانه ومادرت بنفسها إلا وهي تحاول تتجنب الشاحنه ولفة السكان لكن الوقت كان أسرع وضربت حنان الشاحنه من جهة اليمين اللي راح كله لحد ما انحجزت حنان داخل السياره وضرب راسها بالجامه الاماميه, وخطر محاولة تظهيرها إلا بقص السياره....

في الشركه وبالتحديد في مكتب محمد...
محمد وحمد قاعدين يتكلمون في الشغل والشركه اليديده ..وحمد حاس بضيق موعارف سببه ومحمد حس برفيجه ..
محمد:خير عسى ماشر بلاك اتغير ويهك فجأه يعورك شي ؟
حمد:ماردي ياخوي حاس بضيق وما أعرف السبب..
رن موبايل محمد...
رد محمد عالموبايل :آلو أهلين عادل كيف الحال ؟ (وقف محمد على حيله (شو تقول وين صار هالشي؟.. والحين شو حالتها ؟...بي انا وحمد الحين مشكور الغالي .. مع السلامه...
حمد:شو صاير ؟خبرني حد صابه شي ؟
محمد يأشر له يسكت شوي وهو شايل سماعة التليفون: الوالد بعد إذنك بطلع شوي مع حمد..في خاطرك شي من صوبنا ؟ خلاص في وداعة الله..
حمد متوتر ويبي يعرف شو صاير ومحمد ساكت عنه..
ولما ركبوا سيارة محمد تكلم حمد :يا أخي قولي شصاير ؟وترتني وبروحي ضايج..
محمد:عسب ضيجك ماقلتلك .
حمد:محمد قول شصاير ؟
محمد متوتر وخايف ويحاتي .. :حنان صار عليها حادث وهي طالعه من الكليه واهي اللحين في المستشفى.. (حمد مو مصدق اللي يسمعه حنان توها الصبح تضحك وياه وفرحانه اليوم آخر يوم لها في الكليه) من المفاجأه حمد موقادر يتكلم..ومحمد خاف عليه حمد وايد يحب خواته لأنه مربيهم ,
محمد:حمد إذكر الله إنشاء الله بخير ..وحنان إنشاء الله موصاير عليها شي..تكلم لاتعور قلبي أكثر انا بروحي الفيني كافيني من الخوف عليها ..الله يخليك حنان محتاجتنا معاها ..

في المستشفى ..
في الطواري ..كانت حوريه وأمها طالعين من العلاج الطبيعي ورايحين العيادات عسب يراجعون الدكتور عسب حالة حوريه..
أم حمد قلبها ما كلها على حنان لأنها ما تصلت بيها اليوم كالعاده تطمن على حوريه.. انتبهوا للبنت اللي شايلينها على النقاله ويهها كله دم وغايبه عن الوعي ودخلوها على العمليات ..والدكتور يسأل عن أهلها ..
أم حمد تقول في خاطرها:الله ينجيج ويحفظج لاهلج يابنتي ويقومج لهم بالسلامه والله يصبر قلب أمج إنشاء الله ..

دقايق ودش حمد ومحمد الطواري ..
ويسألون عن المصابه اللي وصلت من شوي ...
انتبهت أم حمد على حمد ومحمد وتقدمت منهم وحطة أيدها على ظهر الأقرب لها محمد..التفت محمد وادموعه في عينه لما جاف أم حمد ماقدر يمسك نفسه حضنها وبجى حبيبة قلبه اللي موعارفين مصيرها ..
والأم حالها مو أحسن من حال ولدها حمد..ظلت ساكته موقادره تتكلم وتبجي في هدوىء في حضن محمد ..
وبعد ماخلص حمد إجراءات التوقيع على العمليه رجع لمحمد وجافه حاضن الغاليه ما عرف شو بيسوي ..راح وحضن الإثنين
رفعت الأم راسها وصدت وراها (في لحظه نست اللي كانت معاها )حوريه راسها بالأرض ودموعها تطيح على إيدها تبجي بصمت ..

في الشركه ..
سعد قاعد وسرحان لبعيد في السما اللي واضح من خلالها إنه مشغول البال ..
سعد من سبع سنوات..
كان يحب يملك كل شي ولأن أبوه تاجر إكبير فكل فتره له سياره وكل اللي يتمنى ماكان أبوه يقصر عليه بشي عسب ما يحس إن الناس أفضل منه إلا الشهاده اللي ما قدر يحصلها ومانجح في الكليه اللي دخله أبوه فيها فقرر يدخله معاه في الشركه وبدا يشد عليه...
وأول مابدا الأبو قرر يزوجه بنت عمه مريم..طبعا أبو محمد غير عن أخوه ربى عياله صح ومايحب يجبرهم على شي فرفضت مريم سعد لأنها تبي تكمل دراستها مو باقيلها الإ كورس واحد..بس سعد ما كان يحب ينرفض له أي طلب..فقرر يجبر مريم عليه بس للأسف محاولاته كلها إفشلت..
فقرر ينتقم منه