الــــــكتبي

تـنـــــــــاســـــــــانـــي
للكاتبة: ღقـوتღالقلـوبღ


الجزء الاول

نبدا بسم الله ،،...
،،

نبدا بالجد اللي بالعائله اللي هو ابو محمد .. و هو متوفي ..
وكان متزوج حرمتين .. اللي هم ام محمد وام سالم ..

اولاد ام محمد
محمد = ابو عمر 52
ناصر = ابو عبد الله 50
ام ساره = 45

اولاد ام سالم ..
سالم = 50 ابو مازن
ام مريم = 40
سعيد = ابو حمزه37

ام محمد وام سالم ساكنات مع ابو عمر وعائلته .. لان ابو عمر ساكن ببيت ابوه ..
وام سالم كانت حابه تكون ببيت زوجها حتى ولو هو ميت.. وابو مازن يكون جارهم ..
وعلاقت ام محمد وام سالم ماشي حالها .. رغم انهم احيان يختلفون .. الا انهم من بعد وفاة ابو محمد ابتدن يحبن بعض ..

ابو عمر عنده من الاولاد .. عمر 26 سنه .. عبير 23 سنه .. ريم 21 .. اريج 19 .. وأخر العنقود اشرف10 سنين ..
وابو مازن عنده .. مازن عمره 27 سنه ومتزوج بنت عمته ساره .. واحمد 26.. تركي 24 .. ترانيم 21 و رغد 19 سنه ..
ابو عبد الله اولاده هم .. عبد الله 28 سنه متزوج وعنده ولد اسمه اسامه وعمره سنتين .. وبعد عبدالله انرزق ناصر بتوم اللي هم بـاسم وبـاسل 25 سنه .. ما يتشابهون بالشكل كثير مثل باقي التوائم .. بس عندهم نفس الاطباع .. وبعدهم تجي تغريد 21 سنه ..
و سعيد عنده حمزه 11 والعنود 5 سنوات ..
ام ساره عندها ساره 24 سنه وعماد 22 سنه ..
و ام مريم عندها مريم 19 سنه و سحر 16 .. و الصغير محمد 3 سنوات ..

اكثر شباب العائله يشتغلون بشركات اهلهم وتركي بس اللي يدرس للحين ..وسعيد محامي كبير وشغله ماشي ..

.......،،،، بـيـــتــــ ابــو عــمـــــر ،،،،........

كانت اريج قاعده بغرفتها تتأمل صورها وهي صغيره .. اريج تحب ترجع لطفولتها كثير .. كان عندها قدر كبير من الجمال ولا زال ..والبرائه ماليه وجهها .. وكانت ابتسامتها كثير حلوه ..
اريج هي الاحلى من بين اخواتها وبنات العائله .. و رغم انها الصغيره ما كانت دلوعه كثير..
.... سمعت اريج صوت جدتها تناديها..من بره الغرفه.. ام محمد: اريـــــج .. يـــا اريـــج ..
اريج وهي تفتح باب غرفتها و تبتسم لجدتها : نعم جدتي ..
ام محمد : اقول يمه انزلي تحت .. الكل مجتمعين والبنات كلهم موجودين ..
اريج : حاضر يالغاليه .. شوي وانزل ..
نزلت ام محمد و بعدها نزلت اريج ...
اريج : السلام عليكم ..
الكل : و عليكم السلام .. هلا ارووجه ..
بعد ما سلمت اريج قعدت معاهن .. و قعدو الحريم يسولفون .. و اكيد مثل كل مره يجتمعون فيها على ضحك و سوالف طول الوقت ..

وبالجهه الثانيه من المجلس و بعيد عن باقي الحريم ..
استغربت عبير هدوء ندى مو من عادتها تكون بهالهدوء ...
سألتها عبير بصوت واطي :ندى خير انشالله .. حصل شي بينج و بين عبدالله ..؟
ندى : لا .. بسم الله علينا .. مافي شي ... ليش تسألين ..؟؟
عبير :زين ليش من اول القعده وانتي ساكته ..؟؟ لازم يكون حصل شي معج ..
ندى : ولا شي .. بس احس اني تعبانه شوي ..
عبير : طيب .. سلامتج ..

ندى هي زوجة عبدالله اللي هو ابن عم عبير .. ندى عمرها 22 سنه ..
ندى وعبدالله تزوجو عن حب .. من 3 سنوات ... عبدالله يحب ندى بشكل جنوني ... عادتا الحب ممكن يقل بعد الزواج .. الا انه عبدالله كان يحب ندى كل يوم اكثر من اللي قبله .. و كانو متفاهمين .. و حياتهم سعيده .... بس بالفتره الاخيره ندى تغيرت .. ما عادت تهتم ببيتها وزوجها مثل اول .. والسبب هو ادمانها ع النت .. وبالأخص الشات ( الدردشه ) اللي صايره تقضي كل وقتها فيها .. بالأول كان تضيع فراغ بس الحين تغير الوضع ..
عبير صديقة ندى من قبل ما تكون زوجة ابن عمها .. و قريبه منها كثير ..و هي تعرف ان ندى تدخل دردشه .. و كانت تنصحها كثير وتقول لها ان الدردشه ياما خربت بيوت .. وعبير تعرف ان عبدالله ما راح يرضى ان زوجته تكلم شباب.. سواء كان بالنت ولا بغيره.. مثل باقي الرجال اكيد .. بس ندى ما كانت تهتم لنصايح عبير ..

ام عمر : عبيــر .. نــدى .. تعالو اقعدو معانه ...
عبير : اوكي يمه .. جايين ......
و يروحن عبير و ندى و يقعدون مع الباقين ..

ام مازن : ام ساره .. اليوم اتصلو فيني مازن و ساره .. يقولون انهم بيرجعون يوم الأحد من السفر يعني بعد 3 ايام ..
ام ساره وهي فرحانه من قلبها و متفاجئه : جـــد ..؟؟!!و ليش ساره ما اتصلت فيني و خبرتني ..؟
ام مازن : قالت انها بتتصل فيج المسا بعد ما ترجع من المستشفى ..
ام ساره : الله يرجعهم بالسلامه .. و يبشرج بالخير انشالله يأم مازن ..والله انج فرحتيني ..
ريم : صحيح شلون العلاج معاهه ..؟؟
ام مازن : تقول ان الاطباء عملو اللي عليهم .. والباقي على الله ..
الكل : ونعم بالله ..
تغريد : الله يرجعهم بالسلامه ..

ساره ومازن متزوجين من اكثر من 5 سنين .. هم الاثنين طيبين .. و مناسبين لبعض كثير ..
بس مشكلتهم انهم للحين ما عندهم طفل .. و لهالسبب هم مسافرين .. لحتى يلاقون علاج لساره ..

دخل عمر يبي يسلم على عماته ..
عمر : السلام عليكم و رحمة الله و بركاته ..
الكل : و عليكم السلام ..
ام محمد : هلا والله بولدي عمر ..
عمر : هلا فيج ياالغاليه ..
ام ساره : شلونك عمر ..؟
عمر : بخير الله يسلمج .. شلونج انتي ..
ام ساره : ماشي الحال ..
وسلم عمر على كل عماته .. و كان كل شوي يناظر بنت عمه تغريد ..
ترانيم غمزت لتغريد ..لان الكل انتبه لنظرات عمر الا تغريد ..
قبل ما يطلع عمر .. و هو عيونه على تغريد : شلونكم يا بنات العم ..
استحت تغريد من نظراته رغم انها مو عارفه سببها .. و ردت مع البنات ..: بخير ....
وطلع عمر ..
ترانيم اخذت تغريد على جنب و هي حابه انها تغيضها وقالت لها وهي تغمز : شو هالنظرات اللي بينج و بين عمر ..؟
رغم انه ترانيم كانت عارفه انه تغريد ما تدري عن شي .. بس كانت تبي تحرجها ...
استحت تغريد وهي ترد عليها .. و كانت تحاول انها تبرر .. بس ما تعرف : اي نظرات .. اصلا انا ما شفته .. كنت طول الوقت عيويني بالأرض ..
ترانيم : اي بس اللي ما كانت عيونه بالأرض شاف عمر شلون كان يطالعج ..
تغريد : كان يطالعني انـا ..؟؟
ترانيم : تبيني تفهميني انج ما تدرين انه يحبج ..؟
تغريد : اي حب يالخبله ..؟؟ كبرتي المسأله من نظرات لحب ..؟؟!!
ترانيم وهي فاجه عيونها : لا تقولين انج اخر من يعلم ..؟؟ الكل صار يدري ..
تغريد : شو اللي صار الكل يدري عنه ..؟؟
ترانيم : انه عمر يحبج ..
تغريد : انتي شقاعده تقولين ..؟؟ اكيد صار شي لعقلج ... عمر يحبني انا ...؟؟!!
ترانيم : انا اقرب وحده لج وما تخبريني عن هالحب ...... كملت ترانيم وهي تهز راسها : ما اقول غير حسافه ع الصداقه والقرابه اللي بيننا
تغريد احتشرت وصارت تبي تبرر بأي طريقه : ترانيم .. لا يكون اللي قاعده تقولينه من مقالبج الماصخه .. ترا والله ما ادري عن شي من اللي تقولينه ..
ترانيم : يالخبله شلون ما تدرين انه يحبج .. واحنا كل ما تجمعنا .. من دون كل شباب العايله يجي هو ويسلم .. واذا كنتي حظرتج مو موجوده ما يجي يسلم ولا كأنه يعرفنا اصلا خخخخخ .. ونظراته الغريبه .. لا تقولين انه كل هذا ما كنتي منتبهه له .. لا وهذا كله غير تلميحات ريم لج ..
تغريد : والله اني خبله من جد .. كل هذا وانا مو حاسه ... وانتي ليش ما خبرتيني لما شفتيني دلخه وصعب افهم ..
ترانيم وهي تأيد تغريد: تصدقين انج اول مره تقولين شي صحيح.. انا من زمان اقول انج دلخه وما تفهمين.. بس ما كنتي تصدقيني ..
تغريد : انطمي .... بس والله شي غريب انه يحبني .. ما عمري تصورت ان عمر ممكن يحب ... مدري ليش ... احس انه عصبي و ما يعرف يحب ... طلع يعرف ... لا ويحبني انا بعد ..!!
ترانيم : ههههههه مالت عليج مسويه للحبيب صورت وحش خخخخخخ و يلا عمري دامج عرفتي خلينا نروح نقعد مع الحريم ..
تغريد وهي للحين متفاجأه : زين يلا امشي ...
و راحو ترانيم و تغريد وقعدو مع باقي الحريم... وبعد شوي كانت ندى تبي تروح ..
ندى : يلا انا اترخص ..
ام سالم : ليش يا بنيتي ..؟؟ ما صار لج ساعه من جيتي ..
ندى : والله يا جدتي لازم امر اختي اجيب من عندها اسامه .. لانه من الصبح عندهم و اكيد الحين متعبهم ..
ام عبدالله : فديته .. والله اني متولهه عليه .. ندى المره الجايه جيبيه معاج ..من يومين ما شفته ..
ندى : انشاء الله خالتي ..يلا تامروني بشي ..؟؟
ام عمر : ما يامر عليج عدو .. خذي راحتج يا بنيتي ..
ندى وهي طالعه : مع السلامه ..
الكل : الله معج ..
طلعت ندى و هي تفكر بطارق اللي صارت تكلمه ع المسنجر .. مع انها ما كانت توافق تعطي ايميلها لشباب ..
وكانت كل اللي تكلمهم بالدردشه و بس .. بس هالمره طارق كان غير عن اللي كلمتهم قبل ..
جذبها بأسلوبه .. و كان لطيف كثير ... عطته ايميلها من بعد ما وعدها انهم يكونون اصدقاء و مثل الاخوان وبس ..
لان طارق خبرها انه محتاج يكلم شخص يفهمه .. و كانت ندى هالشخص ..


الساعه 10 بالليل .. كانو الكل رجعو بيوتهم ..
وكانت رغد تتصل ببنت عمتها مريم ..
رغد : اقولج تكلمو عنكم انتي و باسم و بتخطبون رسمي .. تقولين شنو يعني ..؟؟
مريم : زين شنو تبيني اقول ..؟
رغد : يـــــاربــــي .. ع الاقل افرحي شوي ..!!
مريم : وليــــش افرح ..؟؟ فيه وحده يقولون لها راح تتزوجين و تفرح ..؟؟
رغد : اذا لما تنخطبين و تتزوجين ما تفرحين .. متى بتفرحين ..؟؟
مريم : اقول .. ترا انا مو فاضيتلج .. و عندي امتحان مو مذاكرتله ..يلا باي ..
رغد : يالخبله الدراسه لاحقه عليها .. خلينا نسولف شوي ..
مريم : لا عمري باجر عندي امتحان .. و مو لاحقه عليه .. و شنو هالحنيه اللي نزلت عليج اليوم ..
رغد : مالت عليج .. والله الشرهه مو عليج .. الشرهه على اللي عاملتلج قيمه و متصله فيج ..
مريم : خلص مره ثانيه لا تعملين لي قيمه و لا تتصلين فيني .. باي
رغد : اقول يالدبه .. ليش ماجيتي اليوم لبيت عمي ابو عمر ..؟؟
مريم : دبه بعينج .. و كم مره لازم اقولج اني مشغوله بالدراسه ..!!
رغد : ماشاءالله عليج .. شاطره خخخخخخخ
مريم : تتطنزين حظرتج ..؟؟!!
رغد : لا عمري لا اتطنز ولا شي .. يلا خليج بدراستج .. باي
مريم : بـايـات ..

مريم و اريج و رغد يدرسون سنه اولى جامعه ..
و ترانيم و ريم و تغريد سنه ثانيه ..

عبير كانت واصله الثانويه .. و بعدها دخلت معهد تجاره واشتغلت ....و هي موظفه بسيطه .. رغم ان ابوها قال لها بترتاح عندهم بالشركه اكثر ..بس عبير سوت اللي براسها واشتغلت بالمكان اللي هي فضلته .. و اهلها ما عارضوها .. لانهم معودين اولادهم يختارون كل شي يخصهم وكل شي بحياتهم بنفسهم .......
مدير عبير يحبها.. وبيخطبها قريب .. رغم انه عارف انها ما بتوافق ..لانها اصلا مو معطيته وجه .. لكن نشوف بعدين شو راح يصير معاه ...



........،،،، ثاني يوم الصبح ،،،،.........
ببيــت نــــاصر .. ابو عبدالله ..
تغريد : يمه انا رايحه .. تامريني بشي ..؟
ام عبدالله : سلامتج .. بس خلي بالج وانتي تسوقين ..
تغريد : انشاءالله .. يلا باي ..
ام عبدالله : في داعة الرحمن ..
طلعت تغريد وامها كانت تناظرها من الدريشه تبي تتطمن عليها لحتى وصلت السياره وطلعت فيها ..
بعدها صعدت ام عبدالله لغرفة ولدها باسم .. عشان تكلمه عن مريم ..
ام عبدالله : باسم ابيك بسالفه ..
باسم : أمري يمه ..
ام عبدالله : يمه من فتره واحنا متكلمين عنكم انت و بنت عمتك مريم ..
باسم وهو منزل راسه و ينافخ : اييييييي
ام عبدالله : و قريب بتبتدي العطله الصيفيه
باسم : بس انا ما عندي دراسه خخخخخخ
ام عبدالله : باسم لا تقعد تتطنز و تمزح .. هذا الموضوع هو اهم موضوع بحياتك ..
باسم : من قال لج ..؟؟ انا عندي مواضيع كثيره و مهمه بس انتي ما تدرين هاهاها
ام عبدالله : باسم خليك ولو مره جدي ..
باسم : وليش ما اكون جدتج هههههههه
ام عبدالله ابتدت تعصب على ابنها : بـــــاســـــم ..!!
باسم وهو كاتم الضحكه : خلص .. خلص .. كملي يا ست الكل ..
ام عبدالله : ولو انك مو وجه زواج .. بس شنو نسوي ..
باسم و هو فرحان : وانتي قلتيها .. مــووو وجــه زواااج !
ام عبدالله : باسم انطم وخليني اكمل ..
باسم : تفضلي ..
ام عبدالله : قلت لعمتك ام مريم تشوف لنا وقت نروح نخطب لك مريم فيه .. و بالعطله بتملجون .. والزواج بعدين نشوف متى نحدده ...شـــرايك ..؟؟
باسم : شنو رايي بعد .. انتي مخلصه كل شي ماشالله عليج .. يعني انا الحين حتى لو رفضت ما عاد ينفع ..
ام عبدالله و هي معصبه : بتضل طول عمرك خبل .. ولا عندك نييه تصير رجال ..؟؟!!
باسم : خلص لا تعصبين وهذا انا صرت رجال .. و اقولج اني موافق على كل شي تسوونه .... وهني قام باسم و هو يكمل : و يلا خليني اروح الشغل لان الوالد راح يعصب علي لو تأخرت ..
ام عبدالله : خليك دايما رجال .. مو شوي وتخترب .. و ابوك بعده ما راح الشغل .. انطره و روح معاه بعد شوي ..
باسم : اوكي ..
وطلعت ام عبدالله من عند باسم وهي تقول فخاطرها : الله يهديك يا باسم .. و يوفقك انت واخوانك ..


......،،،، الجامعه ،،،،.......
ريم : هلا والله بالغاليه ..
تغريد وهي جايه صوب البنات : وفيج اكثر..
ترانيم و هي تغمز : اي اكيــــد الغاليه .. دام اخوج يغليها لازم تغلينها معه ..
تغريد استحت من ريم .. مع انهم كانو ثلاثي ما يفترق .. و كانو قريبات من بعض وصريحات كثير مع بعضهن .. بس هالموضوع احرج تغريد ..لان عمر اخو ريم ..
ريم وهي ترد على ترانيم : اكيد غاليه .. بس انتي بعد غاليه لا تنسين انج بالمستقبل بتكونين زوجة اشرف ... ههههههه
ترانيم : ههههههههههههه فديته احلى زوج ..
تغريد : تصدقين ترانيم انكم مناسبين لبعض كثيــــر .. ملقوف و ملقوفه .. بتصيرون احلى ثنائي .. ههههههههه
ترانيم : خخخخخخخ اكيد بنصير احلى ثنائي .. و موتو قهر انتي و عمر ..
ترانيم كانت متعمده انها تحرج تغريد .. لانها عارفه انه تغريد خجوله كثير .. و كانت تحاول تخليها ما تخجل من ريم ع الاقل ..
ريم لاحظت خجل تغريد و ردت : اقول تغريد .. ترا انا نفسي صديقتج و بنت عمج .. و من يوم حنا صغار مع بعضنا .. تبين الحين تستحين مني ..؟؟
تغريد اللي استحت اكثر : لا ....( وهي تناظر ترانيم ) بس ترانيم صايره ماصخه كثير ..
ترانيم : بــل انا ماصخه ..؟؟
ويجون اريج ورغد و مريم... و يقعدون مع البنات ...
السلام عليكم ...
وعليكم السلام ....
رغد : انتو كله تقعدون بهالمكان ..! شرايكم نروح الجهه الثانيه .. والله انها احلى بكثير..
اريج : لا ما بنروح هناك.. فيه شباب كثير .. هنا بس بنات احسن ..
ترانيم : وهي رغد ليش تبي تروح هناك ..اكيد لنفس السبب اللي انتي رافضه تروحين عشانه ههههههههه
رغد : هي هي هييييي يا خفة دمج ... مالت عليكم .. اصلا بالجامعه وين ما رحنا بنلاقي شباب ..
ريم : اقول .. خلونا هنا احسن ..
اريج و هي تتنهد : شكله الامتحان ما مشى حاله .. كل اللي قريته نسيته يوم شفت ورقة الامتحان ..
ريم : كل هالدراسه اللي درستيها .. و تقولين ما مشى الحال ..؟؟
مريم : اريج ما ينخاف عليها .. اكيد بتكون ناجحه مثل عادتها ..
اريج : أأأميــــن ..
رغد : خلونا الحين من الدراسه والامتحانات اللي تلوع الجبد ..
تغريد : زين بشنو تبينه نسولف ..؟
رغد : عن خطوبة مريم مثلا ..
تغريد : انطمي يا بنت .. اسمها خطوبة بــــاسم ..
مريم : رغد ما عندج غير هالمواضيع ..
ريم : صحيح مريوم .. متى بيجونكم بيت عمي ناصر عشان يخطبونج ..؟؟
مريم : مدري .. بس يمكن بعد الامتحانات ..
تغريد : اي قالو انهم بيروحون يخطبونج بعد الامتحانات ..
ترانيم : و متى بتكون الملجه .. ترا انا اشتقت للحفلات ..
مريم : و بعد هذي ما ادري عنها .. اسألو تغريد ..
تغريد : بالعطله انشاءالله ..
اريج : زين متى الزوااااااااج ..؟؟
مريم : فاااال الله ولا فالج ..
تغريد وهي تمزح مع مريم : مريوووووووم انطمي ...!!! لا يكون ما تبين اخوي ..
مريم : انا ما قلت هالكلام ..
وتقاطعها رغد وتقول : ههههههههه خافت لا تهونون عنها و تزوجون باسم وحده ثانيه ..
وهني الكل ضحك و مريم محتشره ..
مريم : ترانيم سكتي اختج .. والا ابتلي فيها الحين ..
ترانيم : ههههههههه ما دخلني .. و تعملين خير لو خلصتينا منها خخخخخخ
ريم : لا جد متى بيكون الزواج ..؟؟
مريم : اكيد مو قبل ما اكمل دراستي ..
تغريد : و من قال ان اخوي بينطرج كل هالسنين خخخخخخ
اريج : صحيح مريم .. هالفتره طويله .. يمكن عمي ابو عبدالله هو واهله يبون العرس قريب ..؟
مريم : انا بقول لباسم انه لازم يكون زواجنا بعد ما اتخرج .. و هذا هو شرطي الوحيد ..
رغد و هي تغمز لمريم : قبل ما كنتي تسلمين عليه .. والحين بتسولفين معاه وتقولين له شروط بعد ..؟؟
استحت مريم وخاصه انه هالكلام كله قدام اخت باسم الي هي تغريد .. واللي كانت قاعده تضحك على مريم واللي كانت قبل شوي بنفس الموقف ... ردت مريم على رغد : اقصد اني بخلي امي تقول له ..
اريج وهي حابه تلعب على مريم : مريوم عمري عندي سؤال .. ممكن ..؟؟
مريم : تفضلي ..
اريج : بتجاوبيني بصراحه ..؟؟
مريم : انشاءالله ..
ابتسمت اريج ابتسامه خبيثه و هي تقول : مريوم .. انتي تحبين باسم ..؟؟
مريم : مالت عليج وعلى سؤالج ..
اريج : يؤ .. ليــش ..؟؟
تغريد : ههههههههه ليش ..؟؟ والله انه سؤالها حلو خخخخخ
مريم : سؤالها بايخ .. و تافه مثلها ..
اريج و هي تأشر على نفسها : انا تافهه و بايخه ..؟؟!! صراحه صدمتيني ..
ضحكت رغد و هي تقول لمريم :انا ما اشوف انه سؤال اريج تافه ..بالعكس حلو مثل ما قالت تغريد خخخخخ..
اريج : مريوم ..!! وعدتيني تجاوبيني بصراحه .. و للحين ما جاوبتي ..؟
مريم : ولو انكم تافهين .. بس بجاوبكم ..... مــا احبــه ..!!
تغريد وهي تشهق : مـــا تحبيـــن اخــــــووووي ..!!!
ترانيم : يؤ يعني تكرهينه ..؟؟!!
ريم : مريوووووم .. شو ما تحبينه ..
مريم : خبلات انتو .. باسم ابن خالي و بيكون زوجي .. شلون اكرهه ..
رغد : طيب شو معنا انج ما تحبينه ..
مريم : معناه انه مثله مثل باقي اولاد عمامي .. و قصدت اني ما احبه .. يعني ما اعشقه و احلم فيه خخخخخخ
اريج : لا الحمدلله ما طلعت تكرهه ..
رغد : مريوم مو تفشلينا و تقولين له انت عادي و مثل باقي اولاد عمي ..
اريج : نحمدالله لو قالت له هالكلام .. الخوف انها تقول له انت مثل اخوي هههههههه
ترانيم : تسويها مريوم ههههههههههههه
و تمو البنات يضحكون على مريم و هي معصبه ..


........،،،، الـشــركــــة ،،،،........
كان عمر رايح مكتب ابن عمه احمد ..
احمد : احمد يالغالي طلبتك ..
احمد : اففففففف شوف انا عارف طلبك و ما بقول لك عطيتك ..
عمر يترجى ابن عمه : تكفى يا ولد العم .. يمكن اليوم اقدر اشوفها ..
احمد : لا اليوم ولا غيره .. لعنبوه .. انت ما تستحي .. من يومين رحنا لهم و قعدنا متفشلين من عمي ابو عبدالله ..
عمر : انشالله يكونون الشباب موجودين اليوم .. و ما بنتفشل من عمي ..
احمد : حتى لو الشباب موجودين انت رايح تشوف تغريد .. الشباب شو دخلهم ..
عمر : بنقعد معاهم .. مو اولاد عمنا هم ..
احمد : اولاد عمي على عيني و راسي .. بس احنا كل يوم نشوف بعض .. و نتجمع دايما .. يعني مافي داعي لهالروحه ..
عمر : اقولك تكفىىىىىى ...
احمد : يالخبل متى قدرنا نشوفها من كل المرات اللي رحناهه لهم ..و بعدين هي بنت عمك ودايما عندكم او انتم عندهم و تقدر تشوفها ليش هالأحراج و تخلينا نروح لهم ...
عمر : انت تدري احنا ما نجتمع معاهم كثير .. اكثر الاحيان يكونو الرجال بمجلسهم والحريم بمجلسهم .. الا اذا كنا رايحين المزرعه نقدر نقعد مع بعض ..
احمد : احنا بعد الامتحانات بنروح المزرعه .. مو مطولين ..
عمر بعد ما تضايق من احمد : الله يلعني اذا طلبت منك شي مره ثانيه ... كل شي وله حل عندك ..؟؟!!
احمد : ههههههههههه ... لاتحسدني ماشالله علي .. بس لا تنسى و تطلب من جديد
عمر : يلا انطم ابي اكمل شغلي ..
و قام عمر عشان يروح مكتبه ..
احمد : ههههههه لا يكون زعلت خخخخخ
و راح عمر عنه و ما رد عليه ..


بهالوقت ببيت ابو مازن .. كانت ام مازن تصحي ابنها تركي ..
ام مازن : تركي قوم يلا تأخرت ..
تركي بعد ما صحى و كان نعسان كثير : يمه خليني نايم .. مابي اروح اليووم ..
ام مازن : ليــــش ..؟؟
تركي : مالي خلق اروح .. و بس ..
ام مازن : هالأيام ايام امتحانات .. واكيد عندك امتحان مو مذاكرله .. ولهالسبب مو راضي تروح ..
تركي و هو يشيل راسه بسرعه : شلون عرفتي ..؟؟!!
ام مازن : تركي لا تصير ماصخ .. و قوم يلا ..
تركي وهو يرجع راسه ع المخده : قلت لج مالي خلق ..
ام مازن : تــركـــــي ..!!!!!
تركي : يمـــــه ..!! ما عندي اليوم لا امتحانات و لا محاضرات مهمه ..
ام مازن : شلون مافي محاضرات مهمه .. كل المحاضرات مهمه ..
تركي : اوكي .. كل المحاضرات مهمه و عندي محاضرات مهمه .. بس ما ابي اروح ..
ام مازن : الحمدلله اني اقنعت ابوك ما يسفرك تردس بره .. انت هنا و مو قادرين لك .. مو تكون بره وبروحك ..
تركي وهو يمزح مع امه : ايييييي هذي ما بنساهه لج .. ما خليتيني اروح اتمتع بحياتي و شبابي ..
ام مازن : الحين مو هذا موضوعنا .. يلا ترا الساعه وصلت الـ11 ..
تركي : خلص تأخرت و ما اقدر اروح ..
ام مازن : شوف انت ما ينفع معك الطيب ..!!
تركي وهو يشهق بطريقه مضحكه : لا يكون تبين تضربيني ..؟
ام مازن : تركي انا مو فاضيه لك .. يلا قوم ..
تركي : اففففففففففف .. هذا انا قمت .. كبرتي السالفه ..و حتى النومه روحتيها . .
ام مازن : ومعصب بعد..؟!!! فوق ما متعبني ومخليني كل يوم اجي اصحيك مثل الاولاد الصغار .. لا وكل يوم والثاني تبي تغيب ..
تركي و هو قايم : خلاااااااااص .. هذا انا برووووح ..

تركي شاب وسيم ..و مغازلجي .. وكل البنات تتمنى انه يكلمها ..
وهو يدرس سنه ثالثه جامعه .. و مشكلته كرهه للدراسه .. ولهالسبب هو سنه ثالثه مو رابعه .. يعني فيه سنه رسب فيها ..ومحبوب كثير .. وصديق باسم وباسل و نفس نمرتهم ..


نرجع عند البنات بالجامعه .....
بعد ما صارت الساعه 1 خلصت كل محاضرات اريج و رغد و مريم ..
وطلعو كل وحده بسيارتها ..
اريج كانت بسيارتها و سرحانه .. كانت تفكر بالامتحانات اللي شاغلتها كثير ..وكانت خايفه لان الامتحان اليوم ما كان مثل ما كانت تبيه ..
وطول الطريق وهي مو منتبهه ..ولا مركزه عدل .. بعد ما انتبهت ما قدرت تصيطر على السياره .. و فجأه طلع بوجهها شاب ..وصدمتــه ..
بعد ما قدرت توقف السيــاره نزلــت بســرعـه وهي تصيـح ..شــافت الشــاب مرمــي ع الارض ..


الجــزء الثــاني ،،
وصلنا بالجزء الاول .. لما صدمت اريج الشاب ..
ونزلت و هي تصيح .. و كانت خايفه كثير ..
لقت الشاب مرمي ع الارض و هو يتوجع .. بس كان قادر يتكلم ..
اريج وهي خايفه : خير اخوي .. عسا ما صار لك شي ..؟ والله أأأسفه اخوي ما كنت منتبهه ..
الشاب و هو يحاول انه يقوم بس ما قدر : لا اختي انا الي دخلت بالشارع بالغلط ..
اريج وهي للحين تصيح : طيب اوصلك المستشفى ..؟؟
وهني تجمعو الناس .. وحاولو انهم يساعدون اريج والشاب .. و دخلوه سيارة اريج .. حتى توصله المستشفى ..
كان الشاب قاعد بالكرسي الامامي اللي جنب السايق .. و رغم انه كان يتوجع .. كان طول الوقت ما نزل عينه من على اريج ..
اريج حست بنظراته .. اللي احرجتها .... لما حس الشاب انها انحرجت التفت ع الجهه الثانيه ..
لما وصلو المستشفى عطاها الشاب موبايله .. وقال لها تتصل بزياد .. ودخلوه الاطباء بعدها لغرفة الطوارء ..
اريج ما كانت عارفه مين زياد .. ولا عارفه شو تقوله لما تتصل فيه ..
بس اتصلت فيه بعد ما لقت اسمه ..
زياد : هلاااا والله ابو السعود ..
اريج وهي متردده : العفو اخوي انا مو ابو السعود ...
وكان شكلها مضحك لما قالت انها مو ابو السعود .. واللي خله زياد يضحك عليها ..
زياد : بــــل ..؟؟!! اخوي سعود يعطي موبايله لبنات وهو اصلا ما يعطي رقمه ..؟
اريج : هو ما عطاني موبايله ..
زياد وهو يمزح : طيب ليش قاعده تتصلين فيني من موبايله .. لا يكون سرقتيه من اخوي ..؟
اريج : اخوي بليز .. ممكن تسمعني ..؟
زياد : طيب العفو .. تفضلي .. تكلمي ..
اريج : اخوي انا عملت حادث ..
ويقطعها زياد : و انا شنو دخلني ولا شنو دخل هالشي بموبايل اخوي ..؟
اريج ابتدت تعصب من هالشاب اللي مو راضي يسمع لها : اللي صدمته هو اخوك .. و هو الحين بالمستشفى ..
زياد وهو مصدوم .. و معصب على اريج : و صــار لـج سـاعه مـا تتكلميــن ..!!!
اريج : ليش انت تركت لي مجال اقول كلمه ..!!
زياد : طيب هو وينه الحين .. بأي مستشفى .. و شلون حالته ..؟؟!!
اريج : ما ادري عنه .. دخلوه غرفة الطوارء .. واحنا الحين بمستشفى (...........)
زياد وهو خايف على اخوه : طيب انا جاي ..
وقام زياد بسرعه و راح سيارته عشان يروح المستشفى ..

سكرت اريج من زياد .. وقعدت تنتظر الدكتور شو يقول عن حالت الشاب لحتى تروح بعدها البيت لانها تأخرت ..
وهني تذكرت انها لازم تطمن اهلها عليها .. واتصلت بأمها .. كان صوت اريج تعبان واللي خوف امها عليها ..
ام عمر و هي مرتعبه : اريج بلاج ..؟؟ شفيه صوتج ..؟؟!!
اريج : مافيني شي يمه .. بس عملت حادث ..
ام عمر وهي تشهق : حـــــادث ..؟؟!!
اريج : يمه انا ما صار لي شي .. بس صدمت شاب ومو عارفه شلون صارت حالته ..
ام عمر اخذت نفس بأرتياح : اشــوا .. على بالي صار لج شي ..
اريج : طيب يمه انا يمكن اتأخر لان لازم اعرف حالت الشاب و بعدها ارجع ..
ام عمر : زين يمه .. اقول لأخوج عمر يروح لج ..؟؟
اريج : لا يمه مافي داعي .. انا شوي وارجع .. يلا فمان الله ..
ام عمر : الله معج ..
بعد ما سكرت اريج عن امها .. شافت شاب جاي صوبها ..بعد ما سأل الدكاتره عن غرفة اخوه ودلوه عليها ..
زياد عرف انه هالبنت نفسها اللي اتصلت فيه .. لان ما كان فيه احد غيرها قاعد بره الغرفه ..
زياد : انتي اللي اتصلتي فيني ..؟؟
اريج : انت زياد ..؟
زياد : اي نعم انا زياد .. كيف صار سعود ..؟؟
اريج : ما ادري للحين ما طلع الدكتور ..
زياد وهو يهدد : شوفي ..!! اذا صار شي لأخوي لا تلومين الا نفسج ..!!
اريج سكتت .. و كانت خايفه لا يكون حصل شي للشاب ..
بعد فتره قصيره .. طلع الدكتور ..
زياد وهو يروح للدكتور بسرعه و اريج وراه : خير دكتور ..؟؟!!
الدكتور :لا خير انشاء الله .. كان عنده كسر بأيده و جبسناه له .. و فيه جروح بسيطه بجسمه .. بس الحمدلله .. مافي شي يخوف ..
اريج اخذت نفس عميق .. و قالت فخاطرها : الف الحمد والشكر لك يارب ..
زياد وهو فرحان : الحمدلله والشكر .. طيب دكتور ممكن ندخل نشوفه ..
الدكتور : اكيد.. وممكن انه يطلع معاكم بعد ..
زياد والفرحه كانت ظاهره عليه : مشكــور دكتور ويعطيك العافيه ..
الدكتور : العفو .. والحمدلله على سلامة مريضكم ..
و يروح الدكتور عنهم .. و يدخلون اريج و زياد لغرفة سعود ..
زياد وهو رايح صوب اخوه : الف الحمدلله على السلامه يا اخوي ..
سعود : الله يسلمك ..
اريج كانت واقفه ورا زياد ومنزله راسها ..
سعود : مشكوره اختي على توصيلج لي المستشفى ..
اريج بصوت واطي : العفو اخوي .. ولو انه لازم اعتذر منك مو تتشكر لي ..
سعود : مافي داعي .. وسبق وقلت لج انه انا اللي دخلت الشارع بالغلط .. يعني انتي مالج ذنب ..
زياد : أسف اختي ع الكلام اللي قلته .. بس كنت خايف على اخوي و مو عارف شقاعد اقول ..
اريج : ماصار شي .. ومعك حق باللي قلته وعاذرتك .......( كملت اريج وهي تطالع سعود ) : الله يشفيك اخوي .. ويبعد عنك كل مكروه انشالله ..
سعود : الله يسلمج اختي .. و يعافيج ..
اريج : طيب انا صار لازم اروح .. فمان الله ..
سعود : العفو اختي ما عرفنا اسمج ..
اريج : اسمي اريج ..
سعود + زياد : عاشت الاسامي ..
ابتسمت اريج لهم.. و راحت عنهم ..
سعود : شفت القمر اللي صدمتني ..
زياد : ههههههههه والله انها قمر من جد ..
و بعدها طلعو الشباب ...

سعود عمره 28 سنه اعزب .. وسيم .. و هو احلى من اخوه الصغير زياد ..
زياد عمره 25 سنه .. دمه خفيف و محبوب كثير ......
سعود وزياد قريبين كثير من بعض .. خاصه بعد ما توفى ابوهم صار زياد متعلق بأخوه بشكل جنوني ..لانه كان له بمثابت الاب .. و ما كان زياد يرفض لأخوه طلب او يزعله .. ونفس الشي سعود ..

اريج وهي بالسياره .. دق عليها عمر ..
اريج : الو ..
عمر : هلا اريج .. وينج ..؟
اريج : انا الحين بطريقي للبيت ..
عمر : طيب ليش تأخرتي ..؟
اريج : ما خبرتك امي ..؟
عمر : خبرتني .. بس بعد خبرتني انج قلتي بترجعين بسرعه ..
اريج : كان لازم اشوف حالت اللي صدمته .. والدكتور تأخر ..
عمر : طيب .. عسا ماصار له شي ..؟
اريج : لا الحمدلله .. عنده كسر بأيده بس ..
عمر : الحمدلله ... طيب يلا تتأخرين ..
اريج : انشالله ..
بعد فتره وصلت اريج البيت ..و قالت لأخواتها اللي حصل معاها ..
عبير : والله منتي هينه يا اريج .. صرتي تعرفين تسوين حوادث ههههههه
اريج وهي شايفه نفسها بمزح : للحين ما شفتي شي ..
ريم : لا وشايفه نفسج بعد .. كان الشاب بيروح فيها ..
اريج : لا ماشاءالله عليه .. ما انكسر فيه شي غير يده خخخخخخخخ
عبير وهي تصرخ على اختها : اريـــج ..!!
اريج : امزح .. بلاج .. والله انه طيوب الله يشفيه ..
ريم : صحيح مين اللي كان احلى هو ولا اخوه ..؟
اريج : اكيد هو .. معقوله انا اصدم واحد مو حلو ...
عبير : هههههه .. ليش .. اخوه مو حلوه ..؟؟
اريج : حلو .. بس سعود احلى ..
ريم : اسمه سعود ..؟
اريج : اي ..
ريم : طيب شو اسم اخوه ..؟
اريج : زياد ..
عبير : بس ترا اسم اخوه احلى من اسمه ..
ريم : لا اسم سعود احلى ..
و تمو البنات يسولفون ...

و بنفس هالوقت كانو بنات ابو مريم بغرفة مريم و يتكلمون عن سامر ..
سامر عمره 24 سنه .. و كان يحب سحر كثير وهي بعد تحبه ..و تموت فيه ..كان يشوفها بعد المدرسه .. و بالأول ما كانت ترد عليه ..بس الحين هي تحبه و يحبها ...
مريم : سحر ماتشوفين انج صغيره كثير ع الزواج .. وعلى سامر بعد ..؟
سحر : لاء .. لا صغيره على الزواج ولا على سامر بعد .. و بعدين ما راح نتزوج الحين ..بعد سنه لحتى نتزوج ..المهم الحين نملج .. واهلج خليهم يوافقون بالأول ..
مريم : وليش ما يوافقون ..؟؟
سحر : مدري .. بس يمكن على نفس الاسباب اللي ذكرتيهم ..
مريم : يمكن ..... صحيح متى بيجي يخطبج ..؟
سحر : بعد الامتحانات ..
مريم : طيب تمام ... وانا برأيي انج تفاتحين امي بالموضوع بالأول ..
سحر : لااااااا .. شلون تبيني اكلم امي بمثل هالموضوع ..
مريم : عادي ..
سحر : انتي كل شي عندج عادي ....( وتسكت شوي وترجع تكمل ) مريوم عمري شرايج انتي اللي تفاتحينها بهالموضوع ..؟؟
مريم : اوكي .. انشاءالله ..
سحر : جــد ..؟؟
مريم : جد ..
سحر : غريبه اول مره تلبين لي طلب ..
مريم وهي تهدد : ترا ابطل ...!!
سحر : لا خلص عمري .. مشكوووووره ..
مريم و هي تقلب باوراق الكتاب اللي بأيدها : العفو ..
سحر : مريوم .. مو تقولين لأمي اني احبه .. او شلون كنت اشوفه ..
مريم : لا .. لا تخافين .. ما بقولها انج كنتي تشوفينه احيان بعد المدرسه .. بقولها كان يعزمج على بيته .. خخخخخخخخخ
سحر : هي هي هي دمج خفيييييف ...بس من جد مو تقولين لها ...
مريم : اوكي ما بقول ... يلا اطلعي لان ودي اناااام ..
سحر : اوكي .. تصبحين على خير ..
مريم : وانتي من اهل الخير ...
وتطلع سحر من غرفة اختها وهي فرحانه انها قريب بتكون لسامر ...


و بهالوقت ببيت عبد الله ....
كانت ندى تكلم طارق ع المسنجر .. ( ما كانت تكلمه بمايك (
ندى : واللي تحبها مو حاسه فيك ..؟
طارق : مدري بلاها .. رغم اني المح لها دايما ..
ندى : طيب شرايك تصارحا بحبك .. يمكن تكون هي بعد تحبك ..؟
طارق : اذا حسيت انها تحبني بصارحها ..

ندى كانت عارفه انه طارق كان يقصدها .. بس كانت تتدلع عليه ..
و طارق ما كان يعرف انها متزوجه .. و كان يحبها من جد ....
وهي كانت مقرره انها تخبره انها متزوجه .. بس بعد ما عجبها بطلت ... ما كانت عارفه شعورها تجاهه
ومو عارفه هالعلاقه وين راح توصل ...

دخل عبدالله الغرفه .. سكرت ندى شباك المحادثه مع طارق بسرعه ... و طلعت من المسنجر فجأه .. وطارق استغرب هالتصرف ..
كان باين على ندى التوتر ..
عبدالله : بلاج عمري ..؟
ندى : مافيني شي ..
عيدالله : طيب ليش متلبكه ..؟ في شي ..؟؟
ندى وهي تبتسم لزوجها حتى تحسسه انه مافي شي : لا متلبكه ولا شي .. يلا حبيبي انا نازله اقول للخدامه تجهز لنا العشا ..
عبدالله : اوكي .. وانا رايح اشوف اسامه ..
نزلت ندى وكانت تحمد ربها انه عبدالله ما شافها وهي تكلم طارق ..
وعبدالله راح غرفة ابنه اسامه ..
قعد عبدالله يتأمل ابنه و هو نايم .... كان باين عليه التعب والارهاق ..
فكر عبدالله انه هذا من كثر اللعب بالنهار ... وباس ابنه و طلع .....


.......،،،، اليــوم الثــاني ،،،،.......
كانو ترانيم وتغريد وريم راجعين من الجامعه.. وكانو كلهم بسيارة ترانيم ...
لان مازن وزوجتة ساره بيرجعون اليوم من السفر ..
وباقي العايله كانو كلهم مجتمعين ببيت سالم .. ابو مازن ..

وصلو البنات و بعد ما نزلو من السياره دخلو البيت ..
ولقو الكل مجتمعين .. و سلمو على عمامهم بالأول ..و عمر كان طاير من الفرحه بشوفة تغريد وما شال عينه عنها ..
وتغريد كانت مستحيه من ابوها لان عمر ما كان حاس بنفسه و هو يطالعها ..
وبعدها راحو البنات مجلس الحريم ..
تغريد وهي تكلم ريم بعصبيه : شفتي اخوج شلون احرجني قدام ابوي وعمامي ..
ترانيم : ههههههههه معذور العاشق ..
ريم : هههههه بلاج معصبه على اخوي خخخخخخخ
تغريد : وتسألين بعد ..؟؟
ريم : عااادي .. هو يحبج يعني عادي خخخخ
و يدخلون البنات مجلس الحريم .... و بعد ما سلمو البنات قعدو مع الباقين ..
ترانيم : يمه من بيجيب مازن و ساره من المطار ..؟
ام مازن : يمكن احمد و عمر ..
ترانيم : اها .... طيب انا رايحه ابدل ملابسي .. بالأذن ..
الكل : اذنج معج ...
وطلعت ترانيم لغرفتها ..

اريج و رغد و مريم كانو بغرفة رغد ..
ورغد كانت متلهفه تعرف شلون صار حادث اريج ..
رغد : طيب دام الشاب حلو تكلمي بالتفصيل ..
مريم : هههههههههه الله يقطع سوالفج يا رغد ..
اريج : ههههه رغوده بلاج .. ما شايفه حوادث ولا ما سامعه عنها ..؟؟
رغد : سامعه ....( تكمل وهي تغمز لأريج ) بس ما سامعه انه اريج تعمل حادث وتصدم شاب حلو ..
و تسولف لهم اريج كل قصة الحادث .. و بالتفصيل عشان رغد ..
و هني دخلو تغريد وريم على البنات بغرفة رغد ..
رغد وهي تكلم ريم : ريــــم ..!! شفتي اختج شنو سووت امس ..؟
ريم وهي مخترعه و تناظر اريج :شنــــو ..؟؟!!
رغد : صدمت شاب بالسياره ..
ريم وهي معصبه : مالت عليج على بالي في شي ..
رغد : ليش هذا مو شي ..؟؟ .. لا وشي مهم بعد ..
ريم : عادي .. كل الناس يعملون حوادث شنو فيها ..
مريم : ههههه هذي رغد مدري شفيها .. مو مصدقه انه اريج عملت حادث ..
تغريد : رغوده ترا عادي و مو شي غريب .. يعملون حوادث كثير هالايام خخخخخ ..
رغد : خخخخخخخخ
اريج : وينها ترانيم .. ما اشوفها معاكم ..
تغريد : راحت تبدل ملابسها ..
ريم : انا رايحه اناديها .. حتى ننزل .. وانتو انزلو بعد ..
البنات : اوكي ..


مجـلـــس الرجـــال ،،،،....
احمد : يلا عمر .. بعد ساعه توصل الطياره .. و من هنا للمطار نص ساعه ..
عمر : اوكي يلا ..
احمد + عمر وهم ماشين : فمان الله ..
الكل : الله معاكم ..
وطلعو الشباب واكيد كالعاده طول الطريق و عمر يتكلم عن تغريد ....

باسم : يبه .. وينه عمي ابو مريم .. قال انه بيجي ..
ابو عبدالله : عنده اجتماع و ما قدر يجي الحين ..يمكن يجي بعد ساعه او اكثر .. بس لا تخاف اهله موجودين ..... وابتسم ابو عبد الله لولده اللي استحه من نغزت ابوه ..
باسل وهو يكلم تركي بصوت واطي : شوف اخوي .. فشلنا ..
تركي : هذا وهو مو مهتم لا بمريم ولا بالزواج ..
باسل : غصب عنه بيهتم .. لازم يخلصنا و يتزوج ...
تركي : وليش ما تتزوج انت قبله .. دامك مستعجل ع الزواج ..؟؟
باسل : المشكله بالوالد .. يبي يخطب لباسم قبلي .. مع انه توأم .. و هو مو اكبر مني غير بكم ثانيه ..
تركي : طيب ليش ..؟
باسل : شعرفني عنه .. الله يهداه بس ..
تركي : ههههههههههه لا تخاف هذا باسم بيخلصك قريب و بيخطب ..
باسم وهو قايم من مكانه و جاي صوب تركي و باسل .. لأنه شافهم يطالعونه وهم يتكلمون : شفيكم تطالعوني ... لا يكون كنتو تحشون فيني ..؟؟
باسل : اي كنا نحش فيك .. انت ما تستحي تسأل ابوك عن عمك ابو مريم ..؟
باسم : عادي ... مو ابو حرمتي .. و زوج عمتي ..
تركي : هههههه بعدها ما صارت حرمتك ..
باسل : و بعدين يالحبيب .. متى بتخلصني وتروح تخطب ..؟
باسم : لا تخاف مو مطولين .. قريب بعد اقل من شهر خخخخخخ
باسل و هو مصدوم : لاااا .. تمـــزح اكيــد ..؟؟
باسم : هههههه لا والله جد ..
و تمو الشباب يسولفون .. والشيبان اكيد كل كلامهم عن الشغل والسياسه ..


نرجع لمجلس الحريم ،،،،......
بهالوقت كانو البنات نزلو وقعدو مع باقي عماتهم وجداتهم ..
دق موبايل تغريد .. و كان المتصل باسم ..
تغريد : هلا باسم ...
اريج وهي توطي صوتها و تكلم مريم : شوفي الحبيب .. متصل بأخته عشان يتطمن عليج خخخخخخخ
مريم بعصبيه : هي هي هي ....
اريج : هههههه بلاج عصبتي ..
رغد : بـمن قاعدات تحشون ..؟؟
اريج : بباسم ...
رغد : وانا اقول مريوم بلاهه معصبه .. اثاريج حشيتي بالحبيب ههههههه
وهني قامت مريم و قعدت مع جداتها ..
بالجهه الثانيه من المجلس ...و اريج و رغد يضحكون عليها ..
ام مازن : ما شكلهم طولو ..؟
تغريد : باسم قال انه الشباب طلعو من ربع ساعه .. و الطياره باقي لها وقت على ما توصل ..
ام عمر : الحين ما بتصبرين ساعه يام مازن ..
ام ساره: هالساعه بتكون اكثر من كل الوقت اللي غابوه ....( وهني نزلت دمعة ام ساره .. (
ام عبدالله : ما كنهم غايبين شهرين بس .. شفيكم ..؟؟
ام محمد : لا تسونها سالفه .. و تقلبونها مناحه الحين ..
ترانيم : صادقه جدتي لا تخربون لنا فرحتنا برجعتهم .. و بنجاح العلاج انشاءالله ..
الكل : انشاءالله ..

بعد فتره وصلت سيارة احمد ... ونزلو منها مازن و ساره وعمر ...
كانو الشباب فرحانين كثير برجعت مازن .. و يرحبون فيه ...
دخلو الشباب مجلس الرجال ... و عماد طلع يسلم على اخته ..
عماد بفرحه : هلااااااا والله ..
ساره و هي بحضن اخوها : هلا فيك يالغاااالي .. والله اني اشتقت لك ..
عماد : وانا اكثر يالغلا .. يعلم الله اني كنت ادعيلكم بكل صلاه جعل الباري يوفقكم بهالعلاج .. و يرزقكم الذريه الصالحه ..
ساره : أأأأمين...
و بعد ما سلمت ساره على اخوها دخلت مجلس الحريم .. و مازن كان دخل لمجلس الرجال ..
اول ما ابو مازن شاف ولده .. قام بسرعه و راح صوبه وهو فرحان وحضنه ..
ابو مازن و هو حاضن ولده : نــــورت يالغــــاااالي ...
مازن وهو حابس دموعه : النور نورك يبه .. جعل الله يحفضك لنا يارب ..
سعيد وهو جاي صوب مازن : حياك الله يالغالي ... والله انه لك وحشه ....
و يسلمون سعيد و مازن على بعض بحراره ..
و بعد ما سلم مازن على كل عمامه و اولادهم .. قال له عبد الله ..
عبدالله : مازن روح عند امك ..تراها متولهه عليك وايد ..
مازن : وانا بعد متوله عليها ..
و يقوم مازن .. عشان يروح لمجلس الحريم يسلم ..


مجلس الحريم ،،،،......
ام ساره : فديتج يا ساره .. والله اني اشتقت لج حيل ...
ساره : وانا بعد يا يمه.. وربي كنت متمنيه تكوني معي بهالسفره .... استانسنه وايد .. و حتى فترة العلاج كنت حابه تكوني معي ..
ترانيم : صحيح يا زوجة اخونا المصون .... شو نتيجة العلاج ..؟؟
ساره وهي تبتسم : قالو لنا ننطرها هناك .. بعد 3 اسابيع او يبعثونها لنا بالبريد ..... احنا اخترنا انهم يبعثونها بعد ما نرجع للديره ..لأنه ما قدرنا على فراقكم اكثر ..
ام مازن : ولا احنا يا ساره .. والله ان الديره كلها ما تسوى من دونكم انتي و مازن ..
و يندق باب المجلس .. و تقوم رغد وتفتح الباب ..
ارتمت في حضنه اول ما شافته .. و بدت دموعها تنزل ...
رغد كانت متعلقه بمازن كثير .. لانها كانت الصغيره و كانت دلوعته ..
وبعد ما سلمت على اخوها اللي فرح بشوفتها .. طلب منها تاخذ له طريق .. عشان يدخل يسلم ..
رغد بعد ما دخلت المجلس : بنات .. مازن بيجي يسلم ..
لبسو البنات عباياتهم و الشيله و دخل مازن ...
كانت فرحة ام مازن باينه بعيونها لما شافت ابنها ..
حضنت ابنها وهي دموعها تنزل .. سلمت عليه بحراره .. كعادة الامهات ..
كانت هذي اول مره يغيب فيها مازن عن امه كل هالفتره ..كانو كل ما سافرو يكونون مع بعض .. وحتى بشهر العسل .. مازن ما غاب عن امه كثير .. سافر اسبوعين بس ...
سلم مازن على اخته ترانيم اللي اكيد كانت طايره من الفرحه برجعة اخوها ..وسلم على كل عماته و جداته والبنات .. و بعدها رجع مجلس الرجال ...

بهاليوم تجمعو كل العايله ببيت ابو مازن .. من الضهر لألليل ..


وبعدها بأسبوع ...
.......،،،، الجـــــامعـه ،،،،.......
تغريد : يلا بنات قومو المحاضره بتبتدي بعد شوي ..
ريم : باقيلها عشر دقايق ..
ترانيم : اي تغريد خلينا قاعدين شوي ..
ريم : والله اني مليت من الدراسه .. مو مصدقه متى بتخرج و اتخلص منها ..
ترانيم : ماباقيلنا كثير انشالله ..
تغريد : بلاكم انتو .. اصلا الدراسه تسلينا كثير .. شوفو وقت الاجازه شلون يصير البيت ما ينطاق ..
ريم : حتى وهو ما ينطاق احسن من الدراسه ...
تغريد : لا مو احسن ....
ترانيم : الاثنين نفس الشي .. لا تقعدون الحين تتهاوشون ..
تغريد : صحيح بنات .. سيارتي عاطله و ابي وحده منكم توصلني اليوم ..
تلاانيم : ليش .. وين الدريول ..؟؟
تغريد : مالت .. الحين العالم يقولون تامرين امر يا بنت عمي .. على عيني .. حاضر .. اي شي مو وين الدريول (وهي تقلد صوت ريم (
ريم : ههههههههه خلص انا بوصلج و على عيني ..
وهني خطر ببال ريم فكره ..
بعد ما قامو البنات للمحاضره .. قالت لهم بتجي بعدهم بشوي ..
وبهالفتره اتصلت ريم بأخوها عمر ..
ريم : اقول لك فرصه ما تتعوض ..
عمر : اخاف تنحرج .. او تزعل ..
ريم : لا تخاف ما بتزعل .. واذا زعلت بتزعل علي ..
عمر وهو متردد : طيب .. انتي هذا رايج ..؟
ريم : اكيـد .. يلا عاد .. بعد ساعتين تعال .. و توقف بره الجامعه .. وانت تعرف سيارتي اركن سيارتك جنبها .. وانا وترانيم راح ندبر كل شي .. اوكي ..؟
عمر وهو فرحان : اوكــي ..
و سكرت ريم عن اخوها .. و راحت ...


.........،،،، بيــتـــ ابــو سـعـــود ،،،،.......
زياد : فجر .. قولي لأمي اني بطلع مع الربع اذا رجعت ..
فجر : وليش ما تتصل فيها ..
زياد : ناسيه موبايها هنا ..
قجر : اوكي .. انشاءالله ...
زياد : يلا باي ..
فجر : باي
و يطلع زياد ....
فجر هي اخت زياد الصغيره والوحيده .. عمرها 20 سنه .. حلوه كثير و وجهها طفولي .. و فيها طيبه باينه بوجهها ..وهي مخطوبه .. لواحد اسمه خالد ..


نرجـــع للجـــامعـه ،،،،.......
الساعه 02.00 وصل عمر الجامعه و انتظر بره الجامعه مثل ما قالت له ريم ..
تغريد ما انتبهت انه سيارة عمر كانت موجوده ...
ريم : تغريد روحي انطرينا بسيارتي.. وانا و ترانيم بنروح نجيب سيارتها و نجي بعدج ..
تغريد : اوكي .. بس لا تطولون ..
ترانيم + ريم : اوكي ..
و طلعت تغريد ...
ريم و ترانيم كانو متفقين عليها ..
كانت سيارة عمر قدام سيارت اخته .. و طبيعي انه تغريد تشوف عمر ..
نزل عمر اول ما شافها جايه صوب سيارت اخته ..
حاولت تغريد انها ترجع لما شافته .. بس كانت بتتفشل اكثر لو رجعت ..
وكان عمر حاط اغنية ( تدري اني موت احبك ) و كان معلي الصوت ..
وصلت تغريد وكان لازم تسلم عليه .. و هي منزله راسهه و مستحيه موت : السلام عليكم ..
عمر : وعليكم السلام .... شحالج تغريد ..؟
تغريد عرفت انه هذا مقلب من ريم و ترانيم : الحمدلله .. انت شحالك ..؟
عمر : يسرج الحال يا بنت العم ..
تغريد كانت منحرجه كثير .. قبل كانت عادي وهي تكلمه .. بس الحين اختلف الوضع ..
عمر : شلون الدراسه معاج ..؟
تغريد : تمام ..
عمر : اذا فيه اي صعوبه انا ممكن اساعدج ...
تغريد فخاطرها : اقوله تمام .. يقولي صعوبه .. لو كنت قايلتله مو تمام شنو كان قال ..
تغريد : لا مافي اي صعوبه ..
عمر : اكيد ما بيكون اي صعوبه عليج .. عارف انج شاطره من يوم كنتي صغيره ..
تغريد بعد ما ابتسمت له : زين عمر .. انا رايحه اشوف البنات ليش تأخرو .. عن اذنك ..
عمر : قالت ريم انهم بيطلعون بعد شوي .. ولا لا يكون مللتج ..؟
تغريد : لا ابدا .. بس شكلهم تأخرو ..
وتمت تغريد منحرجه من ابن عمها .. و معصبه ع البنات اللي خلوها بهالموقف ..
وكانت تجاوب على قد الاسأله .. و عينها على طول بالأرض ..

وبعد فتره قصيره اتصلت ريم بعمر ..
ريم : عمر انا اضطريت اروح مع ترانيم .. لان امي قالت لي ارجع البيت بسرعه .. قالت تبيني ضروري ..
عمر ما كان عارف انهم بيروحون : ليش ..؟؟ في شي ..
ريم : لا مافي شي .. لا ينشغل بالك .. بس يمكن تبيني اروح معاها الخياطه و مستعجله ..
عمر : طيب اوكي ..
ريم : عمر وصل تغريد بطريقك ..
عمر و هو عيونه على تغريد : اكيد بوصلها ..يلا فمان الله ..
ريم وهي فرحانه : باي ..
تغريد تفاجأت لما سمعت عمر يقول بوصلها ..
عمر : تغريد البنات راحو لان امي تبيهم .. وانا اللي بوصلج ..
تغريد وهي منحرجه : لا مافي داعي .. بتصل بباسل يجي ..
عمر : لــه ..!! انا هنا و تبين تتصلين بباسل ..
تغريد : ما ودي اتعبك ..
عمر : مافي اي تعب ... ( و يفتح لها باب السياره ) : تفضلي ..
تغريد : شكرا ...
قعدت جنب كرسي السايق .. و طول الطريق ما تكلمت .. و عمر طاير من الفرحه لان حبيبته معاه ..


........،،،، بعـــد اسبـــوعيــــن ،،،،.......
كانو ريم واريج ببيت عمهم ابو عبدالله .. ودهن يروحن السوق مع تغريد ..
ريم : يلا عاد تغريد .... ساعه تتلبسين ..؟؟
تغريد : شوي و اخلص .. بعد عشر دقايق اكون جهزت ..
اريج : طيب انا نازله تحت اشوف خالتي ام عبدالله .. و بعد ما تخلصون تعالو ..
البنات : اوكي ..
بنفس هاللحظه كان باسم وربيعه جايين ..و دخلو المجلس ..
باسم : عن اذنك بقول للأهل يجيبون لنا الشاي ..
و يطلع حتى يخبر امه تحظر لهم الضيافه ...
وبهالوقت دخلت اريج مجلس الرجال ..لانها على بالها انه ام عبدالله بالمجلس ..لانها قبل ما تطلع فوق كانت ام عبد الله هنا ..
وكانت اريج ما لابسه شيلتها .. ومخليتها على كتافها ..
دخلت اريج .. و تفاجأت انها لقت شاب بالمجلس .. وشاب تعرفه ..
كان ودها تسأله شواللي جابه لبيت عمها .. بس حاولت انها تطلع بسرعه ..بس الشاب سألها ..


الجـــزء الثـــالث ..
وصلنا بالجزء الثاني ..لما كانت اريج داخله المجلس .. وشافت الشاب ..
وسألها وهو متفاجأ انها هني : العفو .. بس شو تسوين ببيت باسم ..؟
جاوبت اريج بسرعه : انا بنت عمه ..
وطلعت وهي تركض ...
ما عرفت اريج هو شنو يسوي هنا .. بس بعد ما تذكرت انه قال بيت باسم .. قالت انه اكيد بيكون واحد من ربعه ...
نرجع لغرفة تغريد اللي دخلتها اريج بسرعه .. وخلت البنات يخترعون ..
ريم : بــلاج ..؟؟!!!
تغريد : خير اريج ..؟؟!!
اريج وهي تلهث : لو قلت لكم من شفت تحت.. ما بتصدقون ..
تغريد وهي فاجه عيونها و قالت بمزح : لا يكون فبيتنا جني ..؟؟؟
ريم : من شفتي ..؟؟
اريج : زياد .. اخو سعود اللي صدمته ..
ريم : وشنو يسوي هني ..؟؟
تغريد : لا يكون هو نفسه خوي باسم ..؟
اريج : يمكن.. لانه قالي شنو تسوين فبيت باسم ..
ريم وهي متفاجأه : كلمتيه ..؟؟!!
تغريد : يعني شافج وانتي بدون شيله ..؟؟!!
اريج وهي توطي صوتها : اي ....( وترجع تعلي صوتها و هي تقول ) بس والله ما كنت ادري انه هنا .. ولا ادري انه فالبيت واحد من اولاد عمي اصلا ..
تغريد وهي مخترعه : لا يكون باسم شافج ..؟؟
اريج : لا .. ما كان موجود بالمجلس ..
تغريد : اشــــوا .. لو كان شافج كان صار لنا سالفه لها اول ما لها اخر ...
اريج : الحمدلله .. اصلا ما شفته حتى وانا طالعه ..
و بعد هالخرعه راحو البنات السوق ..


.......،،،، بيـت ابــو مــازن ،،،،........
كان مازن قاعد مع امه بغرفتها ..
مازن وهو منزل راسه : يمه .. وصلت النتيجه ..
ام مازن وهي متلهفه : صدق ..؟؟ بشــر يمه .. شنو النتيجه ..؟
مازن بحزن : ما فادها العلاج ...
ام مازن وهي متضايقه : لا حول ولا قوة الا بالله .. كل هالعلاجات و ما نفعها شي ..؟؟
مازن : هذا المكتوب يمه ..
ام مازن وهي تترجا ابنها : اسمع كلامي يا مازن ....
ويقاطعها مازن بسرعه : يمه .. واللي يسلمج .. لا تفتحين لي هالموضوع مره ثانيه .. العيال من حرمه غير ساره ما ابيهم ..
ام مازن وهي تتنهد : انزين .. ما بفتحه ..
مازن : يمه ما ابيج تحسسين ساره بشي ..
ام مازن : ولــو يا مازن .. غلات ساره من غلاتك .. و يعلم الله انها مثل ترانيم و رغد ..
مازن وهو يبتسم : عسا الله يديمج لنا .. و يطول لنا بعمرج ....
و يقوم مازن ويحب راس امه ..
مازن : حتى النتيجه لا تقولين لها عنها .. انا بقول لها ..
ام مازن : حاضر يمه .. والله يوفقك و يسعدك انت وياها .. و يرزقكم على قد نييتكم ..
مازن : أأأمين .... يلا فمان الله ..
ام مازن : الله معك ..
و يطلع مازن .....

و نروح لغرفة رغد ...
رغد وهي فرحانه : ماني مصدقه اني خلصت امتحانات و ابتدت الاجازه ...
ترانيم : اللي يسمعج يقول جابت احسن النتايج ..
رغد : و شفيهم نتايجي ..؟؟
ترانيم : مافيهم شي .. عين الله حولهم خخخخخخخخخخ
رغد : انزين لا تحسدينهم .. بعدين يختربون ..
ترانيم : يختربون ..؟؟ شنو يصير فيهم بعد هههههههههههه
رغد : هه هه هه ... اقول خلينا نروح بيت عمتي ام مريم ..
ترانيم : لا ما ابي ..
رغد : وليش ما تبين ..؟؟
ترانيم : مالي خلق ..
رغد وهي تسحب اختها من يدها : يلا بلييييييز قومي لبسي وخلينا نروووح ..
ترانيم : روحي بروحج ..
رغد : لا ما ابي .. اتضايق بروحي ..
ترانيم : بتقعدين مع مريم .. ليش تتضايقين ..... ( وهني ترانيم تذكرت شي) رغدددد ... اليوم بيجونهم بيت عمي ابو عبدالله و تبينا نروح لهم ..!!!
رغد : وشنو فيها ..؟
ترانيم : شلون شنو فيها ..؟!!
رغد : احنا مو اغراب عنهم .. عادي لو رحنا ..
ترانيم : رغد خبله انتي ..؟؟
رغد بكل هدوء : لاء ..
ترانيم : لا خبله ونص بعد ....
رغد : بلاج انتي .. اصلا مريم هي اللي قالت لي اكون معاها اليوم ..
ترانيم : زين روحي وحدج .. ما بروح واتفشل ..
رغد : اي فشيله ..؟ شنو فيها لو رحنا ..
ترانيم : فشيله وبس .. و بعدين روحي وحدج يكون احسن ..
رغد : طيب مع مين اقعد لو راحت تقعد مع باسم ..؟؟
ترانيم : قعدي مع سحر ...او تغريد يمكن بتروح .. و بعدين انتي مو مجبوره تروحين .. لا تروحين ..
رغد وهي قايمه : لا بروح ...
و قامت رغد تلبس عشان تروح .....


بيــتــ عبــداللـــه ،،،،.....
ندى : ما ادري شنو شعوري تجاهه ...
عبير : ندى .. ترا عبدالله ابن عمي و مثل اخوي .. وانتي صديقة عمري .. ومابي اخرب بيتكم .. بس اذا تميتي تكلمين طارق بقول لعبدالله ..
عبير كان ودها تخوّف ندى عشان تبطل تكلم طارق .. بس هي اكيد ما بتقول لعبدالله ..
ندى وهي متأكده انه عبير ما بتسويها : ما بتسوينها ..
عبير : لاء بسويها ..(تكمل عبير وهي متأمله انه ندى ما تعود تكلم طارق) يا ندى انتي حرمه متزوجه .. وزوجج يحبج ويموت فيج .. لا تخربين بيتج بأيدج ..
ندى وهي مو مقتنعه : خلص .. بحاول اني ما اكلمه ..
عبير : مو تحاولين .. اكيد ما بتكلمينه .. فاهمه ..؟؟
ندى وهي متردده : انشاءالله ..
عبير : اوعديني ..
ندى : خلص قلت لج ما بكلمه ..
وهني نزل اسامه وهو يركض لحضن عبير ..
عبير كانت دايما تزورهم و تجيبله معاها هدايا .. وهذا اللي يحبب اسامه فيها .. و هي كانت متعلقه فيه كثير ..


بهالوقت ببيت سعيـــد .. ابو حمــزه ،،،،....
ام حمزه و هي تنادي ولدها : حمــزه .. حمـــزه ..!!
حمزه وهو نازل من غرفته و على الدرج : نعم يمه ..؟
ام حمزه : روح تلبّس .. بنروح بيت خالك ابو ساره ..
حمزه : يمه شرايج تخلين الدريول يوصلني بيت عمي محمد ..ودي العب مع اشرف ..
ام حمزه : غير مره .. خلينا الحين نروح بيت خالك ..
حمزه : لا ما ابي اروح .. كل مره اروح فيها اتم قاعد بروحي وما عندهم عيال يلعبون معي ..
ام حمزه : زين بقول للدريول يوصلك .. بس لا تعمل مشاكل مع اشرف ..!
حمزه وهو فرحان : اوكي بروح البس ..
وراحو ام حمزه وبنتها بيت ابو ساره .. اللي هو زوج ام ساره عمت اولاد ام حمزه .. و راح حمزه بيت عمه ابو عمر ..

و هني وصلت رغد لبيت عمتها ام مريم ...
رغد : السلام عليكم ..
ام مريم : هلا والله برغوده .. وعليكم السلام ..
رغد : شحالج عمتي ..
ام مريم : بخير .. انتي شحالج ..
رغد : تمام .. وخاصه بعد ما ابتدت الاجازه ههههه ..
ام مريم : هههههههههه
رغد : زين عمتي وينها مريم ..؟
ام مريم : فوق بغرفتها ..
رغد : طيب انا طالعه لها .. عن اذنج ..
ام مريم : اذنج معج .. خذي راحتج ..
و تصعد رغد لغرفة مريم ..
مريم بعد ما رغد دقت الباب و كانت منسدحه ع السرير : دخلي ..
مريم على بالها ان اللي تدق الباب هي سحر ..
رغد وهي تفتح الباب : مراحب يا عروستنا ..
مريم وهي تقوم من السرير : هلااااا رغد ..
رغد : شو يا عروس .. شلون معنوياتج ..؟
مريم : زفــت ..!!
رغد : لــه .. ليش ..؟؟
مريم : ما ابي انزل اقعد معاه ..
رغد : ليـش ..؟؟
مريم : هو ابن خالي و شايفني وشايفته .. يعني مافي داعي اقعد معاه ..
رغد : بس هالمره القعده معاه غير .. كل مره كنتي تشوفينه وهو ابن خالج .. بس الحين بتشوفينه وهو خطيبج ..
مريم وهي متضايقه : رغد يا زينج وانتي ساكته ..
و تمت رغد تحاول انها تهون على مريم اللي مكبره السالفه ..


بعد ساعه من هالوقت .. كانو ريم و اريج و تغريد بطريقهم للبيت من السوق ..
ريم : تفضلي معانه ..
تغريد : مشكوره .. بس ودي الحق اروح البيت لان اليوم بنروح بيت عمتي ام مريم ..
ريم : اهاااا صحيح ..طيب براحتج ..
اريج : الله يعين مريم اليوم .. ههههه
تغريد : ههههههه
ريم : انزين باي ..
اريج : باي تغريد ..
تغريد : بايات ..
و يروحون اريج و ريم بيتهم .. و تغريد بعد راحت بيتهم ..


بيت ابو عبدالله .. بعد ما وصلت تغريد ،،،،.......
تغريد : يمه متى بنروح بيت عمتي ..؟
ام عبدالله : ليش ..انتي بتروحين ..؟
تغريد : اكيــد ..!!
ام عبدالله : انزين روحي لبسي لان بعد ربع ساعه بنطلع ..
تغريد : اوكي ..
و تطلع تغريد وهي مستعجله .. عشان تلبس ..


بيــتـ ام ســـاره ،،،،......
ام حمزه : و متى بتوصل النتيجه ..؟
ام ساره : والله ما ادري .. بس ساره قالت انها بتوصل بهالأيام ..
ام حمزه : خير انشاءالله .. والله انهم طيبين و يستاهلون كل خير ..
ام ساره وهي تتنهد : اي والله .. الله يرزقهم ..
ام حمزه : أأمين ..
ام ساره : وينه حمزه .. ليش ما جا معاج ..؟
ام حمزه : يقول انه يبي يلعب مع اشرف .. وخليت الدريول يوصله ..
ام ساره : الله يحفظه .. هالولد ..
و تمو ام ساره و ام حمزه يسولفون ...


بـيـتــ ابـو مـريــم ،،،،........
وصلو ابو عبدالله و حرمته و عبدالله و باسم و تغريد .. وقعدو الرجال بمجلسهم والحريم بمجلس الحريم ..
و ام مريم قالت للخدامه تنادي مريم ..
و بعد شوي نزلت مريم و معاها رغد .. وكانت مريم طالعه كثير حلوه .. كانت عامله ميك أب خفيف و لابسه فستان ناعم ..
مريم + رغد : السلام عليكم ..
ام عبدالله + تغريد : وعليكم السلام ..
ام عبدالله و هي قايمه عشان مريم جت تسلم عليها : هلا والله بعروستنا القمر ..
استحت مريم ونزلت راسها ..
تغريد وهي تسلم على مريم : مبروك يا عروس ..
مريم بصوت واطي .. وكانت مستحيه من ام عبدالله : الله يبارك فيج و عقبالج ..
رغد وهي واقفه بعيد عنهم وحاطه ايدينها على خصرها : وانا ما تسلمون علي ..؟؟
ام عبدالله : انتي الخير والبركه ..
رغد وهي جايه صوب ام عبدالله : هذي الحريم السنعه ههههه
و تسلم رغد على ام عبدالله و تغريد .. و يقعدون يسولفون ..

و بعد فتره جات الخدامه وقالت انه الرجال طلعو .. و باسم بالمجلس ..
مريم وهي تكلم رغد بصوت واطي : مابي اروح .. قولي لتغريد تقول له يروح ..
رغد وهي بعد كانت تتكلم بصوت واطي : تبين تفشلينا انتي ..؟ قومي يلا .. الرجال ينطرج ..
ام مريم : مريم قومي يلا .. باسم يالمجلس ..
رغد قومت مريم .. و لبست مريم عبايتها و شيلتها .. و وصلتها رغد الين باب مجلس الرجال .. و راحت عنها ..
دخلت مريم المجلس .. و ما كان باسم منتبه عليها .. وكان يلعب بموبايله ..
باسم بعد ما انتبه عليها و هو يناظرها بأعجاب و يبتسم : السلام لألله ..
مريم وهي تستحي اكثر لانها من الخجل نست تسلم : السلام عليكم ..
باسم : تو الناس .. وعليكم السلام ..
و بعد فترة صمت قصيره .. ومريم للحين واقفه .. ومنزله راسها ..
باسم : تفضلي قعدي .. ولا بتتمين واقفه ..؟
وقعدت مريم بعيد عنه ..
باسم : شحالج ..؟
مريم : الحمدلله .. انت شحالك ..
باسم : يسرج الحال ..
و بعد ما سلمو على بعض و فترة صمت قصيره ..
باسم حب انه يقطع هالهدوء : مرايم ..
مريم بصوت واطي : نعم ..
باسم : انت خوخه انت مشمش .. انت والله حاجه تربش .. انت عندي مثل الاريل .. لو غبت عني اوشوش ..
وهني شالت مريم راسها وهي تناظر باسم باستغراب .. و رجعت نزلت راسها بسرعه .. وباسم ميت ضحك ..
مريم فخاطرها : بلاه هذا ..؟؟
باسم :شنو مريومتي .. لا يكون ما عجبتج ..
مريم اكتفت بالأبتسام وتمت ساكته ..
باسم وهو يصير اكثر جديه : متى تبين تكون الملجه ..؟
مريم : كيفك ..
باسم : شرايج بعد اسبوعين ..؟
مريم : اللي تشوفه ..
باسم وهو يبتسم : فديت مريومتي انا ..
وتستحي مريم وتقوم : عن اذنك ..
باسم : ما لحقنا نشوفج .. خليج شوي ..
مريم استحت وما عرفت شنو تسوي .. بس قعدت ..
باسم : بــل .. ما صدقتـي ..!!
وقامت مريم وهي معصبه و متفاجأه من تصرف باسم .. وطلعت بسرعه وهي زعلانه .. وناداها باسم بس ما ردت عليه ..
باسم : لا يكون زعلت خخخخخخخخ

رغد وتغريد راحو ورا مريم لغرفتها بعد ما شافوها طالعه من المجلس ..
رغد وهي متحمسه : يلا تكلمــي .. قولـي كلشي صــار ..
تغريد : شلون كان اخوي ..؟؟
مريم وهي باين عليها انها زعلانه : بصـــراحه .. خبـــل ..!!
تغريد وهي فاجه عيونها : خبـــل ..؟؟!!
رغد وهي تحاول انها تصلح الموقف : خخخ اكيد مريوم مو قصدها .. هذا بيكون زوجج يا مريم .. بلاج ..
مريم : دفش ..
تغريد : مريووووم بلااااج .. شنو هالكلام .. خبل و دفش ..؟؟
رغد : ليش هو شنو قال ..؟؟
حكت مريم للبنات ان قال لها ما صدقتي .. يوم كانت تبي تقوم ..
تغريد : ههههههههه الحين هو قصده يمزح معج .. وانتي زعلتي من جد ..؟؟
مريم : هذا ما اسمه مزح .. هذا هبال ..
رغد : هههههههه دمه خفيف ولد عمي .. وبعدين انتي من جد ما صدقتي .. بس قالج قعدي قعدتي ..
تغريد : لا عاد مريوم مو من حقج انج تقولين عنه خبل .. والله كلامه مثل العسل .. فديته .. ههههههههه
مريم كانت تستهبل على تغريد : ايــه .. كلامه مثل العسل .. في واحد يوصف خطيبته بالأريل ..؟؟
تغريد وهي مستغربه : يــؤ .. كيف يعني ..؟؟
رغد : ههههههههههه هذا الناقص ..
مريم : تخيلو عاد .. جاب قصيدة استهبال و قعد يقولها لي ..
وتمو رغد و تغريد يضحكون ومريم كالعاده معصبه عليهم وعلى باسم ..


و بهالوقت كانو باسل و تركي و عمر و احمد و زياد و فهد و ماجد بالمقهى ..
فهد : متى بيجي باسم .. شكله طول ..
زياد : لا طول ولا شي .. من ساعه كان معانه .. ما لحق يقعد مع العروس ..
عمر : هي بنت عمته .. مافي داعي يقعد معاها كل هالوقت ..
احمد : ولو كان .. هي الحين خطيبته ولازم يقعد معاها ..
ماجد وهو يكلم باسل : وانت ليش ما رحت معاه ..؟
باسل : مالي خلق هالسوالف .. و بعدين انا مالي داعي ..
تركي : ياليتـه اخذني معاه .. ع الاقل كنت علمته شنو يقول ..
احمد : اكيد الحين مفشلنا .. هههههههه
و ضحكو الشباب على باسم اللي كانو عارفين انه ما راح يدبر نفسه اليوم ..
زياد : وانت يا عمر متى بنفرح فيك ..؟
عمر : شكله قريب .. انشاءالله ..
وهني دخل باسم المقهى و ابتسامه عريضه على وجهه ..
و يشوفه تركي و يأشرله ..
باسم وهو جاي صوب الشباب : السلاااااام عليـــكم ....
الشباب : وعليــكم السلاااام ..
فهد : هلاااا والله بالمعرس ..
باسم : فيك اكثر .. وعقبالك ..
فهد : أأأمين ..
تركي : و عقبالي انا بعدددد .. قولو أمين ..
احمد : انت بعدك صغير ... (يكمل احمد وهو شاق وجهه بأبتسامه عريضه ) : و لازم اخوك الكبير يتزوج قبلك ..
تركي : اذا بنطرك ما بتزوج طول عمري ..
احمد : ليش ..؟؟ شايفني عانس و مافي وحده تقبل فيني .. ولا مطلقه ..
وهني الكل ضحك على احمد ..
تركي : لا بس انت عندك شروط تعجيزيه .. البنت اللي طالب مواصفتها مو موجوده بالدنيا ..
احمد : لا انشاءالله بلاقي البنت اللي ابيها ..
تركي : أأأمين .. و تفكنا منك ..
ماجد : وانت بلاك بتموت على ما تتزوج ههههههه
باسل : ليش هو فيه احلى من الزواج ..ههههههههه
تركي : صاااادق يا باسل ..
باسم : فشلتونا .. بلاكم ع العرس ..؟؟ هههههه
باسل : انت من قدك خطبت وخلصت .. والدور علينا احنا .. و من يقول فيه اللي يقبلون فينا ..
زياد : ههههههههههه هذا الكلام يقولونه الحريم يا باسل ..
فهد : محظوظين من بيكونون من نصيبنا ..
عمر : اي والله انك صادق يا فهد ..
باسل وهو يكلم باسم : ها وش اخبار العروس ..؟
باسم : زعلانه ههههههه
ماجد : من صجك انت ..؟؟
باسم : اي والله خخخخ
باسل : وتضحك بعد ..؟؟
باسم : طيب تبيني اصيح يوم خطبتي؟؟؟ هههههه
عمر : اي خطبه هذي الي مزعل خطيبتك فيها ؟؟
تركي : خلونا نسمع وش الي صار..؟
باسم : ما صار بس اخذت بنصيحتك هههههههههه قلت لها انتي خوخه انتي مشمش هههههه
تركي: من صجك انت انا كنت امزح معك تروح انت وتسويها من جد ههههه
باسل : له يافشيله ..
وهني ضحكو الشباب ....
عمر : هذا الشي اللي زعلها ..؟
باسم : لا .. بس يوم قامت تبي تروح ............
و قعد باسم يحكيلهم الي صار.. والشباب ميتين ضحك عليه ..
باسل : يالخبــــل ..!! ما قلت انه عندي اخ وده يتزوج بعدي .. ما فكرت كيف بتزوج بعد ما قلت لخطيبتك هالكلام ..؟
زياد : وانت شنو دخلك ..؟
باسل : بعدين البنات بيقولون عني مثل اخوي التوأم .. واسوي مثله .. و ما يقبلوووووون يتزوجوني ..؟؟
هني ضحكو الشباب على باسل اللي كان متحطم ..
و اكيد طول القعده والشباب على ضحك و سوالف ..


و بهالوقت كانو ام عبدالله و بنتها تغريد رجعو البيت .. و رغد بعد رجعت بيتهم ..


الساعه 9 كانو ساره و مازن بالمطعم ..
مازن : شرايج .. نطلب العشا الحين ولا بعد شوي ..؟
ساره : براحتك عمري ..
مازن : اوكي نخليه بعد شوي .. لاني حاب اكلمج بموضوع ..
ساره : تفضل ..
مازن ما كان عارف كيف يبتدي كلامه .. و كيف بيقول لها هالخبر ..
مازن : ساره انتي عارفه انج كل حياتي .. ومو ممكن اتخلى عنج لو شو ما صار .. وعارفه بعد انه مافي شي يقدر يبعدنا عن بعض غير الموت ...
ساره هي تبتسم لزوجها : عارفه .. بس ليش تتكلم و كنه في شي بيبعدنا عن بعض ..؟
مازن : و حاب بعد تعرفين انج عندي اهم من اي شي بكل هالدنيا ..
ساره : مازن ليش تتكلم بهالطريقه .. و كنه في شي ..؟؟
مازن بحزن : بصراحه يا ساره .....
وما قدر مازن يكمل .. ما كان حاب انه يصدم زوجته .. وخاصه انها كانت متأمله كثير على هالعلاج ..
ساره حست انه في شي : مازن في شي ..؟ (هني تذكرت انه هذا هو موعد وصول النتايج ) : مازن وصلو النتايج ..؟؟
مازن نزل راسه بحزن .. و ما قدر يرد على ساره ..
ساره وهي ابتدت عيونها تدمع : مازن شو النتيجه ..؟؟ كلمني ..؟؟ ما فادني العلاج ..؟؟؟؟!! تكلم ..!!!!
مازن : ساره حياتي احنا بمكان عام .. هدي نفسج ...
ساره و هي تصيح : شلون تبيني اهدا وهذا العلاج كان اخر امل الي ..
و تطلع ساره بسرعه من المطعم وهي تصيح .. و تروح السياره ..
و طلع بعدها مازن ...
دخل مازن السياره و تم ساكت فتره قصيره و بعدها تكلم : ساره حياتي .. انا احبج .. وسعيد معج .. يعني لازم عيال ..؟؟
ساره وهي تصيح : انت الحين تقول هالكلام .. بس بعدين بتمل ..
مازن : ساره انتي كل حياتي ..في احد يمل من حياته ..؟ و بعدين احنا املنا بألله سبحانه كبير .. و انشاءالله مع الايام بيفيدج علاج ..
ساره وهي تصيح وما كانت قادره تتكلم من كثر الصياح : ونعم بالله .. بس انا ما عاد ابي علاجات .. خلص ..! وانت يا مازن كمل حياتك مع غيري ..
ورجعت ساره تصيح وهي حاطه راسهه بين ايديها ..
مازن وهو يبتسم : ساره .. لو كنت انا العقيم بتتخلين عني عشان العيال ..؟
ساره شالت راسها بسرعه والدموع بعينها : اكيد .. لا ..!
مازن : طيب ليش تبيني اتخلى عنج عشان العيال ..؟ ساره انا احبج واموت فيج .. وما يهمني انه ما عندنا عيال .. كل اللي يهمني انج تكونين معي ..
ساره حاولت انها تهدى عشان تقدر تتكلم : وانا بعد يهمني اكون معك .. و كل اللي اتمناه انك تكون دايما سعيد ..
مازن شال راس ساره بأيده و هو يقول : وانا اسعد انسان معاج .. يعني انسي سالفة العيال .... والحين خلينا ندخل نتعشى ..
ساره وهي ابتدت تهدى : لا ما ابي اتعشى خلينا نرجع البيت ..
مازن وهو حاب انه يرجع ضحكتها : لــه ..؟؟!! اعزمج وترديني ..؟
ساره ابتسمت لزوجها رغم الحزن اللي فيها .. ونزلت معاه ..


.......،،،، بـيـتــ ابـو عـمـــر ،،،،.......
غرفـة عبيـــر .....
عبير : ما ابيـه .. كيفــي ...!!
اريج : وليش ما تبينه ..؟؟
ريم : الشاب ما يعيبه شي .. و اهم شي انه يحبج ..
عبير : يعيبه ولا ما يعيبه .. ما ابيه .. و بعدين مو اهم شي انه يحبني .. لازم اكون انا احبه بعد ..
ريم : وانتي ليش ما تحبينه ..؟؟
عبير : ما احبه وبس .. يعني لازم يكون فيه اسباب ..؟؟!!!
اريج : طيب في احد ثاني بحياتج ..؟؟
عبير : لا ثاني ولا اول .. و طلال ما بتزوجه يعني ما بتزوجه ..!!
ريم : انزين ليــش ..؟؟ شفتي ولا سمعتي عنه شي مو زين ..؟؟
عبير : لا الشاب ما فيه شي .. وهذي حياتي وانا حره قلت ما ابيه يعني ما ابيه ..!! لا تحاولون معي ..
اريج : ندري انها حياتج .. و ندري بعد انج حره فيها .. بس احنا خواتج ومن واجبنا انّا ندلج على مصلحتج ..
ريم : صح كلام اريج يا عبير ..
عبير : انا ماني صغيره عشان تدورولي على مصلحتي .. وانا اعرف بمصلحتي منكم .. والحين بخليكم .. لاني ابي انزل اتعشى ..
ونزلت عنهم عبير و تمو البنات يطالعون بعض .. و نزلو وراها ..


......،،،، بـيـتــ ابـو عـبـد اللـــه ،،،،.......
رجعو باسم وباسل البيت ..وسلمو على امهم وابوهم .. وراحو كل واحد لغرفته .. عشان يغيرون ملابسهم ..
و راحت تغريد ورا اخوها باسم غرفته ..
دقت تغريد الباب ..
باسم : ادخل ..
تغريد وهي تفتح الباب و تبتسم ابتسامه عريضه : مساء الخير بسوم ..
باسم : بسوم بعينج .. يالفشيله ما شفتيني رحت اليوم اخطب .. و قريب بتزوج .. و رجال طويل عريض تقولين لي بسوم ..
تغريد وهي تقعد على سرير اخوها : رجال على عيني وراسي .. بس اني ابطل اقول لك بسوم لانك بتتزوج هذي غريبه ..؟ من متى صار هذا القانون خخخخخ المهم ما ببطلها ..
باسم وهو يضرب اخته بمزح : انطمي .. بتبطلينها غصبن عنج .... والحين شنو تبين ..؟؟
تغريد : يالدب فيه احد يزعل خطيبته بأول يوم يقعد معاها فيه ..؟؟
باسم وهو يضحك : شعرفني انها بتزعل ..؟ كنت امزح معاها .. وهي قلبت الموضوع جد .. هههههههه
تغريد : حقها تزعل .. مزحك ثقيــل ..
باسم : خطيبتي وانا حر كيف امزح معاها .. انتي شنو دخلج ..؟؟
تغريد : ادري انها خطيبتك وانك حر .. بس عاد مو تفشلنا ..
باسم وهو حاب يعرف اذا كانت مريم زعلانه من جد : تغريد .. مريم كانت زعلانه ومعصبه من جد ..؟؟
تغريد وهي تستهبل : لا هي بعد كانت تمزح خخخخخ .. اكيد زعلت من جد .. بلاك انت ..؟؟
باسم : طيب كيف اراضيها ..؟
تغريد : انت قلت انها خطيبتك وانك حر .. راضيها على كيفك .. انا ما دخلني ..
باسم : مالت عليج .... طيب اكيد عندج رقمها ..؟
تغريد : عندي .. بس شتبي فيه ..؟؟
باسم : ابيه عطيني اياه ..
تغريد : لا ما بعطيك اياه .. ما دخلني انا .. و اذا تبيه خذه من عندها ..
باسم : تغريد لا تصيرين ماصخه وتعصبيني .. عطيني الرقم ...
تغريد وهي قايمه : طيب بروح اجيب موبايلي ..
و تروح تغريد عشان تجيب موبايلها ....


الـجـــزء الـرابـــع
.......،،،، بـيـتــ ابـو مـريـــم ،،،،........
كانو كلهم مجتمعين بعد العشا ..
سحر : يبه وين بنسافر هالسنه ..؟؟
ابو مريم : وين ما تبون ..
مريم : يبه انا ابي نروح اليونان ..
سحر وهي فرحانه : وانا بعد يبه ..
ابو مريم : طيب انشاءالله بنروح .. بس بعد ما اشوف وقت مناسب .. تقريبا بعد شهر ..
سحر طارت من الفرحه وراحت صوب ابوها وحبت راسه ..
ام مريم : مريم .. سحر .. خذو اخوكم و روحو غرفكم .. ابي اكلم ابوكم بموضوع ..
سحر قامت بسرعه وكانت عارفه انه هالموضوع هو موضوع خطبتها لسامر .. لان مريم حكت لأمها عن سامر ..
مريم وهي قايمه : انشاءالله يمه ..
اخذت مريم اخوها محمد و راحو البنات غرفة مريم ..
وكانت طول الوقت سحر تدعي ربها ان ابوها يوافق على زواجها من سامر .. و تمشي بالغرفه يمين ويسار.. ومريم قاعده تلعب مع محمد ..
مريم : بلاج خايفه ..؟؟
سحر وهي خايفه و متلبكه : مدري .. بس احس ابوي ما بيوافق .. واذا ما وافق من جد امـوووت ..!
مريم : لا .. انشاءالله بيوافق .. سامر فيه كل الخصال الزينه .. واكيد ابوي ما بيضيع هالعريس لبنته ..
سحر وهي ترفع راسهه للسما : انشــاااءالله ..
وبعد شوي رن موبايل مريم ..
سحر : منو ..؟؟
مريم : ما ادري .. اول مره اشوف هالرقم ..
سحر : طيب ردي عليه ..
مريم : اوكي ...
و ترد مريم ..
مريم : آلو ..
باسم : مساء الخير والاحساس والطيبه .. مساء(ن) ما يليق الا بأحبابي ..
مريم وهي مستغربه : منو معاي ..؟؟
باسم : افــا .. يا مريـومتي ..!! فيه وحده ما تعرف صوت خطيبها ..
هني عرفت مريم انه هذا باسم ....
وما عرفت شنو ترد عليه ..
مريم : العفو .. بس صوتك مختلف شوي ..
باسم : للحين زعلانه علي ..؟؟
مريم استحت وما كان قدامها غير انها تقول انها مو زعلانه ..
مريم : لا .. ماني زعلانه ..
باسم : انا آسف اذا كنت زعلتج .. بس كان قصدي امزح ..
مريم اسعدها انه باسم اهتم لزعلها .. وحاول ما يخليها زعلانه ..
مريم : ما كنت زعلانه .. وادري انك كنت تمزح ..
باسم : فديت حرمتي اللي تعرف اطباعي ..
مريم استحت : اوكي باسم .. بخليك ..
باسم : اوكي براحتج ..
مريم : باي ..
باسم : باي ..
و سكر باسم عن مريم و رمى حاله ع السرير ..

مريم كانت سعيده بأتصال باسم ... و سحر تتحايل على مريم تبيها تخبرها شنو باسم قال لها ..
سحر : يلا تكلمي .. شنو قالج ..؟؟
مريم : اففففف .. انتي شنو دخلج ..؟
سحر : شنو شنو دخلني ..؟ الحين بتقولين كل شي وغصبن عنج ..
مريم : ما قال شي .. بس كان يعتذر على تصرفه البايخ اللي سواه اليوم ..
سحر : قولي بالظبط شلون اعتذر ..
وتمت مريم تحكي كل المكالمه لسحر لأنها عارفه انه سحر ما بتخليها لحتى تقولّها كل شي ..


.......،،،، بـيـتـ مــازن ،،،،.........
بعد منتصف الليل ...
كانت ساره تتقلب على السرير و مو قادره تنام .. و قامت لحتى ما تزعج مازن ...
قعدت قدام الدريشه .. و تمت تطالع القمر والغيوم اللي حوله .. كان الجو كثير حلو ..
قعدت ساره تفكر بحياتها الجايه مع مازن .. كيف بتكون بعد ما قطعت الامل للابد بأنه يكون عندها عيال ..
وقالت فخاطرها انه اكيد مازن ما بيتم طول عمره ناسي سالفة العيال .. واكيد انه يتمنى يكون اب ..
التفتت ساره صوب مازن اللي كان نايم .. و تمت ساره تتأمله .. كان ودها لو انها تقدر تخليه يتزوج عشان يكون اب .. بس ما كانت قادره تتخيل انه مازن ممكن يكون لغيرها ..
وتمت ساره صاحيه وهي تفكر بهالموضوع و تبكي لانها ما راح تقدر تسعد مازن ولا بتكون ام ..
ولما سمعت صوت الآذان .. قامت توضت وصلت الصبح و قرت قرأن .. وهالشي هدّاها شوي و خلاها تقدر تنام ..


بعد اسبوع ،،،،.......
شغل عبير ...
عبير كانت طالعه من مكتبها و بطريقها لمكتب مديرها طلال ..
دقت عبير الباب ..
طلال : تفضل ..
عبير فتحت الباب وهي جايه صوب مكتب طلال : السلام عليكم ..
طلال وهو فرحان بشوفة عبير : وعليكم السلام والاكرام ..
عبير ما كانت تطالعه كان نضرها بين الارض والملفات : هذي الملفات اللي طلبتها ..
و تعطيه عبير الملفات اللي كانو بيدها ..
طلال وهو ياخذ الملفات : يعطيج العافيه ..
و تم يطالع الملفات ..
عبير : استأذن ..
و عطته ظهرها و كان ودها تمشي .. بس طلال ناداها ..
طلال : عبير ..
عبير التفتت عليه : نعم ..؟
طلال بتردد : عبير .. انتي ما وافقتي علي ..؟
كان باين انه عبير مو موافقه .. و هو كان عارف انها ما بتوافق .. و اهل عبير للحين ما خبروهم انهم مو موافقين ..
عبير : طلال انت الف من تتمناك .. و انا ما اناسبك ولا بسعدك .. ليش خطبتني وانت عارف اني ما بوافق؟؟
طلال بحزن : بس انا احبج.. ولو ما كنت متأكد اني ما بكون سعيد معاج وانج مناسبه الي ما كنت خطبتج ولا حبيتج ..... و انج ما بتوافقين .. هالشي كنت شبه متأكد منه.. بس على حد علمي انه مافي بحياتج احد .. وقلت انه يمكن تغيرين رايج ..
عبير : طلال حبك من طرف واحد .. يعني ما بتكون سعيد معي ..
طلال : ولو كان .. اللي ابيه انّا نكون مع بعض .. و يمكن مع الايام تحبيني ..
عبير : طلال .. انا ما بكون لك .. ولا اقدر احبك ..ولا يمكن اني ابني حياتي على شي اسمه يمكن ..
طلال وهو يقوم ويجي صوبها : يا بنت الناس انا احبــج .. و بعيشج احسن عيشه .. بلبيلج كل طلباتج .. شنو تبين بعد ..؟
وهني نزلت عبير راسهه .. و كمل طلال ..
طلال : عبير .. انتي تحبين واحد ثاني ..؟
عبير ما كان قدامها غير انها تقول له الحقيقه.. و هني رفعت راسهه له وهي تقول : ايـه ..انا احب واحد ثاني...
وطلعت عبير بسرعه حتى قبل ما يرد عليها طلال ..
طلال رما حاله على الكرسي اللي كان جنبه و كان خايف انه عبير تكون تحب واحد ثاني من جد .. كان يتمنى دايما انها تغير رايها و تقبل فيه ..
والحين هو يتمنى لو انها كانت تكذب عليه حتى يبعد عنها بس .. كان يتمنى حتى لو ما تزوجته انها ما تكون لغيره ..

عبير كانت قاعده بمكتبها و سرحانه من اول ما جت من عند طلال ..
قعدت تفكر كيف قدرت انها تقول لطلال انها تحب واحد ثاني .. عمرها ما تجرأت و تكلمت عن حبها لفيصل لغير ندى ..
كانت تتمنى لو انه طلال ينساها لأنها تحب فيصل و منتظرته يرجع و يتزوجون لانه وعدها على هالشي قبل ما يسافر ..
فيصل مسافر عشان يكمل دراسته .. عمره 26 سنه .. وكان يحب عبير وهي تحبه .. وهو مسافر من سنتين .. واخته تكون وحده من صديقات ندى.. بس ما كانت كثير قريبه منها .. يعني ما كانو يتصلون ببعض او يزورون بعض كثير ..


بـيـتــ ابـو عـمــر ،،،،.......
كانو ام محمد وام سالم قاعدات بالصاله ..
ام سالم : بنروح معاهم المزرعه ولا لا..؟؟
ام محمد : اكيد بنروح .. مالي خلق اتم انا وياج بروحنا ...
ام سالم : ما بنتم بروحنا بتضل معانه وحده من البنات او عمر .. واصلا انا اللي مابي اتم معاج ..
ام محمد : انزين ليش ما قلتيلهم انّا بنروح معاهم من اول دامج ما تبين تتمين معاي ...
وهني جتهم ام عمر من المطبخ ..
ام سالم : اقول يا ام عمر .. قولي لمحمد بنروح معاكم المزرعه ..
ام عمر : انشاءالله .. بس ما قلتو انكم بتتمون هني لان المره الماضيه تضايقتو ..؟
ام محمد : لا تضايقنا ولا شي .. و نبي نروح ..
ام عمر : انزين براحتكم .... الا ريم واريج وينهم ..؟
ام محمد : راحو للخياطه يبون يجهزون فساتينهم لخطبة باسم ومريم ..
ام عمر : طيب و عبير ما راحت معاهم ..؟
ام سالم : بلاج .. عبير للحين بالشغل و ما بترجع للساعه 2 ..
ام عمر : أه صح .. نسيت ... بس البنات ليش ما نطروها .. الحين بيخلونا تروح بروحها ..
ام محمد : روحي انتي معاها .. او بتروح مع ندى او وحده من البنات .. ماهي مشكله ..
ام عمر : انشاءالله بروح معاها ..
و هني يندق الباب و تفتحه الخدامه .. و كانو ترانيم و رغد هم اللي جايين ..
ترانيم + رغد وهم جايين صوب جداتهم وام عمر و الابتسامه على وجوههم : السلام عليكم ..
: و عليكم السلام ..
ام سالم : هلا والله بكل الغلا ..
ترانيم : هلا فيج يا الشيخه ..
رغد : و فيج اكثر يالغاليه ..
ام محمد : الحين هي الغاليه و الشيخه .. انا شنو ..؟؟
رغد : انتي ست الكل و تاج الراس ..
وتحب راس جدتها ..
ام محمد : فديتج .. اصلا انا دايما اقول رغد مافي منها وهي اكثر وحده تفهم بهالعايله ..
وهني ضحكو الكل على ام محمد اللي للحين تغار من ام سالم ..
ترانيم : خالتي وينهم البنات ..؟؟
ام عمر : راحو للخياطه .. بتصل فيهم اشوفهم متى بيجون ..
ترانيم : اوكي ..


و بهالوقت كانو بنات ام مريم بالسوق مع تغريد ،،،،......
تغريد : شرايج بهالقطعه ..؟؟
مريم : ما احب الالوان الفاتحه ..
سحر : بس لونها كثير حلو .. وبعدين انتي عروس .. حلو لو لبستي الوان فاتحه ..
مريم : مدري .. ما تعجبني .. خلونا بالأول نشوف كل القطع و بعدين اختار ..
تغريد : اوكي براحتج ..
وتمو البنات محتارين مع مريم اللي ما يعجبها شي .. وهي تدور بين الأسواق عشان تشوف شي يعجبها .. والحمدلله حصلت الي تبيه ..بس باقي المكياجات .. و وصلو لها ..
مريم : اوكي الحين ما بتعبكم .. بختار بروحي ..
تغريد : انزين احنا بنروح الكوفي اللي هني .. و انتي خلصي و تعالي بعدنا ..
مريم : لا .. مابي اتم بروحي ..
سحر : ليش بياكلونج ..؟ خخخخخخ
تغريد : انتي قلتي بتختارين بروحج واحنا تعبانين .. خلينا نروح ..
سحر : ايه والله يا مريم .. تعبتينا معاج كثير .. خلينا نروح نشرب شي ..
مريم : انزين بروح معاكم و بنرجع مع بعض ..
تغريد : بلاج انتي ..؟؟
سحر : افففففف يلا تعالي ..
مريم : مالت عليكم .. الحين انا العروس وانتو اللي تتدلعون ..؟
سحر : الدلع له حدود .. و بعدين هذا خبال مو دلع ..
تغريد : صادقه يا سحر هههههههههههه
مريم : هذا وانا خطيبة اخوج .. توقفين ضدي ..!!
تغريد : لا فديتج .. بس تراج زودتيها خخخخخخ
سحر : الحين خلونا نروح .. بموت من التعب ابي اقعد .. تكسرو رجليني ..
و راحو البنات الكوفي ..


نرجع لبيت ابو عمر ،،،،......
كانو اريج و ريم رجعو و قعدو مع بنات عمهم ..
اريج : لا .. بنروح العمره هالسنه ..
ترانيم : وليش ما بتروحون معانه .. اذا كنا مع بعض بتحلى السفره ..
ام عمر : ابو عمر وده يروح العمره .. و بعد خالاتي ام محمد وام سالم ودهم يروحون .. وانا و البنات لازم نكون معاهم ..
ام محمد : شنو بنسوي لو رحنا اوروبا .. لو اعتمرنا بيفيدنا هالشي واحنا نبي نلحق على اللي يفيدنا بأخرتنا .. و احنا بأخر العمر ..
رغد : الله يعطيكم طولة العمر ولا يحرمنا منكم ...
البنات + ام عمر : أأمين ..
ترانيم : يلا رغد خلينا نروح .. امي الحين ناطرتنا ع الغدا ..
ام محمد : قعدو معانه شوي .. من زمان ما شفناكم ..
رغد و هي قايمه بعد ما قامت ترانيم : بتشوفينا دايما .. لان ما عاد فيه دراسه واحنا جيران يعني كل يوم بتلاقينا هني ..
ام عمر + ام محمد : حياكم الله ..
رغد + ترانيم : الله يحيكم ..
رغد : انزين جدتي بتروحين معانه ؟
ترانيم : ايه جديتي امي قالت لنا نقول لج تجين معانه ..
ام سالم : انزين انطروني عشان البس ..
رغد + ترانيم : اوكي ..
و راحت ام سالم مع حفيداتها اللي فرحانات فيها ..
.
.
.
وطول ايام هالأسبوع كانو الكل محتشرين .... البنات يبون يخلصون فساتينهم .. واهل باسم يجهزون عشان الملجه و نفس الشي اهل مريم ..و الكل صايره حالته حاله ..


صـــار وقت الملجــه ،،،،.......
و اكيد بيت ابو عبدالله و بيت ابو مريم مقلوبين فوق تحت ..
والاكثر بيت ابو مريم لانه الملجه بتكون فيه .. ومريم خايفه ومو عارفه شلون اليوم بعد بتقعد مع باسم ..
كانو الكل مجتمعين ببيت ابو مريم .. كل البنات وبنات عم مريم اللي من زمان ما شايفتهم لانهم ساكنين بمنطقه بعيده بيجون اليوم ..
والبنات كلهم محتشرات لانهم مو عارفين متى بيخلصون لبس و مكياج ..
و اكيد لازم كل الاهتمام يكون لمريم لانها العروس ..
و المشكله اللي تسوي الشعر و المكياج 4 حريم بس .. يعني ما معاهم وقت كافي .. لان الساعه وصلت 5 والحفله بتبتدي بعد ساعتين ..
واللي خلصو من البنات هم تغريد و رغد بس ..و راحو يشوفون اذا محتاجين منهم مساعده عند الحريم الكبار... كان شكل رغد و تغريد حلوو يوم نزلو مع بعض ..
نزلو تغريد و رغد عند ام عبد الله و ام مريم و حريم العائله البقيه عشان يساعدونهم بالتجهيزات ..
تغريد لبست فستان احمر .. والميك اب كان صارخ .. و كثير حلو عليها .. و رغد لبست فستان اسود على احمر.. وكان شوي استر من فستان تغريد و مكياجها اكيد كان احمر .. و فساتينهم كانو يتشابهون ..
و البنات كانو متفقين على ان كل اثنين يلبسون نفس نوع الفساتين و هذا عطاهم شكل حلو ..
والحين صار دور ندى و ساره بالتجهيز .. و بعدهم باقي البنات ..

................

و بهالوقت باسم قاعد يجهز نفسه ببيتهم و كان تركي معاه عشانه طلب منه يجي عشان يشوف كيف بيجهز نفسه..
لان تركي ذوقه حلو وهو من النوع الي يحب دوم يطلع المميز بين الشباب.. قعد تركي يعلق على كل حركه و كل شي يسويه باسم .. وكل ما باسم يلبس او يعدل شي يقول هذا غلط ..
: سوي جذي هذا مو حلو و من هالكلام الين عصب باسم صدق ..
باسم و هو معصب : و بعدين معاك ..؟؟!!
تركي : هههه الشرهه علي الي ابي اطلعك حلو بس انت مو وجه عرس ولله ..
باسم : تركي تسكت ولا شلوون ..
تركي : انا ولله قلت لبوي لو يزوجني انا احسن او حتى اخوك باسل تراه يفهم احسن منك ..بس الدنيا حضوض..
باسم : تركي وللي يرحم والديك خلني اخلص .. اليوم خلص و انا ما نزلت للعرب ..
تركي وهو يغمز: الحين انت تبي تقولي انك بتموت على ما تنزل للعرب ..ولا عشان حبايب القلب ...
باسم : هههههه مالت عليك ولله لو اني جايب باسل احسن منك..
تركي : الحين لو ما اتحمل حرام على اني احش فيه .. هذا الخبل كان شتمته...
باسم : ههههههه انا بتزوج و بروح مع حرمتي لا تخرب علاقتك مع باسل ..ههههه
تركي : اي ولله صح ..معاك حق .. ههههههه
و تم تركي يضحك مع باسم و يمزح معاه و ولا كئنو الشباب المساكين تحت منتضرين..
كانو كل شباب العايله و ربع باسم تحت بالمجلس .. و ناطرين المعرس يجي عشان يروحون الخيمه ..
باسم كان وده العرس والملجه يكونون بخيمه .. لانه يحب هالشي ..

زياد كان تحت مع الشباب .. كان يتمنى لو انه اليوم يقدر يشوف اريج .. لانه من بعد ما شافها المرتين الماضيات شكله ابتدا يحبها.. و اخوه سعود بيجي بعدين و بيجيب فجر معاه .. لما يصير وقت المعازيم .. و يمكن امهم بعد بتجي معاهم ..

نزل باسم و الشباب اول ما نزل بدو التعليقات الي ما تخلص..و تركي نافخ روحه و كله انا الي عدلته و انا الي زينته ...
باسم +تركي و هم داخلين المجلس : السلااااااام علييييييكم ..
الكل : و عليكم السلاااام ..
فهد : شهالزييييييين ..
زياد : احلى معرس والله ..
باسم وهو نافخ روحه : اكيد مافي مثلي ..
تركي : اكيد بفضلي ..
باسل : وانا اقول هذا ذووق .. مو باسم خخخ
تركي : اي قصدك و انت تقول هذا ذوق واحد حلو مثلي خخخ
باسم : الله يعيني على منييت تركي..
الشباب : هههههههههه..
فهد : مبــرووك الف مبروك باسم ولله تستاهل كل خير..
زياد: عقبال الزواج باسم والف مبرووك..
عمر : الف مبرووووك و عقبال الزواج انشاءالله ..
باسل : انشااااءالله ..
باسم : مشكووووورين وعقبالكم كلكم..
تركي : أأأمين ..
احمد : يلا يالمعرس .. خلونا نروح ..
عمر : الحين الشيبان بيعصبون علينا عشان تأخرنا عليهم ..
تركي : عاد شباب اي حد يقولكم ليش تأخرتو ..باسم هو اللي اخرنه صح ..؟
باسم : تركيووووه !!!!
تركي : هههههه خلاااص ...
و يطلعون الشباب عشان يروحون الخيمه اللي فيها الشيبان الحين ..و طلعو كل مجموعه بسياره ...


نرجع للحريم .. و بهالوقت كانو جو المعازيم والمجلس كان مليان ..
تغريد : يمه عمام مريم جو .. خلينا نروح نسلم عليهم ..
ام عبدالله : انزين .. بس ندى وينها ما شفتها ..؟
تغريد : فوق مع البنات ..
ام عبد الله : ما جت تسلم على جداتها ..؟
تغريد : جت و سلمت قبل ما تجين ..
ام عبدالله : واسامه وينه ..؟
تغريد : خلّته عند اهلها عشان ما يضايقها لو جا معاها ..
ام عبدالله : انزين .. يلا خلينا نروح ..
و يرحون ام عبدالله و تغريد يسلمون على حريم عمام مريم و بناتهم ..
كانت ام مريم و كل الحريم واقفين يسلمون على اللي جايين .. و جو صوبهم ام عبدالله و تغريد ..
ام عبدالله : يا حي الله من جانه ..
و تروح تسلم على الحريم و بعدها سلمت على بناتهم ..
و تغريد و را امها .. و تسلم على الحريم اول .. و بعدين البنات ..


نروح للبنات اللي فوق ..
مريم : شنو رايكم ..؟؟
ترانيم : جنااااااان ..
اريج : بتاخذين عقل باسم .. طالعه جنان من جد ..
ريم : رهيييييييبه .. الميك اب مناسبج تمام ..
عبير : واناااا ..؟
ترانيم : وانتي بعد جناااان ..
ريم : كثييييير حلوين .. بس خلصونا و قومو عشان نكمل ...
عبير : ثانكس دبدوبات .. و يلا انا خلصت .. تعالي ريم اقعدي مكاني عشان ما تقعد هالدبه فيه خخخخخخخخخخ
ترانيم : لـــه يالعنصريه .. لا وانا اقولها جنان بعد .. مالت عليج ..
عبير و هي تضحك : بلاج امزح معج .. ليش عصبتي ههههههههه
ريم وهي رايحه تقعد مكان اختها بعد ما قامت عبير منه : فدييييييييت اختي انا .. خخخخخخخ
و هني دخلت عليهم رغد ..
رغد وهي فاجه عيونها و تطالع مريم و عبير : من هالقمر اللي قدامي ..؟؟
مريم و هي نافخه روحها : مريــم اكيد ..
رغد وهي حابه تغيض مريم : لا انا كنت اقصد عبووووووره .. خخخخخخخخ
عبير : هههههههه تسلمييييييين يا عمري ..
مريم : هه هه هيه .. اصلا ادري اني قمر من دون ما تقولين ..
رغد : شهالثقه خخخخخخخ .. المهم انزلي الحين عشان تسلمين على عماتج ..
مريم وهي متفاجأ بفرح : جـو ..؟؟
رغد : ايه .. و امج تقول انزلي عشان تسلمين عليهم .. وانتو بعد يا ندى و يا عبير ام عبدالله تقول انزلو عشان تسلمون ..
ريم و اريج طالعو بعض باستغراب وهم يمزحون : واحنــا ..؟؟ ما نسلم ..؟
ترانيم : وانــا ..؟
رغد : كل هذا عشان ما قالو لكم تسلمون.. روحو سلمو .. براحتكم .. و بعدين بلأول ولا بالأخير بتسلمون ..
اريج بهدوء : بس امي ما قالت ننزل ..
رغد : الحين ما عرفت تبون تنزلون ولا لا ..؟؟
ترانيم : بكيفنا ..
ريم : بالأول بنتجهز و بعدها بننزل ..
رغد : اوكي .. وانا نازله .. بتنزلين معي مريم ..؟؟
مريم : لا انا بنزل مع عبير ..
رغد : اوكي ..
و كانو ترانيم و ريم اخر البنات اللي يتجهزون لان الكل خلصو ..


سمعت رغد صوت البنات بغرفة سحر و راحت لهم .. و كانت تغريد صاعده بعد و دخلت معاها ..
لقو ندى وساره و سحر كانو قاعدين يضبطون الميك اب ..
جو تغريد و رغد صوبهم و هم مبين عليهم التعصيب..
رغد : شنو هذا..؟
ندى : شنو في ..؟
تغريد : ياعيني عليكم .. ليش متجمعات كلكم سوا مخلين الناس وحدها..؟ واحنا مبتلشين تحت ..
سحر : انا الي اعرفه ان الملجه ملجت اخووج مو ملجت اخونه..؟
تغريد : يعني جذي تتخلون عني..؟
ندى : يلا عاد لا تقعدين تصيحين الحين ..خخخخخ
تغريد : لا ولله صدق .. انزلو شوفو الناس ..
ساره و سحر: هههههههههههههههه
سحر : مو كنا قبل شوي تحت .. ما لحقنا نصعد الا وانتي جايه تقولين انزلو ..
رغد : اصلا ليش تطلعون من المجلس .. لازم تتمون تحت لان احنا اهل العروسين .. بلاكم ..؟؟
تغريد : يلا انزلو بسرعه و خلو البنات اللي خلصو ينزلون .. عشان نكون قبل مريم هناك ..
البنات : اوكي ..

ساره كانت طول الوقت ساكته و تكتفي بالأبتسام للبنات .. للحين هي حزينه على سالفة العلاج .. بس حاولت انها اليوم تكون احسن عشان ما يلاحظون هالشي عليها ..مع انها من الداخل قلبها يتقطع ..

ندى كانت احسن حال عن قبل فتره .. يعني ما صارت تقعد هادئه .. و رجعت لطبيعتها .. و هالشي طمن عبير وضنت انه ندى بطلت تكلم طارق .. و حتى انها ما سألتها عن هالموضوع مره ثانيه ..


نزلو البنات ..
مريم لبست فستان ابيض ..ومكياجها كثير حلو .. و صارخ ..هي ما كانت تبيه صارخ .. لانها تحب الميك اب الهادء .. بس البنات اصرو يكون بهالشكل .. لانه يناسبها اكثر و بيطلعها احلى ..
عبير لبست فستان وردي .. و بشرتها كانت بيضه .. فطلع عليها كثير حلو .. هي كانت خايفه انه ما يناسبها .. لانها ما لحقت تجربه قبل اليوم .. بس فرحت يوم شافته تمام عليها ..و سمعت تعليقات من الناس و رفعو معنوياتها اكثر..
واريج لبست فستان بني على اسود .. و طلعهه كشخـه .. و مكياجها خفيف و اكيد هي مو بحاجات مكياجات لحتى تكون حلوه .. من دون اي شي هي جنان ..
ندى و ساره لبسو فساتين حلوين كثير و مكياجهم اكثر تشابه من فساتينهم ..
سحر لبست فستان بيج على بني ..
ترانيم و ريم فساتينهم كان لونهم ازرق .. بس كثير حلوين و ناسبوهم كثير .. و المكياج كان جاي مع الفساتين ..


نرجــع للـرجــال ..
الخيـمـــه ،،،،......
كانو المعازيم وصلو ..
والكل يبارك لأبو عبدالله و باسم ..
وزياد قام مع باسل و تركي و احمد عشان ييولون و باسم كان لازم يكون مع الرجال عشان طول الوقت بيجون يسلمون عليه الناس... مع انه كان وده لو يقوم مع الشباب ..
بعد شوي قامو باقي الشباب عشان ييولون.. و جا بعدهم باسم لان الكل سلم عليه و صار وقت انه يروح مع الشباب .. و كان هو و زياد احسن اللي ييولون ..
وتركي شايف نفسه و يقول انه احسن واحد فيهم باليوله .. و كانو هو و زياد و باسم يتنافسون على لقب احسن شاب ييول ..
والمشكله اذا واحد تورط و قال انه باسم او زياد احسن منه .. يقعد تركي على غلط وعصبيه على ابو انه يمزح و ما ينزعل منه ..
وكانو الشباب اكيد مستانسين لآخر درجه ..
وبعد شوي جا باسل مع تركي .. وكان شكلهم كثير حلو .. خاصه انهم نفس الطول و نفس العرض .. و دايما ييولون مع بعض ..
وجو بعد مازن و عبدالله ..
تركي : بربك مازن .. في احلى مني باليوله ..؟
باسل : يالدب وانا اللي دايما ايول معاك ..
تركي : والله ياخوي العزيز .. الواحد يقول الحقيقه .. واكيد الحقيقه اني احسن منك ..
عبدالله : هههههههههه انت ابد ما تعرف تجامل ..
تركي : هذا اخوك مو مال حد يجامله خخخخ
باسل وهو معصب بمزح : ليش حبيبي .. شفيني ..؟؟
مازن : هههههه اقول لكم الصراحه .. من احسن واحد ييول ..؟
تركي : قول مع اني ادري انك تقصدني ..
وهني ضحكو الشباب على ثقة تركي الكبيره بنفسه ..
مازن : للأسف .. هالمره ما صابت معاك يا حلو ..
باسم : هههههههه تستاهل ..
مازن : لا الصراحه اليوم المعرس اللي بيضها ع الآخر ..
زياد وهو يضحك : من فرحته ..
باسل : اي والله حقه يفرح و يبيضها .. ههههههه
باسم وهو يمزح معاهم : والله انا خايف لا تحسدوني .. وحاس انه هالعرس ما بيتم على خير ..
تركي : فــال الله ولا فالك .. الحين هذا كلام تقوله بيوم ملجتك ..
مازن : الله لا يقولها ..
باسم : هههههههه ماشاءالله هلادرجه تحبوني ..
تركي : لا وانت الصادق .. نبي الفكه منك هههههه
و شوي وجاهم عمر ..
زياد : عمر وين كنت ..
عمر : كنت عند الشيبان ..
باسم : شتسوي ..
عمر : ولا شي هههههه
باسل : اي والله اللي يقعد مع الشيبان ما يسوي شي هههههه
تركي وهو يكلم عمر : فاتك والله يابو محمد ..
عمر : شو اللي فاتني ..؟
تركي : تيويلي ..
زياد : اي يا مسكين يا عمر .. عمرك خساره .. فاتك تيويل هالمغرور ..
عمر : هههههه اي والله صدق مغــرور ..
تركي وهو يكلم باسل : الحين يا باسل انا ابي اعرف ليش الناس يغارون مني ..؟
باسل : لا هذي يبيلها جلسه كامله .. عشان اعدد لك كل شي حلو فيك و يغارون منه ..
باسم وهو يمزح مع اخوه : والله محد مخربك غير هذا ..
باسل : مسكين .. ابي ارفع له معنوياته ..
تركي وهو يضرب على كتف باسل : معنوياتي بعينك ..
و تمو الشباب يسولفون و يضحكون ..

.....

بهالوقت مريم صار الوقت الي تنزل فيه...كانت متوتره كثير بس البنات كانو يضحكون و يمزحون معاها وهذا خفف عنها شوي..بس مازال التوتر ..نزلت مريم و كانت كل الانضار عليها ...كل الحريم يناضرونها بأعجاب و شافت امها الي جت و مشت جنبها... مريم ابتسمت لأمها وكانت كل ما تشوف حرمه بوجها تبتسم لها..و البنات الفرحه مو سايعتهم ابد..
وصلت مريم لمكانها و قعدت عليه و هي منزله راسها..
ام مريم : رفعي راسج يمه .. شفيج ..؟
مريم : لا يمه تكفين .. ما ابي اشوف الحريم و هم يطالعوني ..
عبير : هههههههه شلون يعني ما تبينهم يشوفون العروس ؟؟
مريم : وانتي يا عبير لا تروحين من هني .. خليج جنبي ..
عبير وهي تكلم ام مريم : شفيها بنتج يا عمتي .. هههههه
ام مريم : هههههههه والله ما ادري .. يمكن اول مره تملج
ضحكو عبير و مريم و راحت عنهم ام مريم ..

قامو البنات حتى يرقصون..و كان رقصهم رووعه ..
حاولو انهم يخلون مريم تقوم ترقص .. بس هي ما قبلت ..
تغريد وهي تحاول مع مريم : مريوووم شوي الله يخليج..
مريم بصوت واطي: تغريد الله يخليج ماني متحمله اقعد قدام كل هالعالم .. تبيني اقوم ارقص بعد ..؟!!
رغد: ههههههه شفيج ..؟؟ هوني عليج ..
مريم : رغـــد اسكتي ..
رغد + اريج + تغريد : ههههههههههههههه
اريج : طيب خلوها على راحتها ..
راحو البنات عنها و كملو رقصتهم..

وكانت فجر جت مع اخوها سعود .. و قعدت مع البنات واستلطفوها .. و هي بعد حبتهم وقضت الحفله كلها معاهم ..
ام سعود كانت تناظر البنات كلهم بأعجاب .. و اكيد عندها ولدين شباب .. اليوم معناته انها لازم تدور لهم على عروسات .. مثل باقي الحريم اللي كل مناسبه يقعدون طول الوقت يطالعون البنات من فيهم اللأحسن عشان يخطبونهم لأولادهم ..

تغريد تعبت شوي و راحت على جنب ترتاح قعدت على كرسي و حست شي يهتز تحتها
رفعته لقته موبايل ريــم كان يرن و مبين عليه من زمان يرن .. ما انتبهت على الشاشه و شو مكتوب فيها
راحت شوي بعيد عن هيصت الحريم و شالت الجوال.. اول ما رفعته ...
تغريد : الـوو..
سكت عمر لما سمع صوت تغريد و قعد يتفداها بخاطره و هو الفرحه ما سايعته من سمع صوتها...
عمر بخاطره: والله اني مشتااقلج موت ياتغريد..
تغريد : الوووو..
عمر انتبه عليها و رد: هلااا تغريد..
تغريد من سمعت صوته استحت كثير بس ما بينت هالشي ..
تغريد : هلا عمر..خير..؟
عمر: شحالج تغريد..؟
تغريد: بخير الله يسلمك .. شحالك انت ..؟
عمر : بخير دامج بخير..
تغريد سكتت ما عرفت شترد عليه..
عمر: تغريد...
تغريد: هلا ..
عمر: وين ريم..؟
تغريد: ريم قاعده مع البنات..تبيني اناديها لك..؟
عمر: لا خليها بس من يبون يروحون قوليلهم يتصلون علي ..اوكي
تغريد: اوكي انشالله..
عمر : اوكي مع السلامه...((مع انه ماكان يبي يسكر عنها ..((
تغريد: الله معااك ...و سكرته بسرعه و هي تتنفس بقوه..
واول ما سكرته شافت ريم جايه صوبها و تغريد في خاطرها ...((الله يعيني عليها الحين ..((
ريم وهي تطالع الموبايل و مستغربه : شو تسوين فيه..؟
تغريد: ما اسوي شئ...
ريم: تغريد منو رديتي عليه اعترفي..
تغريد: ههههه اخوج اتصل..
ريم و هي مستغربه: عـــمـــر...؟؟
تغريد: اي عمر ليش مستغربه..؟
ريم: و انتي رديتي عليه..؟؟
تغريد: تخيلي عاد ...تصدقين خخخخخ
ريم: لا صج تكلمي رديتي عليه..؟
تغريد: ريم شفيج ليش مستغربه..
ريم: هههههه لا ولله ولا شي ..طيب شيريد؟
تغريد: يقوول من تخلصون و تبون تروحون تتصلون فيه..
ريم: اهاا و .....بعد..وش قال..؟
تغريد: ريمووووه مو فاضيتلج الحين..
ريم: هههه انا بعلمج ان ما طلعت السالفه كلها ..
تغريد:خبله ولله ما قال شي سكتي يلا ..امشينه
وراحو تغريد و ريم عند البنات البقيه ..اللي كانو تعبانات من كثر الرقص ...


و مرت الملجه على خير .. وكانت كثير حلوه و الكل كان مستانس ...و خصوصا مريم الي كانت متأكده
ان حياتها بتكون حلوه مع شاب مثل باسم و خاصه انه ولد خالها ....
الين وصل الوقت انه باسم بيدخل .. وكانو المعازيم راحو وما بقى غير الأهل ..

باسل وهو طالع مع اخوه و تركي بالسياره عشان يروحون بيت ابو مريم : ما اوصيك .. هالمره لا تفشلنا وتزعل البنت ..
تركي وهو يضحك : لا هالمره علمته على كلام زين هههههههههه
باسم : لا تخاف ما راح ازعلها .. بس مدري كيف بقعد معاها من دون ما اعمل فيها مقلب خخخخخخخ
تركي : والله انك فشيله صدق ..
باسل : اي والله .. ومو وجه زواج ..
باسم وهو يكلم باسل : حره اليوم ملجتي وانت للحين عانس هههههههه موتو انتو الاثنين من القهر ..
تركي: ههههه اصلا جذي احسن تحس انك حر ...
باسل: اي ولله صدق...
باسم: هههههههه ولله اني حاس بغيرتكم ..
تركي: ههههههههه
و تمو الشباب يسولفون حتى وصلو البيت ..
تركي : يلا انزل ..
باسم : انزين ارجعو بعد ما اتصل فيكم ..
باسل : لا راح ندخل البيت .. و نقعد بالمجلس الثاني ..
تركي : قالو انه حريم عمام مريم بيجون اليوم و اكيد بيكونون قاعدين هناك ..
باسل : انزين نقعد بالصاله ..
تركي : يعني انت لازم تدخل .. خلينا نروح مكان او نتمشى بالسياره و نرجع ..
باسل : لا الحين بننزل و اكيد بنلاقي لنا مكان نقعد فيه ..
باسم : افففف يلا انزلو و شوفو لكم مكان ..
نزلو الشباب و لاقو رغد و هي طالعه من المجلس ..
تركي و هو يناديها: رغــــد..رغــد..
رغد و هي تلتفت له: هلااا تركي.. شتسون هني؟
تركي : جينا مع بااسم..
رغد: باسم جه ..يامسكينه يامريم الله يعينها على اخوك ياباسل..
باسل: ههههه الله يعينا جميع ..
رغد: ههه طيب الحين وش تبون..؟
باسل : رغد شوفي لنا مكان نقعد فيه ..
رغد : شنو اشوف لكم مكان ..؟ هنا حريم عيب يطلعون ويشوفونكم هني ..
تركي : ما دخلج انتي .. و شوفي لنا مكان .. يلا ..
رغد : انزين روحو شوفو الصاله اللي بالجهه الثانيه اذا فاضيه قعدو فيها .. وانا بخبر الحريم انكم هني عشان ما يروحون الصاله ..
باسل +تركي: اوكي ..
و راحو الشباب الصاله و قعدو فيها ..
و شوي جتهم رغد و كانت حامله بيدها صينيه فيها عصير..
باسل : مشكووووووووره ولله يابنت العم السنعه..
رغد : ههههههه
تركي : اي ولله هذا باسم نشف ريقي ..
رغد حطت الصينيه قدامهم و قامت لحتى تطلع..
باسل : وين رايحه قعدي معانه..
تركي عفس وجهه واستغرب كلام باسل .. وقال فخاطره : هذا شيقول شيبي بأختي..؟
باسل انتبه عليه و مات من الضحك و رغد استحت منهم ..
تركي : رغد روحي قولي لباسم خل يستعجل..
باسل : شوو يستعجل والله ان سمعك ليذبحك ما امدا يشوفها..
تركي : ههههه لا يكفي بس يسلم عليها ..
رغد : تركي انا مالي دخل انا رايحه للبنات..
تركي و باسل : سلميلنا على البنات ..خخخخخ
رغد : في بنات محددات وللا كل شي..
تركي : يعني ما امداج تعرفين ذوقي .. اي بنت تشوفينها حلوه سلمي عليها خخخخ
باسل : ههههه رووحي لا يخربج هذا روحي ..
رغد : ههههههههه يلا رايحه .. باي ..
وطلعت و تمو باسل و تركي يسولفون و يحشون فباسم ...

و باسم راح مجلس الحريم .. و قعد ينطر مريم ..
و كان نظره طول الوقت على الباب ..
وابتسم يوم شاف مريم و كانت هذي اول مره يشوف فيها مريم بدون شيله و عبايه .. و كانت طالعه جنان .. واكيد انبهر يوم شافها .. و قعد يطالعها بأعجاب كبير و هو مبتسم ابتسامه حلوه..
مريم وهي منزله راسهه و مستحيه : السلام عليكم ..
باسم وهو يبتسم : وعليكم السلام .. تفضلي قعدي ..
قعدت مريم على الكرسي اللي قدام باسم .. و هي مستحيه من نظراته ..
بس باسم ما دار وجهه عنها عشان ما يحرجها .. طول الوقت يطالعها و نفس الابتسامه على وجهه ..
باسم : مبـروك .. و عقبال العرس انشاءالله ..
مريم بصوت واطي كعادتها : الله يبارك فيك .. و مبروك لك بعد ..
باسم : الله يبارك بعمرج ..
مريم كانت خايفه لا باسم يفشلها مثل المره الماضيه ..
باسم : شحالج ..؟
مريم : الحمدلله بخير ..
وانتظر باسم انها تسأل عن احواله .. بس مريم تمت ساكته ..
باسم : ما سألتي عن اخباري ..؟
مريم شالت راسهه وهي مستحيه : العفو .. شحالك ..؟
باسم : مو بخير ..
ناظرته مريم بأستغراب ..
ابتسم باسم وهو يقول : بلاج ..؟
مريم رجعت نزلت راسهه و هي تقول : ما بلاني ..
باسم : انزين شفيج خخخخ .. لا يكون متضايقه ..
مريم حبت ترد عليه بطريقته بعد ما عصبها : بلى متضايقه ..
باسم ضحك و عرف انه مريم تبي ترد له كلامه ..
باسم : وانا بعد ..
سكتت مريم .. و ما عرفت شنو ترد على باسم ..
باسم : بلاج انتي .. يوم زوجج يقول انه متضايق .. تقولين شأللي مضايقك حبيبي ..
مريم عصبها باسم من جد .. و رفعت صوتها و هي تقول : وليش ما انت اللي تسأل شأللي مضايقني ..
و بعدها استحت و نزلت راسهه بسرعه .. و هالشي خله باسم يتفاجأ و يضحك عليها ..
باسم : والله و صار لج لسان يا مريومتي هههههههههه
قام باسم و تقرب من مريم بشكل كبير الي خله مريم تتوتر اكثر ...كان باسم حامل في يده كيس صغير و قعد جنبهاا ..انتضر شوي انها ترفع راسها له بس ما صار هالشي ..
باسم : مريوووتي..
مريم : هلا..
باسم و هو يطلع من الكيس علبه صغيره و يعطيها لمريم : تفضلي ..
مريم : شنو هذي ..
باسم :الحين زوجج يهديج هديه تقولين له شنو هذي ..
مريم و هي تمد يدها و تاخذ العلبه منه : مشكور باسم..
باسم: بتفتحينها قدامي ..؟
مريم : تبيني افتحها..؟
باسم: اذا ممكن..؟
مريم فتحت العلبه و شافت فيها قلاده و كان شكلها كثير ناعم و حلو ..
ما رفعتها قعدت تتأمل فيها ..كان في القلاده قلـب..و في القلب موجود حرف((.بي.)).. يعني اول حرف من اسم باسم..
عجبها القلب والحرف و ابتسمت بس هذا كله و هي منزله راسها .. بعدها رفعت راسها لباسم و كانت مبتسمه له
باسم خذه القلاده و مريم متابعته و تبي تعرف شو بيسويه بالقلاده..تقرب منها اكثر و لف يده على رقبتها ولبسها القلاده و مريم استحت و كانت بتموت من موقف باسم ..
رفع بعدها باسم راسه و مريم بعدها تطالعه و هو كان مبتسم ..و مبين عليه انه فرحان..
تقرب باسم من جبهتها و حبها بين عيونها و رفع عيونه و هو مبتسم ..و مريم صارت خدودها حمر و صار شكلها طفولي و حلو كثيييير ...
باسم: مريوومتي ليكون اشوفج تنزعين هذي القلاده .. اوكي ..
مريم و هي مبتسمه : على امرك...
باسم: ما يامر عليج عدو حبي ..
باسم مد يده في مخباه و طلع منها مداليه حلوه كانت على شكل قلب و مكتوب فيها حرف ((.م.((
مريم ابتسمت له و كانت مستانسه كثير...
باسم: دووم هالابتسامه الحلوه دلوعتي...
مريم بدلع : باسم ليكون تضيع هالميداليه..
باسم: و في حد يضيع قلبه...
مريم ابتسمت له بهدوء ودلع..
ونروح عن مريم و باسم اللي كانو يتكلمون و مريم راح التوتر عنها شوي و صارت ترد عليه و تضحك معاه بعد..


في غرفة سحر كانو عبير و اريج و ساره قاعدات و يتفقون منو الي بتم مع مريم و سحر لان عمام مريم بيتمون عندهم..
اريج وهي باين عليها التعب و النعاس : يلا متى بنروح .. ابي انام ..
عبير : انتي بتتمين هني مع العرب .. عيب نخليهم بروحهم .. و مثل ما تشوفين مريم قاعده مع باسم ..
اريج : وانتي ليش ما تتمين .. ليش انا ..؟؟ و بعدين البيت بيتهم .. انا اللي بطلع غريبه بينهم ..
رغد وهي جايه من مجلس الرجال الي فيه الحريم و بعد ما دخلت الغرفه : اقوول بنات ..
ساره : خير ..
رغد : ترا العرب عمام مريم ما بيتمون بيروحون الحين..
اريج : ليش..؟
رغد : والله مادري ..
عبير: عجيب يروحون الحين .. الدرب طويل ..
اريج : والله مادري..
ساره : ههههههه الحين انتو شتبون في العرب ..؟
اريج : عبيييييييييير يلا عاد اتصلي بعمر خلاااص بناام ..
عبير : اووكي لا تصيحين الحين..
ساره : اريج شفيج ليش تعبانه..؟
اريج : والله اليوم تكسرت من الرقص ..
ساره : ههههه اي والله انتي و تغريد ما قصرتو..
طلعت عبير الموبايل و اتصلت على عمر عشان يجي ياخذهم .. و بعد فتره الكل راحو ..

و خلصت الملجـه علـى خيــر .. و كــانت كثيــر حلــوه ،،



الجــزء الخـــامـس ،،
بعـد مـرور اسبـوع على ملجـة بـاسم .. ما صار شي جديد .. تقريبا كلشي مثل ماهو عليه ..
والحين هم يتجهزون للروحه للمزرعه ..

بالأول نشوف بيت ابو مـازن .. واللي كانو عندهم مازن و ساره ..
و نروح لغرفة تركي .. واللي كان احمد معاه ..
احمد : يلا عاد خلصنا ...
تركي : انزين شوي واخلص ..
احمد : حتى البنات يتجهزون بأقل من ساعه .. وانت من الصبح تتزين ..
تركي : وانت شو دخلك .. و ليش مستعجل .
و جتهم ام مازن و هي تسمع اولادها يتناقرون
ام مازن وهي تدخل الغرفه : بلاكم كله هواش .؟؟
احمد : شوفي تركي للحين مو مخلص ..
ام مازن : تركي يلا بسرعه .. الكل صارو بالسيارات . وانت للحين تتجهز ..
تركي : انزين .. بس بنروح كل واحد بسيارته ولا كلنا مع بعض ..؟
ام مازن : لا انتو و خواتكم بتروحون بسيارت احمد .. وانا وابوك و ساره مع مازن ..
تركي : انتي قلتي الكل صارو بالسيارات .. البنات كيف دخلو سيارة احمد و السويج عنده خخخخخخخخخخخ
احمد : صح يمه كيف خخخخخخخخخ
و طلعت ام مازن بعد ما عطتهم نظره خلتهم يسكتون ..
و نزلو الشباب بعدها .. و طلعو كلهم بالسيارات عشان يروحون المزرعه ..


وبيت ابو عمر بعد كانو يتجهزون ،،.
واريج محتشره لأنها للحين ما جهزت اغراضها .. وكانت كل يوم تأجل تقول يوم يروحون بتلحق تجهزهم ..
بس الحين الكل عصب عليها يبون يطلعون وهي الي مأخرتهم ..
ام عمر : بنات انتو تعالو مع اخوكم عمر .. واحنا الحين بنروح قبلكم انا وخالاتي ..
اريج فرحت لأنها بتلاقي وقت اكثر .. بس عبير وريم تضايقو لأنهم كانو جاهزين والحين بينطرون عمر الين يخلص ..
ريم : لااااا يمه .. تكفين .. مالي خلق انطر عمر .. خليني اروح معاكم ..
ام عمر : لا ما بتروحين معانه .. لأنج بتضايقين جداتج بالقعده بالسياره ..
ريم : بـل يمه .. في مكان كبير و ما بضايقهم ..
ام عمر : قلت لا يعني لا .. والحين لا تأخريني ..
ريم : انزين بنروح انا و عبير بسيارتي ..
ام عمر : ريم انتي ما تفهمين ..؟؟ قلت انطرو اخوكم .. والحين هو يخلص و بتجون .. ما بتنطرين كثير ..
ريم وهي متضايقه : انزين ليــش ما نروح بسيارتي ..؟؟
ام عمر : ما بتروحون كل هالمسافه بروحكم ..
ريم : يمه هذي مو اول مره امشي مسافه طويله بروحي .. و بعدين بنتم طول الطريق وراكم ..
ام عمر عصبت من جد من ريم : ريــم ..!! انطمي .. الحين اخوج بيوصلكم .. بلاج ..
ريم : افففففف اوكي ..
و طلعت ام عمر بعد ما طلعو خالاتها و ابو عمر ..
و تمو البنات ينطرون عمر ..
اريج : تستاهلون .. ههههههه تبون تتخلون عني و تروحون بروحكم يالدبات ..
ريم وهي معصبه : مالت عليج .. هذا احنا بنتم معاج ..
عبير : انا رايحه اخبر عمر انّا بنروح معاه ..
و راحت عبير عن البنات لغرفة اخوها ..


نـروح لبيـت ابـو عبـد الله ،،..
هني الكل كانو طالعين بطريقهم للمزرعه .. ام عبدالله وابو عبدالله كانو مع عبدالله وندى واسامه ..
وندى كانت متضايقه لأنها بتغيب عن طارق اسبوع وما بتكلمه .. و كانت هذي اول مره تغيب فيها كل هالفتره عنه من اول ما تعرفو على بعض .. وخاصه انها الحين تعودت عليه اكثر من قبل ..
بسيارت باسل كانو باسم و تغريد .. كان باسم جنب باسل وتغريد وراه ..
باسل : الحين انتي يالخبله .. انا كل مناسبه تجتمعون فيها مع ناس او حفلات اوصيج تشوفين لي وحده حلوه اتزوجها .. وكل مره تقولين نسيت ..؟؟
تغريد : الحين تبيني اطالع لك بنات العالم واجي اوصفهم لك ..؟؟
باسل : وشنو فيها ..؟؟ اقول لج بخطبها .. يعني لازم اتعرف عليها ..
باسم وهو فاج عيونه ويطالع اخوه : مالت عليك .. شنو شنو فيها ..؟؟
باسل : واشمعنا انت شفت مريم قبل ما تخطبها و انا حتى وصف الي ابي اخطبها منت راضي يوصفونها لي ..؟؟
باسم : مريم وانا غير ..مريم بنت عمتي ..
باسل : انزين بخطب وحده من بنات عمامي ..
باسم : لا هذيل يعرفونك عدل .. ما بيوافقون عليك ههههههه
باسل بعد ما قلد ضحكة باسم و هو معصب : لا بيوافقون .. مثل ما مريم قبلت فيك .. وهي تعرف انك مغازلجي .. ودب وراعي مقالب ..و ما تنحمل .. و قبلت فيك .. هم بعد نفس الشي ..
باسم : بـل ..؟؟ كل هذا فيني ههههههه لا تفضحنا يالخبل .. هي حتى لو ما تدري بتدري من ورا وكالة الأنباء هذي ( وهو ياشر على تغريد (
تغريد وهي معصبه : هيـــــن ..!! انا وكالة انباء يا دب .. ان ما قلت لمريم عليك و خليتها تعرفك على حقيقتك و تطلقك .. ما اكون انا تغريد ..
باسم : وصلت للطلاق بعد ههههههههه فال الله ولا فالج .. خخخخخخخخ
باسل وهو فرحان : فديت اختي النشميه انا خخخخخخخ يلا حبيبتي لو تقدرين من اليوم تخلينها تطلقه يكون احسن .. هههههههههه
باسم : لا مريوم تموت فيني .. ما بتطلقني .. ( وهني ابتسم ابتسامه عريـضـه (
تغريد : اي ما انت كل ما شفتها تزعلها .. من هالشي صارت تموت فيك ..
باسم : تتطنزين حظرتج .. و بعدين رغم هالشي تموت فيني ..
باسل : الحين خلونا من هالموضوع .. تحبك ولا عمرها ما حبتك ... تغريد من احلى وحده من بنات عمي ..؟؟
باسم : اكيد مريم ..
باسل : هذي بنت عمتنا مو عمامنا ..
تغريد : وانت مو شايف بنات عمك عشان انا اقول لك من احلى وحده فيهم ..؟؟
باسل : شايفهم بس وهم لابسين الشيله .. مو شايف شعرهم .. انا ابي عروستي يكون عندها شعر طويل ..
تغريد : وهذا الشي بعد .. ما يصير اقوله ..
باسل : اففف منج .. انتي الواحد ما ياخذ منج لا حق و لا باطل .. انا الحين بشوفهم بالمزرعه وبقعد معاهم واشوف من تناسبني اكثر ومن فيهم الأحلى .. و اكيد بتصير فرصه افاجأهم فيها و اشوفهم بدون شيله ..
باسم : ههههههههههه مالت عليك .. لا يكون الشغله جد ..
باسل : ألاّ جــد ..
و تم باسل يفكر من بيختار من البنات و تغريد و باسم ميتين ضحك عليه ..

و بهالوقت كانو عمر واخواته طلعو ...

نروح لبيت ابو مريم اللي هم بيروحن باجر المزرعه .. وابو مريم ما بيروح معاهم ...
و كانت سحر بغرفتها تكلم صديقتها نهى ع الموبايل ..
نهى : صحيح .. شخبار حبيبج القمر ..
سحر : قمر بعينج .. لا تقولين قمر ..
نهى : فوق ما قاعده امدح لج فيه ..مو راضيه ..؟
سحر : لا تمدحينه .. ادري انه قمر و مو بحاجة قولج ..
نهى : اوكي هههههههه بس تدرين صدق هو قمر ..
سحر : تنطمين الحين ولا شلون ..؟
نهى : اوكي اوكي .. لا تعصبين .. ههههههه
سحر : اوكي يلا اكلمج بعدين .. باي ..
نهى : بايات ..
ننزل عن سحر للصاله اللي كانو فيها ام مريم و مريم ..
مريم : يمه انا ما ابي اروح باجر المزرعه ..
ام مريم : ليش ..؟؟
مريم : مالي خلق اروح ..
ام مريم : ما يصير ما تجين .. ام عبدالله لزمت على جيتج ..
مريم: مافيها شي .. قولي لها اني تعبانه .. وما قدرت اروح ..
ام مريم : و ليش كل هالسالفه .. ليش ما تبين تروحين ..؟
مريم : قلت لج مالي خلق .. و بس ..
ام مريم : الحين تبيني اتفشل قدام حرمة اخوي عشان انتي مالج خلق ..؟
مريم : يمه بليز .. والله ما ابي اروح ..
وهني نزلت سحر ..
سحر : شو السالفه ..؟
مريم : ما ابي اروح باجر المزرعه ..
سحر : ليش ..؟ ما تبين تشوفين باسم ههههههه
وهني انحرجت مريم من امها على كلام اختها .. و عرفت ام مريم انه مريم ما تبي تشوف باسم عشان ما تنحرج قدام خوالها ..
ام مريم وهي تبتسم : الحين هذي المشكله ..؟ لو قعد باسم معانه لا تقعدين انتي ..
مريم : بس وقتها يكون الكل قاعدين مع بعض .. يعني مو معقوله اروح انا اقعد بروحي ..
ام مريم : تراج حيرتيني ..؟؟
مريم : لا تحتارين ولا شي .. خليني اتم هني احسن ..
ام مريم : لا ما بتتمين ..
سحر : اي ما بتتمين .. لأني ما ابي اروح بروحي ..
ام مريم : انطمي .. شو بروحج .. كل بنات اخوالج هناك ..
سحر : مو هذا قصدي .. بس انا ما اتخلى عن مرايم .. خخخخخخ
مريم : شهالحنيه اللي نزلت عليج فجأه ..
سحر : فديتني .. من يوم يومي حنونه .. هههههه


نروح عن بيت ام مريم .. للمزرعه و كانو الباقين وصلو المزرعه .. والحريم راحو يجهزون الاغراض .. والرجال والشباب قعدو برا بالمزرعه ..


بيـت ابـو سعــود ،،،،.......
كانو فجر و زياد قاعدين بالصاله .. وكان زياد كلمها عن اريج .. وهو متعود انه يقول لها كل شي ..
زياد : طيب خذي رقمها من اخت باسم ..
فجر وهي متفاجأه : معقول زياد تبيني اسوي هالشي ..؟؟
زياد : عادي ... قولي انج انتي اللي تبينه وهم ما راح يعرفون انج بتعطنياه..
فجر : كيف تبي تاخذ رقم اخت صديقك... وشتقول عني لما تعرف اني عطيتك رقمها...وبعدين كل اللي بيني وبينها سلام ... ليش ابي رقمها؟؟
زياد : انتي قلتي انج قعدتي معاها هي وخواتها بملجة باسم يعني تقريبا صديقات... وبعدين هي ماتدري انج اختي اصلا وانا مابقول من وين لي رقمها ..
فجر : بهالسرعه صرنه صديقات... المهم انا مو مقتنعه بهالشي و لا بسويه...
زياد : فجر انتي تدرين اني ابي اتعرف عليها اكثر .. واكيد بخطبها ..
فجر : لاء يعني لاء ..
زياد : انتي اختي ولازم تساعديني... فاهمه ..
فجر : ما ابـي ..
وهني زياد عصب من جد وصرخ على اخته : فجــــر !!!
فجر وهي متردده: طيب بحاول .. بس مو اكيــــد ..
زياد : لا اكيد بتاخذينه ..
فجر : اففففف زياد تراك مصختها ... الحين خلينا من هالموضوع وتعال طلعني للسوق شرايك ..؟
زياد : لا مابطلعج الين توعديني انج بتاخذين رقمها اكيد ..
فجر : اوكي انشالله بجيبه ... بس الحين خلينا نطلع بليززز ...والله كثير متضايقه وابيك تطلعني من البيت
زياد : اوكي يلا قومي لبسي ..
فجر وهي فرحانه : اوكـــــي ...
وقامت بسرعه عشان تروح تلبس ...


نرجع للمزرعه والحين الساعه 10 والكل قاعدين برا ..
عمر كان قاعد قدام تغريد ... وكالعاده نسا نفسه وتم يطالعها ..
تغريد بعد ما انتبهت عليه وهي تكلم ريم بصوت واطي : ريم خلينا نقوم نتمشى ..
ريم: اوكي .. بس ما انا قلت لج قبل شوي ورفضتي ..
تغريد : الحين بتقومين معاي ولا شلون ..
ريم : خلص يلا قومي ..
وقامو البنات بعد ما استأذنو ..
ابتعدو البنات وصارو بالجهه الثانيه عشان ماينشافون ..
وبعدهم قام عمر ..
ابوعمر: وين رايح ؟؟؟
عمر : بشوف شي بالسياره وبرجع ..
راح عمر عنهم وبعد فتره صار بالمكان اللي فيه ريم وتغريد ... وكان يبي يكلم تغريد ...
عمر : ريم ممكن تروحين شوي ..؟
تغريد طالعت ريم على اساس انها تتم وماتروح ...
ريم : وين اروح .. و ليش ..؟
عمر : عندي كم كلمه ابي اقولهم لبنت عمي يعني روحي شوي بعيد ..
وهني تغريد رجعت و ناضرت ريم اللي كانت خايفه انه اخوها يزعل او تغريد تزعل منها بعدين ... وكانت محتاره تروح ولا لا وكانت حاسه بلاحراج ...
عمر : يلا عاد روحي وانا بناديج اذا خلصت كلامي ..
ريم طالعت تغريد وراحت بعيد عنهم وعن اللي قاعدين بالجهه الثانيه ...
وكان الفضول بيذبحها تبي تشوف تغريد بهالموقف .. و كيف عمر راح يتكلم معاها ..
و كانت تمشي يمين و يسار و منتظره عمر يناديها .. و كانت خايفه لا تغريد ما تخبرها شو راح يصير ..


و بالجهه الثانيه ..
رغد : وين صارو البنات ..؟
اريج : قالو انهم بيروحون يتمشون ..
رغد : ادري..بس طولو ..
عبير: وش اللي طولو !! رايحين يتمشون !
رغد : طيب اوكي تعالو نروح لهم ..
وراحو اريج و رغد وترانيم يشوفون وين صارو البنات

وتمت عبير مع ساره وندى ويلعبون مع اسامه ومحمد اللي كانو مستانسين اكثر شي .. والحريم معزولات عنهم ويتكلمون عن هالجيل و كيف كل وحده متعبينها عيالها .. رغم انهم صارو شباب ..
والرجال و الجدات مع بعضهم والشباب يضحكون على سوالف الكبار ..

نروح للبنات ،،،،.......
ريم : يلا عاد لا تصيرين ماصخه ..
تغريد : هو لو كان يبيج تسمعين .. ما كان قال لج تروحين ..الا صحيح يالخبله شلون تخليني بروحي ..؟؟
وهني جو باقي البنات ....
اريج : هااااي ..
تغريد و ابتسامه عريضه على وجهها : هايااات ..
رغد : شقاعدين تسوون ..
ريم : قاعده اتحايل على هالدبه تقولي شنو قال لها عمر ..
تغريد : دبه بعينج .. و بلا هالحركات البايخه ..
تمو البنات مصدومين ..
اريج : شـــووو ؟؟
ترانيم : متـى شــافهـا ..؟؟
رغد وهي تكلم تغريد : شقــالج ..؟؟
ريم : قبل شوي كان هنا و قال لي اروح عنهم .. و مدري شنو قال لها .. و صارلي ساعه اتحايل عليها ومب راضيه تقول لي ..
اريج : يـــلا عـــاد .. بلا مصـــاخـه .. قولـي شنو قال ..
ترانيم : يــلا بسـرعــه ..
رغد : ما اتصور عمر وهو بهالموقف .. قدام حبيبته و لحالهم .. اعرفه خجول .. من وين جاتله هالجرئه ..
تغريد : اي خجل اللي تقولين عنه .. والله انا بعد تفاجأت بجرئته ..
اريج : ليــش هـو شنــو قـــال ..؟؟؟!!!!
ريم : من صجج .. لهالدرجه .. قولي شنو قال ..
تغريد : اففففففف بنات .. ما قال شي ..
وكانت منحرجه من خوات عمر .. و من البنات .. لأنها اول مره تكون بهالموقف ..
ترانيم : شـو ..؟؟ قال احبــج ..؟؟!!
هني تغريد نزلت راسهه و بين عليها الخجل ..
اريج : انزين عرفنا شو قال .. قولي كيف قالها ..؟؟
تغريد : الحين شهالأسأله البايخه .. شو دخلكم انتو ..
ريم : نعــم ..!! دخــل من اذا مـو دخلنـا ..؟؟!!
و البنات صارو يتغامزون و يقولن والله سواهه ..
تغريد وهي حابه تفاجأ البنات : و قال يبي يخطبني بعد ..
الكل : واااااااااااااو ...
اريج بفرح : جــد ..؟؟ والله وطلع لأخوي لسان ..


نروح للباقين ..
رجع عمر والابتسامه على وجهه عرضها شبرين ... وكان باين عليه انه فرحان كثير ..
باسل : خير انشالله ... شاللي مفرحك فرحنه معاك ؟؟؟
احمد كان حاس انه عمر راح ورا تغريد ..
احمد وهو يبتسم : حتى انا خاطري اشوفلي سياره تفرحني مثلك ياعمر .. ههههههه
ضحك عمر على احمد وكان عارف شو القصد ..
باسم : شاللي يضحكك ..؟
عمر وهو مستحي من اخوان تغريد : لا ابد ولاشي ..
.
.
عمر كان متلبك و متردد .. و مو عارف كيف يبدا كلامه ..
عمر : تغريد .. الشي اللي ابي اقوله لج .. اعتقد انه واضح .. واعتقد انه ريم خبرتج .. بس حاب اني اقوله بنفسي .. تغريد .. انا احبج ..
تغريد سكتت وما كانت عارفه شو ترد .. و كانت بتموت من المستحا ..
عمر : و حاب بعد اعرف اذا كنتي تبادليني نفس الشعور .. و اذا جيت اخطبج بتوافقين ولا لا ..؟
هنا استحت تغريد اكثر و كان ودها لو ريم تجي وتنقذها من هالموقف .. وتمت ساكته .. وهي للحين ما رفعت راسهه ..
عمر : شو تغريد ..؟
تغريد كان ودها تنهي هالموقف و تروح بسرعه .. وابتسمت له و راحت بسرعه ..
عرف عمر انه ابتسامتها هي دليل على موافقتها وهالشي خلا عمر يطير من الفرحه ..
.
.
تغريد : وهذا كـل شـي صـــار بالتفصيـــل ..!!
ترانيم : ياااااااااي كثير حلو ..
ريم : وانتي ما تكلمتي ..؟؟
اريج : بس صدق عمر فاجأني .. له سنه وهو يحبج و مو مصارحج .. الحين فجأه يتكلم .. لا و يخطبج بعد ..؟
رغد : بس ترا كثير حلو الموقف .. صحيح شلون كنتي حاسه ههههههه
تغريد : كنت بموووووووت من المستحا ..
اريج : بالعكس كثير حلو انج تكونين بهالموقف .. يوم حبيبج يصارحج بحبه ..
تغريد : لما تصيرين بهالموقف بتتمنين انج ما قلتي هالكلام ..
رغد : شدعوه ..
ترانيم : هههههههه الله يعينج كل هذا متضايقه من الموقف ..
اريج : تخيلو شنو قال لنا لما كان يبي يجيكم ..
تغريد : شو قال ..؟
اريج : قال انه بيشوف شي بالسياره .. والضاهر يوم رجع احمد درا انه عندكم حتى انهم صارو يضحكون بس ما عرفنا عن شو .. بس الحمدلله ما عرفنا كان تفشلنا قدام اخوانج ..
ريم : ههههههههههههه فديت اخوي .. يعرف يصرف ..
تغريد وهي منحرجه من احمد : شــوو ..؟؟ احمد يدري ..؟؟
ترانيم : الحين الكل يعرف .. تبين ابن عمه و اقرب الناس له ما يعرف ..؟
.
.
و بعد فتره كانو الكل قامو ينامون بس الشباب كانو داخلين و قاعدين يسمعون نكت من تركي ..
تركي : في خبل راح لمزرعة ابقار .. راح وسأل راعيهه .. كيف تزرعون الأبقار ..؟ رد عليه وهو يتطنز : نملى الأرض سكر وبعدها بيطلع البقر .. صاحبنه ما كذب خبر .. راح وملى مزرعته سكر .. وجا بعد يوم ولقى النمل متجمع على السكر وقال : حليلهم البقرات وهم صغار ..
وهني الشباب انفجرو من الضحك ..
ودخلو البنات ..
رغد : على شنو تضحكون ..؟
احمد : على نكت اخوج الخبل ..
اريج وهي تقعد : انزين يلا قولو لنا نكته ..
باسل : انـا عندي نكته ..
ريم : تفضل قولها ..
باسل وهو مطلع طقم الاسنان : في واحد صار اثنين ..
ضحكو الكل غصب وهم يبون يغيضون باسل ..
رغد : نصيحه يا باسل لا تحاول تقول نكت مره ثانيه ..
عمر : اقدم وابيخ نكته سمعتها بحياتي ..
تركي : باااااااااااااااااايخه ..
تغريد وهي تضحك : ليش تحبطون اخوي ..
باسل وهو متضايق : خخخخ يعني انتو اللي تعرفون تقولون نكت احسن ...
احمد : بلاك زعلت من جد .. هههههههه
تركي : لا تخاف حبيبي باسل .. انا بعلمك خخخخخخخ
رغد وهي تكلم تركي : انزين قول انت نكتتك اللي كنتو تضحكون عليها ..
باسل وهو حاب يحرجها : لا ما بيقولها .. انتو بنات عيب تسمعونها ..
هني تمنت رغد لو انها ما تكلمت من البدايه .. والبنات تمو ساكتين و منحرجين من هالموقف ..
واللي فاجأهم ان الشباب يضحكون و لا عليهم ..
باسل وهو يضحك : انزين بقولها .. لا تزعلين ..
انحرجت رغد وما عرفت شو تسوي وردت بسرعه وهي معصبه : لا خلص ..
وطلعت عنهم .. والبنات للحين ساكتين ..
تركي وهو يغير الموضوع : متى قررتو تسافرون ..
باسم : بعد ما يخلص ابو مريم اشغاله .. يعني قريب ان شاءالله
عمر وهو يغمز لباسم : صرت ما تسافر من غير حرمتك ..
ضحك باسم ورد عليه : من لي غيرها ..
باسل : مو مثل حظي .. هو خطب و ملج و بيسافر مع حرمته .. وانا للحين حتى خطبه مو راضين يخطبون لي ..
احمد وهو يمزح مع باسل : افففففففف ذكرتو باسل بمأساته .. الحين من بيسكته ..
ضحكو الكل على باسل اللي صدق معتبرها مأساه ..
اريج : صحيح وين بتسافرون ..؟
باسل : اليونان .. مثل ما تبي حرمة اللأخ .. ( وهو يأشر على باسم (
باسم : وبلاك شكلك مو راضي ..
باسل : ما قلنا شي .. اصلا انا من زمان احب اليونان ..
باسم : هههههههههه اي خليك جذي احسن ..
تغريد وهي تكلم ريم و اريج : انتو وين بتسافرون ..؟
عمر رد قبل ما ترد وحده من خواته : بنروح العمره ..
سكتت تغريد واستحت من اخوانها لأن عمر كان يطالعها بنظرات غريبه .. بس اخوانها ما انتبهو على هالشي ..
وتمو الشباب و البنات متجمعين .. و بعد فتره قامو ينامون ..
.
.
اليـوم الثـــاني ......
كانت ام مريم و عيالها وصلو المزرعه .. وبعد ما سلمو على الكل .. راحت ام مريم و قعدت مع العايله ومريم و سحر راحو غرفتهم يرتبون اغراضهم .. و اريج و رغد كانو معاهم ..
وشوي وصل مسج على موبايل مريم .. و كان من باسم .. و مكتوب فيه ..
هلا بك ترحيببتن تسبق الفار .. لا صار في دربه ثلاثين بسه ..
تــــو مــا نـــــورت المزرعــه ..
وضحكت مريم يوم قرت المسج ..
سحر : شو ..؟ شفيج تضحكين ..؟
اريج : خير ..
رغد : من مين المسج ..
مريم : من باسم ..
اريج : و شنو قايل فيه ..
مريم : انتو شو دخلكم .. زوجي و رسللي مسج ..
سحر : والله ومتطوره يا مريوووم ..
اريج : لا و بعد شو دخلنا ..
رغد : الحين خلينا نشوف المسج ..
مريم : لا ما بتشوفونه ..
اريج : يلا عاد .. شفيهم كل وحده لما يصير عندها حبيب بدت تخبي ..
مريم : ليش منو غيري ..؟
رغد : الحين احنا مو بغيرج .. فيج انتي .. قولي شو مكتوب ..
مريم : ما بقول الين تقولون منو غيري ..
اريج : افففففف .. تغريد ..
مريم : ليش شو خبت ..؟
اريج : امس شافها عمر .. وتكلمو مع بعض ..
رغد : الحين ارتحتي خلينا نشوف المسج ..
مريم : اففففف منج يالفضوليه .. بس بتقولن لي كل شي بالتفصيل ..
اريج : اوكي ..
وشافو البنات المسج و ماتو ضحك على حركات باسم ..
و بعدها قالو كلشي صار لتغريد و عمر ..


بيـت ابــو سعـــود ،،،،.....
كانو فجر واخوانها قاعدين بالصاله و كان سعود وده يطلع ..
سعود و هو يقوم : زياد تجي معاي ..؟
زياد : لا .. اتصل خالد وقال انه بيجي بعد شوي ..
وهني فجر فزت من مكانها و قامت بسرعه .. وسعود يضحك عليها ..
فجر بعصبيه : زيـاد .. ليش ما قلتلي ..؟؟
زياد وهو كاتم الضحكه : هدي شوي شفيج ..
سعود : هذا هو قال لج هههههه
زياد : يلا روحي تعدلي لا يشوفج بهالشكل ..
وهني انحرجت فجر من اخوانها على هالشي اللي سوته ..
وراحت فجر بسرعه .. وكانت تبي تتعدل مثل ما قال لها زياد مع انه شكلها كان اوكي .. بس هو كان حاب يلعب عليها .. و زياد و سعود ميتين ضحك عليها ..
وبعدها طلع سعود .. و لقى خالد طالع من سيارته و هو جاي صوب البيت و سلم عليه ..
سعود : هلااااا بالنسيب ..
خالد : وفيــك اكثـر .. شحالك .. شخبارك ..
سعود :بخير والحمدلله .. انت شحالك ..
خالد : بخير دامك بخير .... شكلك طالع ..
سعود : اي والله طالع مع الربع ..
خالد : انزين خذ راحتك ..
سعود : اوكي فمانالله ..
خالد : الله معك ..
سعود راح سيارته و خالد دخل البيت ..
خالد : السلاااام عليكم ..
زياد : هلااا .. و عليكم السلااام ..
خالد : شحالك ..
زياد : بخيــر .. انت اخبارك ..
خالد : بخير دامك بخير ..
زياد : دوم مو يوم ..
خالد : وياك ..
زياد وهو يغمزله : متأكد وياي ..؟
خالد : ههههههه مو بالظبط ..
زياد : جاملني يا اخي هههههه
خالد : تصدق مع وجهك حتى مجامله ما اقدر خخخخخخ
زياد وهو يضحك معاه : مو وجهي السبب .. اعترف انك خايف من الحرمه ..
خالد : صراحه اختك تخوف ..
زياد : اثرها مسويه لك رعب ههههههه
خالد : يلا عاد بلا طواله .. روح نادلي حرمتي .. ابي اشوفها .. اشتقت لها ..
زياد : مو امس انت شايفها ..
خالد : اي واشتقت لها .. و كيفي اشوفها كل يوم ..
زياد : لما تتزوجها شوفها على راحتك ..
خالد : ترا اعصب ..
زياد : لا دخيلك .. اموت انا من الخوف ..
وهني جا خالد صوب زياد و مسك يده بقوه .. على اساس انه يمزح بس هو خله زياد يتألم ..
زياد وهو يضحك بس كان جد متألم : اترك يدي .. والله توجعت ..
خالد : ههههههه يلا نادي فجوره ..
زياد : فجوره بعينك ..
خالد مسك يد زياد اقوى ..
زياد : انزين اترك يدي عشان اروح اناديها ..
خالد ترك يد زياد : انزين يلا روح ناديها ..
زياد وهو يقوم : الله يعين اختي عليك ..
خالد : ههههههه بتناديها ولا شلون ..؟
زياد : امرنا لألله .. بناديها ..
وراح زياد عشان ينادي فجر .. و نزلت بعده بفتره قصيره بس راحت المطبخ بالأول عشان تجيب الشاي ..
بعد شوي دخلت عليهم فجر وهي حامله صينيه الشاي ..
واول ما دخلت ابتسم خالد و قام .. وفجر استحت اكثر .. من وقفت خالد .. بس خالد ما اهتم .. وراح صوبها واخذ الصينيه من عندها ..
وزياد يراقب الموقف وهو مستغرب من جرأت خالد قدامه .. و بعدها راحت فجر و قعدت بكرسي قريب من كرسي اخوها .. وطول الوقت وهي منزله راسهه .. رغم انها مع اخوانها مافي بينهم خجل و صريحين مع بعض .. بس هي تخجل من خالد كثير و لما تشوفه و يكون معاهم زياد او سعود تصير بهالموقف ..
خالد تعب من كثر ما انتظر زياد يقوم ..
خالد وهو عافس وجهه : زياد ..‍ مطولين على هالحاله ..؟؟
زياد : يا ربـــي .. ع الاقل خليني اكمل الشاي ..
خالد : اقول .. تقوم ولا شلــون ..؟؟
زياد : ههههههه لا اذا فيها شلون اقوم احسن لي ..
خالد : هههههه وانا بعد اقول تقوم بكرامتك احسن ..
زياد : هههههههه يلا انا رايح اجيك ع الايميل شوي و راجع ..
خالد : خذ راحتك .. ترا ما وراك شي ..
و راح عنهم زياد و هو يضحك ..
وفجر ماتت من الخجل مع انه هذي مو اول مره تقعد فيها مع خالد .. بس هي خجوله كثير .. و كل مره تقعد فيها مع خالد يصير فيها جذي ..
خالد قام و راح قعد بكرسي قريب منها .. وهالشي وتّرها اكثر .. بس هو دايما يحب يشوفها متوتره ..
خالد : شحالج فجوره ..
فجر : بخير ..
خالد: شو ماتبين تسئلين عن اخبار ريلج ..؟؟
فجر وهي مستحيه : شحالك انت ..؟؟
خالد : يعني معقوله اشوفج و ما اكون بخير ...
فجر ابتسمت له ..
خالد : شخبار الأجازه معاج ..
فجر : تمام ..
خالد : متى ما تبين تطلعين خبريني ..
فجر : اوكي ..
خالد : انزين تطلعين الحين ..؟
فجر : لا .. قال زياد انه بيطلع معاك ..
خالد : خليه يولي .. بعدين بطلع معاه ..
فجر : لا حرام .. اطلع معاه ..
خالد : بيروح مع الربع .. يعني ما كان بيطلع معي انا وبس ..
فجر : لا خلص .. هالمره ما ابي اطلع .. غير مره ..
خالد : اوكي براحتج ..
وهني نزل زياد وهو يغني عشان يعرفون انه جاي ..
زياد : يلا خالد .. خلينا نروح ..
خالد : هههههه مالت عليك .. ما لحقت اقعد مع حرمتي ..
زياد : الحين صار لك ساعه قاعد معاها و تقول ما لحقت ..
خالد : وي هالويه .. يلا مشينا .. اوكي باي فجورتي ..
فجر : باي ..
و راحو زياد و خالد .. و فجر راحت لغرفتها ..


نرجع للمزرعه ..
و نروح للمطبخ اللي كانو فيه اريج و رغد وساره تعلمهم يعملون كيك ..
اريج : اففففف .. ما ادري انه الكيك صعب لهالدرجه ..
رغد : بالعكس كثير سهل ..
ساره : الله يعين زوج المستقبل .. اذا الكيك و صعب .. شو تقولين عن باقي الطبخ ..؟
اريج : ليش انا بطبخ له اصلا ..؟؟
ساره : حتى لو كانت الخدامه موجوده .. الزوج دايما يحب ياكل من طبخ مرته ..
اريج : انا مستحيــل اتعلم الطبخ ..
رغد : وليش مستحيل .. شدعوه .. مو لهالدرجه صعب ..
اريج : امي وعبير حاولو معي .. بس ما اذكر ولا وحده من الطبخات اللي علموني عليها ..
ساره : لازم تتعلمين .. عشان ما تفشلينا قدام زوجج ..
اريج : الحين خلونا من زوج المستقبل .. متى بنطلع الكيك ..
ساره : بعد ربع ساعه .. اعتقد يكفي ..
وهني دخلت عليهم مريم ..
مريم : شو قاعدين تسوون ..
اريج : كيك .. والله تعبت كثير وانا اسويه .. حتى انه رغد و ساره ما ساعدوني ..
ساره : لـه يالدبـه ..!!
رغد : مالت عليج .. تصدقين مريم .. هي بس كانت تتابع شو قاعدين نسوي .. و تعبت .. لو كانت مساعدتنا شو كانت قالت ..
اريج : لا عاد .. مو لهالدرجه .. والله اشتغلت فيها كثركم ..
مريم : هههههههه .. ما جيت عشان هالشي .. شفتو محمد ..؟؟
رغد : انا ما شفته ..
اريج : ولا انا ..
ساره : يمكن مع امج ..
مريم : هي امي اللي قالت لي اشوف وينه ..
ساره : يمكن مع ندى و اسامه ..
مريم : اوكي .. بس هم وينهم ..؟
ساره : ما ادري ..
مريم : انزين الرجال موجودين ..؟
اريج : انا سمعت انهم بيطلعون ..
رغد : وانا بعد ..
مريم : اوكي يعني لو طلعت ما بيشوفوني ..
رغد : بس تركي موجود .. و يمكن غيره بعد موجودين ..
مريم : انزين عطوني وحده من شيلكم ..
رغد : انا ما اتنازل عن شيلتي .. قبل شوي جا تركي .. ولو شافني بدون شيله بيزفني ..
اريج : و انا بعد .. مثل ما قالت لج انه تركي هنا ..
ساره : واكيد تعرفين اني بعد ما اعطيج شيلتي ..
مريم : مالت عليكم .. انا بطلع و لو شافني احد .. على مسؤلييتكم ..
اريج : خخخخخخخ اوكي ..
و طلعت عنهم من باب المطبخ اللي يروح للمزرعه ..
وهني كانت الصاعقه يوم شافت كل خوالها و كل الشباب موجودين .. و كانو قدامها بالظبط ..
بس كانو يسولفون و يضحكون و ما انتبهو عليها .. الا باسم اللي شافها من بعد ما كان يضحك تغيرت ملامحه و اشر لها براسه انها تدخل و كان باين عليه انه عصب ..
وهي دخلت بسرعه .. و خرعت البنات بدخلتها ..
مريم وهي معصبه و خايفه لا يكون باسم عصب : كله منكم يالخبلات .. الحين تقولون لي انه الرجال مو موجودين .. والكل قاعدين برا ..
رغد : جدددد ..؟؟؟؟
اريج : شافوج ..؟؟!!
مريم : ما ادري .. بس باسم شافني ..
اريج : انزين ما عليه لو ما شافوج ..
مريم : شو ما عليه .. الحين باسم اكيد عصب ..
رغد : عادي .. شوي و يهدا .. دامه هو الوحيد اللي شافج ..
و مريم تمت متلبكه ..
و شوي دخل باسم وهو معصب .. وطالع مريم ..
باسم : مريم تعالي ابيج ..
و راح عنها للصاله .. وهي تمت تطالع البنات .. و اشرت لها ساره انها تروح وراه ..
كان واقف و يناضرها وهي جايه صوبه ومنزله راسهه ..
و كلمها لما وقفت قدامه ..
باسم وهو معصب : تدرين انه البيت مليان شباب .. ليش تطلعين بدون شيله ..؟؟!!
مريم : والله ما كنت ادري انكم هناك ..
باسم وهو يقاطعها : حتى لو ما كنا هناك .. طول الوقت الشباب بالبيت .. مهما كان ما لازم تطلعين بدون شيله .. فــاهـمـه ..!!
مريم وهي قريب لا تصيح : ان شاءالله .. بس ترا جد ما كنت ادري انكم موجودين .. قالولي انكم طالعين ..
باسم اخذ نفس و رد عليها : اوكي .. مره ثانيه لا يكون اشوفج بدون شيله ..!!
مريم : ان شاءالله ..
باسم كان معصب كثير بس يوم شافها كسرت خاطره ..
ابتسم لها و طلع ..
مريم اخذت نفس بأرتياح و راحت فوق عشان تلبس شيلتها و عبايتها ..


نروح للحريم ..
وجوهم ندى مع اسامه و محمد ..
ام مريم : وين كنتو ..
ندى وهي تقعد : كنا انا وعبير نلاعب محمد و اسامه ..
ام مريم : انزين وينها عبير ..
ندى : راحت عند البنات بالمطبخ ..
ام عمر : صحيح صار لهم ساعه و هالكيك اللي يسونه مو راضي يخلص ..
ام مازن : ههههههه الله يعين ساره ..الحين اكيد هي مبتلشه مع البنات ..
و ضحكو الكل و تمو قاعدين يسولفون ..
الين جو البنات بالكيك ..
اريج : يلا الحين الكل يقول لي رايه بكيكتي ..
رغد : دبه مو كيكتج بروحج .. كيكنا ..
ساره وهي تحط ايديها على خصرها : ما كأني انا اللي علمتكم وكل الفضل يرجع لي ..
ام عبدالله : الحين خلونا نشوفها .. ماشي حالها ولا لا .. وبعدين يمكن ما تعجبنا وانتو كل وحده تقول هي الي مسويتها ..
اريج : ههههه لا اكيد بتعجبكم ..
ام عمر بعد ما اكلت من الكيك : عاشت ايديكم يا بنات .. طيب كثيـر ..
اريج : اكيد لأني انا اللي سويتها ..
ام مازن : من جد طيب .. ما كنت متصوره انكم بتسونه طيب جذي ..هههههه
ام عبدالله : لا الحمدلله .. طلعت طيبه هههههه
ساره : شفتو يا بنات .. كل هذا عشان انا اللي ساعدتكم فيها ..
رغد : لا عشان انا اللي سويتها ..
عبير : اففففف الحين بتتمون جذي انا اللي سويته اوانا سويتها .. خلونا نعرف ناكل ..
ندى : هي طيبه عشانكم كلكم سويتوها مع بعض ..
ام محمد : اي هذا الكلام السنع ههههه
الحريم تمو قاعدين مع بعض والبنات مع جداتهم يتكلمون عن ايام زمان ..
و شوي رن موبايل ندى .. و قامت عشان ترد عليه ..
و كانت المتصله .. نوف اخت فيصل ..
ندى : هلا والله وغلا .. من زمان ما سمعنا هالصوت ..
نوف : هلا فيج يا عمري .. بس تعرفين مشغوله الحين بالحمل و اخوي رجع من السفرو ما كنت فاضيه اتصل بأي احد ..
ندى وهي متفاجأه : اخوج فيصل ..؟
هنوف : ليش فيه غيره كان مسافر ..
ندى فرحت لأنها بتفرح عبير بهالخبر ..
ندى : من متى رجع ..؟؟
هنوف : ما صار له كثير .. تقريبا من اسبوع ..
ندى : الف الحمدلله على سلامته ..
هنوف :الله يسلمج .. وبعد في خبر حلو عنه ..


الجــــزء الســــــادس
مر الأسبوع و الكل مستانس بالمزرعه ..
والحين الساعه 11 بالليل و هم مجتمعين برا .. و باجر بيرجعون ..

البنات كالعاده ينعزلون شوي شوي عن الباقين ..
ندى : الأ صحيح .. متى بتبتدي دراستكم ..؟
رغد : اففففف لا تذكريني فيها .. ما صدقت انها خلصت ..
اريج : ما لحقت تبتدي الاجازه عشان تكلمينه عن الدراسه ..
تغريد : افففففف صدق والله يا ندى شهالسؤال ..
عبير : شدعوه ..! كل هذا كره للدراسه هههههه
ندى : ههههههه اسفه على سؤالي اللي سبب لكم هالضيقه .. بس على ما اذكر انكم من زمان عطلتو ..
رغد : لا حبيبتي لا زمان و لا شي .. بس لانج ما تدرسين مو حاسه بمعاناتنه ..
ساره : لا و معانات بعد .. هههههه الله يعينكم ..
وهني سمعو صرخة اسامه .. اللي كان ياكل فواكه و كان السكين بيده .. وما كانو منتبهين عليه .. وجرح اصبعه ..
قامت ندى صوبه بسرعه ..
عبدالله : خيـر ..؟؟ عسا ما تعور ..؟!
ندى بعد ما شافت يد اسامه : لا جرح صغير ..
ام سالم : انزين قومي اغسلي يده ..ولا تخلونه يمسك السكين مره ثانيه ..
ندى و هي تقوم : ان شاءالله ..
وهني قام اشرف و جا صوب البنات و قعد جنب ترانيم ..
ترانيم : هلاااا والله وغلااااا ..
اريج وهي تمزح مع اخوها : اشرف عيب عليك .. شلون تقعد جنب ترانيم ..
اشرف : عادي شنو فيها ..؟
ريم : قوم لا تفشلنا ..
عبير : شلون شنو فيها ..
حبو البنات يلعبون على اشرف اللي كان مصدق انه خطيب ترانيم ..
ترانيم : اصلا احنا مخطوبين .. عادي لو قعد جنبي شفيكم ..
قام اشرف وقعد جنب اريج .. لأنه استحه من كلام ترانيم قدام خواته وكان ماخذ السالفه جد ..
ترانيم وهي كاتمه الضحكه : شفيك .. وين قمت ..؟
اشرف : هنا احسن ..
اريج : ههههههه ليش احسن ..؟
ترانيم : ما علينا .. بعد الزواج بتبطل هالخجل ..ههههههه
اشرف وهو يقوم وكان معصب : ما بتزوجج لو تموتين ..
و راح عنهم و البنات ميتين ضحك عليه ..
راح صوب ابن عمه حمزه ..
حمزه : مو قلت انك رايح تقعد مع خطيبتك .. اشوفك رجعت ..؟
اشرف : خلاص ما ابيها .. و ما عادت خطيبتي ..
حمزه وهو يضحك : لـه ليش ..؟؟
اشرف : احرجتني قدام خواتي ..
حمزه : ليش .. شنو سووت هههههه
و قال اشرف لحمزه كل اللي صار .. وتمو يتكلمون عن مستقبل اشرف مع ترانيم ..

بهالوقت كانت مريم تحظر النسكافه بالمطبخ.. ونزلت ندى بعد ما خلت اسامه ينام .. و نادتهه مريم لما شافتها ..
ندى و هي تدخل المطبخ : نعم مرايم ..
مريم : الله ينعم عليج .. تعالي خذي معي النسكافه ..
ندى : اوكي ..
و طلعو البنات وكان بيد كل وحده صينيه .. وندى ابتدت من الجهه الثانيه بس من دون قصد.. وكان لازم مريم تبتدي الحين من جهة الرجال .. والمشكله انه اول واحد فيهم باسم .. وهالشي احرجها وكانت محتاره كيف بتقدم لباسم قدام خوالها ..
واكيد البنات انتبهو عليها وتمو يضحكون و يتهامسون ..
ولما جت صوب باسم اخذ الكوب وغمزلها وهو يبتسم .. بهاللحظه تمنت مريم لو انها ما جت للمزرعه اصلا .. و خاصه انه خالها ابو عمر كان جنب باسم وانتبه عليهم و ابتسم ..
بعد ما خلصت مريم راحت صوب البنات وهي منحرجه و معصبه ..
ريم : كل شي ولا يكون ابوي شافج ..!!
مريم : هذي المشكله شاف باسم يوم غمزلي ..
اريج : فشييييييييله ههههههه
ترانيم : اي والله ..
عبير وهي تضحك : مالت عليج يا مريم هههههه

و عند الشباب ..
كانو مصرين على احمد انه يغني لأنه صوته حلو .. بس هو ما كان يرضى ..
تركي : الحين لا تشوف حالك و تخلينا نترجاك عشان تغني .. غني وبلا دلع ..
باسم : يلا عاد احمد ..
باسل وهو شاق وجهه بابتسامه عريضه : شرايكم انا اللي اغنيلكم ..
تركي : لاااااااا تكفى ..
باسم : لا دخيلك .. لا تهدم البنايات ههههههه
عمر : كل شي ولا تغني ..
باسل : مالت عليكم .. والله صوتي حلو .. بس كل ما اجي اغنيلكم يخترب .. مدري شنو يصير فيه ..
عمر : يمكن حسدناه هههههههه
ضحكو الكل على باسل اللي مصر انه يغني ..
باسل : انزين يلا احمد غني ..
احمد وهو يبتسم وهو يطالع عمر : اوكي بغني بس خلي عمر يختار الأغنيه ..
ابتسم عمر و نظر نظره فهمها احمد : غني لو يسألوني ..
تغريد انحرجت من طلب عمر ..
احمد : تامر امر ..

لـو يســالـونــي عنـكـ
شأللــي جــرالـي منــك
فــي حبنــا يـا غـــالــي
قلــبــ العنـا هـاونّــكــــ

تسهــر عليـك عيــونـي
يـا راحتـي و شجــونــي
والقلــبــ بـكـ مفتــونـــي
وانـا صـدق الوفـا معطنّـك

لا تحـط فـي تفكـيـــركـــ
انا ما اهوا عشير(ن) غيركـ
فكـــر واســال ضـمـيــركـ
مــا بـــاع مـن شــارنـكـ

فيــكـم فتنّـــي اللــــــه
والكــم غـــلا مــن اللــه
حقــكــ حلفـتــ بـ اللــــه
و راضي بــرضاك وفنـكـ
.......

وكان عمر طول الأغنيه وهو يطالع تغريد ..والبنات متابعين اللي قاعد يحصل و يتهامسون ويضحكون .. واحرجو تغريد كثير ..
وبعد ما خلص احمد الأغنيه الكل بتدو يمدحونه ..
باسل : شهالنشااااز ..لو كنتو خليتوني اغنيلكم كان احسن ..
وضحكو الكل عيله ..

بعد فتره قامو الكل .. راحو الرجال نامو .. والحريم قعدو بالصاله .. والبنات راحو لوحده من الغرف لآنهم يبون يسهرون اليوم ..

نروح للبنـــات ،،،،
اريج : اسمعو هالنكته رهيـبـــــه ..
ترانيم : تفضلي قوليها ..
اريج : في واحد قالو له حرمتك تمشي مع صديقك بالغابه .. راح ورجع لهم بسرعه وهو معصب وقال .. هم شجرتين سويتوهم غابه .. لا والشاب لا صديقي ولا اعرفه ..
وانفجرو البنات من الضحك ..
رغد وهي تضحك : مالت عليه .. الحين هذا اللي زعله ههههههههههههههه
عبير : هو ما همه انها كانت طالعه مع واحد .. همه انه ما يعرفه و شلون كان المكان ههههههههههههههه
ريم : خخخخ بايخه .. المهم على طاري الخيانه ابي اسأل ساره و ندى ..
ساره + ندى : تفضلي ..
ريم : دايما يقولون انه الرجال يخون .. و بما انكم متزوجات قولو لنا رايكم بهالموضوع ..
ساره : لا الرجال مو لازم يخون ..
مريم : ليش ..؟ شعرفج
ساره : انا واثقه من انه مازن ما بيخونني ..
ندى : و عبدالله بعد ما يخونني .. لأنه يموت فيني .. يعني مثل ما قالت ساره مو لازم يخون ..
رغد : بس انتو شعرفكم انهم ما يخونون ..؟؟
اريج : صح شعرفكم ..؟ وحتى لو كان الرجال يموت بزوجته لازم يطالع غيرها ..
ساره : لا مستحيل مازن يخون .. وما بيطالع غيري ..
مريم : ليش يعني مازن معصوم عن هالشي هههههه كل رجال ولازم يطالع غير حرمته ..
ساره : هو قايل لي انه من حبني ماعاد طالع غيري .. ولا يشوف وحده احلى مني حتى لو كانت ملكة جمال ..
تغريد : اكيد بيقولج هالكلام عشان يسكتج ههههههه لا بس شهالثقه العميا ..؟؟
ندى : هي مو بس ثقه .. الحرمه بس تعرف انه زوجها يحبها هذا يكفي .. لانه حتى لو طالع وحده او عجبته وحده ما بيحبها كثر مرته ..
عبير : هنا عندج خطأ .. هو لو طالع وحده وعجبته ممكن تتطور هالمشاعر لحب .. وخاصه انه حرمته عنده وعادتا يقل الحب بعد الزواج .. او ما يكون مثل اول ..
ساره : مو لازم اذا الرجال حب وحده وتزوجها حبه لها يقل .. بالعكس .. ممكن يوم عن يوم يكثر.. وبالنسبه لـ انه لو طالع وحده وعجبته ممكن تتطور هالمشاعر لحب .. ممكن .. بس هو اصلا ما راح يطالع اذا حرمته مثل ما يبي ..
اريج : انا مع عبير .. دايما اسمع انه الرجال يقل حبه لزوجته يعد الزواج .. و بعدين الخيانه بدم الرجال .. اكيد بيخون ..
ترانيم : صح ..
ندى : انتو لا متزوجين ولا عمركم حبيتو و خانوكم .. ليش تظلمونهم ..
ساره : ههههههه اي والله .. وبعدين نشوف بتغيرون رايكم بعد الزواج ولا لا ..
رغد : لا ما بيغرون رايهم .. لأن الرجال لازم يخونون ..
مريم : الحين انتو خوفتوني ..
اريج : ههههههههه
تغريد : لا تخافين باسم ما بيخونج ..بس بيتزوج عليج و هذا اكيد ههههههه
مريم : فال الله ولا فالج يالدبه ..
رغد : ههههههههههه عصبت من جد .. لا تخافين حتى ما بيتزوج عليج اصلا خخخخخخ الحمدلله يوم انج انتي قبلتي فيه .. من بتقبل فيه غيرج خخخخخخخ
تغريد : انطمــــــي ..!!
مريم : اي والله انطمي ..
رغد : هههههههههههههه
ترانيم : بس بعد الحرمه تخون .. مو لازم الرجال بس ..
عبير : صح .. وعادتا دايما نسمع الشباب قبل الزواج يقولون انه حبيباتهم خانوهم .. بس بعد الزواج يتغير هالشي و تصير الحرمه هي اللي تقول خانها ..
ندى تضايقت يوم تكلمو البنات عن خيانت الحرمه للرجال ..حست انها بكلامها مع طارق قاعده تخون عبدالله .. وخاصه انها قبل شوي كانت تتكلم عن حبه لها وانه اكيد ما بيخونها.. وقالت فخاطرها دامها متأكده من عدم خيانته لها وهو الرجال ويحقله يتزوج غيرها .. بس ما طالع غيرها .. هي ليش تخونه ..
و كانت باينه الضيقه عليها و تمت ساكته مع انه البنات للحين يتكلمون عن هالموضوع ..
اريج : ندى وين سرحتي ..
ندى بعد ما انتبهت عليها : لا معاكم .. بس نعست و بقوم انام ..
عبير حست انه ندى مو طبيعيه بس ما كلمتها ..
مريم : طيب خذي راحتج ..
ندى وهي تقوم : تصبحون على خير ..
الكل : وانتي من اهله ..
ساره : وانا بعد بقوم انام .. شوي و تخربون علاقتي مع زوجي .. لأنكم اقنعتوني انه الرجال لازم يخون ههههههه
ضحكو البنات .. و راحو ساره و ندى عنهم .. و تمو البنات قاعدين ..
اريج : انا بنزل اجيب لي شي أكله .. تبون شي ..؟
و كل وحده من البنات طلبت شي ..
اريج : افففففف كل هذا ..؟؟ اقول .. لو تنزل كل وحده منكم تجيب الشي اللي تبيه يكون احسن ..
مريم : مالت عليج .. الحين مو انتي اللي سألتي شتبون ..
عبير : غصبن عنج بتجيبين كل شي طلبناه ..
اريج : لا عمري قلتها و ما كنت قاصدتها خخخخخخ
تغريد : انا بنزل معاج ..
اريج : اوكي يلا ..
و نزلو اريج و تغريد و كانو الحريم الكبار للحين صاحيات .. و كان باين عليهم النعاس بس كانو مستانسين بقعدتهم مع بعض ..
ام عمر : للحين ما نمتو ..؟
اريج : انتي شو تشوفين نايمين ولا صاحين خخخخخخ
ضربتها تغريد على كتفها بمزح ..
ام عبدالله : هههههههه انزين شتبون نازلين ..؟
اريج : جايين ناخذ للدبات اللي فوق شي ياكلونه .. مثل ما تعرفون ما يقدرون دقيقه بدون اكل خخخخخخ
تغريد : ههههههههههه الحين من اللي كان وده ياكل انتي ولا الدبات على قولتج ..؟ خخخخخخ
ام مازن : ههههههههههه انزين روحو و نامو لا تتمون صاحين ..
تغريد : ان شاء الله .. تامرونا بشي ..؟
ام عمر : ما يامر عليكم عدو ..
اريج : اوكي ..
تغريد + اريج : تصبحون على خير ..
الكل : اجمعين ..
و راحو البنات المطبخ و اخذو اللي يبونه و رجعو طلعو الغرفه ..
وصادفهم عمر بطريقهم وكان طالع من غرفته ..
عمر : شاللي مصحيكم للحين ..
اريج : سهرانين مع البنات ..
عمر : اها .. ( والتفت على تغريد و هو يكمل ( شحالج تغريد ..؟
تغريد استحت كثير من اريج : الحمدلله بخير .. شحالك انت ..
عمر وهو يطالعها وهو يبتسم : بخير دامج بخير ..
اريج وهي تكلم تغريد : انزين يلا خلينا نروح للبنات ..
تغريد : اوكي ..
عمر : تصبحون على خير ..
تغريد + اريج : وانت من اهله ..
و راحو اريج وتغريد عن عمراللي تم واقف الين دخلو البنات الغرفه ..
اريج بعد ما دخلو هي وتغريد و سكرو الباب : لو تشوفون امي وخالاتي .. كانو يصارعون النعاس يبون يتمون صاحين ..
عبير : ههههههههههه شتبين فيهم ..
اريج : ما ابي فيهم .. بس هم كل يوم يجتمعون والحين حالتهم مأساويه ميتين نعاس و مو راضين ينامون هههههههه
تغريد : هههههههههه مالت عليج ..
اريج : صحيح .. نسيت اخبركم انه الأحباب تلاقو قبل شوي ..
ترانيم : اي احباب ..؟
اريج : تغريد و عمر .. بلاج ..
رغد : ههههههههه يلا بسرعه قولي كل شي صار ..
تغريد وهي منحرجه : مالت عليكم ..
بس اريج ما سكتت .. الين قالت للبنات كل اللي صار وصارت تقول لهم اشياء زياده من عندها وتغريد ميته قهر ..
.
.
الحين صار لهم يومين من لما رجعو من المزرعه .. وكانت تغريد قاعده ع النت .. و رن موبايلها ..
كانت المتصله فجر اخت زياد ..
تغريد : هلااااا والله ..
فجر : هلا فيج حياتي .. شحالج ..
تغريد : تمام .. شخبارج انتي ..؟
فجر : الحمدلله .. كيف كانت سفرتكم ..
تغريد : استانسنه كثير .. تمنيتج معانه ..
فجر : تسلمين يا عمري .. و ان شاءالله دايما مستانسه ..
تغريد : دام عزج .. صحيح شخبار الخطيب ..؟
فجر : هههههه الحمدلله تمام ..
تغريد : دوم ان شاءالله .. يلا متى بتتزوجون .. لكم اكثر من شهرين مالجين ..
فجر : بعد بكير على الزواج الحين .. خليني اخلص دراسه بالأول ..
تغريد : الله يوفقكم ان شاءالله ..
فجر : الا صحيح تغريد ..
تغريد : نعم ..
فجر : ابي اطلب منج طلب ..
تغريد : أمري ..
فجر : ابي رقم اريج بنت عمج .. ابي اتعرف عليها .. ممكن ..؟
تغريد : اكيد ممكن .. بس لحظه اطلع الرقم ..
فجر : انزين ما بتزعل لأني باخذه ..
تغريد : بالعكس بتستانس كثير لما تكلمينها .. لأنها حبتج كثير ..
فجر : الله يسلمها وانا بعد حبيتهم كلهم ..
وعطتها تغريد الرقم و بعد فتره سكرت عنها .....
بعدها صارو اريج و فجر يتصلون ببعض و صارو تقريبا صديقات ..


بيـت عبـدالله ،،،،.....
ندى كانت داخله المسنجر .. و اول ما دخل طارق سكرته وطلعت ..
وقالت فخاطرها انها ما لازم تكلمه مره ثانيه لان الشاب صار يحبها و هالأيام يلح على رقم موبايلها ..
و كانت تحاول انها تبتعد عنه ..
بعدها فكرت انها تخبر عبير عن فيصل .. بس كانت متردده شلون بتكلمها .. و قالت انه عبير اكيد بتعرف ولو عرفت الحين بيكون احسن ..
و دقت على عبير ..
عبير : ألـو ..
ندى : مرحبا عبووره ..
عبير : مراحب .. هلا وغلا ..
ندى : هلا فيج يالغاليه .. شحالج ..
عبير: تمام .. انتي شحالج ..
ندى : بخير .. عبير شرايج تجين عندي اليوم ..
عبير: لا مالي خلق اطلع من البيت .. تعالي انتي ..
ندى : فديتج متضايقه .. وابي اكلمج بموضوع ..
عبير : انزين تعالي ..
ندى : لا تعالي انتي ..
عبير : اوكي بشوف .. بس مو اكيد ..
ندى : لا بليز تعالي ..
عبير : شفيج شهالشوق .. و بعدين انا مو امس كنت عندج .. الحين انتي اللي لازم تجين ..
ندى : ما عليه .. ان شاءالله المره الجايه انا اللي بجي .. بس الحين تعالي انتي ..
عبير : اوكي ..
ندى : يلا انطرج .. باي ..
عبير: باي ..


بيـتـــ ابــو مريــــم ،،،،.....
غرفــة سحــر .....
نهى : يجنن ..
سحر : انا كم مره قلت لج لا تقولين عن سامر حلو او يجنن ..
نهى : ههههههه اوكي اسفين ..
سحر : ما مقبول عذرج .. المهم متى بتفكينا منج وبتتزوجين ابن عمج ..
نهى : فال الله ولا فالج ..
سحر : يؤ ..؟؟!! ليش ..؟
نهى : ما عاد احبه .. ثقيل دم ..
سحر : اوف ..؟؟ ثقيل دم مره وحده .. مو على حد علمي كان مافي منه ولا بخفة دمه ..
نهى : وانتي قلتيها .. كان .. يعني ما عاد.. لا وصاير مدري شفيه .. المهم ما عاد احبه ..
سحر : الله لا يبلانه .. كل يوم حابه واحد شكل ..
نهى : هذي هي الحياه .. كل الناس يحبون اكثر من واحد .. وانتي من سنه خبله وتحبين سامر ..
سحر : فديـتــه وما بحـب غيره طول العمر ..
نهى : براحتج لا تحبين غيره هههههه الله يخليكم لبعض ..
سحر : أأأميــن ..


بيــتــــ ابــو سعـــود ،،،،.......
فجر :الحين الرقم صار عندي .. بس ما بعطيك اياه الين تعطيني شي بداله ..
زياد وهو متحمس : جــد ..؟؟!!! يلا عطينياه ..
فجر : قلت ما بعطيك ياه الين تعطيني شي بداله ..
زياد : دبه يعني تبين رقم شاب ..
فجر : وليش مو راضي هذا انت تبي تكلم بنت .. مو خايف على سمعتها .. و بعدين انا عندي خالد وما ابدله بمليون رجال ..
زياد : الحين عطيني الرقم .. وخلينا من خالد ..
فجر : يؤ فديته .. بس ما قلت لي شبتعطيني ..؟؟
زياد : اي شي تبينه ..
فجر : اوكي خليني افكر ..
وابتدت فجر تفكر و زياد معصب ..
زياد : يلا عاد لا تصيرين ماصخه .. الحين عطيني الرقم وانا بعطيج بعدين اي شي تبينه ..
فجر : وعــد ..
زياد : وعد ..
فجر : اوكي هذا رقمها ..
وطلعت له الرقم بمويالها و اخذه ..
زياد : فديـــتــ احلـى اخـتـ ..
فجر : اي والله فديتني هههههه
و راح عنها لغرفته وكان قاعد يدق على اريج ..



الجـــزء الســـابـع ،،
كانت اريج بغرفتها وكانت تبي تنزل .. بس لما سمعت رنت الموبايل رجعت ..
و ردت بسرعه حتى قبل ما تشوف الرقم ..
اريج : آلـو ..
زياد : السلام عليكم ..
اريج : هلا .. وعليكم السلام ..
اريج فكرت انه واحد من اولاد عمها ..
زياد : شحالج اريج ..
اريج : الحمدلله بخير ..
هني شكت اريج انها ما تعرفه لآن صوته ما يشبه اصوات اولاد عمامها ..
اريج : منو معاي ..
زياد : واحد ..
اريج : ادري انك واحد .. بس منو ..
زياد : قلت لج واحد .. مو مهم تعرفين من بالظبط ..
اريج : لا مهم ..
زياد : وليش مهم ..؟
اريج : عشانك قاعد تكلمني يعني مهم اعرف من انت ..
زياد : انزين .. لو قلت ما بتزعلين ..
اريج : وليش ازعل ..؟؟
زياد : ما ادري ..
اريج عصبت على الشاب بس كان ودها تعرف من هو ..
اريج : شو اللي ما تدري ..؟؟
زياد : اوكي لا تعصبين .. ادري لو تبين ..
اريج : انت وبعدين معاك ..
زياد كان طاير من الفرحه لأنه قاعد يكلم اريج .. واستانس يوم عصبت ..
زياد بهدوء : شنو .. شفيج ..؟؟
اريج : ما قلت لي من انت ..؟
زياد : اممممم .. بقول .. انا واحد شافج مرتين .. بس ما اعتقد انج تذكريني ولا اعتقد انج نسيتيني .. ههههههههه لغز
اريج وهي متفاجأه : وين شفتني .. ومن وين لك رقمي ..؟؟!!
زياد : خلص غير مره بجاوبج .. الحين باي ..
اريج : مافي مره ثانيه .. ولا يكون اشوفك متصل علي ..
زياد : انزين شلون بجاوبج .. اذا ما بتصل فيج ..
اريج وهي معصبه : الحين بتجاوبني ..!!
زياد : قلت لج غير مره ..
وسكر عنها قبل ما ترد عليه .. و كان متعمد انه يخلي عندها فضول عشان ترد عليه مره ثانيه ..
ونزل وهو مستانس حـده ..
اريج تمت تفكر من وين له رقمها .. اكيد ولا وحده من صديقاتها عطته رقمها واكيد ولا وحده من بنات العايله ..
تمت اريج محتاره .. والفضول بيذبحها ..
و جتها ريم ..
ريم : شو وينج ما نزلتي ..؟
اريج : في واحد اتصل علي ..
ريم وهي متفاجأه : واحـد ..؟؟!!
اريج : اي واحد .. مدري من اللي عطاه رقمي ..
ريم : شــوو ..!!
اريج : شو .. شو ..؟
ريم : من هو ..؟؟
اريج : خبلـه شعـرفنـي ..
ريم : طيب يمكن يكون من هالصايعين .. بس شلون حصل رقمج ..؟؟
اريج : مدري .. ويقول انه شايفني ( وهني تذكرت اريج شي .. وقالت وهي مصدومه ) و يعرف اسمــي بعــد ..!!
ريم : شوو ..؟؟!! يعرف اسمج وشايفج ..
اريج : اي ..
ريم : انزين شنـو قال ..؟؟
اريج : قال انه بيقول لي من هو المره الجايه ..
ريم : وفيها مرات جايه بعد ..!! شوفي اريج ما بتردين عليه لو شو ما صار .. فاهمه ..!!
اريج : بس ابي اعرف من هو ..
ريم : ياخبلــه ..!! دامه يعرف منو انتي و شايفج .. اكيد هذا واحد من اولاد عمي يبي يعرف اذا كنتي تكلمين شباب ..
اريج : خبله انتي .. صوته ما كان يشبه اصواتهم .. وبعدين شهالطريقه الغبيه ..
ريم : مدري .. انا حذرتج .. ولا عاد تردين عليه ..
اريج : انا اصلا ما ابي اكلمه .. بس ابي اعرف من اللي عطاه رقمي و وين شايفني .. ومن وين يعرف اسمي بعد ..؟؟
ريم وهي معصبه : يعني بتردين عليه ..؟؟
اريج : خلص وعد .. المره الجايه وبس ..
ريم : لا جايه ولا رايحه .. ما بتردين عليه .. فاهمه ..
اريج : يعني عشانج اكبر مني بكم سنه تحسبين انج تفهمين اكثر مني .. ادري انه غلط اكلمه .. بس قلت لج ابي اعرف من هو .. وما بكلمه غير المره الجايه ..
ريم : هو اصلا كان متعمد يقول انه شايفج ويعرفج عشان تردين عليه مره ثانيه ..
اريج : انزين .. لو كان كلامج صحيح .. من وين يعرف اسمي .. ومن اللي عطــاه رقمــي ..؟؟
ريم : اممممم يمكن وحده من صديقاتج ..
اريج : كلهم تعرفينهم وما يسوونها .. و كلهم ثقه ..
ريم : انزين يمكن يبون يعملون فيج مقلب .. او وحده من صديقاتج مزعلتها و حبت تنتقم منج ..
اريج : مالت عليج شهالأنتقام .. و اي مقلب .. شفيج انتي شهالغبااااء ..
ريم : انزين فكري معي .. !!
اريج : هذا انا قاعده افكر بس ما لقيت احد ممكن يسويها ويعطي رقمي ..
ريم : انزين ما اوصيج ..
اريج : ادري .. عبير ما لازم تعرف عن هالموضوع شي ..
ريم : برافو عليج .. اصلا بتخبر اهلج من دون ما تعرف انه هو اللي اتصل مو انتي .. وبتخليهم ياخذون الموبايل منج ..شفتي اختج شلون نذله هههههه
اريج : مالت عليج .. سويتيها شريره خخخخخخ
و تمو البنات يفكرن ..


بيــت عبــد اللــه ،،،،........
كانت عبير مصدومه ومو مصدقه الخبر.. وقاعده تصيح وهي مخليا وجهها بين ايديها ..
كانت تفكر .. كيف فيصل يخوونها ..؟؟ كيف بعد ما انتضرته سنين ..؟؟
كيف وهو وعدها انه يرجع لها ..؟؟ كيف وهو راح يدرس عشانها .. وهي اللي شجعته ..؟؟
ليــش يخيب املها فيه .. ويرجع وهو متزوج ...؟؟ شلــون قــدر يتزوج وينساها .. وهو اللي كان يموت ع التراب اللي تمشي عيله ..؟؟

بـوعــدك مـا يــوم ابـانســى .. اللــي فــي قلبــي عملتــه ..،،.. يــوم سلمتــه بأيدينــكـ .. وانــت قــدامــي ذبحتــه

ندى حاولت انها تهديها .. بس احتارت شو تقول لها .. ما تقدر تهديها .. وتمت حاظنتها وهي تصيح معاها ..
كانت الصدمه اكبر من انه عبير تتحملها .. او انه ندى تقدر تهديها بكم كلمه ..
تم اسامه يطالع اللي قاعد يصير قدامه وهو مو فاهم شو اللي صاير ..


بيـت ابــو مريـــم ،،،،......
كان باسم قاعد مع مريم .. وصارله فتره يجيلهم و يشوفون بعض .. والحين هي تعودت عليه ..
باسم : مريومتي .. انا قررت اني ما اسافر ..
مريم وهي متفاجأه : ليــش ..؟؟
باسم : تعرفين لازم اتم عشان الشغل .. ما يصير كلنا نتركه ..
مريم وهي خايفه لا يكون كلام باسم صدق : شـو باسم .. تتكلم جـد ..؟
باسم وهو شاق وجهه بأبتسامه عريضه : ادري ما تقدرين على فراقي .. بس شنو نسووي ..
مريم : باسم عن المزح ..
باسم : ما قاعد امزح خخخخ
مريم وهي متضايقه : الحين قوللي .. صدق بتتم ..؟
باسم : شفيج ع الأقل ترتاحين مني .. ( وكمل وهو يوطي صوته ع اساس انه خايف ) و ارتاح منج ..
مريم وهي معصبه : ترتـــاح منــي ..؟؟‍‍‍‍‍‍‍‍‍‍
باسم وهو يضحك : سوري اقصد تشتاقين لي واشتاق لج ..
مريم تضايقت لأنه باسم ما بيروح معاهم .. وتمت ساكته ..
باسم : شو مريومتي ..؟ لا يكون ما بتشتاقين لي ..؟؟
مريم : اذا عشان تشتاق لي .. ما لازم نشوف بعض طول السفره .. بس انت لازم تغيير جو .. وترتاح من الشغل ..
باسم : قلت لج ما اقدر ..الشغل كله علي .. ولو علي انا ما ابي اتركج ولا دقيقه ..
مريم وهي تترجى باسم : باسم بليز .. خلي الشغل الحين وسافر معانه ..
باسم وهو مبتسم ابتسامه عريضه : لا يا عمـري يا مريومتي .. تعرفين انه انا بالشركه الكل بالكل .. وما لازم اتركها ولو للحظه وحده ..
مريم : الحين هالشهر ما بيأثّر ..
باسم : قلت لج ولا لحظه .. شلون تبيني اغيب شهر ..؟؟
مريم : اكيد مو كل الشباب بيسافرون .. يعني بيتم حد هني ..
باسم : حتى ولو .. انا لازم اكون موجود ..
وهني جتهم سحر ..
سحر : الســلام عليــكم ..
باسم : يـا هــلا .. وعليــكم الســلام ..
سحر : شلونك باسم ..
باسم : بخير والحمدلله .. شحالج انتي ..
سحر : تمام .. يلا تعالو الغدا جاهز ..
مريم : انزين جايين ..
وراحت سحر عنهم .. وقامو باسم ومريم عشان يروحون وكان هو قدامها ..
التفت عليها قبل ما يطلعون ..
باسم وهو مبتسم كالعاده : مريومتي .. ما بتم ولا شي .. بس كنت ابي اعرف شو بتسويين لو قلت لج اني ما بسافر ..
و راح عنها وهي معصبه عليه لأنه مو راضي يبطل مقالبه .. بس استانست انه بيروح معاهم .. وراحت وراه ..


بعد اسبـــوع ،،،،،
بيــت ابــو سعـــود ،،،،......
كانو الكل مجتمعين .. وام سعود تلح على ابنها سعود تبيه يتزوج ..
سعود : يمه تكفين .. لا تفتحين معي هالموضوع مره ثانيه ..
ام سعود : شو اللي ما افتح معك هالموضوع مره ثانيه .. ما تبيني افرح فيك و اشوف عيالك ..
سعود : بتفرحين فيني بس مو الحين ..
فجر : وليش مو الحين ..
سعود : انطمي انتي ..
فجر : يؤ ليش ..؟
زياد : يا مسكين يا سعود توهقت .. ههههههه
ام سعود : اسكتو انتو ( وكملت وهي تكلم سعود ) انا شفت لك بنت سنعه و بتناسبك .. وقريب بنروح نخطبها لك ..
فجر وهي متحمسه : بنت من يمه اعرفها ..؟؟
عطاها سعود نظره وهو معصب : قلت لج انطمي .. وبعدين يا يمه انتي شعرفج انها بتناسبني .. انا اللي لازم اعرف هالشي ..
ام سعود : انا اعرف انها تناسبك و اكيد بتعجبك ..
سعود : يمه شرايج انه زياد يتزوج قبلي ..
زياد : اي يمه تكفين .. ههههههههه
ام سعود : انت قبل وبعدين زياد ..
زياد وهو يمزح : ليش يعني هو ابن البطه البيضه وانا ابن البطه السوده ..
فجر : كله منك يا سعود كبرت السالفه براسه .. ههههههههههههه
سعود : ياريت .. يمه هذا انا وياه ودنا انه يتزوج قبلي ..
ام سعود : قلت انه انت قبله وهو بعدين .. شرايك متى نروح للجماعه ..
سعود : افففف .. خلص يمه بعدين .. مو الحين ..
ام سعود : اخاف البنت تنخطب ..
سعود وهو يقوم : يعني اللي خلقها ما خلق غيرها ... ويلا تامروني بشي ..
ام سعود : اقعد خلينا نكمل كلامنه ..
سعود : قلت لج ما ابي اتزوج الحين .. وقريب انا اللي بجي و بقول لج اخطبيلي هالبنت .. اوكي .. يلا فمان الله ..
ام سعود وهي تتحسر : الله معك ..
فجر + زياد : فمان الله ..
و قامت ام سعود وتمو فجر و زياد ..
و قام زياد و قعد جنب اخته ..
زياد وهو يراقب امه الين دخلت غرفتها وتكلم : فجر .. اريج ليش ما ترد ع الموبايل ..؟؟
فجر : و انا شعرفني ..
زياد : شو شعرفج انتي ما تتصلين فيها ..؟
فجر : أأه صحيح .. نسيت .. هم الحين مسافرين ..
زياد وهو متفاجأ : جــد ..؟؟!! من متـى ..؟؟
فجر : يمكن من كم يوم ..
زياد : وليش ما خبرتيني ..
فجر : نسيت .. وبعدين مو مشكله هذا انا خبرتك .. وبعدين فكرت انك تدري لأنها اخت عمر وعمر سافر معاهم ..
زياد : أه صح .. انزين متى بيرجعون ..؟؟
فجر : يمكن بعد شهر ..
زياد : اف كل هذا ..؟؟ عمر قال انه اسبوعين او 3 ..
فجر : يمكن بيجي هو قبلهم ..
زياد : يمكن .. انتي للحين ما خبرتيها اني اخوج صح ..؟
فجر : ما بخبرها اصلا ..
زياد : برافو عليج .. انزين يوم بتجي خبريني ..
فجر : اوكي .. ان شاءالله ..

،،
.
؛
.
،،

بعـــد مــــرور 7 اشهــــر ..
تخللهـــا .. خطــوبـــة عمر على تغريـد .. وملجــة سحـر على سامر بعد ما وافقو اهلها لأنهم كانو معارضين بس مريم اقنعت امها وام مريم اقنعت ابو مريم.. وبعد كم شهر يعني على العطله الصيفيه بيتزوجون ..
وفجر تزوجت ابن عمها خالد من اربع شهور والحين هي فبداية حملها اللي متعبها كثير .. بس ام خالد دايره بالها عليها ..
نــدى وطارق تطورت علاقتهم و صارو يتكلمون مع بعض على الموبايل .. رغم انها كانت معارضه هالشي بشده بس لما قال لها انه ما بيكلمها مره ثانيه لو ما سمعته صوتها وافقت انها تكلمه .. بالبدايه كانو على اساس انها بس تسمعه صوتها و تسكر بسرعه.. لكن هو تم يتصل فيها بالأول ما ترد وشوي شوي صارت ترد و بعدها صارت تكلمه اوقات طويله .. واكيد اتصالاتهم كانت تتم بالوقت اللي يكون فيه عبدالله بره البيت .. و كانت تسكر احيان لما يدخل فجأه واكيد تخبر طارق انه احد من اهلها دخل .. و ابتدت تهمل بيتها اكثر من اول ..
وعبدالله لاحظ هالشي .. وحتى اسامه اكثر الأحيان يكون عند الخدامه .. و ندى صارت ما تطلع كثير .. بس قاعده ع النت او تتكلم بالتلفون ..
وعبير ما كانت تعرف انه ندى صارت تكلم طارق ع الموبايل ..
وبالنسبه لعبير .. ابتدت شوي شوي تنسا فيصل .. وخاصه انه طلال رجع وخطبها مره ثانيه .. البنات يحالون يخلونها توافق واكثر وحده تبيها توافق هي ندى عشان تبيها تنسا فيصل.. وهي الحين تفكر بهالشي .. و ابتدت تقتنع بالزواج من طلال ..
وبالنسبه لأبطالنا.. زياد واريج .. صارت اتصالاتهم تكثر .. هو كان كل مره يقول لها انه بيخبرها المره الجايه من هو.. وصارحها بحبه لها .. وهي بعد ابتدت تتعلق فيه .. و يمكن تحبه .. لأنه كان صادق معاها وكان باين عليه انه كل كلامه صدق وحبه حقيقي .. بس كان يقول لها انه بالوقت المناسب بيخبرها من هو ..... وعلاقتها مع فجر كبرت وصارو صديقات .. دايما يتصلون ببعض ويروحون لبعض ..


بيـت ابــو عمـــر ،،،،.......
كانو مريم وسحر وتغريد وترانيم جايينهم .. وكانو قاعدين مع البنات بالصاله .. واريج و رغد كانو بالسوق ..
ريم : الصراحه عمري كله ما شفت خبله مثلج يا سحر ..
سحر : ما خبل الا انتي .. يعني لازم اعنس مثلج عشان اصير عاقله ..
تغريد : بل .. سوويتيهه عانس .. و بعدين ما لحقتي تملجين و صرتي تعيرين العوانس .. ههههههه
مريم : اي والله يا ريم .. مدري شفيه ع الزواج .. للحين هي طفله وملجت ..
سحر : ماني طفله .. لا تنسون انه من كم شهر صار عمري 17 سنه ..
ترانيم : على كل حال الله يوفقكم انتي وياه و يسعدكم .. اهم شي الحب وهو موجود بينكم ..
سحر : فديــتج .. هذا الكلام العدل ..
ريم : انزين لو انتي مو صغيره .. هو كبير عليج ..
سحر : افففف ... مو كبيـــر ..
ريم : ههههههههه اوكي مو كبير مو كبير .. براحتج بس لا تعصبين ..
وهني جتهم عبير .. وقامو البنات عشان يسلمون عليها ..
مريم : هلااااا بالعروس الجديده ..
ترانيم : اي والله واحلى عروس بعد ..
ريم وهي تضحك : لا تقولون لها عروس الحين بتعصب عليكم ..
قعدو البنات بعد ما سلمو وهم يكملون كلامهم ..
عبير : هههههه لحتى اعطي الموافقه اصير عروس .. بس انا للحين ما وافقت ..
مريم وهي تغمز لعبير : ليش للحين مو موافقه ..؟؟
تغريد : موافقه بس تتدلع شوي ..
ريم : ان شاءالله الموافقه بتجي قريب هههههههههه
عبير : و ليش مفكرين اني بوافق ..
سحر : لا تقولين انج ممكن ما توافقين او منتي موافقه ..؟؟
مريم : الرجال لو ما كان يحبج ما كان رجع وخطبج مره ثانيه ..
عبير : انا كم مره لازم اقول لكم اني انا كمان لازم اكون احبه .. مو بس هو يحبني ..
ترانيم : بتحبينه بعد الزواج ..
تغريد : مالت على افكار الشيبان اللي عندج .. شو تحبه بعد الزواج ..؟؟
ترانيم : هههههههه لا جد والله .. المهم الحين انه هو يحبها .. وهي اكيد بعد ما بيصير زوجها بتحبه .. ومثل ما يقولون اخذ اللي يحبك ولا تاخذ اللي تحبه ..
عبير : الحين خلونا من هالموضوع .. كل ما تجتمعون تحكون فيه .. ما عندكم غيري تتكلمون عنه ..
مريم : الحين الأضواء مصلطه عليج .. و موضوع خطبتج شاغل الكل ..
تغريد : من لنا غيرج هههههههه
عبير : فديتني محبوبة الشعب .. الكل يفكر فيني و بسعادتي ..
ريم : هههههههههه خليج جذي لا تعطين الموافقه .. لأنج لو وافقتي بتصيرين موضوع قديم .. و الشعب بيدور له موضوع غيرج خخخخخخ
ضحكو الكل على كلام ريم ....
ترانيم : معاج حق هههههههههههه سمعي كلامها يا عبير ..
عبير : اي والله .. شكلي بسووي جذي .. اقنعتوني ههههههههه
مريم : الحين حنا ما صدقنا انه البنت بتوافق .. ترجعون انتو وتخربونها ههههههه
تمو البنات يتكلمون عن خطوبة عبير ..

و نروح للبنات اللي كانو بالسوق .. اللي هم رغد واريج ..
كانو بالسياره وراجعين البيت .. وكالعاده دامهم اريج ورغد ما يقدرون يسكتون .. واللي شوش على اريج السواقه ..وطلعت سياره بوجهها .. بس كانت الغلطه غلطة الشاب .. واريج عصبت كثير .. ورغد تقول لها انها تدخل وبلا فضايح .. بس هي نزلت وهي معصبه ..
و الشاب نزل يوم شافها نازله ..
اريج وهي معصبه : شفيـك ما تشـوف ..؟؟!!
الشاب : و شفيج معصبه .. صار هالشي بالغلط .. وهذي سيارتج ما فيها شي ..
اريج : فيها ولا ما فيها ..شلون تسوق بهالسرعه ..
الشاب : الحين انتي تبين تعطيني درس بالسواقه ..!!
اريج : افرض انه صار لي شي ..
الشاب : الحين ما صار لج شي لا تكبرين الموضوع ..
اريج شبهت على الشاب .. وكانت تذكر انها شافته قبل هالمره بس ما تذكر وين ..
اريج : العفو اخوي .. انا شايفتك قبل هالمره ..؟؟
الشاب وهو يبتسم : انا زيـاد .. اخو فجر ..
اريج كانت بتموت من المستحه يوم درت انه اخو فجر ..
اريج : جـد ..؟؟ أسفـه اخـوي .. ما عرفتك ..
زياد : لا عادي .. ما صار شي ..
اريج : انزين .. فمان الله ..
زياد : الله معج ..
و دخلت سيارتها بسرعه وهي مستحيه موت ..
اريج : تخيلي من هذا اللي عصبت عليه وكلمته بهالطريقه ..
رغد : مـن ..؟؟
اريج بعد ما حركت السياره : زياد .. اخو فجر ..
رغد وهي مصدومه : ويــــه فشلــــه ..!! مالت عليج ..
اريج : سكتي بروحي بموت من المستحه .. لا وكنت معصبه حدي ..
رغد : فشلتينا الله يفشلج .. بس شعرفج انه هو زياد ..
اريج : كالعاده مثل ما تعرفيني ملقوفه .. شبهت عليه و سألته ..
رغد : مـاااااالت .. الحين هذي فشله فوق الفشله الأولى .... بس انتي شلون شبهتي عليه .. ما اذكر انه حنا شايفينه ..
اريج : شو نسيتي يوم صدمت اخوه سعود وهو جا المستشفى ..
رغد : اهــــااا صحيــح .. تذكرته ..تصدقين طول هالفتره ولا منتبهه انه زياد وسعود هم نفسهم اخوان فجر ..
اريج : من ثوالتج ..
رغد : انطمي .. الحين شبيقول عنج .. فضحتينا ..
اريج : اي والله فشيله ..
رغد : بس تستاهلين لأنج ما تسمعين الكلام ههههههههههه قلت لج لا تنزلين ..
اريج : الحين عن التطنز .. وصلنا نزلي .. لا والمشكله الكل مجتمعين عندنا يعني اليوم بنفضح ..
رغد وهي تنزل بعد ما اريج نزلت : شسوي .. مثل هالحدث مااعرف اخبيه هههههههههه
اريج : مالت عليج ..
دخلو البنات البيت .. وكانو جداتهم جايين وقاعدين مع البنات ..
اريج + رغد : السـلام عليـكم ..
الكل : وعيكم السـلام والرحمه ..
ام محمد : هلا رغوده .. شحالج يمه ..
رغد وهي جايه صوب جدتها ام محمد : بخير يالغاليه .. انتي شحالج ..
ام محمد : بخير دامج بخير ..
رغد : دوم مو يوم .. شحالج جدتي ام سالم ..
ام سالم : الحمدلله .. بخير .. شلون دراستج ..
مريم : شرايكم انا اللي اخبركم عن دراستها خخخخخخ
رغد وهي تطالع مريم : خخ خخ خخ ( وكملت وهي تكلم جدتها ) اكيد تمام التمام .. واحسن وحده بالجامعه ..
ام سالم : ماشاءالله عليج ..
اريج : اللي يسمعج يصدقج ههههههه
مريم : اي والله والعالم ما لهم غير الظاهر ههههههههههه
و ضحكو الكل لأنهم عارفين رغد وعارفين شلون دراستها ..
اريج : عن اذنكم .. بطلع اغير ملابسي وارجع ..
الكل : اذنج معج ..
و راحت اريج غرفتها و واول ما سكرت باب الغرفه نزعت شيلتها .. و رن الموبايل .. وكان المتصل زيـاد ..



الجـــزء الثـــــامـن ،،
اريج : ألـو ..
زياد : هـلا والله بهالصـوت ..
اريج : هلا فيك ..
زياد : شحالج ..
اريج بدون نفس : بخير ..
زياد عرف انها متضايقه بس ما يدري ليش .. وحب يلطف الجو : شخبارج ..
اريج وهي متضايقه : الحين بتخبرني من انت .. و وين شايفني .. اوكي ..؟
زياد : على مهلج شو السالفه ..
اريج : شوف ..!! الحين بتخبرني يعني الحين ..
رياد : امممم افكر ..
اريج : شو تفكـر ..؟؟
زياد : انتي كل مره تقولين لي قول من انت .. ونفس الجواب .. اقول لج لما يصير الوقت المناسب بقول لج ..
اريج بعصبيه : هذا اخر اتصال بيني وبينك .. ولازم الحين تقول لي ..!!
زياد : افـااا .. ليش ..؟؟
اريج : لآن اللي قاعده اسويه .. غلط .. وكنت ابي اعرف من انت .. بس شكلك اخترعت قصة انك شايفني عشان يكون عندي فضول وارد عليك ..
زياد : شفيج اريج ..؟؟ انتي تدرين اني احبج وتدرين بعد اني مو من الشباب اللي يلعبون ع البنات ..
اريج : انزين ليش ما تقول لي من انت الحين ..؟؟
زياد : اوكي .. بقول .. بس بالأول ابي اعرف شي ..
اريج : شو هو ..؟؟
زياد : شلونها سيارتج .. عسا ما صار لها شي ..؟؟
اريج انصدمت .. هو شو عرفه عن سيارتها ..
زياد : شفيج ..؟ ليش ساكته ..؟؟
اريج : وانت شعرفك عن سيارتي ..؟؟!!
زياد : بخليج تحزرين انتي .. صحيح صوتي مختلف شوي بالتلفون .. بس مو لدرجة انج ما تعرفينه ..
وسكر عنها وهي مصدومه .. ورمت حالها ع السرير وهي تطالع الموبايل ..
ما كانت عارفه شو اللي صار .. من اللي كان يكلمها ..؟
وكل ما جا ببالها زياد .. تحاول تفهم نفسها انه مو معقول يكون هو ..


ننـزل تحت عند الباقين .. وكانو الكل الحين اجتمعو ..
كالعاده كل مجموعه لحالها ..
ترانيم : الا تغريد .. شريتي فستان الملجه ولا للحين ..؟؟
رغد : بدري من الحين ..
ترانيم : لا مو بدري .. يبيلها وقت طويل عشان تحصل اللي يعجبها ويناسبها ..
تغريد : اي والله معاج حق .. كل ما اروح المركز ما الاقي شي حلو ..
ريم : امس فتح مركز جديد وفيه فساتين جنااان .. بس ما ادري اذا بيعجبونج ..
تغريد : صحيح ..؟؟ انزين بنروح انا وياج باجر ..
ريم : ان شاءالله ..
رغد : انزين انتي اي لون مقرره تاخذين ..؟
تغريد : ما ادري بس شو رايكم اسود ..
البنات كلهم طالعوها وهم مستغربين .. تغريد ما تفاجأت وتعرف انه البنات ما يحبون اللون الاسود .. خاصه بمثل هالحفلات ..
عبير : مالت عليج .. تبين تخرعين اخوي ..
ريم : هههههههه قومي عبوره خلي نقول لأمي ناخذله وحده ثانيه خخخخخخخخ
رغد : هههههههههه شدعوه انتو بس تبون عليها حركه عشان تبطلون ..
تغريد : قولو له وشوفو ..
ريم : اي .. متأكده انه قلبه عندج ..
ترانيم : شو غروود .. صايرين نحب ههههههههه
عبير : هي من زمان تحب بس تتغلا ههههههههههه
تغريد : هههههههه مالت عليكم .. الحين خلونا بموضوعنا ..
عبير : ما بتاخذين اسود .. تخيلي العجايز الحين يسمعونج هههههههههههه
تغريد : هههههههههه ادري انهم بينجنون .. اكثر شي يكرهونه اللون الأسود ع العروس ..
مريم : مالت عليج يا تغريد .. تذكرين شو سويتي فيني يوم كنت ابي لون غامق بملجتي .. الحين ما بتاخذين اسود ..!!
تغريد : انتي يناسبج كثير الوان غير الاسود .. بس انا احلى شي علي الاسود ..
مريم : وانتي بعد يناسبج كثير الوان وخاصه انه بشرتج بيضه ..
رغد : خذي اي لون ثاني .. حتى لو كان غامق .. بس مو اسود ..
ريم : لا شو غامق .. نبي الوان فاتحه .. مثلا اصفر على اخضر خفيف ههههههههههه
ضحكو البنات على ريم اللي ابتدت كلامها جد وبعدين قلبت مزح ..
عبير : انزين خذي احمر ..
تغريد : وععععع مالت عليج وعلى هاللون ..
ترانيم : انا مع عبير .. بيطلع عليج جنان .. خاصه مع ميك اب صارخ ..
تغريد : اممممم .. مدري ..
ريم : هههههههههه مسرع ما وافقت ع اللون اللي ما تحبه خخخخخخخخ
رغد : هههههههههه
قعدت تغريد تفكر بشي تبي تقوله للبنات ..
تغريد وهي منحرجه من البنات : الا بنات .. عمر اي لون يحب ..؟
مريم : هههههههههه صايره ما تستحين ..
ترانيم : اي صح .. هي تبي تطلع حلوه لعمر مو للناس ..
عبير : صح .. ههههههههه هو يحب الأزرق ..
تغريد : انزين بشوف فستان ازرق اذا كان في حلو باخذ واذا مافي باخذ احمر ..
ريم : جذي تمام .. مو الاسود ..
مريم : اريج وينها .. تأخرت ..
رغد : بروح اشوفها ..
و قامت رغد عنهم ...
ترانيم : شخبار العروس الثانيه ..
عبير : الحين انا لازم اخبر كل وحده اني مو عروس .. ولا بوافق ع هالزواج من اصله ..
ترانيم : لا عمري بتوافقين وبتتزوجين الحين ..
عبير : ههههههه وشاللي مخليج واثقه لهالدرجه ..
ترانيم : لان باين عليج انج بتوافقين هههههههههههه

نروح لفوق عند اريج ورغد ..
دخلت رغد بعد ما دقت الباب بس اريج ما ردت عليها .. وكانت قاعده على سريرها ومو حاسه انه رغد دخلت .. وكانت صافنه ..
رغد : اريـج شفيج ..؟؟ اريــج ..
اريج: .............
رغد : اريــج ..!!
اريج التفتت عليها بهدوء وهي تقول : تدرين من اللي كنت اكلمه طول هالفتره ..
رغد : عرفتيه ..!!؟؟ واخيــرا قال من هـو ..؟؟؟؟ يلا قولي منو ..؟؟!!!!
اريج : زيـاد ..
رغد بحيره : من زياد ..
اريج : اللي شفناه اليوم وصدمناه .. اخو فجر ..
رغد انصدمت : شـوووو..؟؟!! انزين شو عرفج ..؟؟
اريج التفتت على الجهه الثانيه وقامت صوب الشباك : هو قال .. بس ما ادري شلون قدر يسووي هالشي ..؟ شلون يكلمني وانا اخت صديقه ..؟؟
رغد وهي تقوم صوب اريج وهي للحين مصدومه : ما اقدر اصدق .. مو معقول ..!! هو اخو صديقتج واخوج صديقه .. شو هالأخلاق ..
اريج على بالها انه كان يلعب عليها رغم حبها له .. وشعورها انه كان يحبها صدق .. لاكن الصدمه ما خلتها تعرف شي ..
اريج : حقيــر .. واخته اكيد هي اللي عطته رقمي ..
رغد : اكيـد ..
اريج : طيب شو كان قصده .. ليش كان يتصل فيني .. ليش قال انه يحبني ..؟؟
رغد : يمكن يحبج صدق ..؟؟
اريج : ما اعتقد .. لو كان يحبني كان خبرني من اول اتصال من هو .. او قال لأخته انها تقولي انه يحبني ..
رغد : بس يمكن كان وده يعرف مشاعرج تجاهه .. او كان وده يحببج فيه ..
اريج : بهالطريقه السخيفه ..؟
رغد : وانتي منو قالج تردين على اتصالاته .. هـاه ..؟؟
اريج : رغد لا تزيدينها علي .. اللي فيني كافيني ..
وهني دق موبايل اريج ..
رغد : ردي على موبايلج ..
اريج وهي تشوف الرقم .. وترمي الموبال بعيد عنها ..
رغد : شفيج .. منو المتصل ..؟؟
اريج : هذا هو زياد ..
رغد : شـوو ..؟؟ والله ..؟؟
اريج : والله ..
رغد : صج شين وقوي عين .. للحين ما استحه على دمه .. والله انه وقح ..
اريج : يمكن يبي يعتذر ..
رغد وهي صدق معصبه على اريج : ايه وردي عيله .. ورجعي كملي اتصالاتج معاه .. وعادي .. ما صار شي ..
اريج : رغد شو شايفتني ..؟؟
رغد : والله ما جبت شي من عندي .. انتي اللي كلمتيه من البدايه وهالشي انتي عارفه انه غلط .. لا والحين بعد ما عرفتي انه خوي اخوج بعد بتردين عليه ..
اريج وهي منزله راسهه : ما برد عليه ..
رغد : اريج .. اذا بتاخذين نصيحتي .. غيري رقمج و فجر قطعي علاقتج فيها ..
اريج : بس ابي اسألها ليش سووت جذي ..
رغد : على راحتج .. بس مثل ما قلت لج .. رقمج غيريه ..
اريج هزت راسهه بالموافقه .. مع انها ما كانت تبي تغير رقمها .. ولآنها مو عارفه شو كانت نييت زياد يوم يكلمها ..
رغد : اوكي .. انا نازله .. غيري ملابسج وتعالي وراي ..
اريج : اوكي .. بس محد يدري عن الموضوع ..!! فاهمه ..
رغد : اوكي ..
و نزلت رغد عنها وهي للحين مو مصدقه اللي صار ..
.
.
مــر عاللي صار تقريبا اسبوع و زياد ما وقف عن اتصاله ودايما يدز مسجات يبيها ترد عيله .. بس ما كان ينفع معاها و اكثر الاحيان موبالها مسكر ..


بيــت ابــو عبـــد اللـه ،،،،........
كانت تغريد قاعده تدرس بغرفتها .. و منسدحه على سريرها .. وسمعت صوت مسج ..
شالت الموبايل وكان المسج من ريم .. وكان مكتوب فيه ..
يـا بعـد هالعـالم وهالنـــاس
يـا اخــــر احبــابــي والاول
حبـك وسط عيني و ع الراس
يبــقــى وحب الغيــر يـرحـل
محبـوبـج ..

تغريد وهي تضحك على سوالف ريم : الله يغربل ابليسج يا ريم .. ( وكملت وهي مستحيه وخايفه ) بس لا يكون جد من عمر .... لا عمر ما يسويها .. يستحي
و رجعت هي ودزت مسج لريم ..
كان عمر بهالوقت بغرفته .. وكان ماخذ موبايل ريم من دون ما تدري ..وكان عارف انه تغريد ما بترد لأنها تستحي .. وما جا بباله انها ما تدري انه عمر ..
وشوي وصل مسج من عندها وفاجأ عمر ..
وكان مكتوب فيه ..
متــى ستعــرف كم اهــواك يـا رجـلا
ابيــع من اجلـه الدنيــــا ومـا فيـهـــــا
لـو تطلـب البحــر في عينيـكـ اسكبـــه
او تطلـب الشمــس فـي كفيـكـ ارميـهــا
حيـاتـكــ ..

عمر تفاجأ .. وفــرح .. لأول مره تغريد تتجرأ بهالشكل .. ودز لها مسج ثاني ..
يحليـــك الجمـــــال وصـغــــر سنــــك
فــلا يــوجـد على شــروااااك نــوعـي
خفيـــــف الــدم ويلــــي آآآآآه منـــــك
تـــرا شوفـك ينـــوور لـي شمـووعــي

ضحكت تغريد وردت بعد بمسج .. مكتوب فيه ..
كـــل الكــوـوـوـون .. مـا يسـوا بـدونـكــ

عمر فرح وابتسم وهو يقرا المسج .. ورد عليها ..
اتــرك جمـالـك يـا حبيبــي علـى جنـب
غيـــر الحــلــى فيـك يعجبنـي طيـبـــك
كلــك علـى بعضــك تجـــــنن وتنحــب
حظـي كبيـر اللـي جعلنـي .. حبيبــــك ..

عجبها المسج وضحكت.. وبخاطرها كانت تتمنى لو انه صج من عمر .. وضحكت على حالها ودقت على ريم ..
عمر طار من الفرحه لما شاف اسم تغريد ع الشاشه .. ورد بس تم ساكت ..
الجهه الثانيه ... تغريد وهي تضحك : هاي ريم ..
عمر طار لما سمع صوتها ..
تغريد : شو ما تبين تتكلمين ولا ما تعرفين تقلدين صوت عمر ..
عمر تم يضحك لأنه تغريد ما كانت عارفه انه هو عمر ..
عمر : شحالج قلبي ..
تغريد انصدمت لما سمعت صوت عمر .. وانحرجت وسكرت الموبايل بسرعه ..
تغريد وهي متفشله من عمر : هيــن يـا ريـم ..
كان على بالها انه ريم كانت متعمده تعطي موبالها لعمر .. ورغم انهم الحين خاطبين للحين ما اخذ رقمها .. بس بعد هالموقف بياخذه اكيد ..


بيــت عبــد الله ،،،.....
كانت ندى تتصل بطارق .. وكان عبدالله بالشغل ..
طارق : يا ندى انا لقيت فيج كل الصفات اللي تمنيتها تكون بشريكة حياتي ..
ندى : ولو .. ابيك تاخذ وقتك عشان تتعرف علي احسن .. لحتى ما تندم بعدين ..
ندى كانت تبي تبعد فكرت الزواج عن طارق .. او ع الاقل تفهمه انه مو الحين .. لآنها ما كانت تبي تخسره ولا تجرحه ..
طارق : مافي داعي اعرفج اكثر ..لنا تقريبا سنه نعرف بعض ..
ندى : خلينا نأجل هالموضوع الحين ..
طارق : وليش التأجيل ..؟؟
ندى : عشاني الحين ادرس .. واهلي ما بيزوجوني قبل ما اتخرج ..
طارق : انزين بس خطوبه .. وبعدين الزواج بعد ما تتخرجين ..
ندى : احمد .. ارجوك افهمني .. الحين ما اقدر حتى خطوبه ..
طارق : وليش لا ..؟؟
ندى : تعرف انه اختي اللي اكبر مني مو متزوجه واهلي ما بيوافقون حتى على خطوبتي قبل ما هي تتزوج ..
طارق : وكم يبيلها عشان تخطب ..
ندى : هههههههههه لما تلاقي ابن الحلال ..
طارق اسمه الحقيقي احمد .. وكان يحب انها تاديه طارق لأنه يحب هالأسم و دايما ينادونه ابو طارق ..
تبدلت مشاعر ندى من ارتياح لحب .. ومو عارفه كيف تطلع من هالموضوع .. او بالأحرا ما تبي تطلع منه ..


نروح لبيـت ابــو مريــم ،،،،.....
اللي كان عندهم سامر زوج سحر .. وكانو قاعدين بالمجلس .. هي وياه ..
سحر : شرايك نخلي الزواج بعد ما اخلص الجامعه .. ع الاقل اتفرغ لدراستي ..
سامر : شــوو ..؟؟ الين تخلصين جامعه ..؟؟ شو السالفه سحر .. شفيج ..
سحر : شو شفيك ..؟؟ شدعوه انصدمت ..؟؟
سامر :وما تبيني انصدم ..؟ لا واناالي ابي اقنعج نتزوج قبل العطله وشايف الوقت من الحين الين الصيف طويل ..تقولين بعد اربع خمس سنين ..؟؟؟
سحر : ههههههه شفيك ... خلص اسحب كلامي ... بس قلت عشان اتفرغ للدراسه ...
سامر : لا لاتخافين بتكملينها وانتي متزوجه مابيبعدج عنها شي انشالله ...
سحر :ولا عنك انشالله تسلملي ..
سامر : ايخليل ياج ...


الشباب بالمقهى ..
وبرا المقهى كان تركي يمشي صوب الشباب الي في المقهى وكان منزل راسه ويفكر فجاء انصدم ببنت ورفع راسه لحتى يشوف شسالفه
اول ماشاف البنت تم واقف بمكانه .. وهي بعد ماتحركت من مكانه من الخجل ...
تركي انتبه على الشنطه الي طاحت على الارض ... ونزل ورفعها وعطاها اياها وبتسم ابتسامه خفيفه وكان خجلان منها
تركي و هو يعتذر : اسف والله ماكنت منتبه اعذريني اختي ...
البنت : ولا يهمك اخوي عادي ماصر شي ...
تركي بتسم لها وهو طول الوقت يطالعها ومايدري يمشي ولاهي اللي لازم تمشي ..
بعدها البنت التفتت عنه ومشت وتركي تم يطالعها لين ماختفت ...دار وجهه وهو يبتسم وتابع طريقه
وصل تركي للمقها وشاف الشباب متجمعين
تركي : هـــااااااي شبـــــاب ...
الكل : هايـــات
فهد : هلا وغلا تو ما نور المقهى ...
ماجد : هلا والله بلغالي
تركي : هلا فيكم ومنور بوجودكم .. شحالكم ؟؟
فهد : كلنا تمام بخير ... نسأل عنك انت شحالك؟؟
تركي : بخير دامكم بخير ..
باسل : الله يسلمك يا ولد العم .. بس ماقلت ليش تأخرت ..؟
تركي : وصلت الاهل لبيت مازن وجيتلكم ... بس تصدقون وانا جاي شفت ملاك ..؟؟
ماجد بدلاخه : مين ملاك ؟؟؟
تركي : ههههه مالت عليك .. مو اسمها ملاك .. هي ملاك من السما بس ع الارض
باسل : ههههههه وصحيت من النوم بعدين ولا لا ههههه
ماجد : هههههه وين شفتها ..؟
تركي : برا .. قبل ما ادخل .. بس تجنن ..
باسل : شنو كان فيها يالخبل .. لو خليتني اجي معاك ..
تركي : هههههه حتى لو جيت معي ما بتشوفها ..
باسل : ليش .. ( وهو يتطنز ) يعني موعوده معك بس ؟؟ خخخخخخخخ
تركي : تصدق .. يمكن تكون وحده من معجباتي وناطرتني وانا ما ادري .. خخخخخ بس ترا لو ما صدمتها ما كنت شفتها ..
فهد : صدمتها ..؟؟
ماجد : شلون يعني ..
تركي : خخخ شلون يعني مثل ما كل هالعالم يتصادمون ..
وهني جاهم زياد ..
زياد : سلااااام شباب ..
الكل : هلااااا وعليكم السلام والرحمه ..
زياد وهو يقعد : شخباركم .. وشخبار باقي الشله .. ما اشوفهم ..
باسل : يعني انت تنشاف عشان تشوفهم ..
فهد : وين هالغيبه لا حس ولا خبر ..
زياد : والله مشغول حدّي .. ما عندي وقت عشان اجي اشوفكم ..
ماجد : ع الاقل اتصل .. اسأل ..
زياد : ههههههه كل اللي غبته عنكم اسبوع .. و بعدين ليش ما انتو تسألون ..
تركي : وحنا بعد مشغولين خخخ تعرف دراسه و الاخوان ( وهو يأشر ع الشباب ( عندهم شغل .. يعني ماحد فاضي ..
زياد : ههههههههه وانت يعني مهتم بالدراسه كثير خخخخخ الا عمر واحمد وينهم ..؟؟
باسل وهو يمزح ع اساس انه عنصري : واشمعنه ما تسأل عن باسم ..؟؟
زياد وهو يضحك : يا أخي وشخبار باسم ..
باسل : كان بيجي بس مدري شو اللي شغله .. وعمر مدري وينه واحمد مدري وينه بعد ..
وبعد ما انتهه ابتسم ابتسامته الكبيره و المعتاده .. و ضحكو الكل عليه ..
زياد : هذي كل اخبارهم ..؟ مشكور ويعطيك العافيه ههههههههههههه
تركي : انا اقول لك وينهم .. عمر مشغول بتجهيزات الملجه .. وباسم مع حرمته واحمد مشغول مع زوجة المستقبل ..وما راحت الا علينا ..
فهد : ههههههههههه اي والله
ماجد : هههههههه هذا احمد بيتزوج ويخلصك ..
باسل : بس لاتنسى يا تركي لازم تتخرج عشان يقبلون اهلك يزوجونك .. هههههههههه
تركي : اي وهذي مصيبة الدراسه بعد .. شو يخلصنا منها ..
زياد : فوق ما مفشلنا بدراسته وكل سنه والثانيه راسب يبي يتزوج بعد .. هههههههه
و كملو الشباب يومهم بهالجمعه والوناسه ..


اليــوم الثــانـي بالشركـــه ،،،،......
بمكتب عبدالله كان يتصل بندى و دخل احمد وقعد ينطره الين يخلص ..
و سكر عبدالله عن ندى ..
عبدالله وهو يبتسم ابتسامته الطيبه : هلا والله وغلا ..
احمد : هلا بك .. بمن كنت تتصل ..؟؟
عبدالله : بندى ..
احمد وهو يبتسم : ندى .. اسمها على اسم زوجة المستقبل ..
عبدالله وهو فرحان : شــووو ..؟؟!! واخيــرا نويـت ..؟ لا وبعد تعرفها .. يلا خبرني كل شـي ..!!


الجــــزء التـــاســـع ،،
كانت فجر جايه عند اريج .. وقاعدات بغرفتها ويتكلمون بموضوع زياد ..
اريج : وهالطريقه برايج صحيحه عشان يتعرف ع البنت اللي يحبها ..
فجر وهي تنزل راسهه : والله يا اريج نصحته .. بس صدقيني هو ناوي يخطبج وما كان يلعب عليج .. وما سوو هالشي الا لأنه يحبج ..
اريج : ولو .. الشي اللي سويتوه غلط ..
فجر : ادري .. وهذا انا واخوي نعترف بغلطنا ونعتذر ..
اريج : ع الاقل كنتي تخبريني انه اخوج ..
فجر : ما كان يبي انه حد غيره يخبرج من هو .. وانا كنت عارفه انج بتعصبين علي لو قلت لج اني عطيت اخوي رقمج ..
اريج : ودامج عارفه اني بعصب وانه غلط .. ليش تعطينه ..؟؟
فجر : اريج شو السالفه ..يعني تبيني اعيد كلامي .. انزين ماعليه .. هو يحبج ويبي يخطبج .. عشان جي اخذ رقمج لحتى تتعرفون على بعض .. عشان يعرفج زين وتحبينه .. فهمتـي ..!!
اريج : ولو .. هالطريقه غبيه ومو حلوه ..
فجر : اريج وبعدين معاج ..؟؟ دامج عارفه انه يحبج لازم تعذرينه ..
اريج حبت تغيير الموضوع .. هي مو مقتنعه انها تسامح زياد وعارفه انه فجر بتتم تلح عليها الين تقول انها سامحت زياد ..
اريج : شخبار البيبي ..
فجر : ما عليج من البيبي الحين .. ولا تغيرين الموضوع ..
اريج : قالو لج انه بنت ولا ولد ..ولا للحين ..
فجر : افففف منج يا اريج .. ليش تغيرين الموضوع .. وبعدين يالخبله تبينهم بالشهر الثاني يخبروني اذا كان بنت ولا ولد ..
اريج : هههههه نسيت فكرتج صرتي بالثالث .. صار لج فتره طويله وانتي بالثاني خخخخخخ
فجر : وحتى لو كان الثالث ما يقولون من الحين ..
قدرت اريج تغير الموضوع .. وتمو يتكلمون عن البيبي ..


صــار وقــت ملجــة عمــر وتغريــد ،،،،
الحفله اللي صار لهم فتره طويله يجهزون لها كانت روعـه ..
اكيد الشباب كانو مستانسين وفرحانين لفرح خويهم و ولد عمهم عمر اللي كان طاير من الفرحه .. والابتسامه العريضه اللي ما فارقت وجهه تدل على هالشي ..
كان هو والشباب كله ييولون .. والكبار قاعدين يشوفون اولادهم ..
ابو عمر كان فرحان كثير لآنه عمر ابنه الكبير واول فرحته مثل ما يقولون .. وكله واقف عشان الكل يجون يباركون له .. حتى انه قام مع الشباب ييول ..
طلع كثير حلو وكسر ع الشباب .. خاصه انه وسيم رغم كبره والشيب كان محليه ..
عمر وهو يعلي صوته عشان ابوه يسمعه لان في ضجه كبيره : ماشاءالله يبه .. كسرت علينه ..
باسل : وانا اشهــد ..
مازن : اي والله .. طالع احلى واحد بيننا ..
ابو عمر وهو يضحك : لا تضحكون علي بهالكلام .. انا وين والحلا وين ..
تركي : الا انت الحلى كله يا عمي .. ههههههه
ابو عمر : الله يهداكم بس هههههههههه يلا بروح اقعد مع الرجال .. تعبت من الوقفه ..
عمر : تفضل يبه ..
باسل : خذ راحتك عمي ..


داخــل عنـد الحريــم ،،،،
البنـات اكيد كله يرقصون وخاصه خوات عمر .. ورقصهم مع بعض كان جنان .. والفرحه مو سايعتهم ..
حاولو مع تغريد وقامت علشان خاطر خالتها ام عمر .. رقصت شوي .. وبعدها رجعت قعدت ..
البنات وام عمر دللو تغريد أخر دلال ..
الكل مستانس اكيد .. والحاضرين كثار .. وتغريد منحرجه من قعدتها قدامهم وكالعاده الانضار عليهم هي والبنات اللي يرقصون ..
مريم: هههههههه شفتي شلون صاير فيج الحين .. وانا كله تسألوني ليش مستحيه .. ولا تنزلين راسج رفعيه ..
تغريد : والله ما كنت ادري انها جذي .. لا والعالم كلهم يطالعوني ولازم ابتسم لهم كلهم ..
مريم : الحين هذي هي المشكله .. انج تبتسمين لهم هههههههههه
تغريد : عن الطنازه الحين ..
مريم : تامرين امر يا عروس هههههههه
تغريد : متى بيجي عمر ..؟؟
مريم وهي تغمز لها : اشتقتي له ..؟؟
تغريد : لا اشتقت ولا شي .. بس ابي اعرف ..
مريم : ههههههههههههه عادي عمري اشتاقي له .. لا تستحين خخخخخخ
هني جتهم ريم ..
ريم وهي تبتسم : شو يا عروس ..
تغريد : شو شو ..
ريم : تقومين ترقصين ..؟؟
تغريد : لاااا اكيد لا ..
ريم : يؤ شدعوه ههههههه
تغريد : شو شدعوه ..؟ ما شفتي الناس شلون كانو يطالعوني ..
ريم : عروس ويطالعونج .. شنو فيها ..
مريم : بتنحطين بهالموقف وتشوفين ..
ريم : أأأمين .. هههههههههه
تغريد : انتي وباسل وتركي فشيله .. لازم ماحد يجيب طاري الزواج قدامكم ههههههههه
ريم : مالت عليج .. الحين انا مثل باسل وتركي .. فديتني بس كنت امزح ..
تغريد : يعني انتي احسن منهم ..ههههههههه
مريم : اقول تغريد .. شرايج نزوجها واحد منهم ..
تغريد : والله فكره ..
ريم عصبت من جد ع البنات : ماااااااالت عليكم .. والله اذا عدتو هالكلام مره ثانيه .. حتى ولو بمزح .. بكسر روسكم ..
مريم : يؤ ..؟؟ ما كنهم عاجبينك ..
ريم : مااااالت عليج .. اخوااااااني .. وبعدين يلا خلينا نروح عن العروس ..
مريم : صحيح .. الناس ودهم يشوفونها بروحها خخخخخخ
تغريد : لااا .. لا تروحون .. خليكم جنبي ..
ريم : بهالمحنه؟؟ خخخخخ
مريم : ما عليج منها .. خلينا نروح ..
ريم : يلا ..
و راحو البنات عن تغريد ..

مرت الحفله على خير .. والكل مستانس وفرحان .. وجا عمر اخر الملجه عشان يقعد مع تغريد ..
هي كانت قاعده بمجلس الحريم و مستحيه وقلبها شوي ويوقف .. بس بعد كانت فرحانه .. وصوّها البنات انها لازم تبين انها خجلانه ..
على بالها انها ما راح تخجل منه لانه مكلمته قبل .. لاكن الحين ما تدري شو صار لها .. وتمت تلعب بالخاتم ..
وشوي سمعت الباب انفتح .. اكيد عمر .. بس هي ما رفعت راسهه .. هو كان يمشي بهدوء صوبها .. ووقف قدامها ..
عمر بأبتسامه : السلام عليكم ..
تغريد رفعت راسهه : وعليكم السلام ..
ورجعت نزلت راسهه و هو باسها بجبهتها .. واللي خلاها تستحي اكثر ..
بعدها قعد جنبها .. ومسك يدها ..
عمر وهو يمزح : مبروك عليج انا ..
رفعت راسهه له وهي تبتسم : ومبروك عليك انا اكثر ..
عمر : هههههه
بعد فتره من تأمله بعيونها تكلم ..
عمر : تصدقين .. من ثلاث سنين وانا ناطر هاللحظه ..
تغريد تمت ساكته ..
عمر : بس للحين ما ادري اذا كنتي تحبيني ولا لا ..؟؟
تغريد طالعته .. وما قدرت تقولها ..
عمر : شو ..؟؟ لا يكون ما تحبيني ..؟؟
تغريد : ما كنت وافقت عليك لو ما كنت .....
عمر : كملـــي ..
تغريد : مافي داعي اقول دامك تدري ..
عمر : لا في داعي ..
تغريد ابتسمت ونزلت راسهه ..
عمر : يلا عاد ..
تغريد : اقول .. مو شكلك جيت بكير ..
عمر : شو قصدج ..
تغريد : الضيوف للحين ما راحو ..
عمر : وانا شنو دخلني فيهم .. حرمتي وابي اشوفها ..
تغريد : هههههههه
تمو قاعدين مع بعض فتره طويله .. وبعدها اكيد انتهت الحفله ..


بعـد مـرور كـم اسبــوع ،،،
مافي تغيرات كثيره ..
اريج ما ترد للحين على زياد .. وهو ما يبطل محاولاته .. على طول يتصل فيها .. لاكن مافي فايده ..


الجــامعـه ،،،،
كان تركي نازل من الدرج و صطدم ببنت .. وهي طالعه لفوق ..
رفعت راسهه وتفاجات .. ما كانت تدري انه تركي معاهه بنفس الجامعه .. ولا كانت شايفته ..
ميساء : انت ..؟؟
تركي وهو يبتسم : يا محاسن الصدف .. شو .. تدرسين هني ..؟؟
ميساء : بلا .. وانت ..؟؟
تركي : اي .. واشهر واحد بالجامعه على قد ما رسبت ههههههههه
ميساء وهي تبتسم : رسبت ..؟؟
تركي : اي .. بس ترا مو كثير .. هذي المره الثانيه ههههههه
ميساء : ههههههههه
تركي : بس انتي جديده .. صح ..؟؟
ميساء : صح .. هذي اول سنه لي .. بس انت شعرفك ..
تركي : لأني مو شايفج قبل ..
ميساء : ماشاءالله .. شكلك تعرف كل بنات الجامعه ..
تركي : هههههههه تقريبا ..
ميساء : ههههههه انزين بالأذن .. المحاضره ابتدت ..
تركي : اذنج معج ..
وراحت ميساء عنه ..


بيــت ابـو سعــود ،،،
كان زياد قاعد يكتب مسج لأريج ..
وكتب فيه .. اريج الله يخليج .. بس خليني افهمج الموضوع .. ردي علي ..
اريج قامت من بين خواتها وراحت لغرفتها .. وقرت المسج .. وقررت انها ترد عليه اذا اتصل ..
و دق عليها زياد .. وكان متمني انها ترد ..
اريج شافت الرقم وردت بجفاف وعصبيه : نعـم .. شتبي ..؟؟؟
زياد فرح انها ردت عليه : اريج انا أسف .. والله ما كان قصدي ..
اريج تمت ساكته وما تكلمت ..
زياد : انا ادري انه الطريقه اللي استعملتها كانت سخيفه .. بس ما كان عندي خيار ثاني ..
اريج : وانت شتبي مني عشان تبي خيار ثاني ..؟
زياد بهدوء : يعني ما تدرين ..؟
اريج : زياد الله يخليك .. ما ابي مشاكل مع اهلي ..
زياد : اريج انا احبج .. تفهمين شو يعني احبج ..؟
اريج بتوتر وما تدري شو تقول : انا مضطره اسكر الحين ..
زياد : اريج سمعني ..
وسكرت الموبايل بوجهه .. وغلقته عشان ما يتصل فيها مره ثانيه ..
وتمت تفكر بكلامه .. حست انه صادق .. بس طريقته كانت غلط و ما تقدر تسامحه ..


بيــت عبـد الله ،،،،
ندى قاعده تتصل بأحمد ( طارق ) كالعاده ..
ندى : شلونك حبيبي ..
احمد : بخير يالغلا .. شحالج انتي ..
ندى : بخير دامك بخير ..

وبهالوقت كان عبدالله جاي وكان يبي يدخل لكن لما سمعها وقف .. فكرها بالأول تكلم اسامه .. لاكن عرف من كلامها انه اسم اللي قاعده تكلمه احمد ..
عبدالله انصعق ..



الجـــزء العـــاشــر
عبدالله ما قدر يتحمل اللي يسمعه .. كانت تنادي اللي تتصل فيه وتقوله حبيبي .. وحياتي احمد ومن هالكلام ..
عبدالله فتح الباب بقوه والنار كانت بعيونه وما كان شايف شي قدامه ..
طاح الموبايل من يدها لما شافته جاي صوبها .. ما عرفت شو تقوله .. ما عندها شي تبرر فيه موقفها ..
جا هو بسرعه ومسكها من شعرها وصار يضربها بقـوه ..
ندى كانت تصرخ .. وهو ما تركها ..
اخر شي رماها ع الارض بقوه .. وقعد ع السرير .. وخله راسه بين ايديه ونزلت دموعه ..
اخر شي كان يتوقعه انها تخونه ..ما كان مصدق اللي صار .. تم مصدوم ومتفاجأ .. ما عرف يطفي النار اللي اشتعلت بقلبه بغير انه يضربها ..
ندى وهي تحاول انها تقوم : عبدالله .. الله يخليك .. خليني افهمك السالفه ..
قام هو بسرعه وعطاها كف خلاها ترجع تطيح ..
عبدالله وهو يتكلم وصوته متغير : شــو تفهمينــي ..؟؟؟!!! ماعاد فيها انج تفهميني .. فهمت كل شي .. بس للأسف بعد شو ..؟؟؟!!!!
ورجع يضربها وهو يقول : بعد ما صرت الزوج الغبي .. اللي حرمته تخونه وتكلم شباب من وراه .. والله اعلم في غير اللي سمعته ولا غير الاتصالات بعد شي ....!!!!
ندى : عبدالله .. لا تضلمني وانت ما تعرف السالفه .. خليني افهمك ..
عبدالله وهو مو قادر يتركها .. كان حاس انه بضربه لها يقدريطفي النار اللي فيه : لا تفهميني ولا افهمج !!! والحين تاخذين اغراضج وتطلعين من بيتي وما لج رجعه لهني .. واسامه ما بتشوفينه طول عمرج!! فـاهمــه ..؟؟؟؟؟!!
وطلع عنها وهو ما يدري وين يروح .. ولا شلون يستوعب اللي صار ..
كل شي كان مثل الكابوس .. اسودت الدنيا قدامه .. ما كان حاس بشي .. طلع بسيارته واخذ اسامه معه .. واول ما وصل بيت اهله نزله عندهم وعطاه للخدامه وقال لها تعطيه لجدته .. ورجع للسياره وهو مو عارف وين يروح ..

ندى تمت تصيح .. من اللي سوته بنفسها ومن الألام اللي فيها من الضرب .. واتصلت على اخوها وجا اخذها للمستشفى ..
وما كانت تقول له شو السالفه ولا حتى تتجرء انها تنطق بشي وهو طول الطريق يسألها .. ويلح عليها يبي يعرف شو يلي صار..ندى ما كانت ترد عليه وطول الوقت تئن من الوجع وتبكي على الي صار معها وباللي سوته بحالها و ابنها وزوجها .. وتفكر شلون راح تصير حياتها وشو راح تقول لاهلها وشلون راح تكون نضرت الناس لها ..
بعد ما اخذها للطوارء و شافو حالتها وتطمن عليها .. طلبت ندى من اخوها انه ياخذها معاه لبيت اهلها ..
وصلو للبيت راحت ندى صوب امها وهي تصيح ..
حضنتها امها و حاولت تفهم منها شي بس ما قدرت
الام: ندى شفيج علميني شسالفه ليش تصيحين وشنو اثار الضرب الي عليج
ندى: ........
الام : من الي سوى فيج جذي تكلمي يبنيتي قولي شلي صاير؟؟؟؟
ندى ما قالت شي وراحت الغرفه وسكرت الباب وراها وهي تصيح ..
ام ندى راحت وراها وصارت تدق ع الباب ..
الام : ندى فتحي الباب فهميني السافه ؟؟ ندى .. ندى ..!!
ندى ما ردت على امها ولا فتحت لها الباب


بعـد كــم يــوم ...
بيــت ابـــو مريــم ،،،،......
كانو ترانيم وريم عندهم ومريم وسحر قاعدين معاهم ..
ترانيم : صحيح .. متى بيصير رمضـان ..
سحر : يقولون بعد اسبوع ..
ريم : لا اعتقد اقل .. يمكن 5 ايام ..
سحر : نفس الشي ..
مريم : لا مو نفس الشي خخخ الحين تخيلي ترانيم تصوم بعد اسبوع .. بيكون بسببج انها ما صامت اول يومين ههههه
ترانيم : هههههه .. واكيد فطور اول يوم عندكم ..
ريم : اي اكيد ..
سحر : انزين شبتسوون لنا فطور ههههههه
ريم : بنجيب لكم تمر وحليب ..
مريم : هههههههههه
ترانيم : كثر الله خيركم ههههههه
هني دق موبايل سحر ..
سحر : بالأذن بنات ..
ريم : من الي داق عليج ..؟؟
ترانيم : اكيد حبيب القلب ..
مريم : 24 ساعه يتصلون ببعض .. هذا غير اللقائات كل يوم والثاني ..
سحر : حره ..!! باسم ما جا يشوفها من يوم ملجتهم غير مرتين او ثلاثه هههههههه
مريم : لا والله فديته .. يجي .. بس بعقل .. ما يمصخها ..
سحر : يعني سامر الحين ممصخها يالماصخا ..
ترانيم : الحين لا تقعدون تتهاوشون والولد مسكين صارله ساعه يدق .. ردي عليه ..
سحر : هههههه اوكي ..
وراحت عنهم وردت عليه ..
سحر : هلا والله ..
سامر : هلا بج يالغلا كله .. شحالج ..
سحر : هههههه ما كني كنت معك قبل ساعه .. شو تبي ..
سامر : الحين في وحده يتصل عليها زوجها تقول له شو تبي ..؟؟
سحر : طيب سوري .. في شي ..
سامر : يعني لازم يكون في شي عشان اتصل فيج ..؟؟
سحر : انزين ليش متصل ..؟؟
سامر عصب عليها : شو ليش متصل ..؟؟
سحر : هههههههه خلص امزح معك عمري .. لا تعصب .. بس على بالي في شي عشان تتصل فيني بعد ساعه من لما كنت معك ..
سامر : مافي شي .. بس اشتقت لج ..
سحر : ههههه ما لحقت ..
سامر : يعني ما اشتقتيلي ..؟؟
سحر : الا اشتقت لك ..


بيــت ابـو عبـدالله ،،،،.....
كان عبدالله قاعد مع ابوه ويتكلمون عن موضوع طلاقه .. عبدالله ما خبر ابوه الحقيقه .. و ابوه ما كان راضي يقتنع بالطلاق ..
ابو عبدالله وهو قاعد قدام ابنه ويكلمه بهدوء : عبدالله اسمعني .. مافي مشكله وما لها حل .. ومافي ازواج ما بينهم مشاكل .. واذا كل واحد هاوش حرمته صار وده يطلقها بتلاقي العالم كلهم مطلقين ..
عبدالله وهو منزل راسه : يبه اللي بيني وبين ندى مو هواش بس .. حنا الآثنين ما عدنا نقدر نعيش مع بعض .. ومافي حل غير الطلا ق ..
ابو عبدالله : انتو لازم تعطو انفسكم فرصه .. خليها الحين مثل ماهي عند اهلها .. و فكرو بموضوع الطلاق بجديه وبعقول اكبر .. صدقني بعد فتره بتشيلون هالفكره من روسكم تماما ..
عبدالله : يبه تكفى .. لا انا ولا هي مترددين عشان نفكر .. وانا مستحيل ارجعها ..
ابو عبدالله : انتو للحين مو فاهمين معنا انكم تتطلقون ..
عبدالله : يبه محنه يهال عشان نكون لهالدرجه اغبياء .. حنا فاهمين الموضوع عدل ..
ابو عبدالله وهو يذكره بأسامه ع اساس يبيه يغير رايه اذا تذكراسامه : و اسامه ..؟؟ ما فكرتو فيه ..؟؟
عبدالله : اسامه بيتم معاي ..
ابو عبدالله : بيتـم معـاك ..؟؟ اذا هو قانونا لازم يتم مع امه .. يتم معاك ليش ..
عبدالله : امه هي اللي بتتركه ..
ابو عبدالله : مافي ام تتخلى عن ابنها ..
عبدالله : بس ندى بتتركه .. بالغصب بالطيب بتتركه ..
ابو عبدالله وهو يتنهد : عبدالله .. خبرني شو المشكله اللي بينكم .. عشان اعرف قرار الطلاق صح ولا غلط .. واكيد بكل الحالات بيكون غلط ..
عبدالله : واذا كانت خـانـت يبه .. غلط اني اطلقها ..؟؟
انصدم ابو عبدالله .. وما قدر يصدق اللي يسمعه ..
ابو عبدالله : مو معقــول ..؟؟!!!
عبدالله : لا .. معقول .. ولا تسألني شلون وشعرفني .. بس ابيك تقنع امي بالطلاق ..
ابو عبدالله وهو مصدوم : لا حول ولا قووة الا بالله ..
عبدالله: .............
ابو عبدالله : والله ما ادري شو اقول لك يا ولدي .. بس مابي حد يعرف عن هالموضوع .. طلق البنت بدون فضايح ..
عبدالله : ادري يبه ..

،،
.
.
،،

،،،،،، بعــد مــرور كــم يــوم .. كـان اول ليله مـن الشهــر الكريــم شهــر رمضـــان ،،،،،،
بيـت ابـو مازن ،،،
كانت ام مازن تحظر السحور بعد ما صحتهم .. وجتها رغد .. وحبت راس امها ..
رغد : كل عام وانتي بخير يمه ..
ام مازن وهي تبتسم : وانتي بألف خير يا عمري ..
رغد : تسلميـن والله يديمج لنا يالغلا ..
وهني جو ترانيم وتركي وهم يتسابقون من يوصل لأمه اول عشان يحب راسهه ..
ووصل تركي .. وهو يحب راس امه : رمضان كريم يالغاليه ..
وجت بعده ترانيم وهي تدفعه وتحب راس امها : كل سنه وانتي سالمه يمه .. ورمضان كريم ..
ام مازن وهي بين اولادها : علي و عليكم ان شاءالله .. وانتو سالمين ومتهنين بحياتكم
رغد : امين يا رب العالمين ويخليج انتي و ابوي على راسنا ويحفضكم النا
تركي وهو يقعد : يلا لازم آكل كثير عشان ما اجوع باجر ..
ترانيم : ههههههه على طول جوعان .. ما ادري شلون تدبر حالك كل رمضان ..
رغد : يمه وين ابوي ..
ام مازن : الحين بيجي .. وين احمد ..
تركي : يمكن للحين نايم ..
ام مازن : قومي رغد ناديه ..
رغد : وليش ما ترانيم تناديه ..ليش انا..؟؟
ترانيم : وليش انا يا عمري .. ليش مو انتي ..؟؟
ام مازن : الحين لا تقعدون تتهاوشون هذا هو جاي ..
احمد وهو جاي صوب امه ويحب راسهه : كل سنه وانتي سالمه .. ومن العايدين ان شاءالله ..
ام مازن : وانت سالم .. ان شاءالله رمضان الجاي حرمتك بيننا ..
احمد : هههههههههه ان شاءالله ..
تركي : وحرمتي بعد ..
ضحكو الكل على تركي وجا ابو مازن ..
و قامو عشان يسلمون على ابوهم ويباركون له الشهر المبارك ..


بيــت ابــو عمــر ،،،
كانت ام عمر وبناتها يجهزون السحور .. وجا ابو عمر ..
عبير : كل سنه وانت سالم يبه ..
وباست يده وراسه .. وجت بعدها ريم وحبت راسه ..
ريم : رمضان كريم يبه ..
اريج وهي جايه وراهم وتحب راس ابوها : كل سنه وانت سالم يبه .. ورمضان كريم ..
ابو عمر كان يبتسم لكل وحده فيهم ..
ابو عمر : وانتو سالمين يبه .. الله يحرسكم ..
عمر وهو جاي ويتثاوب .. ولما شاف ابوه جا صوبه وحب راسه : كل عام وانت بخير يبه .. ورمضان كريم ..
ابو عمر : ع الجميع ان شاءالله .. وانت بخير ..
ام عمر : اريج روحي صحي اشرف .. نسيت اصحيه وهو لزم علي اني اصحيه .. يبي يصوم باجر ..
اريج : ما بيصوم ولا شي .. وهذي السالفه كل رمضان .. اروح اصحيه ويقول مابي بطلت ..
عبير : ههههههه فديته ..
ريم : روحي الحين يمكن يقعد ..
اريج : اروح وامري لألله .. بس لا تتسحرون قبل ما اجي ..
ام عمر : ناطرين جداتج .. ما بناكل قبلكم هههههههه
اريج وهي رايحه شافت جداتها وهم جايين ويتكلمون ..
حبت راس جدتها ام محمد ..
اريج : رمضان كريم جدتي .. وكل سنه وانتي سالمه ..
ام محمد : وانتي سالمه يا بعدهم ..
وحبت راس جدتها ام سالم ..
اريج : كل عام وانتي بألف خير جدتي .. ومن العايدين ان شاءالله ..
ام سالم : وانتي بخير فديتج ..
اريج : انزين بروح انادي اشرف .. بس لاتاكلون قبل ما اجي ههههه
ام محمد : انزين بننطركم ..
اريج : اوكي ..
و راحت تصحي اشرف ..
ابو عمر وهو يحب راس امه : كل سنه وانتي سالمه يا بركة البيت ..
ام محمد : وانت سالم يمه .. الله يحفضك انت وعيالك ..
ابو عمر : ويحفضج لنا .. كل سنه وانتي سالمه يمه ام سالم ..
ام سالم : وانت سالم ياولدي .. والله يعيده عليك بالخير والعافيه ..
ابو عمر : وعليج يالغاليه ..
ام عمر وهي بعد تسلم على خالاتها : كل سنه وانتو سالمين ..
ام محمد + ام سالم : وانتي سالمه ..
وراحت حبت روسهم ..
وجو البنات وعمر يسلمون عليهم ..
وبعدها قعدو ينطرون اريج واشرف .. وشوي وجو ..
اريج : قلت لك لو تنام احسن ..
اشرف وهو ميت نعاس : ما دخلج .. ابي اصوم يعني اصوم ..
اريج : انزين نشوف باجر .. اذا كملت اليوم كله صايم لك مني هديه ..
اشرف : وهديتين بعد لأني بصوم بعد باجر بعد ..
ضحكو الكل على حالت اشرف اللي كان شوي وينام .. بس كان مصر انه يتم قاعد معاهم ..


بيـت ابــو عبـدالله ،،،
الكل قاعدين يتسحرون .. والجو عندهم كثير رمضاني وحلو ..
بعد ما خلصو سحور قامو للصاله ..
تغريد : باسم شغل التلفزيون .. يمكن في برامج حلوه الحين ..
باسم : مالي خلق .. تعبان ..
باسل : اكيد تعبان .. من الاكل اللي اكلته ..
باسم : خمسه بعينك .. يمه شوفيه بيحسدني ..
تغريد وهي تشغل التلفزيون : يعني هو احسن منك .. ماشاءالله عليكم .. ما خليتو شي ع الطاوله ما اكلتوه .. ههههههه
باسم : وهذي بعد بتحسدني ..
تغريد : هههههههه من هالشي صايرين دباديب .. قللو اكلكم ..
باسل : لا يعني لازم مثلج .. ما تتعدين 30 كيلو ..
تغريد : هههههههه فديتني .. اجنن وانا 30 كيلو ..
باسم : فرحانه على بالها انه في فرق كبير بين وزنها وبين ال30 ..
تغريد : اكيد فرق كبير .. وزني 55 كيلو ..
ام عبدالله : الحين انتو كل ما قعدتو تكلمتو عن هالموضوع .. من الدب ومن اللي مو دب ..
عبدالله وهو جاي بعد ما كان رايح يشوف اسامه : هههههههه كلكم دباديب ..
باسم : ما طلعنا عليك .. رشيق خخخخخخ
عبدالله : شكلك تتطنز ..
باسل : لا يتكلم جد خخخخخخ
عبدالله : اها اشوا .. على بالي يتطنز هههههه
تغريد : ههههههههههههه
ام عبدالله : فديته والله رشيق ويجنن ..
باسل : يعني حنا الدباديب ..؟؟
ام عبدالله : يعني لازم اذا واحد فيكم رشيق الباقي يكونون دباديب ههههههههه
ابو عبدالله جا بعد ما لبس : يلا قومو خلونا نروح للمسجد ..
باسم وهو يقوم : ان شاءالله يبه ..
عبدالله وهو بعد يقوم : تغريد خلي بالج على اسامه ..
تغريد : ان شاءالله .. باخذه لغرفتي بينام معي ..
عبدالله : شوفو اختكم الخبله بترجع تنام ..
تغريد : هههههههه والله ما لحقت انام غير ساعتين ..
باسل وهو يجي جنبها ويوطي صوته : من اللي مسهرج ..
ضربته على كتفه وهي معصبه ..
ام عبدالله : باسل بطل سوالفك ..
تغريد استحت .. لا يكون امها سمعت باسل ..
ابو عبدالله : يلا فمان الله ..
الشباب : فمان الله يمه ..
ام عبدالله + تغريد : فمان الله ..

.
.
،،

وصل مسج لأريج الصبح وكان من زياد ومكتوب فيه ،،،، رمضـــان كريـــم ،،،،
فرحت لما قرت المسج .. و انه تذكر يدزه لها .. بس هي للحين ما ترد عليه ..

..

قبل صلاة العصر بشوي ،،،
كان سامر جاي عند بيت ابو مريم وقاعد مع حرمته .. اللي هي سحر ..
سحر : وانت سالم يارب .. الله يسلمك لي ان شاءالله ..
سامر : ويسلمج ان شاءالله ..
سحر : امي تبي تعزمكم ع الفطور .. بس ما ادري متى ..
سامر : صحيح .. نسيت .. خبري اهلج انه فطوركم باجر عندنا ..
سحر : اوكي ان شاءالله ..
سامر : انزين قلبي .. بروح الحين .. عشاني مستعجل ..
سحر : شو عندك ..؟؟
سامر : للحين ما رحت سلمت على جدي وجدتي .. بيزعلون بعدين ..
سحر : ع الفطور و روح ..
سامر : الحين الكل مجتمعين .. لازم اروح الحين ..
سحر : طيب على راحتك ..
سامر وهو يقوم : توصين على شي ..
سحر وهي تبتسم : سلامتك ..
سامر : الله يسلمج .. فمان الله ..
سحر : الله معك ..
وطلع سامر من المجلس .. وراح ..
و نزلت مريم ..
مريم : انتي وسامر ما بتفوتون يوم الا وتشوفون بعض ..
سحر وهي تبي تقهر اختها بمزح : غيرانه لآن باسم ما يجي يزورج ههههههههه وحتى يمكن ما اتصل فيج اليوم ..
مريم : على شو اغار .. وبعدين باسم اتصل الصبح .. لا تقولين ما اتصل ..
وهني جتهم امهم من فوق وهي ماسكه يد محمد..
ام مريم : يلا بنات .. خلصتو ..
مريم : انا جاهزه ..
سحر : انطروني بلبس عبايتي وشيلتي وراجعه ..
ام مريم : بننطرج بالسياره .. لا تتأخرين ..
سحر وهي تطلع فوق : اوكي ..
وراحو عنها للسياره عشان يروحون بيت ابو عمر ..


بيــت ابــو عبـدالله ،،،.....
باسم كان رايح غرفت اخوه باسل .. عشان يصحيه ويروحون يصلون صلاة العصر .. لأنه من اول ما رجع من المسجد بعد صلاة الضهر وهو نايم ..
باسم : حتى لو كنت ميّت كنت صحيت من صراخي ..
باسل وهو يشيل راسه بسرعه : يــومـك قبــل يـومـي ..!!!! قول أأأمين ..
باسم : مالت عليك .. صارلي ساعه اصحيك ..
باسل وهو معصب : شتبي مني .. ليش تصحيني ..؟؟
باسم : قوم خلينا نروح مع ابوك المسجد ..
باسل : روح انت .. انا بصلي هني ..
باسم : ما بروح من دونك خخخخخخ
باسل : شهالحب ..
باسم : والله هو مو حب حب .. بس ابيك تروح معاي عشان ما اتم بروحي مع الشيبان ..
باسل : ما دخلني فيك ..
باسم : يلا عاد .. قوم ..!! شكلي سكتت لك وايد خخخخخ
باسل : انطم يلا .. وروح مع عبدالله .. ابي انام .. اطلع ..
باسم : ماني طالع .. يلا قوم .. روح معاي ..
باسل : والله اذا ما انطميت ورحت الحين ...
باسم وهو يقاطعه : شبتسوي .. لا يكون بتعصب خخخخخخخخ وانت اذا عصبت ما ترحم ..
باسل : هههههه مالت عليك .. يلا روح و بجي وراك ..
باسم : اوكي يلا ناطرك .. لا تنــام ..!!
باسل وهو يرمي المخده اللي كانت تحت راسه على باسم : يلا عاد روح ..
ضحك باسم وطلع عنه .. وهو قام ..

تحت كانو امه وعبدالله وتغريد و اسامه .. قاعدين يشوفون التلفزيون ..
باسم وهو جاي صوبهم : شوفي مسلسلات جديده ..
تغريد : كل الانواع خخخخخ والله كل القنوات تتسابق .. من اللي بتطلع اكثر واحلى مسلسلات ..
عبدالله : اي والله ..
تغريد : لا وما يتخلون عن برامج الطبخ طول اليوم ..
باسم : يبون يعذبون الصايم ههههههههههه
عبدالله : لا ويتعمدون ينزلونها قبل الفطور ههههههه
ام عبدالله : الحين الواحد لازم يتكلم عن العباده بهالشهر الفضيل .. وانتو قاعدين تتكلمون عن التلفزيون ..
عبدالله : اي والله .. مالت عليكم ..
تغريد : ما كنك كنت تتكلم معانه ..
ام عبدالله : مالت على حظي .. كلكم خبلان ..
باسم : هههههههههههه فديتنه ..
ام عبدالله : روح نادي اخوك .. وروحو المسجد ..
باسم : الحين بيجي ..


بيــت ابــو مــازن ،،،،.......
تركي : بمووووت من الجـوع ..
رغد : الله يعينك .. من هني الين الفطور ههههههههههه
تركي وهو يتصرف تصرفات اطفال : اقول رغد .. لو فطرت الحين ما بتخبرين امي ..
ترانيم : هههههههههههههههه
رغد : هههههههههه مالت ..
تركي : عليج ..
رغد : خخخخخخخ .. اقول روح الحين اقعد مع ربعك .. وروح بعدها للمسجد والوقت يخلص بسرعه ..
تركي : شبيخلصه ..؟؟ ما بيخلص .. ما اتصور حالي وانا قاعد اكل ..
رغد : هههههههههههههههه شدعوه ..
تركي : حتى اني نسيت الأكل ..
رغد : حتى صيامك ما بينقبل على هالحاله هههههههههههه
ترانيم وهي تلتفت عليهم من بعد ما كانت تطالع التلفزيون : ممكن تسكتون شوي عشان اقدر اسمع ..
تركي وهو بنادي امه مثل الاطفال .. وهو يمزح : يمــه ..!! يمــه تعــالـي شوفـي رنيـم .. قاعده تشوف تلفزيون .. وحنا بأول يوم رمضان .. مو لازم هي الحين تروح تقرا قرأن وتصلي ..؟؟
ام مازن وهي جايه من المطبخ : مالت عليك من ولد .. خرعتني .. لا وعلى اساس انت الحين اللي قاعد تتعبد .. قوم روح للمسجد يلا ..
تركي : اف .. انا اللي اكلتها ..
ترانيم : تستاهل هههههههههه
رغد : اي جد .. يلا روح المسجد .. اخوانك هناك ..
ام مازن : وبعد ابوك .. يلا روح ..
تركي : بس تبين تفتكين مني ..
ام مازن : تـركـي ..!!
تركي : انا ابـي انـام عشان يخلص الوقت ..
ام عبدالله : ما كنك كنت قبل شوي تتكلم عن العباده ..
رغد : خخخخخخخخخخخ رحت فيها ..
ترانيم : عشان تبطل تتكلم عني ههههههههههه
تركي : انزين انتو متى بتروحون بيت عمي ابو عمر ..
ام مازن : انت شو دخلك ..
تركي : ما يصير اسأل يعني ..؟؟
ام مازن : الحين بنروح ..
تركي : انزين بروح معاكم ..
رغد : وانت شكو ..
ترانيم : كلنا حريم وبنات ..
تركي : اقعد معاكم شنو فيها .. مهي اول مره ..
ام مازن : اراهن انه هالولد مو صاحي .. ( وهي ترفع صوتها ) يلا عـاد قـوم ..!!
تركي : انزين بروح ..
وجوهم مازن و ساره ..
مازن + ساره : السلام عليكم ..
الكل : وعليكم السلام والرحمه ..
تركي : هذا هو مازن .. ليش تقولون بالمسجد ..
مازن : ههههههه هذا انا بروح .. تروح معاي ..
تركي : اوكي يلا ..
وراحو الشباب عنهم وبعد فتره راحو الحريم لبيت ابو عمر ..


بيـت ابـو عمـر ،،،،.......
اريج : خلي هالقناه ..
عبير : لا خليها تغيير .. عشان نشوف شو في بباقي القنوات ..
ريم : شو حيرتوني ..؟؟
ام سالم : الحين اذا بتشوفون كل القنوات ما بتقدرون تتابعون شي .. خلو على وحده ..
عبير : بس انا ما احب المسلسلات المصريه ..
ريم : انزين هذا خليجي ..
عبير : لا هذي الممثله ما احبها .. ما اقدر اشوف المسلسل وهي فيها ..
ام محمد : والحين حنا بنتم على رايج .. شو تحبين وشو ما تحبين ..
وهني جوهم ام مريم وبناتها ..
و الكل صار يسلمون على بعض ويباركون حلول الشهر الكريم ..
و شوي وجو الباقين ..
وتجمعو الكل ..

قبل الفطور بشوي ..
البنات راحو المطبخ والحريم قعدو بالصاله ..
رغد : اريج .. ابي عصير موز ..
اريج : مسكينه خخخخخخ قاعده تتشهى .. تدللي عمري ..
ساره : ههههههه
عبير : يلا تغريد تعالي نسووي سلطه ..
تغريد : اوكي ..
رغد : انزين بالأول خلونا نخلص تجهيز الاكل .. وبعدين السلطه ..
مريم : اي صحيح .. بس وين بنفطر .. بالحديقه ..؟؟
عبير : اي الجو كثير حلو .. اكيد بالحديقه ..
رغد وهي تشوف اريج تسوي العصير : اريج كثري العصير ..
اريج : على بالج بتشربينه كله ههههههههههه
رغد : اي والله .. بموت من العطش ..
ساره : يلا ما باقي ع الفطور غير ربع ساعه ..
رغد : ههههههههه الله يساعد تركي .. الحين اكيد مبتلشين فيه ..
اريج : اكيد كالعاده ميت جوع هههههههه
عبير : ههههههه .. ترانيم وريم وينهم ..؟؟
اريج : راحو يقرون قرأن ..
عبير : كنت ابي ابدا اليوم ختمه جديده .. بس ما لحقت ..
مريم : الحين بعد الفطور روحي اقري ..
عبير : ان شاءالله ..
ساره وهي متضايقه : كل سنه كانت معانه ندى بهالوقت .. الله يهداهم شأللي بينهم هي وعبدالله ..
مريم : صحيح .. كانو مثل السمن ع العسل ..
عبير ما حاولت تتكلم معاهم بهالموضوع لأنها حاسه انه المشكله بسبب طارق .. وتمت ساكته ..
اريج : عبير ما تدرين عن هالموضوع شي .. او شو اللي بينهم ..؟
عبير : لا .. ما ادري عن شي ..
ساره : غريبه .. مع انج قريبه منها ..
عبير : ما قالت لي شي عن اللي بينهم ..
تغريد : الله يهديهم .. وان شاءالله ببركة هالشهر .. وفضله يتذكرون ولدهم ويرجعون لبعض عشانه ..
اريج : ان شاءالله ..
وجتهم ترانيم ..
ترانيم : شو .. خلصتو ..؟؟
اريج : شوي ونخلص ..
رغد : انتي ما سوويتي شي يالدبه .. تعالي ساعدينا ..
ترانيم : ما اعتقد تحتاجون مساعده خخخخخخخخخ
عبير : ههههههههه مو محتاجين منج شي ..
ترانيم : انزين متى الفطور ..
عبير : بعد شوي ..
ام عمر كانت كل شوي تجي تشرف ع البنات وعلى شغلهم ..
ام عمر : يلا بنات ما باقي ع الفطور كثير .. لازم نجهز كل شي بسرعه ..
اريج : ان شاءالله يمه .. لا تحاتين ..
عبير : الحين بنخلص ..
ام عمر : الله يرضا عليكم ..
وخلت لهم كاسيت قرآن .. وكان صوته عالي ومالي البيت .. و وقت الغروب كان كثير حلو .. والبنات يشتغلون على الصوت وما يتكلمون ..
وكل شوي الحريم الكبار يجون يشوفون شغل البنات ويساعدونهم ..
ومريم وتغريد كل شوي رايحين يشوفون اذا باسم وعمر جو ولا للحين ..
وراحو ترانيم واريج يجهزون السفره بالحديقه .. وجو بعدهم باقي البنات وهم يحضرون الأكل .. والسفره كانت مليانه اكل .. انواع الأطباق .. و اكلات من غير بلدان بعد .. ومحاشي على اسماك و كبسه على انواع السلطات والحلويات ..
باقي الحريم راحو يقرون قرأن ..
واشرف كان يلعب مع حمزه .. وقدر يصوم هاليوم .. وجابو معاهم محمد واسامه عشان يلاعبوهم ..
وعبير كانت شوي وتصيح على اسامه .. كان كاسر خاطرها .. وكاسر خاطرهم كلهم .. مع انه كان يلعب وعادي ..
كان جو الغروب كثير حلو .. وصوت القرآن ضايف شي رائع للمكان .. والجمعه كانت كثير حلوه .. والكل مستانس ..
رغد : يلا باقي الحلويات .. جهزتوهم ..
اريج : عمر بيجيب من السوق معاه لما يجي ..
عبير : بس هني بعد سووينا .. روحي جيبيهم من المطبخ ..
رغد : بروح معاج ..
راحو اريج ورغد يجيبون باقي الحلو ..
ساره وهي تشوف تجهيزهم السفره : وااو .. تمام ..
عبير : وايد شي ..
ام محمد : شو بنات .. خلصتو ..
ساره : اي جدتي ..
عبير : خلصنا كل شي ..
ام سالم : يلا تعالو توضّو .. شوي وتصير الصلاة ..
ترانيم : اوكي جايين ..
وبعد شوي اذن المغرب .. وصار وقت الفطور .. البنات راحو للمطبخ و تزاحمو ع التمر .. و بعدها راحو يصلون ..
ولما خلصو جو الشيبان والشباب من المسجد و راحو للسفره عشان ياكلون والبنات نزلو بعد ما صلو ..
وتجمعو كلهم ..
باسم قعد جنب مريم ..
عمر وهو قاعد قدام باسم : انا بعد بقعد جنب حرمتي ..
ضحكو الكل على عمر ..
باسم : هههههههه يا ربي منك .. حتى بهالشي تغار ..
عمر : اغار ..؟؟ هههههههههههه
تغريد استحت من ابوها وعبد الله ..
ابو عمر قعد على راس الطاوله .. وام محمد وام سالم على الجهتين اللي جنبه .. وجنبهم ابو عبدالله وابو مازن .. وابو حمزه و باقي حريمهم .. والشباب كانو قاعدين مع بعض ..
تركي وهو فرحان : ماني مصدق اني اخيـرا باكل ..
ضحكو عليه اللي كان مجننهم على كثر ما كان جوعان ..
ام مازن : قول بأسم الله ..
تركي : بأسم الله ..
ام سالم : عسا ما تعبتي اليوم يا ام محمد ..
ام محمد : الا متت جوع ..
ام سالم : وانا بعد .. بس لأنه اول يوم .. كم يوم ونتعود ..
باسم وهو يكلم مريم بس ما كانو يسمعونه الباقين : عسا ما جعتي اليوم .. اعرفج دبه وما تتحملين الصيام خخخخخ ..
مريم وهي واطي صوتها : الحين انت هذا غزلك .. شوف العالم شلون يتكلمون .. تعلم منهم ..
باسم : هذا احسن كلام اعرفه ههههههههههه
مريم : امري لألله .. اتحملك ههههههههه
باسم : لا والله ..؟؟ تتحمليني .. ؟؟
مريم : ههههههههههه انزين خلص لا تزعل .. ما اتحملك ..
باسم : اي جذي احسن خخخخخخخ
مريم : ههههههههه الله يعينني عليك ..
وقدامهم ..
عمر : صيام مقبول ان شاءالله ..
تغريد : تسلم.. منّا ومنكم ..
عمر : شو اللي سويتيه من الاكل .. للحين ما شفت طباخج ..
تغريد : المحاشي ساعدت فيهم .. والسلطه بعد بس ما سويت شي لحالي ..
عمر : اهم شي انج ساعدتي ههههههه
تغريد : ههههههه لما تجون تفطرون عندنا بتقول رايك بطباخي ..
عمر : اكيد احسن طباخ ..
وتمو يتكلمون .. وبجهه شوي بعيده عنهم ..
اريج : هههههه شو شربتي العصير ..؟؟
رغد : بلا ههههههه واحس انه بطني ما عاد تتحمل اكل اكثر ..
ترانيم : الله يعينج انتي واخوج على الاكل اللي تاكلونه ..
تركي وهو ياكل : من اللي جاب سيرتي ..
ترانيم : هههههههههههه زين والله عرفت حالك ..
اريج : الحين كل الكلام ما سمعته .. بس لما جابو طاريك سمعت ههههههه
رغد : هههههههههه هو لما ياكل ينسى الدنيا ..
عبير : مثل حالت اريج بالظبط .. هههههههههه
اريج : هههههههههههه بل ..؟؟ انا جذي ..؟؟
تركي : مالت عليج .. كنج سابينج لما قالولج مثلي ..
اريج : هههههههههههه سوري مو قصدي ..
عبير : لا قصدها .. ههههههه
باسل وهو بعد ياكل واصلا مو ملتفت عليهم : ابي اعرف .. شلون تقدرون تتكلمون وانتو تاكلون ..
اريج : ههههههههههه وهذا ثالثنا بعد
رغد : ههههههههههههه ماشاء الله العائله كلهم على هالحاله ..
باسل : ما شاءالله علينا .. الدباديب الثلاثه ..
اريج : هههههههههه انا ماني معاكم ..
تركي : يعني نصير الدباديب الاثنين ..
باسل : لا الثلاثه .. واذا مو اريج رغد معانه ..
اريج : اي احسن هههههههههه
رغد : وانا شنو دخلني هههههههههه
باسل : دخلج انج دبدوبه مثلنا ..
رغد : انا دبـدوبـه ..مثلكــم ..؟؟!!
باسل وهو يطالع تركي : بل .. شوف اختك شايفتنا فيله ..
تركي : والله الضاهر جذي .. هههههههههههه
باسل : مالت عليج من بنت عم ..
رغد : ههههههههه شدعوه زعلتو .. يعني شي جديد عليكم انكم دباديب ..
تركي : مو جديد .. بس ليش تذكرينا ..
باسل : مسكين صدق هههههههههه
تركي: على قد ما قالو لي دب هههههههههههه
عبير : الله يعينك يا تركي .. ترا منت دب لا يهمونك هههههههههه
تركي : اي والله الله يعينني عليهم .. بس شكله محد فاهمني غيرج يا عبير .. شرايج تتزوجيني ..
عبير : ههههههههههههههههه مالت على حظي ..
تركي : اي والله مالت عليج وعلى حظج .. شفيج ..؟؟
رغد : ههههههههه شدعوه وصلت للزواج ..
باسل : ما صدق وحده تعطيه وجه هههههههههههههه
عبير : لا ويقول شفيني بعد هههههههههههه
تركي : اي والله شفيج خخخخخخخخ وانت يالدب على قولت اختي .. انا ما انعطه وجه ..؟؟
تمو الشباب والبنات يضحكون ويسولفون ..
بعد ما خلصو فطور قامو الكل .. والبنات يشيلون الصحون ..
الشيبان راحو المجلس .. والحريم بعد راحو داخل والشباب والبنات تمو بالحديقه ..
تركي بعد ما خلص تغسيل وجاهم : شو عبير للحين ما قلتيلي رايج ..
عمر : بشنو ..؟؟
تركي : صحيح نسيت انك اخوها .. يلا هذا انا ارجع واطلب يدها منك ..
عمر : ههههههههههه مواااااااااافق .. بس فكنا منها ..
عبير : تفتك منــي ..؟؟ لــه يا عمر ..
عمر : لا صارت تخوف .. خذها بسرعه هههههههههه
باسل : اي والله هذا الراي الصحيح يا عمر ههههههههه مالك غير تزوجها وتفتك منها ..
ترانيم : ههههههههههههه شدعوه .. شو مسويه لكم ..
اريج : ههههههههههه
رغد : شفيكم عليها ههههههههه
باسل : ما فينا شي انتي لا تتكلمين
رغد : وليش بالله ..؟
باسل وهو يبي يقهرها : جذي انزعج منج..
رغد دارت عنه وجهها و قعدت تكلم البنات ولا عبرته ... باسـل ما كان يدري انها اخذت على خاطرها
و كمل كلامه مع الشباب والبنات ..
باسم : اقوول تركي اليوم صدق ما رحت للجامعه..؟
باسل : اصلا هو من اسبوع مو رايح للجامعه متحضر لرمضان
باسم : ههههههههههههه قول والله
تركي : والله شفيك هههههههه
عمر : ولا ازوجك اختي يالكسلان ..
تركي : ولا يهمك عشان عبورتي بسوي كلشي
عبير : عبورتك بعينك ترا مو تصدق عمرك .. ما باخذك
تركي وهو يمثل عليها : لاااااااااء ... عبير الله يخليج مشاعري لا تجرحينها
باسل : ههههههههههه عبير ترا تركي الزم ما عليه مشاعره
عبير : هههههههههههههه الله يرجكم
ترانيم : تركي ولا يهمك حبيبي انا ادورلك احلا عروس
تركي : انا ما اقدر اتزوج غير عبير .. ما اتخيل قلبي يدخله بنت غيرها
عمر : تركيييييي يلا عاد مصختها
تركي : خلاص مابي اختك مالت عليك و على اختك العانس
عبير : ههههههههههه
ريم : سويتها عانس مسكينه
مريم : يعني يا تركي يا العنوسه
باسم : فديت حرمتي حتى من تتكلم شحلاتها
تركي : اوووووووووووووووووووخ شنوووووو شسالفه ملاك هذي مو حرمه
باسل : اي والله تقول اول مره يتزوجون فشلونه
عمر : ههههههههههه
باسل حس انه رغد كانت تتحاشه انها تطالعه و عرف انها اخذت على خاطرها منه فحب يلطف الجو بينه وبينها
باسل : الا رغد صح انتي بأي صف صرتي
رغد عشان ما تحسس حد انها مزعوجه منه بكل جديه وبدون ابتسامه : سنه ثاني جامعه
باسل : اووه واصله لتركي
رغد : اي
باسل انقهر من تطنيشها له و جمادها فماحب يضايقها اكثر غير الحديث وما تكلم معاها ..
قام عمر و قعد جنب حرمته تغريد و قام بعدها باسم و وقف قدام مريم
باسم : ريم وخري عن حرمتي ابي اقعد جنبها
ريم : ههههههههه
عمر : شنو هالغيره اللي عند اخوج
باسم : كيفي عاد ابي اقعد عند حرمتي انت شكو
وقامت ريم و قعد باسم جنب مريم ..
تركي : ان شاء الله رمضان الجاي حرمت احمد جنبه بدالي

احمد بانت على وجها تعابير الضيقه بس ما حب يحسس احد و جاملهم بأبتسامه ..
وتذكر اخر مره اتصل فيها بندى و سكرت التلفون بوجهه بعد ما صارت شوشره عندها و المسجات والاتصالات اللي ما ترد عليها طول هالفتره ..ولا حتى باركتله بحلول شهر رمضـان..

باسل : ههههههههههههه و بنتم انا و انت جنب بعض طول العمر
كلهم : هههههههههههههههه
تركي : فال الله ولا فاااااااااالك قول غيرها
باسل : اصلا صاححلك انت تتم جنبي

على الطرف الثاني كانو قاعدين مازن و عبدالله
و يسولفون و مازن يحاول يعرف ليش عبدالله متضايق و شو المشكله اللي بينه وبين حرمته ندى ..لان عبدالله يرتاح لمازن اكثر شي ويحسه اكثر من اخو عشان اعمارهم متقاربه و متربين مع بعض من الطفوله و اسرارهم عند بعض ..
وعبدالله كان لازم يقول لحد عن المشكله عشان ما ينفجر من الغيض اللي فيه و كان احين يحن لندى بس كل ما يتذكر اللي سوته و لما تقول لشخص غيره : .. حبيبي .. : كان يتألم كثير ويحس انه النيران تشتعل بقلبه و ما يطفيها غير رب العالميــن... و كل ما يشوف اسامه يحزن اكثر و يقول فخاطره .. ليش اسامه يعيش يتيم الام اوالاب .. ليش ياندى ليــش ..؟
كانو يتكلمون و جا احمد وقعد جنب عبدالله و عبدالله كانت الكئابه و الحزن واضح عليه ..
مازن : عبدالله شو ما بتقول شو السالفه و تفكني ..
عبدالله طالعه بنص عينه وهو منزل راسه و سكت
مازن : عبدالله الله يخليك شوفلك حل غير الطلاق
احمد : طلاق ..؟ يعني المشكله لهالحد واصله بينكم ..؟
عبدالله : الله يخليكم .. شتبون فيني انا خلاص مابيها
مازن + احمد : زين ليش
عبدالله : جذي كيفي
مازن : مافي شي اسمه كيفي
احمد : انتو ليش ما تفكرون بأسامه ..؟
عبدالله وهو يتذكر اللي صار ويعصب : ندى ما تستاهل ان يكون عندها زوج و بيت لانها ... (( و سكت ((
مازن واحمد انصدمو من كلامه و استغربو اكثر
عبدالله وهو يحط راسه بين ايديه : ندى ... ندى خانتنــي ..!!
مازن : شـووووووووو
عبدالله : الله يخليكم ابي اطلع للحديقه ..
وطلع وطلعو مازن واحمد وراه وكان عبدالله يمشي قبلهم و هم يمشون وراه و مو مستوعبين اللي صار
احمد المفاجأه كانت كبيره عليه.. ما يدري ليش تذكر ندى حبيبته واول ما قال عبدالله خاينه
تذكر الصوت اللي سمعه لما كلم ندى اخر مره.. بس كان يحاول يصيطر على افكاره و ما كان يقدر ..
مازن كان يحاول يخفف عن عبدالله بس كان يبي يفهم السالفه ويعرف شو اللي صاير بالضبط ..
راح مازن و وقف جنب عبدالله و احمد تم يمشي وراهم.. الهوا كان حلو و بارد بالحديقه و عبدالله كان يمشي و هو رافع راسه للسما و يطالع القمر و هو سرحــان و عيونه كانت حمــره من الدموع اللي متجمعه فيها و ماكان يبي يطلعها قدام مازن واحمد ولا قدام مخلوق.. وكان متندم لانه بكا قدام ندى لانه عرف الحين انها وحده ما تستاهل الحب اللي كان يحبها اياه ومو بس اللي كان عبدالله للحين يموت في شي اسمه ندى بس ماكان يقدر يقولها او يعترف لنفسه انه يحبها للحين بعد اللي سوته فيه ..

عرفت ان الضنون اكبر خطيه
اذا كان العشم زايد شويه

خلاص ابعد و بتحمل عذابي
ضحيه بك ومن غيرك ضحيه

وفيت و ما توقعت الخيانه
وقلت اللي يكفيني حنانه

وما امداني اببعد عن حضنك
لقيت الكذب متوسط مكانه

انا حبيت لي واحد اناني
اراضي فيه ويتركني اعاني

انا شفيني ما ابعد عن حياته
واعيش بذكرياتي عمر ثــاني..

مازن : عبدالله
عبدالله : مازن ما اقدر اقول اكثر
مازن : براحتـك بس لا تضايق نفسك
عبدالله : انا ما اضايق نفسي عشان وحده مثل هذي انا متضايق على اسامه
مازن تنهد و ما عرف شو يرد عليه
صح اسامه بهالعمر يحتاج لأم تربيه و تحن عليه لآن محد بيقدر يكون حنون عليه مثل امه ومحتاج لأب يعلمه وعبدالله كان هالفتره يشوفه قليل لانه كان على طول قاعد بغرفته و يفكر باللي صارله .. ماكان مستوعب ان ندى تسوي كل هالشي من وراه ..

احمد ما تحمل الافكار اللي صارت تروح و تجي ببلاله عشان سالفت عبدالله و ندى فماحب يطول برا ودخل وتمو عبدالله ومازن برا ..
اول ما دخل كان موبايل عبير على الطاوله واول ما دخل رن الموبايل راح لحتى يعطيه لعبير لأانها كانت قاعده بعيد عنه جنب البنات.. مسك الموبايل و شاف عبير جايه من الطرف الثاني لحتى ترد عليه .. هو شاف الرقم و انصدم تم يطالع الرقم وهو سرحان و متفاجئ ..
عبير : احمد
احمد ولا سمعها ولا كلمها وكان ماسك التلفون ويطالع الشاشه بأستغراب
عبير : احمد شفيك عطني التلفون ارد عليه ..
احمد انتبه عليها و مد يده عشان يعطيها الموبايل بس وقف .. : منـو هذي ..؟؟
عبير اخذت الموبايل منه وشافت الرقم وقالت : هذي نــدى ..



الجــــــــزء الحـــــــادي عشـــــر ،،
وراحت عنه و احمد تم واقف بمكانه و ما سمع شي غير ندى ..
ندى بس هذا رقم حبيبته كيف يكون رقم ندى .. مو معقوله ..
كان يحاول يستوعب الامر بس ما كان قادر يصدق ان البنت اللي كان يكلمها طول هالفتره هي
ندى حرمت عبدالله ......
احمد اسـودت الدنيـا قدامه و ما كان يقدر يفكر .. صورت عبدالله و اسامه ما كانت تروح عن باله
كيف يحطم حيات ابن عمه بهالسهوله و كيف ندى كانت تقدر تحبه وهي متزوجه ..
بس الخلل ماكان فيه كان في ندى اللي قدرت تكلم واحد و تحبه وهي متزوجه ..
احمد راح واخذ السويج طلع قبل لا احد يكلمه او يسأله وين رايح ..
اول ما طلع شافو عبدالله ومازن و استغربو منه وين رايح بس ما لحقو يكلمونه لانه طلع بسرعه بالسياره ..
بعد ما دخل السياره طلع موبايله و كتب مسج لندى اول تردد انه يدزه لها .. بس بعدها دزه و تم يمشي باالسياره ويحوط في الشارع ..

ندى كانت قاعده وهي حزينه وهي على هالقعده من تركها عبدالله في بيت اهلها للحين
ووصلها المسج وانفجعت من المسج ...
المسج كان ..

عرفت ليش ما تردين علي .. و ما اتوقع ان بتجيج الجرئه في يوم من الايام انج تردين ..
مع الاسـف يا نـدى .. ولا ام اســامه...

ندى قرت المسج اكثر من عشر مرات وهي تحاول تستوعب الموضوع ..
احمد حبيبها شو دخله بالموضوع وكيف عرف بالسالفه وكيف عرف بأسامه ..
ما قدرت الا انها تتصل عليه ..مع انها كانت مقرره بعد ما تكلمه بس الموضوع الحين اختلف .. بس هو كان مسكر موبايله ..وتركها بحيرتها .. وهي بتنجن شو اللي صار ..؟؟


بعـــد كــم يــوم ،،،
كـــــانت عبيـر رايحـه لنــدى .. عشان تعرف شو المشكله اللي بينها وبين عبدالله .. ندى ترددت تقول شو السالفه .. بس بعدها قالت كل شي ..
وكانت متأمله انه عبير تساعدها .. وتخلي عبدالله يرجعها .. بس عبير كانت مصدومه من تصرف ندى .. مع انها كانت متأكده انه طارق اللي هو احمد له علاقه بالموضوع .. لاكن ما فكرت انه السالفه وصلت بينهم للأتصالات ..
عبير وهي معصبه : و تبيني اساعدج ..؟؟ بعد ما خنتي ..؟؟ انا كم مره نصحتج يا ندى ..؟؟ كم مره قلت لج لا تخربين بيتج بأيدج ..؟؟
ندى وهي تصيح : ما كنت مفكره انه الامور بتوصل لهالحد ..
عبير : شو اللي ما كنتي عارفته ..؟؟!! شو كنتي مفكره نهايت عملتج ..
ندى : عبير لا تزيدينها علي .. ابيج تساعديني وتقنعين عبدالله برجعني ..
عبير :شلون تتخيلين اني بسووي هالشي بحيات ولد عمي .. انا اللي للحين مو راضيه على نفسي لأني ما خبرته عن تصرفج من اول .. تبيني الحين اقول له يرجعج ..
ندى : والله ما عاد اكلم احمد .. بس لا يبعدني عن ابني و يطلقني .. لا يفضحني ..
عبير : اذا ابي اتدخل بهالموضوع فلازم اشجعه على انه يطلقج .. ومستحيل اني اساعد برجوعج له ..
ندى : عبير انا صديقتج .. لازم تساعديني ..
عبير : انتي اللي ما احترمتي هالصداقه .. ولا احترمتي زوجج ... وخنتيه ..
ندى : يبي يبعدني عن ابني يا عبير .. عشان اسامه لازم تساعديني ..
عبير : احسن لأسامه يعيش بعيد عنج ..عشان ما تربينه هالتربيه ..
ندى : لا تكونين قاسيه لهالدرجه يا عبير ..
عبير طالعتها وهي معصبه وطلعت عنها .. وندى تناديها بس هي ما ردت عليها ..


بعــد مــرور شهـــر .. وبعـــد انتهـــــاء شهــــر رمضـــــان ..

تــم فيهم طلاق نـدى من عبدالله .. بالأول كانت حالة اسـامه سيئه جـدا عشانه ترك امه .. بس بعد فتره تعود على جدته ام عبدالله وعلى عمته تغريد .. لاكن اكيد ما يقدرون يعوضونه عن امه مع انهم عاطينه كل وقتهـم ..
و تم بعد بهالفتره زواج سحر و سامر اللي تم بالعيـد .. وكانو عبير وطلال بعد بيتزوجون بالعيد .. بس اجلو .. بعد شهر او اكثر عشان شغل طلال ..
احمد من بعد ما عرف حقيقة ندى استائت حالته النفسيه كثير .. و يلوم نفسه انه هو اللي خرب بيت ابن عمه .. ما عاد مثل اول .. صار كله يقعد وحده وما يقعد مع الشباب ولا مع اهله كثير .. لاكن مع الايام صار شوي شوي يتحسن ..


الجــــــامعـــــه ،،،،،،
كان تركي رايح الكوفي الي بالجامعه ..
من أخر مره شاف فيها ميساء بالصدفه ما عاد شافها مره ثانيه ..
واللي فاجأه الحين انه شافها مع صديقاتها .. لاكن راحو بس وحده منهم تمت قاعده ..
قام تركي عشان يسألها عن ميساء ..
تركي وهو منحرج ومو عارف كيف يبتدي : العفـو اختي ..
البنت : هلا اخوي .. في شي ..؟؟
تركي : كنت حاب اعرف اذا البنت اللي كانت قاعده معج هي ميساء ولا لا ..؟؟
البنت : اي نعم .. هي .. تعرفها ..؟؟
تركي: لا بس كم مره شفتها هنا ..
البنت : انزين شو تبي منها ..؟؟
تركي : لا بس كنت حاب اسأل لأني ما شفتها من اكثر من شهر بالجامعه ..
البنت : اقول لا يسمعك خطيبها وتخرب عليهم ..
تركي انصدم .. ما كان متوقع انها تكون مخطوبه .. لاكن ما تأثر وايد عشان العلاقه اللي بينهم ما تطورت كثير .. بس كانت مجرد اعجاب .. و ما قال شي للبنت وراح عنها ..
دق عليه باسم وهو طالع ...
تركي : هلاااا والله ..
باسم : هلا بك .. وينك ..؟؟
تركي : بالجامعه ..
بايم : الحين من دون الايام .. رحت الجامعه .. عشاني طالب منك شي يعني ..
تركي : هههههههههه لا سلمك الله .. بس جيت اشوف وحده ..
باسم : يا اخي على وحداتك اللي ما تخلص ..
تركي : لاوالله هالمره كنّا نبيها ختاميه وجديه .. بس طلعت مخطوبه .. مالي بالطيب نصيب ..
باسم : هههههههههههه الله يعينك .. بس ماعليه بتلاقي غيرها ..
تركي : بس انا هذي عجبتني ..
باسم : يعني تركي وما بيلاقي .. اكيد بتلاقي اللي احسن منها ..
تركي : على قولتك .. اكيد بلاقي ههههههههه


كـــــانت اريج طالعه من الجامعه عشان تروح البيت بعد ما خلصت محاظراتها .. وسايره صوب سيارتها .. وشلفت شاب واقف جنب سيارتها .. ما شافت وجهه عشانه كان عاطيها ظهره ومستند على سيارتها .. وهالشي عصب اريج ..
اريج وهي تكلم الشاب عشان يبعد وتحرك سيارتها : عفـواً اخوي ..
زياد وهو يلتفت عليها وهو يبتسـم : هلا اختي ..
اريج فرحت وتفاجأت بجيته بس ما كانت حابه انها تبين له انها فرحانه ..
اريج : زيــاد ..؟؟!!
زياد : هو بعينه ..
اريج : وشو تبي ..
زياد : اهلي بيجونكم باجر .. مناسب هاليوم ولا لا ..؟؟
اريج : مناسب لشو ..؟؟
زياد وهو مبتسم ابتسامه عريضه : مناسب لطلب يدج لي ..
اريج فرحت بس ما عرفت شو تقوله ..
اريج : انا صار لازم اروح الحين ..
زياد : ما قلتي .. شو مناسب ..؟
اريج ابتسمت له ودخلت سيارتها وراحت عنه بعد ما بعد وهو طاير من الفرحه .. واريج بعد مستانسه حدها ..


العصــر كــانو رغد ومريــم عنـد اريـج .. وقاعدين بغرفتها ..
اريج : مـــــاني مصدقـه .. واخيــرا زياد بيخطبني ..
مريم : صدق والله واخيرا .. هههههههههه
رغد : اثاريه جد كان يحبج .. ضلمناه المسكين ههههههه
اريج : فديته اكيد يحبني جد ..
رغد : انزين جهزي حالج عشان باجر .. لحتى تعجبين خالتج ..
اريج : ههههههه اكيد ..
مريم : هي شايفتج قبل صح ..؟
اريج : اي .. بملجتكم .. ويمكن كم مره جتنا .. بس ما كنا نقعد معاهم لأنا نقعد مع فجر ..
مريم : اها يعني شايفتج .. على بالي باجر اول مره تشوفج ..
رغد : فجر قالت شي عن هالموضوع ..
اريج : بلا اتصلت وخبرتني انهم بيجون ..
هني دخلت ريم ع البنات وهي ميته ضحك ..
اريج : دقي الباب قبل ما تدخلين يالخبله ..
رغد : شأللي يضحكج ..
ريم : اشرف هالخبل ..
مريم : شفيه ..
ريم : كان قاعد يحكيلي عن مشاريعه المستقبليه .. ابتدا زين .. قال انه بيفتح محل صياغه وانا بدخل شريكه معاه .. وبيعمل لي جوله على العالم .. و بيبني قصر ويسكني معاه .. بعدين قال شو رايج نجيب ترانيم تسكن معانه بعد ..
رغد : ههههههههههههههههه ما يتخلى عن خطيبته ..
مريم : فديته ههههههههههههههه
ريم : جان زين لو تم الموضوع على هالحاله ..
اريج : خير شو صار ..
ريم : يقول انو انا و ترانيم ما لازم نكلم حرمته عشان ما نتهاوش معاها ..
رغد : بــــــل ههههههههههههههههههههه
مريم : دامه بيتزوج لشو ماخذ ترانيم هههههههههههههههههه
اريج : والله عليه افكااااار هههههههههههههه
ريم : شكله بيخليها خطيبته على طول هههههههههههههههههه
رغد : مسكينه اختي ههههههههههههه


بيـــت مــــــازن ،،،،.....
كانت ساره جايه من بره وهي تصيح .. ومو راضيه تخبر مازن شو السالفه ..
مازن وهو خايف عليها : ساره شفيج ..؟؟؟ تكلمــي ..!!!!
ساره ما ردت عليه وتمت تصيــح ..
مازن : ساره تكلمــي .. حــد صار له شـي ..؟؟؟!!!!



الجــــزء الثــــــــانــــي عشـــــــر ،،
بيـــت ابـو مــــازن ،،،،
كـــانــو مازن وسـاره عندهــم ..
والكــل بيطيــر مـن الفرحـه .. لان مازن وساره آخيرا بيصير عندهـم طفل ..بعد ما فقدو الامل ..
لهالسبب كانت ساره تصيح يوم رجعت من عند الدكتوره ..
مازن ما كان مصدق الخبر .. واول ما قالت له انها حامل اخذها لبيت اهله عشان يبشرهم ..
وفرحــت الكـل كانت كبيره .. والدنيا مو سايعتهم ..
ام مازن كانت دموعها تنزل وهي تحضن ساره ..و ترانيم ورغد ما كانو قادرين يعبرون عن فرحتهم ..
الكل كان مستانــس وفرحــان ..
حمـل سـاره كان مافاجأه للكل .. بـس كــانت احلـى مفاجأه ..


بيـــت ابـو عبد الله ،،
كــان عبدالله قاعد بغرفته .. وهو يتذكر كل شي مر فيه ..
يتذكر حياته مع ندى .. كانـو سعيديــن رغـم خيانة ندى .. ما عمره حس انها مالت لغيره ..
كل تصرفاتها تدل انه هو الوحيد بحياتها .. وهو كل دنياها ..
كان يتوقع كل شي الا انها تخـونه ..
وكل ما تذكرها يوم تتصل بأللي اسمه احمد نزلو دموعه ..وحس انه انخدع وكان غبي ..
مع انه ما كان بيده شي .. واصلا ما كان عارف عن علاقتها .. و على باله انها تحبه .. و هالشي يخليه يقول انه كان غبي ..لانه ما كان قادر يعرف مشاعر زوجته .. ولا عرف انها حبت غيره ..

ذنبـي وعذري فالهــوى طيـب ممشـــاي ،، ضحيـت لأجلــك ليـن صـرت الضحيــه

،؛،
،،
..

بعـد مرور 8 شهـور ..
اهـم ما صار فيها هو ملجـة اريـج وزيــاد ،،واللي صار بس يبي حجه عشان يروح يشوف اريج ..
زياد كان مجنون بأريج .. وللحين مو مصدق انها خلاص صارت حرمته ..

وعبير وطلال تزوجو .. و عمر وتغريـد بعـد .. لاكن زواج عبير كان قبل زواج تغريد بشهرين ..

وسحــر اجلو زواجها .. بسبب ابو سامر .. اللي انتكست حالته الصحيه وهو الحين مسافر للعلاج ..

وفجر ولدت بنت .. و زياد اقترح يسموونها اريج .. بس ابوها كان حاب انه اسمها يكون مي .. وصار اسمها مي ..

امّا ســــاره فبطنها كبرت .. وصارت بنتها تتحـرك .. و ما باقي ع الولاده غير ايام ..
وساره من اول الحمل للحين وهي تجهز غرفة بنتها .. وعلى طول بالمراكز والاسواق .. وما خلت شي من ملابس ولا الاعاب الا وجابته ..

عبدالله جا وسكن عند اهله على طول .. هو وابنه اسامه .. اللي تعود على عمته تغريد بس بعد زواجها متعب جدته ام عبدالله .. على طول يصيح يبي امه او تغريد ..لاكــن هالأيام ابتدى بتعود على جدته ..
حاولت ام عبدالله تقنع ولدها عبدالله بالزواج لكنه ما وافق وكان رافض الفكره تماما ..

والباقين ما تغيير بحالهم كثير ..


بيــت ابــو عمــر ،،،،،
كــانت عبير جابتهــم ..
عبير وهي جايه صوب امها : شحالج يالغاليه ..
ام عمر وهي تسلم على بنتها : بخير الله يسلمج .. انتي شحالج ..
عبير : بخير دامج بخير .. ( وتقعد هي و امها ) شخبارهم البنات ..
ام عمر : كلهم بخير ..
عبير :وينهم الحين ..
ام عمر : ريم وتغريد فوق .. قاعدات يجربون فساتينهم عشان عرس ابن رفيجتي ..
عبير: ههههههه ما يصدقون ع الحفلات .. اريج وينها ..
ام عمر : يعني وين .. اكيد مع عريس الغفله..
عبير : هههههههه الله يسعدهم .. بس اخاف يملوون من بعض حتى قبل الزواج ههههههه
ام عمر : اريج وزياد ما يملوون من بعض لا تخافين هههههههه ..
ونزلو ريم وتغريد ..
ريم وهي نازله : اسمـع صوت عبير .. مشرفتنا اليوم ..
عبير : هههههههه اي اليوم حظيتو بشوفتي ..
ريم وهي تجي تسلم عليها : اي والله صدق .. صرنا بس بالمناسبات نشوفج ..
تغريد : شحالج عبير ..
وجت تسلم عليها ..
عبير : بخير .. انتي شخبارج ..
تغريد وهي تقعد : تمام .. شلونج مع خالتج وطلال ..
عبير : الحمدلله .. بخير .. شحالج ريم ..
ريم : بخير و سهاله ..
عبير وهي تبي تغيض تغريد : يمه عسا تغريد ما متعبتج ..
تغريد وهي تشهق : انا يا عبيرو اتعبهــا ..؟?
ام عمر وهي تضحك : فديتها .. الا مريحتني .. مو مثلج انتي وخواتج ..
تغريد وهي فرحانه : انقلب السحر على الساحر ..
عبير وهي منقهره بمزح : مسرع ما قلبتي علينا يمه .. وليش تخلينها تتشمت فينا ..
ريم : كان سكتتي انتي من البدايه .. فشلتينا ههههههه
عبير : شدراني عن امج .. على بالي بتوقف معانه ..
ام عمر وهي تبتسم : الحين لا تتهاوشون .. كلكم بناتي وما افضل وحده ع الثانيه ..
تغريد : هي الي بدت ( وكملت وهي تطالع عبير ) تستاهليـن ..


نــروح عنهــم لبيــت ابـو مــازن ،،،
كانو باسل و تركي جايين .. وتركي راح غرفته عشان يغير ملابسه .. وباسل تم بالصاله ..
ما كان حد بالبيت غير رغد اللي كان ودها تروح بيت عمها ابو عمر ..
و ما تدري انه الشباب جو .. ومن حسن حظها كانت لابسه شيلتها وعبايتها ..
وراحت صوب الباب وهي مو منتبهه انه باسل قاعد بالصاله ..
باسل : شدعوه ما تسلمين ..
رغد اخترعت لانها عارفه انها وحدها بالبيت ..
رغد وهي معصبه وتلتفت عليه : كـح ..!! تنحنــح ..!! خرعتنـي ..
باسل : مالت عليج .. الشرهه على اللي يبي يعلمج الاصول .. وبعدين انتي اللي تخرعين يالدبه ..
رغد : دبه بعينك ..وانا عارفه الاصول .. بس انت الي ما تعرفها .. وانت الي تخرع ..
باسل : اذا هالقمر يخرع منو اللي ما يخرع ..
رغد : اذا انت قمر .. من اللي مو قمر ..
باسل : انتي واللي على شاكلتج خخخخخخخخ
رغد وهي معصبه وتفتح الباب بقوه تبي تطلع ..
باسل : وين وين ..؟؟
وجا صوبها ..
باسل : لا يكون زعلتي ..
رغد وهي منغثه : لا ..
باسل : حتى لو زعلتي بالطقاق .. ههههههه
رغد عصبت وجات تطلع ..
باسل : وين رايحه ..؟؟
رغد : ما دخلك ..
باسل : شلون ما دخلني .. ماني ولد عمج ..
رغد : ولد عمي .. بس منت وصي علي .. واهلي عارفين وين رايحه .. يعني انت ما دخلك ..
باسل وهو يمثل ع اساس انه حزين : يؤ ..؟؟ تبريتي مني ..؟؟
رغد : اففففففف ..
باسل : مالت لا تتأففين .. يلا روحي مابي اشوفج ..
رغد : يعني انا اللي ميته على شوفتك ..
وطلعت وهي معصبه وباسل يضحك عليها ..


اليــوم اللــي بعـده ..
بيــت ابو عبدالله .. غرفة باسم ،،
كان قاعد يتصل بمريم ..
مريم وهي متضايقه : تدري .. اليوم شفت منام خوفني ..
باسم : عسا ما شر .. شنو فيه ..؟؟
مريم : شفتك بالنمان وكنّا انا وياك بطريقنا لبيتنا اللي بنسكن فيه .. وانت وقفت بنص الطريق ..وابتسمت لي وطلعت .. سألتك شنو فيه بس ما جاوبتني .. و تميت ماشي الين ما عدت شفتك .. ونطرتك بس انت ما رجعت .. وبعدها انا صحيت من النوم ..
باسم : الحين انتي صدقج هههههه على بالي في شي ..
مريم : وشنو الشي اللي خوف اكثر ..
باسم : وشنو اللي يخوف بهالحلم .. حلم عادي ولا صار فيه شي يخوف ..
مريم : لا فيه شي يخوف ..
باسم : طيب شنو هالشي ..؟؟ ماني فاهم ..
مريم : حسب تفسيري والله لا يقولها انك بتتركني .. او راح تاخذك وحده مني ..
باسم : ههههههههههه الحين عشاني مشيت عنج بالحلم تقولين بتركج .. لا و صايره تفسرين احلام بعد ههههه
مريم وهي معصبه : باسم لا تتطنز .. قاعده اكلمك جد ..
باسم : خلص لا تزعلين .. ههههههههه بس انتي شايفتها معقوله انج تضايقين حالج عشان حلم ..؟؟
مريم : اي بس هذا مو اي حلم ..
باسم : انتي تعرفين اني مستحيل اتركج وانه هذا مجرد حلم ..
مريم : اكيد ما بتتركني لو شو ما صار ..؟
باسم : عندج شك ..؟؟
مريم : يمكن تحب لك وحده غيري وتاخذك مني ..
باسم : مريم شهالافكار ..؟ وبعدين حنا للحين ما تزوجنا ..
مريم : طيب بشنو تفسر منامي ..؟؟
باسم : ما افسره بشي .. وبعدين مو كل منام له معنى ..وانتي كل حياتي وروحي .. حد يتخلى عن روحـــه ..؟؟!!
مريم تطمنت من كلامه مع انها كانت متضايقه حيل من المنام ..
بس باسم وعدها يجيها بعد ما يخلص شغله .. وهي تمت تنطره ..
بعد ما هو سكر عنها راح تحت .. وكانت تغريد عندهم .. وقاعده مع امه بالصاله ..
باسم وهو جاي صوبهم : هلاااااا بالقاطعه ..شدعوه ما لحقتي تزوجتي ونسيتينا ..
تغريد وهي تقوم تسلم عليه : ههههههه لا عاد مو لدرجة اني انساكم .. بس انتو اللي ما تسألون ..
باسم : احنا مشغولين .. قدري هالشي وسألي هههههه
تغريد : اسأل بس ما تبينون ..
باسم : مالت على كل شي عندج رد هههههههه
تغريد : ههههههههه
باسم : طيب انا لازم اروح بيت عمي ابو عمر .. عندنا شغل .. خليج لا تروحون .. ابي اقعد معاج يالدبه مشتاقلج ..
تغريد وهي تبتسم : اكيد ناطرتك انت وعبدالله .. بس لا تطول ..
باسم : لا بطول .. بروح لحرمتي وبعدين اجي هههههه
تغريد : يلا ما عليه ههههههههه
باسم : يلا فمان الله ..
ام عبد الله + تغريد : الله معاك ..
وراح عنهم وصادف باسل وهو راجع .. قدام الباب ..
باسل : شو طالع ..؟؟
باسم : اي ..
باسل : وين ..؟؟
باسم : شو دخلك .. اخرتني يلا باي ..
باسل : تعاااال .. ما بتروح الين تقولي وين رايح ..
باسم : افففف منك ياخي .. بكل شي حاط روحح ..
باسل : ابي اتطمن عليك خخخخخخخ
باسم : تطمن خخخ رايح بيت عمي ابو عمر ..
باسل : شعندك ..؟؟
باسم : وانت شنوو دخلك ..؟؟ خليني اروح ..
باسل : انزين روح .. بس خلينا نروح المقهى بعد ما ترجع ..
باسم : باجر ان شاءالله .. اليوم كله مشغول ..
باسل : اوكي ..
باسم : طيب انتبه لنفسك ..
باسل : اكيد ما عندي غيرها خخخخخخخ بس شهالحنيه ..
باسم : فديتني طول عمري حنون .. سلملي على ابوي .. لآني اليوم ما شفته ..
باسل : لا يكون رايح حرب خخخخ شفيك ..
باسم : ههههههه يمكن خخخخ
باسل وهو يقلب من مزح لجد : باسم .. صدق .. شفيك ..؟؟
باسم : مافيني شي .. انت شفيك شو ..؟؟
باسل : ما ادري ..
باسم : انزين بروح عشاني تأخرت على مازن .. وعمي ابو عمر ..
باسل طالعه وهو يبتسم : بتقولي كل شي لما ترجع ..
باسم : هذا اذا في شي ..
باسل : شكلك ناسي انّا توائم .. يعني احس فيك .. وعارف انك مو على بعضك وفيك شي ..
باسم وهو يبتسم له بحنيّه ونظره ما فهمها باسل : مافيني شي .. لا تخاف ..
باسل : روح الحين .. ناطرك ..
باسم : فمان الرحمن ..
باسل : الله معك ..
راح باسم عنه ودخل سيارته وشغلها و راح .. وباسل تم واقف يطالعه الين مشه .. وكان حاس انه اخوه مو طبيعي اليوم ..


رغــد وهي تكلم اريج بالموبايل : الحين بتجين ولا شلون ..؟؟
اريج : اقولج قاعده مع زياد .. تقولين لي اجي ..؟
رغد : مالت عليج . هذا وانا جايه اشوفج ..
اريج : قاعده مع زوجي .. اتركه عشان شوفتج ..؟؟
رغد : حسافه ع الصداقه والقرابه اللي بيننا يا اريج خخخخخخخخ
اريج وهي تضحك : الحين لا تصيحين .. بجي بعد شوي ..
رغد : لا خلص بروح خخخخخخ
اريج : دبه قلتلج بجي .. ليكون زعلتي ..
رغد : لا على شنو .. الحين من زينج ازعل لآني ما شفتج ..
اريج : مالت عليج روحي ..
رغد : ههههههه باي ..
اريج : باي ..
زياد : الحين كلما طلعنا مع بعض اتصلو فيج كل صديقاتج وقريباتج .. ما الحق اقول كلمه الا وحده فيهم متصله ..
اريج : ههههههههههه محبوبة الشعب شو اسوي ..
زياد : هذي ضريبة اللي يتزوج وحده مشهوره ههههههههه
اريج : تتطنز حضرتك ..؟؟
زياد : لا يا عمري اتكلم جد خخخخخخ
اريج : على بالي هههههههه


كانو ساره ومازن بسيارة باسم بعد ما مرهم عشان يروحون بيت ابو عمر ...
مازن : خلاص انزين .. اذا انرزقنا ولد بتكون زوجته بنتك ...
باسم وهو يضحك : الحمدلله .. ما راح تعنس بنتي ههههههه
ساره : بعدك ما تزوجت و خايف على بنتك لا تعنس هههههههههه
مازن وهو يضحك : ترا يمكن ابنّا ما تعجبه بنتك .. و يبطل .. يعني ما اوعدك بهالشي ..
باسم : وليش ما تعجبه ..؟؟ اكيد بتكون قمر مثل ابوها..
مازن : ما هو لهالسبب راح يبطل عنها هههههههههه
و تمو مازن و باسم يسولفون و ساره تضحك على سوالفهم ..


و بعد ساعه من هالوقت فبيت ابو مازن ،،،،........
ام مازن : ترانيم روحي شوفي اختج وينها ..؟
ترانيم وهي تقلب بالمجله : بغرفتها .. يعني وين بتكون ..
ام مازن : زين ناديها .. ابيها تروح معي عشان نحظر لها فستانها ..
ترانيم : اوكي .. وانا متى بروح ..؟
ام مازن : انتي باجر بتروحين .. الحين بتلتهي الخياطه برغد ..
ترانيم : بس انا العروس .. يعني انا اللي لازم اروح بألاول ..
ام مازن : استحي يا بنت .. و بعدين قلت لج باجر حتى تفضالج الخياطه ..
ترانيم وهي تنافخ : اوكي ..
صعدت ترانيم غرفة اختها رغد ..
ترانيم : رغد جهزي حالج عشان تروحين مع امي الخياطه ..
رغد و هي قايمه من سريرها : اوكي ..
ترانيم : فستان لازم يكون احلى فستان .. عشان تكونين احلى من فجر ..
رغد وهي تطلع عبايتها من الخزانه : ههههه لا يكون تغارين منها ..؟
ترانيم : مو هذا قصدي .. اقصد خلي الناس يقولون اخت العروس احلى من اخت العريس .. و بعدين فجوره كثير طيبه وانا احبها ..
رغد : الله يديم هالمحبه بينكم ... ولا تخافين علي .. اكيد بيكون فستاني احلى الفساتين .. و بكون احلى الحاظرين ..
و هني سمعو البنات صوت صرخه هزت اركان البيت ..
نزلت ترانيم و رغد وراها و هم يركضون .. يبون يعرفون شو هالصرخه و شو سببها ..
نزلو البنات ولقو امهم قاعده ع الارض و تصارخ ..
ترانيم وهي تمسك يد امها وهي خايفه : يمه شنو صاير ..؟؟ خير ..؟؟!!
رغد : يمه تكلمي .. شاللي صار ..؟؟!!!!!
و تمت امهم تصيح وهي تنادي اسم ابنها مازن ..
ترانيم : يمه شفيه مازن ..؟؟؟!!!
ام مازن وهي بتموت من الصياح : عمل حادث ..... و ترجع ام مازن تصيح ..
رغد وهي تصرخ : حــادث ..!!!
ترانيم حاولت انها تهديهم وهي بعد كانت تصيح : يمه يمكن حادث بصيط ..؟؟
ام مازن : لاااا .. قال الضابط انهم بحاله خطيره ..
ترانيم : طيب يمه خلينا نروح لهم بسرعه ...
رغد وهي خايفه : يمه هم بأي مستشفى ..؟؟
ام مازن : بمستشفى (............)
و راحو البنات وامهم للمستشفى ..
و كانت ترانيم تسوق بسرعه عاليه .. و طول الطريق وامهم تصيح ..
كانت رغد تحاول تهدي امها .. بس ما قدرت لانها هي بعد كانت خايفه على اخوها ..
بعد ما وصلو .. سألو عن مازن ولد (..............) و زوجته ....
بعد ما دلوها راحت ام مازن بسرعه و بناتها معاها لغرفة العمليات ..
كانت ام مازن تحاول تدخل بس الدكاتره منعوها ..
وخبروها ان المريض مازن حالته احسن من الحرمه اللي معه واللي هي ساره و دخلوها غرفة الولاده ..
وبتولد بعمليه قيصريه ..
اتصلت ترانيم بأخوها تركي .. و بعمتها ام ساره ..
بعد فتره قصيره وصل تركي ومعاه عمته ام ساره ..
ام ساره وهي تصيح من خوفها على بنتها : شنو السالفه ..؟؟ شاللي صار لهم ..؟؟!!
تركي : خير يمه .. شنو قالو لكم الدكاتره ..؟؟!!
تمت ام مازن تصيح ..
و جاوبت عنها رغد : ساره بغرفة الولاده ... و بتولد بعمليه .. ومازن للحين بغرفة العمليات وقالو انه حالته زينه .. بس للحين ما فاق ..
تركي والدموع بدت تبين بعينه : الله يقومهم بالسلامـه يارب ..
ام ساره وهي تصيح : فديتج يا بنيتي ..
بعد كم ساعه تجمعو تقريبا كل العايله بالمستشفى ...

،،

الكل كان مجتمع بغرفة مازن ..
تركي : مبروك يالغالي .. جاتك بنت قمر ..
مازن وهو يتكلم بصعوبه بس كانت الفرحه باينه بعيونه : جد ؟؟؟؟ وساره شحالها ..؟؟
ام مازن : هي للحين ما صحت .. بس قال الدكتور انه صحتها زينه ..
مازن وهو يتنهد : الحمدلله والشكر ..... طيب ودي اشوف بنتي ..
تركي : الحين بشوف الدكتور اذا بيخليني اجيبها ..
و يطلع تركي ..
ام مازن و هي طايره من الفرحه بحفيدتها اللي كانت من شوي عندها : الف الحمدلله على سلاامتك ...و الف مبروك عالقمر اللي جاتك .. تتربي بعزك ..
مازن ابتسم و ما قدر يتكلم ...
رغد كانت قاعده بعيد .. كانت فرحانه بسلامة اخوها و فرحانه ببنته .. بس خايفه على ساره .. وكانت واقفه بعيد ..
مازن وهو يتكلم بصعوبه : رغوده .. ما سمعنا كلمة مبروك منج .. ولا لايكون بنتي مو حلوه وما تستاهل تباركين لي عليها ..؟؟
وهني اجت رغد صوب اخوها وهي تركض و رمت حالها على صدره و تمت تصيح ..
مازن بحنيه وهو حاط يده على راس اخته : تصيحين يوم ولادة بنتي يا رغد ..؟؟
رغد وهي تشيل راسهه وتبوس يد اخوها : والله انه احلى يوم بحياتي يوم اشوفك فرحان ببنتك .. و يوم اشوفك صرت اب ..بس كنت خايفه عليك وايد و على ساره ..
وهني نزلو دموعها ..
ابو مازن : المهم الحين انهم بخير .....(ويمسح على راس بنته .(
ويدخل تركي هو وعمته ام ساره اللي كانت حامله بنت بنتها .. واللي كانت طول الوقت جنبها من اول ما انولدت ..
ام ساره وهي جايه صوب مازن و تبتسم بحزن : مبارك ما جاك يا ولدي ..
مازن وهو يحاول انه يحمل ينته والفرحه بعيونه : الله يبارك بعمرج يالغاليه ..
ام مازن : يا ام ساره.. ترا ساره بخير .. وقالو انها بتقوم قريب ..و حالتها مو خطيره .. ليش كل هالحزن ..؟
ام ساره نزلت لها دمعه وهي تقول : تمنيتها تكون اول من يحمل بنتها و يشوفها ..
ام مازن : الحين هذا الي مزعلج ... احمدي ربج بعد كل هالسنين انرزقو ببنت مثل القمر ..
ام ساره وهي ترفع راسها للسما: الف الحمدلله والشكر ..


بعــد شــوي جـــــاهــم الدكتــور ..
الدكتور : الحمدلله على سلامتك ..
مازن وهو يبتسم : الله يسلمك .. ويعطيك العافيه ..
الدكتور وهو باين بعيونه الحزن : الله يعافيك ..( وهني تلبك وما عرف شلون يقول هالكلمه (
مازن : خير دكتور ..
الدكتور : في واحد كان معاكم بالسياره وقت الحادث
وهني قاطعه مازن وهو خايف على باسم : اي .. بـــــاسم ..؟؟



الجـــزء الثـــــــالـث عشــــر ،،
دخلـــت مريم المستشفى مع امهـا بعد ما عرفـت انـه ساره ولدت ..
اول ما راحو القسم اللي موجودين فيه اهلهم شافو الكل يصيح .. وام باسم تصارخ .. وهي تنادي بأسم ولدها باسم ..
ام مريم راحت صوبهم بسرعه تبي تعرف شو السالفه .. بس مريم تمت واقفه مكانها .. كانت حاسه بشي.. كانت خايفه .. ما كانت تفهم شو قاعد يصير قدامها .. كانت بعيده عنهم و كان في شي داخلها مانعها من انها تقرب وتعرف شنو السالفه .. حتى انها شافت امها وهي تصيح بعد ما كانت تتكلم مع تركي اللي اول مره مريم تشوفه وهو يصيح .. وكانت تشوف تغريد اللي كانت تصيح بقووه والبنات كلهم حولها ويهدونها .. وهم بعد كانو يصيحون .. بس ما كانت عارفه شنو السالفه .. من منهم صار له شي .. ما كانت حاسه انه مازن او ساره اللي فيه شي .. كان قلبها يخبرها انه باسم صار له شي ..
اول ما انتبهت عليها اريج جت صوبها بسرعه وهي تصيح ..
وجت بعدها رغد .. اريج حضنت مريم وهي للحين تصيح ومريم مو فاهمه ..
رغد وهي عيونها منتفخه من كثر الصياح : مريم .. فديتج ترا هذا امر الله ..
مريم وهي قريب لا تصيح وخايفــه : شنو ..؟؟ شصاير .. شفيكــم ..؟؟؟؟!!!!
رغد وهي تطالع اريج اللي ما قدرت تشوف مريم وراحت عنهم صوب تغريد و نزلت راسهها وهي تقول : باسم ..
مريم وهي ابتدت عيونها تدمع وطاح قلبها من كثر الخوف وما عادت حاسه بشي : شفيـــــه ..؟؟؟؟!!!!!
رغد وهي تصيح : العمـر لـج ..
مريم ما حست بشي ولا فهمت اللي رغد قالته .. تمت تطالع ام باسم والكل اللي قاعدين يصيحون ..
تمت تطالع رغد بأستغراب وعيونها تدمع .. وتمت تهز راسها بالنفي ..
مريم وهي تكسر الخاطر و كانت تتكلم بصعوبه و تهز راسها بالنفي : لـ .. لا .. لا ..
رغد وهي تحضنها : مريم .. دخيلج لا تقطعين قلبي ..
مريم وهي تبعد عنها : رغد انتي ما تعودتي تجذبين ..
وهني انفجرت رغد تصيح وجو البنات وام مريم جت بسرعه وهي تحضن بنتها ..
مريم ما كانت حاسه فيهم .. بس كانت تسمع صوت باسم ..
كانت حاسه انه موجود معاها .. ما راح ..
حســت انـه الدنيـا تفتـر فيهـا .. وطاحــت ..

..

باسل ما كان عارف شو هالناس قاعدين يقولون ..
شلون باسم مات ..؟؟
يعني ما عـاد معاهـم بهالدنيـا ..؟؟
ما عاد يشوفـه ابــد ..؟؟
كان هو اقــرب انسـان له .. وكـان يحـس فيـه على طـول .. والعلاقـه اللي بينهـم اقوى من اي علاقه بين اخويـن او توأمين ..
كان حاس انه باسم مو طبيعي يوم الحادث .. يمكن باسم نفسه كان حاس انه بيموت .. وانه ما عاد يشوفهم ..
باسل تذكر نظرات اخوه الاخيره له .. كان يطالعه بحنيه .. وكان في حزن بعيونه ..
تذكر كيف قاله يسلمله على ابوه .. وكيف وصاه على حاله ..
تذكر كل لحظه مرت بحياتهم .. من الطفوله الين اخر لحظه ..
ما كان مستوعب رحيل اخوه .. ولا عارف انه هالشي اللي قاعد يصير قدامه صدق ولا حلم ..
كان واقف وهو متجمد وهو يشوف اخوه وهو يندفن ..
ما تحرك .. كانو الكل مستغربين هدوئه .. توقعو انه بينفجر .. بس كان واقف وهو يطالع اخوه وهم ابتدو ينزلونه قبره ..
كان باسل صامت تماما ولا اي تعابير على وجهه .. حتى تعابير الحزن ما كانت واضحه ..
تمو الكل مستغربين .. شفيه .. ليش هالسكوت ..
امّا هو فكان حاس نفسه بعالم ثاني .. ما كان مصدق انه هذي اخر مره يشوف فيها باسم ..
ما كان مصدق انه هذا اللي دخلوه الحفره هو اخوه باسم اللي عاش عمره معاه ..
ما كان يقدر يصدق غياب اخوه .. المزوح الطيب الطيف .. اللي الكل يحبه ..
راح وما عاد يرجع .. كان يقول هالشي باسل فخاطره لاكن مو عارف شنو معنى اللي يقوله .. ولا مستوعبه ..
غيابه راح يتم على طول .. يعني مافي منه رجعه ..
يعد ما رجعو من المقبره راحو البيت عشان العزا ..
باسل طلع غرفته .. واللي خلاهم يتفاجأون .. كيف يترك العزا ويروح ..
عمر وهو موطي صوته : وين راح ..؟؟
احمد : طلع لغرفته ..
عمر : تعال نروح له ..
و راحو الشباب له .. ودخلو الغرفه .. لاقوه قاعد على سريره ومعطيهم ضهره ..
تقربو اكثر .. شافو انه حاط كل صور باسم قدامه .. صور قديمه من الطفوله وصور وهو شاب .. وصور وهم مع بعض ..
وكان ماسك بيده صوره لهم وهم لابسين لبس التخرج وكانو مبتسمين ابتسامات عريضه وباين عليهم الفرح ..
عمر : انزل معانه يا باسل ..
باسل: ......
احمد : لازم تنزل ..
تم باسل مو راضي يتكلم ولا كنه سامعهم ..
عمر : بــاســـل ..؟؟!!
احمد : باسل نكلمك ..
باسل وهو راسه بين ايدينه : اسكتـــــو ..!! مابي اشوف حــد ..
عمر وهو يده على كتف باسل وهو مو عارف شلون يخفف عنه : يا باسل هذا قضاء الله وقدره ..
احمد : ومافي حد يعارض حكمـت ربـه ..
عمر : كلنا على هالطريق .. و ما بيدنا غير انّا ندعيله بالرحمـه ..
باسل : قـلــت مابي اشـوف حـد .. اطلعـو بــرا ..!!
وهني انفجــر وهو يصيح ..
كسر خاطر عمر وهو يصيح بهالشكل .. واللي كان اول مره يشوفه يصيح .. و نزلت دمعته وطلع عنهم ..
باسل ما كان عارف شلون يعبر عن حزنه .. كان حاس ان اللي قاعد يصير مو حقيقه ..
كان يصيح مثل اللي يبي يرجع الميت للحيا بصياحه ..
احمد تم واقف وبعدها قرب وقعد جنب باسل وحط راسه على صدره .. وما عرف شو يقوله وهو بعد تم يصيح معاه ..

،،

بعـد مـرور كـم يـوم ..
كانت مريم للحين ما فاقت ..
اول ما ابتدت تصحى كانت تنادي بأسم باسم .. وهي مو قادره تفتح عيونها ..
بهاللحظه كانو امها واختها و اريج معاها .. و افرحو انها صحت .. رغم الحزن الكبير اللي فيهم ..
ام مريم وهي تصيح وتمسك يد بنتها وتقرب منها : يمه مريم انا امج .. كلميني ..
سحر وهي تطالع اختها ودموعها بعينها : الله يكون بعونج فديتج ..
اريج : عمتي خلينا ننادي الدكتور ..
وهني دخلت رغد ..
رغد وهي تطالع مريم : شو صحت ..؟؟
اريج : مثل ما تشوفين ..
سحر : قبل شوي فتحت عيونها .. بس الحين قاعده تنادي بأسم باسم ..
رغد وهي تروح صوب مريم : مرايم .. سامعتني ..


بغرفــة تغريــد ،،
كانت قاعده يغرفتها وتصيح .. من يوم الحادث ما هدت ..
دخل عمر ولقاها على هالحاله ..
عمر وهو يتقرب منها : ما يصير اللي تسووينه بنفسج يا تغريد ..
تغريد : هذا اخوي يا عمر .. اخــوي ..
عمر وهو يتكلم بحزن وهو يتذكر ابن عمه : ادري انه اخوج .. وانتي تدرين ان حبي له مو اقل من حبج له.. وتدرين انه كان مو بس ابن عم .. كان الصديق والاخو .. بس هذي امر الله سبحانه وتعالى .. وما اقدر اخالف هالحكمه وهالمشيئه ..
تغريد : ونعم بألله .. بس ما اقدر اتخيل انه باسم راح خلاص .. واني ما عاد اشوفه
ورجعت انفجرت وهي تصيح ..
حضنها عمر وهو متألم ع اللي صاير .. كان لازم يهديها .. لاكن هو نفسه كان يبي حد يخفف عنه ويهديه ..

،،

عنــد بيـــت مـــــازن ،،
مازن : ساره .. للحين ما سمينا بنتنا .. لها تقريبا اسبوع مولوده وما لها اسم ..
ساره وهي تبتسم بحزن وهي تتلمس وجه بنتها : بنسميها نور .. دامني انحرمت نور عيوني .. هي النور الي الحين .. واغلى من النور اللي فقدته ..
مازن حزن كثير وهو يشوفها تتكلم بهالطريقه .. لها سنين وهي تتمنى تشوف اولادها .. ولما ولدت انحرمت نعمة البصر ..
كانو دموع مازن نزلون وهو يطالعها وهي تتلمس بنتها بحنيه وكان باين عليها الفرحه رغم اللي فيها ..
كانت تقوله انها شايفه بنتها بقلبها ..ولو رجع لها نور عيونها راح تشوف نفس البنت اللي تشوفها الحين ..
وانها مو حزينه على اللي راح منها.. دام المقابل كان اغلى .. وكانت حاسه انها اسعد انسانه ..
لاكن كلامها هذا كان يخلي مازن يحزن اكثر واكثر ..


بالمستشفى كانت مريم صحت ..
لاكنها تمت تصيح وتصارخ ..
مريم وهي بحاله هستيريه : خلوني اروح لباسم .. تركونـي ..!!
اريج وهي تصيح وتحاول تهديها : مريم فديتج اهدي ..
ام مريم وهي تحضن بنتها : يمه فديتج لا تسووين بعمرج جذي .. باسم خلص دفنوه ..
مريم وهي تبعد عنها وتحاول تنزل من السرير : لااااااااا .. باسـم مـا دفنــوه .. باسم ما مــــات ..!!!!
رغد وهي تمسكها : مريم اذكري ربج .. وتعوذي من الشيطان ..
وحضنتها ومريم اللي كانت شبه مجنونه .. تمت اريج واقفه بعيد وهي تصيح ..
كانو كلهم قاعدين يصيحون .. على رحيل باسم .. وعلى حالة مريم ..
ام مريم وهي خايفه على بنتها : سحر يمه نادي الدكتور بسرعـه ..
طلعت سحر بسرعه .. رايحه للدكتور .. واللي كانت اول مره تشوف اختها بهالحاله ..

،،

بعد مرور كم يوم ..
كانت مريم طلعت من المستشفى ..
اول راحت البيت ارتاحت .. وفاجأت امها انها كانت نازله وهي لابسه عبايتها ..
ام مريم : خير ميه وين رايحه ..؟؟
مريم : لباسم ..
ام مريم خافت على بنتها : اي باسم .. بسم الله عليج يا بنيتي ..
مريم : بروح بيت عمي ايو عبدالله .. ابي اروح غرفة باسم .. ابي اشوفه ..
ام مريم : تشوفينه ..
مريم طالعت امها وراحت ..

..

وصلت مريم بيت عمها .. وراحت غرفة باسم ..
تمت تتأمل كل شي بالغرفة ..
كل شي كان يحسسها انه ما مات .. انه موجود معاها الحين .. كانت حاسه بأنفاسه موجوده .. حاسه انه روحه معاها ..
فتحت واحد من الادراج ..
لقت فيها مجموعة صور .. وكانو كلهم صورها ..
ما كان مخبرها انه عنده هالكميه من صورها .. لاكن كان ماخذهم من سحر .. و يقولها ما تخبر مريم .. كان يبي يعلقهم بكل غرفه ببيتهم اللي كانو بيسكنون فيه .. وكان عاملها لها مفاجأه .. وسحر أخر مره خبرتها انه باسم اخذ منها صور لآن مريم دورت صورها وما لقتهم .. واضطرت سحر انها تخرب عليه المفاجأه ..
تمت تصيح وهي تشوف صورها اللي كان محتفض فيهم ..
راحت صوب صورته اللي كانت على الحايط .. كانت بيوم ملجته .. كان طالع فيها حلو كثير ..
قربت مريم من الصوره وحبتها .. وتمت تتلمسها و تتأملهـا .. وهي تدمع ..
راحت صوب السرير ببطء .. و قعدت عليه ..
و مسكت بيدها القلاده اللي هداها اياها بملجتهم .. و قال لها ما تنزعها ابد ..
تذكرت هذيك اللحظه .. كانت اسعد لحظات حياتها ..
مريم وهي تدمع وماسكه القلاده الي على صدرها : عمري ما راح انزعها .. ولا عمري بنساك ..
شافت البوم صور على الكرسي.. كان باسل قبلها جاي الغرفه وكان يشوف الصور ..
راحت صوب الالبوم وفتحته ..
كانت اول صوره لباسم وهو صغير ..
قلبت الصفحه وشافت له صوره جديده .. كانت اخر صوره له قبل ما يموت ..
مريم : راح تتم بقلبي طول العمر .. وراح اتم حرمتك اللي توفيلك ..
تذكرت كل لحظه عاشتها معاه ..
تذكرت كل مقالبه .. وكيف كان يفرح لما يضايقها .. وكيف كان يكون شخص ثاني اذا صار جدي ..
كانت تعشقه .. حتى مقالبه كانت تحبهم .. وتحب كل شي منه ..
تذكرت يوم انه غمزلها يوم كانو بالمزرعه واحرجها قدام عمها .. وكيف كلمها اول مره شافها بخطوبتهم ..
وتذكرت اخر مره كلمته .. وعدها انه بيجيها ..
مريم وهي تصيح : لأول مره ما توفي يالغالي .. لأول مره توعدني وتنسا ..
http://songs.tarb.net/5aleeji/aljasm...y..mayeswa.rm0

تمت تتذكر كل شي مر فيها وهي معاه ..
تذكرته يوم سافرو .. ويوم كانو يروحون المزرعه .. يوم يجيهم ..
وكل مره يعمل فيها مقلب ويتفق مع سحر .. وهي الي كانت تعصب جد عليه ..
بس الحين تتمنى لو ترجع هذيك الايام ..
تذكرته يوم اتصل فيها اول مره .. واعتذر منها ..
كانت وقتها فرحانه بأتصاله .. وانه اعتذر منها ..
انتبهـت علـى جـوالهـا وفتحتـه ..
كــانــت مسجلـه اسمـه بالموبايـل .. انت العمـر .. وكـان هـو مسجـل اسمهـا .. اغـلى نـاسـي ..
تمـت تطالـع رقمـه وتتأملـه .. ما عـاد يجي يـوم ويتصل فيهـا هالرقـم .. مـا عاد تشوفـه مكتـوب ع شاشتهـا ..
مـا عـاد يتصـل عليهـا وينطرهـا ترد ..
شـافـت المسجـات واللـي آخــر واحـد كـان من بـاسـم بعد ما اتصلت فيه اخر مره وخبرته عن منامها ..
وكــــان كــاتــب فيـه ..
انـا وانتـة وش اوصفلـكـ ؟ .. عجـز عـن وصفنـا تعبيـر
مثـل مـدري .. مثـل وشـو ؟ ولاكـن صعـب تصويــره ..
انـا وانتـه .. بـلاش انتـه .. انـا لو بفقـدكـ شيصيـر ..؟
مجــــرد طــــاري الفرقــــا عليـا صعــــب تــاثيـــــره
احبـكـ ايـه احبــكــــ .. ذي بعـد يبغــــى لهـا تفكيــر ..؟
يخـلـــف الله علـى عقــل (ن) ملكتــــي كـل تفكيـــره ..

وكـــانت هـي ردت عليـه وكتبـت لـه ..
علمتنــي ان الغـلا انعـم مـن سلـوك الحريـر
وعلمتنـي ان العقـل لا وافـق القلـب انتصـار
وعلتنـي انـي بقربـكــ ادري ان قلبـي بخيـر
و علمتنـي ارسـم علـى بعـدكـ؛ بدايـات الدمار

تمــت تصيـح وهـي تتذكـر و تشـوف هالمسجـات ..
..
تمت تشوفه بكل ركن من هالغرفه .. وتذكر كل حركاته ومقالبه .. وضحكـتــه .. وكل شي ..

،،
،؛،
،،

وتمــت على هالحـــــالـــه 5 شهـور ..
وحتــى انهـا صارت ما تروح الجامعـه .. وتغيرت كثير .. ولا عادت تقعد مع حد ..
حتى لما يجون البنات تقعد ساكته وصورت باسم ما تفارقها ابد ..
صارت تقضي ايامها قاعده بغرفتها تطالع صور باسم او تروح لبيت خالها وتقعد بغرفة باسم .. وتسترجع ذكرياتها معاه ..



بيــت ابـو مــــازن ،،،،،
كــان بـاسـل جايهـم يبـي يطلـع مـع تركـي ..
من بعـد وفـاة باسم تغيير كثيــر ..
ما عـادو شافـو ابتسامتــه .. ولا صـار مثل قبل شلـون مزوحـي ..
ولا كـان يزور حـد ولا يطلع كثير ..
بعـد وفاة باسم بشهريـن رجع للشغـل .. بس مو مثل قبل ..
الشركـه كلهـا كانـو ما يوقفـون ضحك على مقالبـه ومزحـه هـو وباسـم ..
كـان مفتقـد اخـوه كثيـر ..
كان حــاس بفراغ فضيــــع .. وكــان يائـس من كل شـي .. وكان عاد حياته بدون معنى من دون اخوه ..
كان الحزن واضح عليه على طول ..

..

دخــل البيـت وكانت رغـد قاعده مع امهـا بالصالـه ..
باسل وهو يحاول يبتسم لهم : السلام عليكم ..
رغد + ام مازن وهم يقومون : وعليكم السلام ..
ام مازن وهي تجي صوبه : هلا وغــلا بولدي .. شحالك يالغالي ..
باسل : بخير و الحمدلله .. انتي شحالج ..
ام مازن : بخير دامك بخير ..
باسل وهو يطالع رغد : شحالج رغد ..
رغد وهي تبتسم : بخير .. وينك ما تنشاف ..
باسل : تعرفين الشغل ماخذ كل وقتي ..
ام مازن : ربي يوفقك .. بس شطرالك اليوم وزرتنا ..
باسل : له يخالتي .. يعني انا ما ازوركم .. كنت ساكن هنا اكثر من بيتنا ..
ام مازن : هههههه كنت مثل ما قلت .. بس ما عدت مثل قبل .. ما عدنا نشوفك كثير ..
باسل : ان شاءالله من هني وطالع بتشوفوني ..
رغد : اناديلك تركي ..
ابتسم لها باسل وهو يقول : شو مليتو مني تبون تركي يتورط بالقعده معاي ..
رغد : هههههه مو هذا القصد ..
وجاهم تركي من فوق ..
تركي : هلااااا .. وانا اقول البيت منورليش ..
باسل وهو يبتسم : هلا بـك .. يـلا خلينـا نمشي ..
ام مازن : وين تمشون ..؟ ما صدقنا نشوفك ..
باسل : غير مره خالتي .. الحين نبي نروح عند الربع انا وتركي ..
ام مازن : انزين براحتكم .. بس خلينا نشوفك ..
باسل : ان شاءالله .. يلا فمان الله ..
رغد + ام مازن : الله يحفظكم ..
راحو باسل وتركي .. وكان طول الطريق باسل يفكر برغد .. وتذكر باسم ..
اللي وعده انه يكلم ابوه بموضوعهم .. لآن باسل خبره انه يبي رغد .. وباسم كان وده يفاتح ابوه بالموضوع ..
بس العمر ما امهله .. بعد حديثهم هذا بيومين كانت وفاة باسم ..
طول هالفتره كان باسل ناسي هالسالفه .. واليوم لما شافها تذكر .. وتذكر باسم وحزن ..
تركي : باسل شفيك ..؟
باسل وهو ينتبه عليه : ما فيني ..
تركي : انزين ليش ساكت ..
باسل : لا مافي شي .. بس ما عندي شي اقوله ..
تركي : باين عليك انك متضايق .. اذا ما تبي نروح عند الربع عادي اعتذر منهم ..
باسل : لا لا .. ابي اشوفهم .. من زمان عنهم ..
تركي طالعه وتم يطالع طريقه وكان يفكر شلون يقدر يساعد باسل بس ما كان عارف شلون ..


بيـت ابـو سعــود ،،،،
قررو انهم يتمون زواج سعود وترانيم .. وبعدهم بيكون زواج اريج وزياد ..
بالأول فكرو يكون العرس بيوم واحد ..بس عشان امهم والشغل ما يقدرون يتركونهم ..
لازم واحد يتم منهم هنا بغياب الثاني بشهر العسل ..
اريج كان صعب عليها انها تتزوج وابن عمها ما مر سنه على زواجها منه ..بس اهل زياد احرجو اهلها .. واهلها كان لازم يوافقون لآنهم من زمان مخطوبين والناس انتضروهم كثير ..
حتى ترانيم نفس الشي .. لاكن الكل اقنعوهم ..

اتصلو بزياد من المصنع وخبروه انه في حريق بالمصنع ..
وراح لهم بسرعه ..
و سعود كان طالع مع ربعه ..
كان زياد يسوق بسرعه عاليــه .. كان خبر حريق مصنعهم مفاجأ له ..

،،

بعد مرور سـاعــه ..
اتصلو الشرطه على سعود وخبروه عن الحريق ..
وان كل اللي كانو داخل المصنع ماتـو ..
سعود ما كان يدري انه زياد معاهم .. وكان مصدوم .. ومو مستوعب عدل .. ولا عارف كم واحد مات .. وراح لهم بسرعه ..


الجــــــزء الرابــــــــع عشـــــــر و،؛، الاخيــــــر ،؛،
بيــت ابـو مـــازن ،،
رغد وهي قريب لا تصيح : مسكينه يا اريج ..
ترانيم : اي والله .. وكان زواجهم بعد شهر ..
رغد : مساكين ..
ترانيم : الله يعينهـم .. والله ما يستاهلـون ..
رغد : صار لهم اكثر من سنتين يحبون بعض .. ويم قرب زواجهم يفترقون ..
ترانيم : بس عاد هو يقدر يسووي عمليات تجميل ..
رغد : يقولون ما تنفع .. كله متشووه ..
ترانيم : الله يعينه ويعينها .. لا وسعود بعد .. مسكين مو مصدق اللي صار لأخوه ..


بيـــت ابـو عمــر ،،،،
كانت مريم لآول مره تزورهم من بعد وفاة باسم ..
وما كانت حالتها متغيره .. اللي يشوفها يقول انه باسم ما صار له 5 شهور ميت ..
كانت حاسه انه اريج محتاجه لها اليوم اكثر من اي وقت فات ..
كانت اريج تصيح بحرقه .. ومريم حاضنتها ودموعها تنزل ..
تذكرت حالها اول ما فقدت باسم ..
نفس الشي قاعد يصير مع اريج ..
اريج وهي تصيح : ليش يا مريم .. ليش يصير معي هالشــي ..
مريم وهي تحاول تهدى : اريج انا حاسه فيج .. وعارفه شو معنى انج تفقدين حبيب .. لاكن احمدي ربج انه تم حي ..تقدرين تسمعين صوته ع الاقل.. تحسين انه معج بهالدنيا ..حتى لو كنتو بعاد عن بعض .. هالشي وحده يكفي ..
وتمت تصيح بعد ما تذكرت باسم .. وفقدانها له للأبد ..
اريج : شنو فايدة وجوده وهو ما يبيني اكون معاه ..وهو ما يعرف اني احبه وابيه حتى لو كان مشووه ..شو الفايده اذا كان مو حاس بحبي له .. ويضن اني بتركه عشان شكله تغيير .. شو الفايده واحنا بعاد عن بعض ..
وانفجرت تصيح ..
مريم كانت تطالعاها وهي تدمع ومو عارفه شو ترد عليها ..
وفجأه فزت اريج من مكانها ومريم مستغربه منها ..
اريج وهي تمسك موبايلها وتمسح دموعها : بتصل فيه ..
مريم : شــو ..؟؟!
اريج : بتصل بزياد ..
مريم : اريج شفيج ..
اريج وهي تصيح وتتكلم بقهر : ابي ارتاح .. ابيه يفهم اني ما اتخلا عنه ابد ..
مريم تمت ساكته وما عرفت شو ترد عليها .. وكانت حزينه وهي تشوف اريج تتكلم بهالطريقه و بهالحزن ..
اريج : آلـو ..
الجهـه الثانيـــه ..
كان متردد يرد ولا لا .. لاكنه اشتاق لصوتها
بعد ما رفع السماعه تم يسمعها وهي تناديه .. ونزلو دموعه .. وخنقته العبره وهو يسمع صوت حبيبته .. وكان حاس انها اخر مره يسمع فيها صوت اريج ..
كان الحزن مخييم على غرفته .. اللي كان فيها ضوء خافت .. وكان زياد قاعد على كرسي قدام الشباك اللي عليه ستاير تبيين الشارع برا ..
اريج وهي تصيح : زيــاد .. كلمنـي ..
زياد: .....
اريج : زياد ليش ما ترد علي ..
زياد وهو صوته مبحوح : شو ارد عليج ..؟؟ شو اقول .. ما عاد في كلام بيننا ..
اريج حست بشي داخلها وهي تسمع صوته .. كانت مشتاقه لصوته موت ..
اريج : زياد شهالكلام ..؟؟ شو اللي ما عاد بيننا كلام ..
زياد : اريج ! مابي شفقه من حد ..
اريج وهي مستغربه من كلامه معاها : شفقـــه ..؟؟ حبي لك تسميه شفقه ..!!
زياد نزلت دمعه من عينه وهي تكلمه تبي تفهمه انها تحبه وما تبي تخسره ..وان هالشي مو شفقه ..
اريج : زيـاد .. اناوقت حبيتك ما كنت شايفتك .. يعني ما حبيتك لشكلك او وسامتك .. وانت تدري ..
زياد: .....
اريج :انا حبيت زياد من الداخل .. زياد لشخصه .. مو لشكله ..
زياد : وزياد اللي تعرفينه مات .. تشووه مثل ما تشووه وجهه ..
اريج وهي تصيح : زياد لا تبعدني عنك فديتك .. انا من دونك اموت ..
زياد وهو يغمض عيونه : انســي ..
اريج : انســـاك ..؟؟ انت حياتي شلـون انسـاك ..؟؟!!
زياد : اريج .. ما ابيج تتعذبين معاي .. شلون بتعيشين مع واحد مشووه .. شلون بتتحملين هالشي ..
اريج : زياد ..
قاطعها وهو يكمل بحزن : و اذا بتتحملين اليوم .. انا متأكد باجر بتتركيني .. خلينا نفترق واحنا حبايب ..
اريج تمت تصيح وما ردت على كلامه ..
زياد : ما ابي هالحب اللي عشت عمري اتمناه وعشت فيه احلى ايام عمري يخربه شي .. ابيه حتى لو يكون بالذكرى .. احلى وانقى حب ..
كانت العبره خانقته وهو يقول هالكلام ..ويسمع صوت اريج وهي تصيح ..
زياد وهو يجبر نفسه على انه يقول هالكلام : اريج .. شوفي حياتج مع غيري وانسيني ..
كانت اصعب جمله يقولها بحياته .. وما تخيل نفسه يقولها ..
ما كان متخيل انه ممكن بيوم من الايام يقول هالكلام لحبيبته .. يقولها تكون لغيره ..
كمـل زياد وهو يقول : زياد صار ماضي .. وانتي اكيد راح تلاقين اللي يحبج ويسعدج ..بس انا ..؟ ما عاد اكون لج ..
ونزلو دموعه وهو منقهر من اللي صار له ..
نطر منها رد .. بس هي ما ردت وللحين تصيح ..
سكر عنها .. وحط راسه بين ايديه وهو يصيح ..
اريج ارتمت بحضن مريم وهي تصيح ..
ما كانت مصدقه ان اللي كانت قاعده تكلمه هو حبيبها زياد ..
كانت مفكره مهما صار بينهم ما راح يقولها تكون لغيره ..
كانت مصدومه من كل شي قاله .. وكانت حزينه على حالته وحالتها ..
مريم كانت دموعها تنزل وهي تشوف مأساة فقدانها لباسم قاعده تتكرر مع اريج وهي تفقد حبها ..

اريــج ،،
نسيتنـــــي ..؟؟
علمنــي وشلـــون ابنســـــاك ..؟
في هالزمـــن نسيــــان الاحبـــاب عــادي
وشلــون لا مـرت علــى البـــــال ذكـراكـــــ
وطيفــكــ ســرق منـي لذيـــذ الرقــــــادي
وشلــون لا قــالو لـي النـــــــاس وش جـــــاك
مـــن كنـــــت في لــذه منــــــامـك تنـــــــادي ..؟؟

،،

زياد كان يصيح بحراره وحزن كبير ..
ما كان هامه الحال اللي وصل لها ..
لاكن اللي حزّنـه هـو فــراقــه لآريــج .. شلون بيعيش من دونهــا ..
كان حاس انه قسا عليها بكلامه ..
لاكن بعدها فكر انه احسن .. عشان تنساه وتعيش حياتها ..
وتــم هــو بضيقتـــــه ..

..
،،
،؛،
،،
..

بيـــت ابـو عبد الله
باسل وهو ينادي امه بصوت عالي : يمـــه .. يمــــه ..!!!
رغــد : الحين بتخرعهـا .. ما بتبطل سوالفك ..
باسل : لازم تخترع شوفي بطنج .. لازم تكون مجهزه حالهـا قبل ما تولدين ..
ام عبدالله وهي تجي من تحت وتعبانه لآنها جت بسرعه تبي تشوف شو صار : خيــــر ..؟؟!! شفيك .. فيج شي رغد ..
باسل : شوفــي رغـد بتولد اليوم ..
ام عبدالله : خير يمــه ..!!! عندج الام ..؟؟!!
رغد وهي تضحك : لا يخالتـي مافيني شي .. يعنـي ما تعرفيـن باسل وسوالفـه ..
ام عبدالله : متأكده ما فيج شي ..؟؟
رغد : لا يخالتي .. هو انتي صدقتيه .. تدرين ان باقي ع الولاده شهر ..
ام عبدالله وهي تعصب على باسل : الله يقطع سواالفك .. قلنا نزوجه و يكبر ويصير رجال .. اثرك صرت تصغر وسوالف اليهال ما بتبطلها ابد ..
باسل : الحين هذا جزاتي اني داير بالي عليها .. وشاغل حالي فيها .. خلاص خليكم .. بس صدقوني بتولد اليوم
ام عبدالله : طيحت قلبي وتقول داير بالك عليها .. وشهو اللي داير بالك عليها اذا هي للحين ما صار وقت ولادتها ..
باسل : الحين شوفي بطنها وخلي الوقت اللي تتكلمين عنه .. بطنها كبيره اخاف بعد شهر تنفجر ..
رغد : هههههههه بسم الله علي .. شهالفال
ام عبدالله : الله يقطع سوالفـك ..!! شهالكلام .. شفيك انت ..
باسل : شفيكم .. والله اتكلم جد .. شوفي بطنها بنفسج ..
ام عبدالله : هي حامل بتوم .. طبيعي تكون بطنها هالكبر ..
باسل : لا اعتقد انها بتولد لآنه بطنها مو طبيعي ..
رغد : حسبي الله عليك يا باسل .. بولد قبل وقتي والسبه انت هههههههه
ام عبدالله : بسم الله عليها .. الله يقومج بالسلامه يمه وما عليج من كلامه ..
رغد : هههههههههه
باسل : انزين من الحين انتو طلعتوني مو تولد وتقولون باسل ساعد حرمتك ..
ام عبدالله : محد طلب مساعدتك .. انت بس اسكت
باسل : انزين جي احسن ههههههه
رغد : هههههههه صحيح احسن ..
ام عبدالله : يلا جهز حالك نبيك تاخذنا بيت عمك ابو مازن .. اليوم احمد بيرجع من السفر ..
باسل : اي والله له وحشه الدب ..
رغد : فديته بينور الديره ..
ام عبدالله : اي والله له وحشه ..

كان احمد سافر بعد اللي صارله مع ندى عشان ينسى .. مع انه بعد اللي صار بفتره طويله لحتى سافر ..
لكنه كان كل ما شاف اسامه يحس انه هو السبب اللي خلاه يكون يتيم .. وكل ما شاف عبدالله حس بالذنب ..
بعد وفاة باسم كل شي صار كئيب وخاصه انه باسم كان غالي ع الكل وقريب منهم كلهم واخ وصديق للكل .. ورحيله كان صعب عليهم
وزياده على هالشي ندى وسالفتها .. ما تحمل الجو ..و ما كان قادر ينسى اللي صار .. وسافر وله اكثر من سنتين مسافر والحين راجع عشان يحظر زفاف اخووه تركي .. وحب وحده وهي بعد تحبه .. وقدرت تنسيه ندى.. والحين راجع وفي عنده نييت زواج .. بعد ما تعبت امه وهي تحاول تقنعه بالزواج وسنه قريب يوصل الـ30 ..


امّـا عبدالله .. فتم على حاله .. وذكرياته .. وعايش مع ابنه .. ويمكن يرجع يسكن مع اهله .. بعد ما يروحون باسل و حرمته بيتهم ..

وعمر وتغريد انرزقو بنت سمووهـا ملاك .. وكانت صدق ملاك .. و تشبه امها ونفس جمالها .. والحين قريب بيصير عمرها سنه ..

و سحر لها شهرين ولدت باسم الصغير واللي مريم متولعه فيه .. وهي اللي سمته ..

وترانيم و سعود تزوجو ..

وريم للحين ما تزوجت قاعده تكمل دراساتها .. و في شاب تقدم لها .. وهي تفكر بالموضوع ..

ومازن وساره ما جاهم طفل بعد نور ..


بيــت ابـو مريم ،،،،
مريم كانت نازله ولابسه عبايتها وشيلتها تبي تطلع .. و شكلها تعبان مثل اول .. ولا تحسن بحالها ولا شوي ..
ام مريم : وين رايحه يمه .. اختج و زوجها هنا ..
مريم : وين اروح يعني .. وبعدين انتي قاعده معاهم ..
ام مريم : فشله يمه .. زوج اختج سأل عنج ..
مريم : يمه انتي تدرين اني متعوده اروح كل يوم بهالوقت لباسم ..
ام مريم حزنت وهي تشوف بنتها وهي تتكلم وكنها رايحه لباسم صدق .. وانها رايحه له وتشوفه ..
ام مريم : طيب يمه .. براحتج .. اتصلت عليج ساره الصبح وكنتي نايمه .. رجعتي اتصلتي فيها ولا لا ؟
مريم : اتصلت ..
ام مريم : خير ..؟ في شي
مريم : لا مافي شي .. بس تقول انها حصلت دكتور يقولون انه زين ويمكن يقدر يعالجها ويرجع لها نضرها .. و هي قالو لها انه في امل ..
ام مريم : الله يعينها ويشفيها .. فديتها قضت عمرها من دكتور لدكتور .. بالأول عشان الخلفه والحين عشان عيونها ..
مريم : الله يعين الجميع .. يلا يمه تووصين شي ..
ام مريم : سلامتـج يا قلبي ..
مريم : الله يسلمج يالغاليـه .. يلا فمان الله ..
و راحت مريم عن امهـا
ومرت اريج وراحـت وياهـا ..

اريج كانت تحب تروح معاها .. كانت كل ما شافت مريم وذكرى باسم ما تفارقها .. تحس انه مريم مرايتها ..
كانت تشوف كل شي يحصل لها يحصل مع مريم .. كانت تحس انه هالمكان يقدر يرجع لمريم ذكرياتها وحبها ..
هي كانت تروح مع مريم لانها تشوف بمريم نفسها .. و اذا هالشي يريح مريم يريحهـا ..

..

قعدت مريم على سرير باسم .. واريج كانت واقفه قدامها ..
مريم وهي ترجع تصيح بنفس الطريقه يوم قالو لها عن وفاته ..
وكان الحزن مخيم عليها .. وكانت تطالع حولها وهي تشوف بكل ركن من هالغرفه صورت باسم ..


تمـو مريم واريـج على حالهــم ..
دايمـا مع بعض .. يستعيدون ذكرياتهم ..
كانت تشوف مريم وهي تحس انها كل يوم قاعده تفقد باسم ..

وكانت اريج على طول بذكرياتها ..
كانت تتذكر اول مره شافت فيها زياد .. يوم دعمت اخوه ..
وتذكرت اتصالاته .. ويوم شافته ببيت عمهم ابو عبدالله .. ويوم خطوبتهم ..
وتمت على حالها .. قاعده بين صورها القديمه وذكرياتها ..

ومريـم بعد تمت على حالهـا ..
تتذكر وجود باسم ..
وضحكاته ومزحـه وكل شي ..
كانت دايما تحط صوره قدامه وتتذكر كل صوره وكل مناسبه .. وكل وقت كانو يشوفون بعض فيه ..
كان الحزن يغطي هالغرفه بكل وقت ..

وكانت حيات البنات نفس ماهي .. حزينه كئيبه مالها اي معنى من دون الحبيب ..
و كان اكبر فقدان لهم ..
واكبر حزن ..
تمنو لو انهم ما كانو ولا حبو .. ولا شافو اللي حبوهم ..
كانو يتمنون لو ان الصدف الي اجمعتهم فيهم ما كانت ..ولا كان الحب اللي بينهم ..


و بهالشكـل تمــت حيات مريم واريج ..
ما صار لها اي تطور او تغيير ..

الحزن كان بيتهم .. والهم كان اقرب شي لهم ..


تـ ؟ــمــ؟ــت